Update 25
Rakshash
Malhotra ji ne beti ki shaadi ka intjaam sector ke he ek bade community center me kia tha. Ye ek suvidha sampann jagah thi jaha andar 2 bade hall aur
bahar khule me aadhe acre ke lagbhag safaai se kati ghaas ke samtal maidaan par bada sa tent aur pandaal lagaya gaya tha. Andar ki building me kul 10
vatanukulit kamre bhi the jinme se 8 kamro ko khol dia gaya tha Var-Vadhu ke tayaar hone aur jaruri mehmaano ki khatir dari ke liye. Sangeet, halke
khaane peene ke stall, juice-cola ke counter bahar ke pandaal me lagaaye gaye the. Jaha koi 300 kurisya aur pankho ki vyavasth bhi ki gai thi. Andar
ke hall me pritibhoj aur fero ki vyavastha ki hui thi. Khule-aam sharaab ka prachalan kam tha isliye ek haal ke piche ki taraf chota sa counter waha
lagwaya hua tha. Ghar ke kuch purush waha ki vyavasth dekh rahe the. Takriban 8 baje tak unka pariwar bhi waha aa gaya tha kyonki shaadi ke card par
samay yahi tha. Palak didi ke sath ghar ki kuch aurate aur ladkiya unko waha diye kamre me thi. Aur 3 kamro me bhi unke ghar pariwar ke jaruri log aa
gaye the. Unse agle galiyare me Ladko walo ke liye 4 kamre the aur waha bhi Pandal se aane-jaane ka rasta tha.
Rameshwar ji ke pariwar ke log Sanjeev aur Col sahab ke sath 2 car se nikle the. Ladkiya aur Rameshwar ji toh Col sahab ki car me chal diye the aur Sanjeev
bhaiya ke sath unki maa, Daadiji, chachi aur Maadhuri didi the. Col sahab ki Tata Sierra gaadi atchi khasi badi thi lagbhag 9 log usme jarurat ke samay
baith sakte the toh Preeti, Komal, Alka aur Ritu ko koi pareshani nahi hui waha. Idhar Sanjeev bhaiya jo Maruti Esteem chala rahe the wo bhi 5 logo ke
liye araamdayak thi. Bhaiya ne Arjun se sath chalne ko kaha tha lekin usne Akele aane ka keh kar unhe bhej dia tha. Waise bhi Arjun bheed-bhaad se thoda
alag rehta tha aur shaadi me toh jahir si baat thi ki bheed aur halla-gulla hona he tha. Udhar panchon ladkiya aaj sab par bijli girane wali thi. Car se
shaadi ki jagah 10-12 minute ki duri par thi toh woh log araam se pahuch gaye. Dono pariwar ek sath he andar gaye aur Rameshar ji Col sahab ke sath gate
par ruk kar Malhotra ji ke sath logo se milne lage aur Kaushalya devi apni bahu betiyon ko lekar Kaamini ji se milkar pandaal me lagi kursiyo par aa gai.
Jaha unke parichit log the toh wo unke sath halke fulke khaane batiyane lage.
Palak didi toh aaj dulhan ke roop me kaamdevi lag rahi thi. Unki kuch saheliya aur Madhuri didi, Komal didi uske sath baatein -hansi majaak karne lagi.
Alka/Ritu didi Preeti ko apne sath lekar shaadi ki jagah ko dekhte hue yaha vaha ghoomne me lagi thi. Jyadatar ladko ki nigah in haseenao par thi lekin
is daur ki ek aur baat thi ki log jo bhi sochte-karte the sirf mann me ya dosto me. Aisi jagah koi hangama nahi karta tha. Jyada se jyada bheedbhad ke
samay kisi par haath fer dena ya koi tana kass dena, itna he chalta tha.
Ladke wale jab samaroh jagah ke gate par aaye toh ribbon kaatne ki rasam hone lagi. Gate par ladkiyo ka hujum sa jama ho gaya tha. Yaha saaliya apne
hone wale jija se andar aane se pehle paiso ki dimand karti hai aur ladke ki hone wali saas/badi bahu tilak karke aarti utarti hai fir woh baraat ke
sath andar pravesh karte hai.
Bada he shor ho raha tha us jagah . Baahar sadak par dulhe ke dost aatishbaji chuda rahe the, Gaadi-orchestra par uncha sangeet goonj raha tha jispar
var-paksh ke ladke ladkiya thumke laga rahe the. Arjun bahar andhere me scooter par baitha bas ye sab hote dekh raha tha. Ye jagah ek badi parking thi
jaha byaah-shaadi ke samay atrikt gaadiya, vahan khade karne ki suvidha thi. Ribbon katwaane ke samay kuch purush bhi the thoda surksha ki hisaab se.
Komal-Alka bhi ribbon ke saamne khadi thi Malhotra ji ki beti aur sambandhiyo ki 2-4 ladkiyo ke sath.
“Aise toh andar aane se rahe jija ji. Didi se milna hai toh 5100/- se ek rupayaa kam na lagega.” Ritu ne ye baat kahi aur Urmila, Alka aur 2 ladkiyo
ne sur me sur milaya.
“Hum toh 2 baar 5100 dene ke liye tayaar hai bhabhi ke sath tum bhi chalo hamare ghar.” Dulhe ka chota bhai jo Ghodi ke sath khada tha toh usne majak
kia aur uske dosto ne bhi shor machaya. Thodi der aise he masti-majaak chalta raha. Ladkiya paise kam karne ko maan nahi rahi thi Kaamini ji ke aur
ladke ke pita ke kehne par unhone 3100 rupaye thama kar andar pravesh karne ka license lia. Fir aarti aur shgun ke geet gaye jaane lage. Log toh jaise
ek dusre par gir se rahe the. Ye ladki walo ki side par ho raha tha Pehle toh Ritu ko kuch ajeeb na laga lekin jab kisi ne uske ubhar par haath rakha
toh woh thoda bhadak si gai. Piche mudkar dekha toh uske peeche se Rajan andar jata dikha baaki toh sab ladkiya ya aurate he uske peeche thi. Ritu ne
abhi is baat ko najar adnaaj kar diya. Waha se sab log pandaal ki taraf chal diye aur baraati chai-nashta karne lage. Ladko walo ki taraf se ek baat
sabhi me samaan thi, naujawaan beshak joshile the lekin koi bhi abhadra vyavahar nahi karta dikha. Kuch ladke aur aadmi apne matlab ki jagah dhoond
wahi andhere me chal diya. Var paksh ke log bhi apne aap ko thik karne Malhotra ji aur Kapil ke sath unke liye aarakshit kiye kamro me chale gaye the.
Sanjeev bhaiya ne car bhi chalani thi toh aaj woh bas dosto ke sath batein karte halka fulka juice-cola he lete dikhe.
“Bhai aaj tum bhi vrat par ho kya?” Ye Rajan ne Sanjeev bhaiya ko shararat se kaha tha.
“Aisi koi baat nahi hai. Maa aur daadi sath hai unko leke jana hai wapis. Waise bhi kal he to pee thi.”Unhone itna he bola tha ke mercury light me
unko Rajan ke chehre par lage nishan dikhe. “Tere toh shayad chot lagi hai. Kaise lagi ye?” Unhone thodi parwah se poocha tha. Piche se aate hue
Kapil ne kaha, “2 beer peene ke baad seedhiyon se gir jaate hai janaab aur sabko jaam takrane ko bolte hai.” Waha khade sabhi 25-26 logo ne thahaka
laga diya jinme kuch ladko walo ki taraf se the. Rajan bas khoon ka ghoont peekar rah gaya tha. Uska ek dost, jo shayad aaj he shaadi ke liye Delhi
se he aaya tha usne kaan me kuch kaha toh Rajan ne ek saans pe gilas khali kar dia aur usko fir kuch bol kar wo wahi sabhi logo ke sath lage rahe.
“Safed kameej jiske button aasmani the, uspar aasmani rang ka cotton ka patla suit aur ek aasmani rang ki he pant me Arjun kisi hero sa lag raha tha.
Chamde ke bhure chamkdar lambi nok ke joote aur waise he belt kamar par. Uska vyaktitva dekh kar pandaal ki har ladki uski taraf sammohit si dikhi.
Chalta hua woh sabse pehle Col sahab aur Rameshwar ji ke pas pahuncha.
“Aaj toh poora aasman he chalta hua aa raha hai bhai.” Col Puri Arjun ko prashansha bhari nigaho se dekhte bole. “Is aasman ko kaho ki sambhal kar
rahe. Aise ladke naseeb se milte hai.” Malhotra ji bhi idhar aa chuke the 3-4 aur dosto ke sath.
Arjun ne sabko namaskar kia aur Col sahab aur Rameshwar ji ke peecha khada ho gaya.
“Malhotra ji ye mera aasman hai toh ispar toh sitaare marna tay hai. Lekin chaand ek he hoga.” Col Puri majaak bhi karte the aur unhone waise he unko
jawaab dia. Rameshwar ji ne pote ke sar par sneh se haath fera aur bole, “Chal ab khud bhi apne sath walo ke sath meljol badha.” Unki baat sunkar wo
waha se pandaal me wapis aa gaya.
“Yu aasman me bhi sitaare kai honge, dua kisi ek ke tootne se kabul hoti hai.”
Jannat ki hoor si Preeti haatho me kangan-chudiyan-mehandi liye khoobsurat lehnge ki khoobsurati aur badha rahi thi. Arjun ne uski taraf dekha aur
dono ki najre kuch pal ek dusre ko dekhti rahi. Apni maa ke wahi hone ka ehsaas kar usne unki taraf he kadam liye.
“Ye hai mera pota, dekh lo ji.” Kaushalya ji ne apne sath baithi aaurato ki mandli ka ishara pas khade Arjun ki taraf kia. Sabhi ne duaye di aur
uski tareef kari. Kuch der baad he waha Alka didi aur Ritu didi aa gaye aur apne bhai ko mantramugdh se dekhne lagi. “Wo kya hai na bachpan me bhi
shayad iski gopiyan thi.” Preeti ne un dono ko kaha toh dono jhemp si gai. “Ha toh sabkuch waisa he toh hai.” Alka ne itra kar kaha toh Preeti ne
bas unki aankhon me wahi dekha shayad jo wo khud ki aankhon me dekhti thi Arjun ke liye. Lekin dil me koi jalan ya dvesh nahi tha. Khush thi woh ke
kuch badla nahi hai bas thode bade he hue hai. “Tu yaha ladies me kya kar rha hai.” Ritu ne itna kaha toh Arjun bagle jhaankne laga. “Mai toh kisi
aur ko jaanta nahi yaha.” Usne itna he kaha tha ke Sanjeev bhaiya ke sath 2 sabhya se dikhte yuvak aaye aur thodi dur se he bhaiya ne usko apne pas
bulaya. “Ye hai mera chota bhai Arjun aur inse milo ye Dulhe ke bhai Amit aur unke dost Suresh hai.” Dono yuvak bhi najro se he tareef kar rahe the
Arjun ki. “Ye abhi chota hai kya Sanjeev bhai?” Amit ki baat se teeno hansne lage aur Arjun sharma sa gaya. Usko lekar teeno idhar udhar ghoomte hue
khane peene lage. Dulhan Palak didi ko bhi ab waha laya gaya, Maadhuri didi aur Komal didi bhi unke sath thi kuch aur ladkiyo ke sath. Unko stage par
dulhe ke sath bithaya gaya. Fir wahi se dono didi bhi parivar me shamil ho gai. Kaushalya ji ne sabko khaane ke liye kaha toh Alka/Ritu didi aur Preeti
ko chodkar sabhi khana khane lage. Col Sahab bhi Var paksh ke bado ke sath peg le rahe the ek kamre me aur Rameshwar ji sirf baatein sun ya kar rahe
the. Thodi der me dono dosto ke liye wahi khana lagaya gaya toh khana kha kar thodi aur baatein kar Rameshwar ji ne Sanjeev bhaiya ko hidayat di ki
wo aur Col saha ghar ki mahilaon ke sath ja rahe hai wo bhi samay se sabko le aaye.
“Dada ji abhi toh 11 baje hai. Hum 1 ghante baad aa jayenge please. Mere imtihaan ki poori tayaari ho chuki hai.” Ritu ne pyaar se dadaji ko kaha toh
Col sahab ne he keh dia, “Thik hai beta aur Preeti bhi wahi so jayegi aaj. Tum log apna khayal rakhna.”
“Aur hamre barkhurdar kaise aayenge?” Arjun ke liye Rameshwar ji ne poocha toh Sanjeev bhaiya ne he kaha ke wo scooter lekar aaya hai. Santusht ho kar
Col Sahab ke sath Rameshwar ji, Kaushalya ji, Lalita aur Rekha ji nikal liye.
“Ritu tum ya koi ek jan Arjun ke sath chalna. Ek toh car me jagah utni nahi hai upar se wo akela jayega.”
“Thik hai bhaiya.” Itna bolkar wo hirani si machalti pandal ki taraf udd chali.
“Ab karo masti.” Ye baat usne Preeti aur apni teeno behno ko kahi. Pancho ladkiyo ke sath Urmila aur ek ladki bhi thi. Preeti bas Alka aur Ritu ke he
sath ghoom rahi thi. Jab Dulha Dulhan Naachne ke liye aaye toh Malhotra ji ke kehne par ghar ki ladkiya bhi waha nachne lagi. Sab bas maje ke liye he
naach rahe the koi apna hunar nahi dikha raha tha. Bhaari kapde, gehne aur sharir ki garmi se paseena bhi aane laga tha. Arjun kuch der ye aanand leta
raha fir Amit ke bulane par uske sath bahar car ki taraf chala gaya. Waha se unhe kuch samaan lana tha jo shayad fero ke samay kaam aana tha. Pandit
andar hall me tayaari me lage the. Is samay tak jyadatar log ja chuke the sirf ghar ke aur rishtedar he the ab waha.
“Didi aap ek baar mere sath washroom chalogi? Mai akeli kaise jau waha thoda andhera hai” Urmila ne ye baat naachte hue Ritu didi se kahi thi. Preeti
aur Alka didi kuch dur par the kyonki bilkul beech me toh dulha dulhan dhime dhime naach rahe the. Bina kuch soche he Ritu didi ne bhi keh dia, “Ha
chal yaar mujhe bhi fresh hona hai aur mooh bhi saaf kar lungi.” Poora chehra paseene se sana tha. In dono par kisi aur ki bhi nigah thi jo inke waha
se nikalte he hat gya tha.
Mahilao ke liye ek bathroom toh kamro ke aage he bana tha lekin waha bheed ka bahana kar Urmila Ritu didi ko saamne se ghuma kar pichle hisse ki taraf
le gai jo sharab peene waalo ki jagah se bilkul he viprit disha me thi. “Yaha kaha jaa rahe hai yar.Kitna andhera hai?” Ritu didi ne chalte hue he kaha.
“Didi, us taraf toh sharabi he the sab toh atcha nahi lagta na.” Baat ghumati si wo unhe le kar bathroom tak aa gai. Ye galiyara bilkul alag thalag tha
Shyad building ke upar bane kamro ko yahi rasta jata tha. “Pehle main chali jau didi?” Urmila ne kaha toh Ritu ne sar hila dia, “Jaldi aana” aur wo intjaar
karne lagi. Bathroom bhi single he tha. Kuch he der me Urmila bahar aa gai apna mooh rumaal se saaf karti hui. “Mai bhi bas 5 minute tak aati hu. Yahi
rehna.” Aur andar jaa kar Ritu didi ne chitakni laga di. “Chal tu nikal yaha se.” Rajan ne dheeme shabdo me Urmila ko kaha aur baaju se pakad bahar ki aur
dhakel dia. Urmila bhi dari sehmi se nikal gai. Rajan aur uske sath uska wahi dost tha jo pehle sharaab peete samay kaano me baat keh raha tha. Hatta katta
tha ye ladka bhi. Bahar galiyare ki light Rajan ne bujha di aur upar jaane wale seediyon ke ant me bane darwaje ko us ladke ne dhakel kar khol dia. Gana
gungunati Ritu didi bahar aai toh andhera dekh aur Urmila ko waha na paa kar unka mann shanka se bhar gaya aur agle he pal seedhiyo par khade ladke ne piche
se unka mooh daba kar chaati ko dusre haath se jakad lia. Ritu ke kuch sochne se pehle he Rajan ne uske dono pair hawa me utha liye. Dono ladke furti se
upar chadh gaye.
.
.
Urmila bhaari saanso se jaise he andhere se nikal kar building ki saamne ki taraf aai toh Arjun uske saamne khada tha. Urmila ki jaan he nikal gai usko
dekh kar. “Main nahi jaanti Ritu kaha hai?” Arjun ki bina kuch pooche he uske mooh se ye baat nikal gai. Shayad usko bhi pata lag chuka tha ki uska
bhai bahut galat kaam kar raha hai aur yahi usko jyada dara raha tha. “Didi kaha hai?” Agle pal me Arjun ki awaaj sard ho gai thi aur uski hatheli
Urmila ki gardan par kas gai thi… “Wo Rajan bhai ne kaha tha. Wo aur unka dost unhe upar leke gaye hai.”Kaampti awaaj me usne haath ke ishaare se
andhere ki taraf ishara kia toh Arjun bijli ki rafta se udhar daud gaya. Bathroom ki light jal rahi thi lekin galiyare me andhera tha. Upar seedhiyo
ka darwaja khula dekh wo agle he pal chat par ja pahucha. 5-6 kamre jo Pandaal se ulti dish me the unme se aakhiri wale me roshni thi. Agle he pal
uski laath poore jor se darwaje par padi. Ritu didi ko peeche se Rajan ke dost ne pakad rakha tha aur mooh par ek rumaal bandh rakha tha. Uske jor
lagane par bhi peeche wala usko hilne tak nahi de raha tha. Rajan unki salwar khol chuka tha aur Kameej upar uthane laga tha.
“Kamine.” Darwaje kholne ke baad ka drisya dekhte he Arjun ki aankhon me khoon utar aaya tha aur agle he pal uski laat seedha Rajan ke jabdo par lagi
aur uska sar farsh par.. “Dhadaam” Dusre ki taraf dekhe bina he wo Rajan ko kapde ki tarah dhone laga. Apne dost ki cheekhen sunkar us ladke ne Ritu
didi ko saamne bister par fenka jispar wo dhamm se giri aur maatha diwar se laga. “Saale behanchod mere dost pe hath uthata hai.” itna bolkar ek pani
se bhri kaanch ki bottle Arjun ke sar par de maari. Arjun bina kuch he kahe muda aur us ladke ki gardan pakad kar darwaje ke sath wali diwar par uska
sar de mara. Jameen par Rajan kisi kate ped ki tarah pada tadaf raha tha. Mooh aur naak se khoon nikal raha tha uski, jo farsh par bhi gir raha tha.
Dusra ladka jisne bottle fodi thi Arjun ke sar par ab uski bhi aankhen ubal rahi thi baahar ki taraf. “Chodd de inhe Arjun. Ye kya kar raha hai tu?”
Sanjeev bhaiya ke sath Kapil aur Malhotra ji bhi upar aa gaye the. Malhotra ji ne toh bedsheet he Ritu didi ki taango par palat di thi. Wo samajh gaye
the ki yaha kya hone jaa raha tha. “Isne meri behan ke jism par hath daal diya aur aap kehte ho chodd du?” Uski baat sunkar Sanjeev bhaiya peeche hat
gaye. Kapil toh jameen par pade Rajan ko utha uske thappad maarne laga tha. “Saale nikal ja yaha se abhi ki abhi. Maar denge tujhe agar hath bhi lag
gaya toh.” Kapil ne itna bola tha ke Malhotra ji toh joota nikal pill pade uspar, “Haraami saale tujhe toh mai police me deta hu. Kutte.” Idhar Kapil
ne dekha ki dusre ladke ki haalat khade hone layak nahi bachi hai toh unhone Arjun ko piche se pakad lia aur Sanjeev bhaiya ne saamne se apne baahe bhar
li apne bhai ki kamar par. “Tu fir dur chala jayega chote. Ruk ja” Unki is baat ne Arjun ko baraf kar dia. Uske sar se behta khoon uske chehre ko bhigo
chuka tha. Kisi rakshash sa dikh raha tha Arjun. “Sab bahar jao.” Usne sakhti se kaha toh Kapil us ladke ko ghasit kar aur Sanjeev ko lekar bahar aa
gaya. “Didi, ye pehno jara.” Unki salwar bina Ritu didi ki taraf dekhe unki aur kar di. Ritu ke jyada chot nahi lagi thi lekin uski aatma par war hua
tha. Apne bhai ka khoon se sana chehra aur apne liye pyaar dekh chupchap apni salwar pehni aur uthkar bahar aa gai. Jaha Urmila ek taraf ro rahi thi
aur Malhotra ji toh Sanjeev bhiya ke paav me he gire the. “Beta Rameshwar ji ko pata laga toh mera dost toh jayega he mera pariwar bhi ujad jayega.”
“Aapki koi galti nahi hai. Aap nischint rahe uncle lekin un dono me se koi bhi najar aaya yaha toh..” Arjun ne jawaab dia Sanjeev bhaiya ki jagah.
“Uncle aap niche jaiye. Kapil tu bhi ja bhai. Didi ki shaadi hai toh sab honge. Hum aate hai” Sanjeev bhaiya ki baat par Malhotra uncle unse gale lag
bolte gaye, “Beta jo bhi hua usme mera koi dosh nahi tha. Samajhna is baat ko. Mai tumhe bhi Kapil ke barabar he maanta hu lekin aaj meri izzat pe
jo daag laga hai koshish karna woh mere dost tak na jaaye.” ek baar fir haath jodkar unhone Bhaiya, Ritu didi aur Arjun ki taraf dekha. “Uncle aap
bhi mere dadaji ke samaan hai. Lekin kis ghar me Rakshash rehta ho ye koi bata nahi sakta. Aap iske liye khud ko dosh mat dijiye. Mera ghav, ye manjar
sab bhar jayenge. Apne dil se bojh khatam kar aap ye shaadi ki taraf dhyaan dijiye bas.” Fir wo apne bete ko leke niche chal diye, namm aankho se.
“Ritu mujhe maaf kar de. Mujhe dara kar he rajan ne ye kaam karwaya. Usne kal raat bhi mujhe mara tha aur aaj bhi usne bola tha ke agar mai tumhe
bathroom tak nahi laai toh fir wo dono mere sath ye sab karenge. Mere se galti ho gai.” Urmila jo itni der se ro rahi thi fafak kar Ritu didi ke paav
me pad gai. “Tum yaha se jaa sakti hai. Jab tumhara dil tumhe maaf kar de toh samajh lena maine bhi maaf kar dia.” Ritu ne baat bilkul araam se kahi
thi lekin sakht. Sanjeev bhaiya ne dono ke hath pakde aur niche aa gaye. “Chal ye iska coat pakad Ritu.” Bathroom ke bahar unhone Arjun ka coat Ritu
ko thamaya aur Paani ke niche Arjun ka sar kar diya. Ghav kuch jyada gehra nahi tha. Bas kaanch ki wajha se aur sar ki chot thi toh khoon jyada aaya
lekin sar ke beech me sirf ek cm ka cut tha. “Bilkul thi hai tu mere sher. Unhone apne rumaal se uske jakh ko dabaya ek baar aur fir chehra saaf karne
lage. Chalo Ritu tum bhi chehra thik kar lo.” Dono kuch der bahar khade rahe fir Ritu bahar aakar unke sath he gate ki taraf chal di jaha ab tak sabhi
khade the. “Mai bhai ke saath aati hu.” Ritu ne ye baat Sanjeev bhaiya ko kahi toh unhone haami bhar di. Ek baar Uncle Aunty ko dur se namaste kar Bhaiya
aur didi log Preeti ko sath lekar nikal gaya. Idhar Ritu didi Arjun ka hath pakad kar uske sath scooter tak aa gai. Dono chup the lekin mann me tufaan
macha tha. Scooter par didi ko bitha kar wo chal dia waha se. Ye rasta thoda ghoom kar ghar ki taraf jaata tha. Koi 2 minute ka he fark tha is side se.
“Bhai ruk ek baar.” Ritu ke itna bolte he sunsaan sadak par break dabane se tayaar ki ragad ki awaaj fail gai. Arjun agle he pal scooter stand par laga
apni behan ko baaho me liye beech sadak par khada tha. Ritu fafak si padi thi aur khud ko aur jor se Arjun se chipka lia tha. “Didi jab tak mai hu toh
aapke upar aanch bhi nahi aane dunga. Wo sala agar aaj jinda bacha toh sirf isliye ke samay, mauka aur jagah sab galat the.” “Mai jaanti hu bhai ke tu
mere se kitna pyaar karta hai. Aur aaj ke baad meri har saans par sirf tera he naam hoga.” Kuch der aise khade rehne ke baad dono wapis chal diye. Dada
ji ke saamne is baat ka jikar mat karna munna. Dekh Mai bilkul thik hu aur baat hone par wo sirf badhegi he.” Arjun ko samjhate hue kaha. “Didi mai itna
na-samajh nahi hu. Malhotra uncle atche insaan hai. Aunty bhi sabkha khayaal rakhne wali atchi aurat hai. Bas 1-2 galat logo ki wajah se sabke rishte
kharab nahi hone dunga.” Arjun ab sambhal chuka tha lekin aaj usne kuch seekha bhi tha. Aise he wo ghar tak pahuche toh bahar he sab khade the. “Aa gaye
tum dono? Yaha kab se intjaar ho raha hai tumhara.” Alka didi ne Ritu ka haath pakda aur andar chal diye sab. Preeti bhi Alka aur Ritu didi ke sath unke
kamre me chali gai. “Tu chal mere sath chote.” Wo gali me le chale Arjun ko apne sang jo ab andhkaar me doobi thi. Dur dur bas street light thi. “Aaj jo
bhi hua wo galat hua bhai. Teri jagah mai bhi yahi karta lekin is baat ko yahi khatam kar dena. Shankar chacha ko is baat ki bhanak lagi toh tu khud bhi
nahi jaanta ki Malhotra ji ke pariwar ka kya hoga. Ritu unki jaan hai aur uska sirf gala kharaab hone par sabke saamne Rekha chachi par hath uthane wale
insaan ke baare me tu kuch soch bhi nahi sakta. Lekin tu aaj bilkul waisa he lag raha tha jaisa ek baar unko maine dekha tha bachpan me koi 20 saal pehle,
RAKSHASH.