Ek jordar bijali ki gadgadahat se Divya ki nind khul jati hai…
Wo jab pure kamre me dekhti hai to usko andhere ke alawa aur kuch nahi dikhta
Bahar joro ki barish ho rahi thi isliye wo sochti hai ki shayad barish ki wajah se light gai ho
Ye soch kar wo firse sone wali thi ki tabhi ek bar firse joro ki bijali kadakti hai jisse kamre me kuch der ke liye Ujala ho jata hai
Jisme wo dekhti hai ki uske bed ke pass khursi par koi shaks betha huwa hai
Jisko dekh kar wo buri tarha dar jati hai
Divya ko samajh nahi aaraha tha ki ye kon hai aur yaha kese wo bhi uske room me itni rat me
Usko dar to bahut lag raha tha lekin wo thodi si Himmat karke us shaks se puchti hai
Divya – koko…. Kon hai…
Uske is sawal pe wo shaks kuch nahi bolta
Isliye Divya usse firse puchti hai
Divya – maine pucha kon ho tum…
Is bar wo shaks bas itna bolta hai
“ham hai”
Aur isi ke sath ek bar aur bijali kadakti hai aur uske sath hi Divya ko uska chehra todi der ke liye hi kyu naa lekin saf najar aata hai
Us shaks ko dekh kar Divya ko thodi Rahat milti hai
Divya – akkiii tum yaha kya kar rahe ho
Wo bhi itni rat ko Jao yahase
Ye bat usne thode gusse mai kahi thi
Akki – hame bat karni hai aap se
Akki ne ye bat kafi nashe ke halat me kahi thi jiska amdaja Divya ko bhi ho jata hai
Jisse Divya ka gussa aur badh jata hai
Divya – ye kya hai akki tum sharab pi rakhi hai
abhi ke abhi jao yahase
Divya ki bat sunke akki apne pass ki Sharab ki boltal ko thodasa khankhnata hai
Jisse Divya ko pata chaljata hai ki wo uske room me bhi Sharab pi raha hai
Divya – ye kya ghatiya harkat hai tum mere room me aake Sharab pirahe ho
Is bat ko sunke akki khursi parse khade hoke ladkhdate huwe Divya ke samne aake khada ho jata hai
Aur uske ankhome jhankte huwe kehta hai
Akki – ghatiya harkat huu agar ye ghatiya harkat hai to hame bataogi ki jo tum hamare sath kar rahi ho wo kya hai
Divya – what ye kya bat kar rahe ho kya kiya hai maine
Akki – wah kya bat hai tum khud nahi janti ki tumne kya kiya hai
Divya – saf saf bolo akhir tum kehna kya chahte ho
Akki – kya saf saf bole? Bolo kya bole
Ham ye bole ki tumhare piche ham itne dino se ghumte rahe itna kuch tumhare liye kiya sare bure kam karna chhod diye bas tumko pane ke liye
Aur tumne kya kiya? Hame ye kehke mana kardiya ki tum is pyar wyar me bharosa nahi karti
Aur ham fir bhi tumhare piche lage rahe ki kabhi to hamara pyar samjhogi hame apnaogi par nahi tumko to hamara pyar dikha kaha tumhe to koi aur paise wala achha laga
Divya – ye kya bakwas kar rahe ho
Akki – bakwas nahi hai hamne apni ankhose dekha tha tumhe aaj apne ashiq ke sath mall me
Kese tum uske sath ghum rahi thi
Divya – akki jesa tum samajh rahe ho wesa kuch nahi hai is par ham subhah bat karenge
Akki(jorse) – sahi hi samajh rahe hai ham ki kaise tum hamare pyar ko thukra kar ek paise wale ke sath apni ayyashi kar rahi ho kese tum uske bistar me……
Iske aage akki kuch bolta usse pahle hi Divya ne ek karara tamacha akki ko mara
Jisse akki ko bhi gussa aajata hai aur woh Divya ka gala pakadke use bistar pe patak deta hai
Akki – tumhari himmat kese hui hamare sath aisa ki
Hamne tumhare liye itna kuch kiye tumse itna pyar kiya aur tumne hame dhoka diya…..
Akki ye sab Divya ka gala jorse dabate huwe keh raha tha jisse Divya ko dard ke sath sath usko sans lene me bhi kafi taklif ho rahi thi aur naa hi uske muh se koi awaj bahar aarahi thi
isliye wo apne aapko chudane ke liye hath pair idhar udhar patak rahi thi
Lekin akki ki pakad uske gale par bahut majbut thi jisse wo chhut nahi pati
Idhar akki uska gala dabaye bas usko apne pyar ke bare me bata raha tha nashe ke wajah se use kuch bhi ehsas nahi tha ki akhir wo kya kar raha hai
Kafi der tak apne aap ko chudane ki koshish karte rehne ke bad akhir kar Divya ka sharir har man leta hai..
Jab akki ko iska ehsah hota hai to wo bhi use chhod deta hai aur uske baju me Beth jaata hai
Akki – tumne hamare pyar ko naa apna kar galti kardi
hamne kaha tha tumse agar tum hamari nahi hui to ham kisi aur ki bhi naa banne dege
