Update 2
Mere ankho ke aage ab bhi Ridhima ka wo chahra ghum raha tha ,jo chilla kar ro rahi thi uski maa wahi behosh ho chuki thi , tara ke bhai sulabh ka chahra ghum raha tha jo pagalo ki tarah chilla raha tha aur bhagata hua akar tara ke jism se lipat gaya tha , usne tara ki talwar utha kar mere pita par waar kar diya tha lekin tab tak mere dono chacha wanha pahuch chuke the aur bhi kai logo ne aakar bich bachaw kiya tha ..
Tabhi wanha gajraaj aa pahucha , gajraaj ki umra mere pita jitani hi thi aur wo bhi mere pita aur tara sing ka achcha dost tha , gajraaj shikariyo ke ganw ghughar ka mukhiya tha …
“ruk jao Sulabh , ye hamari purvajo ki pratha hai vijay choudhari ne kewal usi ka palan kiya hai jo hamare purvaj na jane kitne salo se karte aaye hai … aur tumhe bhi pata hai ki main vijay aur tara kitane achche dost the lekin in ganwo ki dushamani ki wajah se tara hamare bich nahi raha .. kya tumne dekha nahi ki vijay khud bhi tara ko nahi marna chahta tha “
Gajraaj ki bat sunkar Sulabh thoda shant jarur hua lekin abhi bhi gussa uski ankho se foot raha tha
“main ise aur iske pure khandaan ko mita dunga gajraaj , isne mere bhai ki hatya ki hai “ Sulabh chillaya
“tumhe ager ye haar bardast nahi to 10 sal bad aana isi ran bhumi me main tumhare sath ladunga “
Is bar mere chhote chacha vinay choudhari chilla uthe , Sulabh ne ek bar unhe gusse se dekha aur wanha se chala gaya ………
Jit ke bad bhi mere pita ke chahre me dukh hi tha , ham ab ghar ke liye ja rahe the , raat ho chuki thi aur pura ganw pahle se hi jaa chuka tha , hamare pariwar ko pratha ke anusar shikari baba ke mandir me puja karni thi , puja karke ham sabhi 3 car se wanha se nikal gaye ..
Lekin hame kya pata tha ki Sulabh sing na sirf gusse me itana bada kadam utha lega ..
Jangal ke rashte me hi hamare car par attack kiya gaya, wo koi 50 log the sabhi ke hatho me ya to bandhukhe thi ya chamchamati hui talware ..
Mujhe yaad aaya ki kaise Sulabh ne pahle sabhi ko utaar kar mere pure pariwar ke samne mere pita ko talwaar se kaat diya aur fir mere dono chachao ko maar diya ..
Meri maa , meri bahane, meri chachiya bas ye dekh kar roti rah gayi thi …
“main pure choudhari khandaan ko hi mila dunga, tere ghar ka koi mard jinda nahi rahega “
Sulabh chillate hue meri or badha tha , uske log hatho me masale liye hue mere pariwar ko ghere hue khade the
“nahi nahi ye to abhi bachcha hai ise kuchh mat karo “
Meri maa ne mujhe apni banho me bhar liya , sabhi ki ankho me atank naachne laga tha ..
“samne se hat jao warna mujhe parampra ko todkar ek aourat ko bhi maarana padega “
Sulabh ki bat ka jaise maa par koi asar nahi hua wo mujhse jakdi rahi , mujhe khud par gussa aa raha tha ki mere ankho ke samne mere pariwar ke sabhi mardo ko maar diya gaya aur main abhi bhi bas dekhi hi raha tha , shayd mere ankho ka gussa Sulabh ko bhi samjh aa gaya tha , wo hasane laga
“kyo bachche mujh par gussa aa raha hai , mujhe marne ka man kar raha hai , aisa hi gussa mujhe bhi aaya tha jab maine apne bhai ko apni ankho ke samne marte hue dekha tha , le .. le ye talwar aur aa .. aa lad mujhse “
Usne apni talwar mere samne fek di , mere rago me bhi choudhari ka khoon tha jo apni shan ke liye jaan ki fikar nahi karte the , main maa ke bajuo se aajad hokar us talwar ki or badh gaya ..
“nahi nahi ajay aisa mat karo “maa ne badi muskil se kaha , lekin tab tak maine talwar utha li thi , Sulabh bhi dusari talwar liye mere samne khada tha ..
Uske hotho me ek kamini si muskan thi , wo takat aur hunar dono me hi mujhse bahut jyda tha , main uske samne ek bachcha hi tha lekin mere pas bhi mera hosala tha ..
Maine puri takat se uspar waar kiya , wo badi hi aasani se bach gaya aur mujhpar hasane laga
“bachche tujhe tadfa tadfa kar marne me mujhe bada maja aayega “ sulabh mere uper hansne laga tha,
Main gusse par uspar waar karta aur wo aasani se bach kar mujhpar hansata jisse mera gussa aur bhi badh raha tha , usne apni talwar gumai aur
“nahi .. “ mere maa, bahane aur chachiya chikh padi , talwar sidhe mere gale ke pas lagi thi aur mere kandhe me ek gahra ghaw chhod chuki thi ..
Main ladkhadaya to tha lekin fir se samhalte hue khada hua , sulabh ne fir se ek waar kiya aur talwar mere pet me ghus gayi , khoon ke fuhare foot pade the , mera pariwar meri or doudane ke liye hua lekin Sulabh ke logo ne unhe pakd rakha tha ..
Maine antim koshis ki talwar chalai lekin Sulabh tak nahi pahuch paya tha wo bas joro se hansata raha aur fir usne antim waar kiya fir se mere pet me talwar ghusa diya aur mujhe wahi tadfata hua chhod kar wanha se chala gaya ..
Talwar abhi bhi mere pet me ghusi hui thi , sab kuchh dhundhala sa hua ja raha tha , mujhe mere pariwar ke rone ki awaje aa rahi thi jo mujhe ghere hue the ..
“beta .. koi mere bete ko bacha lo “ meri maa ki wo awaj mere kano me gunj gayi
“shikari baba ?? baba mere bachche ko bacha lo bacha lo “
Ye koun tha mujhe nahi pata lekin meri dhundhali hoti aankhe ke samne ek shakhs ka chahra ubhara , badi badi dadhi aur jatawo wala wo shakhs jiske hamne bas kisse hi sune the ki wo hota bhi hai , aur inhi jangalo me paya jata hai , apni kisi bimari ki wajah se sabhya samaj se dur rahta hai , shikari baba ka mandir uske hi purwajo ka mandir hai, jise 3no ganw ke log pujate hai …
Mujhe dekh kar uske chahre me ek muskan si aa gayi ..
“ise to main bacha lunga lekin iski kimat bahut hi badi chukani padegi ??”
Usne kaha
“jo bhi kimat hogi ham denge , ham apni jaan bhi daw par laga denge lekin ise bacha lo baba , iske alawa hamare pariwar me hai ki koun jo hamare wans ko aage badhahayega “ meri maa rote hue boli
“ise usi bimari se gujarna padega jo bimari mere purwajo ko mili thi , jiske karan hame jangalo me rahna padta hai , asim takat hote hue bhi ham kamjor rah jate hai “
Uski bat sunkar ek bar ke liye sabhi chup ho gaye lekin fir meri maa ne himmat karke kaha
“mere bachche ke liye mujhe ye shart bhi manjoor hai baba , wo shikari ki bimari ke sath hi apna jivan bitayega , ham use samhalenge “
Maa ki bat sunkar wo joro se hansa tha ..
“tum samhalogi .. apne bete ki vasana ko ..?? ager ye bat hai to fir thik hai “
Usne apni jholi se kuchh nikala aur mere muh me daal diya , dheere dheere mere ankho ke samne bas andhera hi andhera chha gaya tha …..
