PW4
Pita ka kaam kaafi bada tha pr abb karz main dubey they to ek to staff kam aur fir jada se jada paise bachane k chalte bora aur petiyan khud utha kr godown main set karta ya le ja kr customers ki gaadi pr load karta, kabhi kabhi cycle pr bandh kr supply bhi karta. Jadatr log usko staff samajh kr ussi tarah treat karte they, pariwar main paise naa hone k kaaran vo rutba nahi rah gaya tha to kuch ristedaar bhi apmaanjanak tarike se vyahaar karte
Naman ne kisi se bhi ladayi nahi ki na hee bahas ,vo seekh chuka tha ki burey waqt main, ya jis level pr vo kaam kr raha hai isi tarah ka treatment milega. Raat 11 baje sota subah 5 baje uth kr maa k sath ghar k kaam main help karta taki naukran ki jarurat na padey. Vo seekh raha tha ki kisse kaise baat karni hai kaise vyahaar karna hai. 8 saal lag gaye sabkuch vapas sahi hone main, bich main padhai bhi kharab hui to choti behen kajal k sath hee graduation complete kr paya
Shaadi hui to 6 mahine main hee Maya ko acche se samajh gaya tha, pr abb kuch ho nahi sakta tha to pariwar main balance bithane ki kosis ki thoda safal bhi hua, kajal ki shaadi k baad pehle to ghar pr ek manzil aur khada kiya taaki log shanti se rah saken, fir jab bacche thoda badey hue to loan lekr apna ghar banwana suru kiya. Dono bahnoi acche aur samajhdaar mil gaye they to teeno mil kr sahar mai 6 manzil ki ek building bana rahe they
Cabin lock kr k apni chair pr baitha, ek plastic ki choti see tray nikali aur fir table main se ek daraj puri bahar nikali, ander hath laga kr ek secret chamber khola usme se ek potli nikali. Uske special table ki kahani bhi alag thi 15 saal purani uske pita k special order pr bani thi, 4 chote badey secret chamber they, table Indore main bani thi, wahan se Delhi transport hui fir uske sahar Lucknow. Bananey waalon ko kabhi pata nahi chala ki kiske liye banayi aur kahan gayi , aage se normal dikhti thi, pita ne samjhaya ki kya kya kaise chupa sakta hai
Potli khol k tray palta, cabin ki light se tray se nikalne wali roshni se cabin jagmag ho gaya. Tray main 54 hirey (diamonds)they, 28 uske pita ne jutaye they dono baap bete ki mehnat ki kamayi thi, baap ne pura usko de diya tha kisi teesre ko ye baat pata nahi thi, baki 26 usne khud jutaye they, aaj ki date main har hirey ki kimat 2 lakhs se upr ki thi. Pita ne samjhaya tha ki burey waqt main kaam aayenge
Isse jada bura waqt kya hoga, Naman ne socha aur 53 hirey potli main vapas rakh k, vapas chupa diya. 1 hira alag sambhal k rakha, kaafi der socha fir kisi ko phone kiya jisse hirey khareedta tha
‘Cash chahiye, ek button nikal raha hun’
‘Hahaha sir mujhe to laga ki shayad hee kabhi aap bechoge, chaliye bhejta 2 hun jo bhi upr niche hoga settle kr lenge’ Udhr se awaz aayi
Naman ‘nahi mai aaunga ya aap aao aur koi nahi’
Jeweller ‘ok mai hee ata hun, kuch kharidari bhi karni hai’
Naman ne fir dusre ko phone kiya
‘Ek android mobile 15k tak ka aur 2 sim farzi waale chahiye, mil jayega’
Dusri side se ‘Aapko uncleji?’
Naman ‘haan bhai kisi ka paap katna hai’
‘Ok uncle 2 ghanta, mil jayega’
‘Sab set kr k dena cash le jana’ Naman ne chain se saans lee, uska dil jor se dhadak raha tha ,jo kaam karne ja raha tha vo pehle kabhi kiya nahi, dar bhi lag raha tha pr mann main thaan liya tha ki kosis jarur karega
2 ghante baad cash bhi mil gaya aur mobile bhi, mobile set hokr aa gaya, agla ek ghanta 2 farzi id banane main bita ,fir ankh band kiya chair pr aram se kuch der baitha raha soch raha tha ki kaise proceed karega
***
Surabhi ghar ka main door lock kr rahi thi jab uske phone main chidiya k chahakne ki ringtone bazi. Lunch karne ghar aati thi aur raat k dinner ka set kr k jaati thi. Aaj shaam k liye kuch special dish ki taiyari main late ho gaya tha. Phone uthaya
‘Hello’
“Surabhiji namaskaar kaisi ho app’
Anjaan awaz thi pehli baar suna tha pr jis sharafat waale lahje main bola gaya tha to Surabhi bhi pura respect se boli
‘Ji theek hun aap kon maine pehchana nahi’
“Vo bhi aap jaan jaoge pehle mujhe apse kuch puchna hai”
Abb Surabhi ko ye baat buri lagi ki uske sawal ka jawab theek se nahi diya gaya
‘Theek hai fir baad main baat kijiyega abhi factory jaane main late ho raha hai mujhe’
“4 baje phone karun? Aap uss time free rahte ho factory main?”
Surabhi alert ho gayi ki ye aadmi uske baare main kaafi jaanta hai abhi soch hee rahi thi ki fir awaz aayi
“…apki badi beti ki shaadi k baare main baat karni hai”
Surabhi turant boli ‘oh ek min hold kijiye main ghar k ander ja kr baat karti hun’
2 min baad
‘Hello?’
“Abhi kuch din pehle Lucknow ki Sinha family se rishte ki baat hui thi uske baare main kya socha apne”
‘Lakda to pasand aya, family to aur bhi jada’ Surabhi soch samajh k bol rahi thi usko laga ki kahin ladke waalon k side se hee koi bol na raha ho ‘pr, unki shahi shaadi ki demand puri karna mere bass ka nahi, meri ek aur beti hai jiska mujhe dekhna hai, unke hisab se kharcha kiya to kangaal ho jaungi’
“Tabhi phone kiya mere pass solution hai”
‘Accha batayiye fir’