Update 67
Shahar ke south west chhor se nikalate hi national highway par ek car tufani raftar mein daudi chali jaa rahi thi, jismein driver ke alawa ek ghyal aadmi car ki pichhali seat par behosh pada tha,
Abhi bhi uske peeth mein ek khanjar dhasa hua tha…
shahar se nikal kar dusare flyover se aksmaat wo gadi left turn leke ek single road par daudane lagti hai, jiske dono or unche-2 ped kataar mein khade they.
Turn lene ke bavjud bhi car ki speed mein koi khas antar nahi aaya, single road par haighway se koi 15 km aage chalne ke baad ye gaadi right turn leke ek kacche rastey par daudane lagti hai,
ab uski speed mein kafi kami aa chuki thi.
Road se abhi koi adha km hi kacche raste par chali hogi ki saamne ek farm house aata hai,
wo car us farm house ke ek lohe ke purane se gate ke pass jaa kar ruk jati hai, driving seat par baitha sakhs gadi se utarta hai aur gate khol kar gadi andar le jata hai.
Gadi andar karke fir se utar kar wo gate band karke gadi ko gate se karib 100 meter andar jaakar bane ek building ke pichhwade jakar gadi khadi karta hai.
Gaadi se utar kar wo pichhale seat par pade ghayal ko seat se kheench kar apne kandhey par daalta hai, aur building ke pichhale gate se andar le jaakar ek store room jaise kamre mein laakar fars par lita deta hai.
Fir laut kar gadi mein aata hai aur uske desh board se ek first aid box nikalkar andar chala jaata hai. us shakhs ki fakk safed rang ki shirt ka dayan baju khoon se laal surkh ho chukka tha.
uske kandhe par shirt mein ek surakh bhi nazar aaraha tha.
us shakhs ne ghayal admi ki kamar mein ghuse khanjar ko bahar nikala.
khoon ka ek sailab sa uske sharir se fut pada, us aadmi ne fauran first aid box se detol lekar cotton se uski kamar ke ghav ko saaf kiya aur dressing kardi, fir usane ek injection lekar us admi ke kulhe par laga diya.
Itna kaam nipta kar usne apne baju par dhyan diya, usake chehare par peeda ke bhav ab saaf dikhayi pad rahe they, usne apni shirt utar fenki, uski safed rang ke vest bhi us side se laal ho chuki thi.
Us shakhs ne ek aur injection liya aur apne kandhe ke ghav ke pass usko thoda-2 do teen jagah khud hi inject kar liya.
5 minute ke baad usne wo khajar ka fal detol se saaf kiya aur apne kandhe ke ghav mein uski nok ghused di.
Maare dard ke uska chehra laal bhabhuka ho gaya tha, uske honth kash chuke they,
Dard ke bawjud bhi wo use ghusaye hi raha aur jab use kandhe ke andar dhasi bullet ka abhas khanjar ki nok par hua to usne daant bheech kar bullet ko nok se fasaya aur bahar uchhal diya.
Bullet nikalte hi usne apne andar thahri saans bahar chhodi aur wo wahin fars par hi pasar gaya.
Injection ke asar se ab uska dard kuchh kam hua, to usne uthke apne ghav ko Dettol se saaf karke bend aid laga li, aur ek pain killer bina paani hi nigal li.
Fir usne us ghayal ke hath pair ek rassi se kas diye aur khud ek hall jaise kamre mein pade sofe par aakar let gaya. Uski aankhein band hone lagi thi.
Ye farm house shahar ke ek builder cum ruling party ke leader Hitesh patel ka tha, jo aajkal central gov ne us leader se lease par le rakha tha, jiski chabi aajkal is shakhs ke pass hoti thi.
Ye aur koi nahi Arun Sharma tha, jo Aajkal ek PSU mein ek engineer hai, aur abhi-2 shahar mein huye terror attack ko asfal karke ek aatanki ko ghayal karke yahaan utha laya tha, aur teen ko unke anjaam tak pahunch chukka tha.
Jis chauthe aatanki ne goliyon ki bauchhar uske upar ki thi, lakh koshison ke babjud ek goli kandhe mein dhus hi gayi.
Jab kuchh der baad apne dard par kabu paane ke baad mene cell phone ke special ID se NSA ko phone lagaya aur saari ghatna ko brief kiya,
halanki news chenalo se pure desh ko pata chal chukka tha ki shahar mein aatankwadi ghatna huyi hai aur police sargermi se laapta aatanki ko dhund rahi hai.
Mene unko bol diya ki shahar se police ki nautanki ko band karao nahi to kuchh gadbad ho sakti hai, bhale hi dikhave ke liye karte rahein.
Wo ek banda meri giraft mein hai, abhi behosh hai, hosh mein aate hi uska treatment shuru karunga, fir aapko report deta hoon.
Itna report karke mene phone cut kar diya.
Raat gahri hoti jaa rahi thi, mujhe khana bhi khana tha, so us room ko bahar se lock karke, me bahar aaya, gadi mein emergency ke liye ek chadar jaisi padi thi, use lapeta aur chal diya ghar ki ore.
Raste mein police ki sakht checking thi, me kisi tarah se police ko chkama dekar jaise taise apne ghar pahucha,
sharir ki saaf safayi ki kapde change kiye aur khane ke liye nikal pada.
Hotel mein khana khake kuchh aur khane ki chhezein pack karake ghar par 6 ghante ki neend li, apni dressing acche se karke fresh hoke jaruri saaman lekar early morning farm house ki or nikal pada.
Wahaan jaakar dekha to wo banda, hosh mein aa chukka tha aur uski karahane ki awajein store room ke bahar se hi sunayi de rahi thi.
lock khol kar andar gaya to wo waise hi pada hua dard se karah raha tha.
Me – kyon beta, ek hi baar mein itna karah raha hai, tum to logon ko isase bhi kai guna bade-2 ghav dete ho socho unko kitani peeda hoti hogi..?
Wo sirf nazar chura kar pada raha, mene usko thoda bahut nasta karaya aur ek pain killer di.
Jab kuchh der mein uska dard kam hua to me usase bola – kyon pyare ab kuchh pyar muhabbat ki baatein ho jayein..?
Usane sirf mujhe ghoor kar dekha.. !
Me – tumhara naam kya hai aur kahaan ke rahne wale ho..?
Usane apna naam aur shahar ka naam batya jo ki UP ke ek chhote se kasbe se tha.
Me – tere sath jo wo teen they unke baare mein bata – to usne wo bhi asani se bata diye..jinmein 1 aur UP se tha 2 WB se they.
Ye kaam kyon aur kiske liye kar rahey they tum log..?
Mere is sawal par wo chuppi laga gaya.
Jab kuchh der tak usne koi jawab nahi diya, to mene usase kaha –
Dekh bhai, mene teri itani sewa ki, malham patti ki, nasta karaya, dard kam karne ki dawa bhi di, to ab tumein bhi to meri kuchh madad karni chahiye..! hai ki nahi.!!
Wo – is bare mein mujhe koi jaankari nahi hai, mujhe to bas paise diye in logon ne aur apne sath le aaye yahaan.
Me – meri shakl pe chutiya likha dekha hai tune..? itani badi automatic gun koi aise hi pakda dega, ki le beta ! film ki shooting chal rahi hai, chala ise logon ki bheed mein..!
Dekh bhai mujhe majboor mat kar, me tujhe kasht dena nahi chahta, waise bhi tu ghayal hai,
mujhe jyada kuchh nahi karna padega, tera ghav khula chhod kar, aise hi tujhe bandha chhod dunga yahin par.
ab soch jab bahar ke keede makodon ko tere khoon ki khushbu milegi to apne aap dawat udane aa jayenge bina nimantran ke.
Aur do-teen din mein hi ismein ghar bana ke baith jaayenge. Kya bolta hai.. jaaun me yahaan se..?
Meri dabi jubaan mein di huyi dhamki se wo buri tarah darr gaya, maut ki parchhayi uske chehare par saaf saaf dikhayi dene lagi.
Aane waali peeda ka ehsaas hote hi, wo gidagidate huye bola – please aisa mat karna..
wo log mujhe jaan se maar denge, aur tumhein bhi nahi chhodenge.
Me – tu meri chinta chhod, aur soch, avval to unke fariste bhi tujhhe yahaan se nahi nikal sakte, aur agar kisi tarah pahunch bhi gaye, to is kasht se to jyada kasht nahi hoga na tujhe.
Aur iske ulat, agar tune meri madad ki to ho sakta hai, me tujhe unse bachake bhi rakh sakun.
Ab tu khud se sochle, tere liye kya theek rahega ?
Kuchh der wo chup raha mene bhi usko nahi chheda, lekin kuchh der ke baad jo usane batana shuru kiya, uski baatein sunkar meri aankhein chaudi hoti chali gayi…
Abdul sattar gani…! pass ke hi dusare shahar ka nami girami builder, aur vipakshi party ka jaana maana leader,
shahar ke ek vishesh samuday bahulya ilaake mein iska aalishan bangla hai,
politics aur real estate ke alawa aur bhi iske dhandhe hain, jinhein kisi bhi suratehaal mein leagl to nahi thahraya ja sakta…jinka makad jaal dusare pranton tak faila hua tha…
subah ke 7:30 ka samay tha, Gani bhai ki 30 varshiya khubsurt begum Rukhsana apne lakhte jigar ko school bus mein chhodne ke liye bangale ke bahar khadi bus ka intezaar kar rahi thi.
Kale rang ke Salwar suit mein sar ko ek matching colour ke chamkeele dupatte se dhake apne bete ki ungali thame khadi thi..
Ki tabhi wahaan ek maruti van aakar jhatke ke sath rukti hai aur usmein se do aadmi utar kar rukhsana aur uske bacche ki ore jhapate hain, aur bacche ko uske hath se chheen kar use utha lete hain.
Abhi wo us bacche ko van ke andar bitha hi rahe they ki tabhi ek 25-26 saal ka naujawan, jiske chehare par halki-2 dadhi thi, aakar un dono aadmiyon se bhid jaata hai,
Mauka lagte hi sabse pahle wo us bacche ko van se bahar nikalta hai, tabhi un gundon mein se ek apna chaku uske pet mein ghused deta hai.
Naujawan ghayal hote huye bhi us bacche ko uski ammi ke hawale karta hai, aur firse un gundon se bhidane ke liye palta hai,
Lekin prayas asfal hote dekh wo gunde gaadi lekar wahaan se bhag jaate hain.
Naujawan apne pet par hath rakhe dard se tadpta hua ghutne tek kar wahin baith jata hai,
uska sar swatah hi neeche ko jhukta chala jaata hai, abhi wo girne hi wala tha ki do janane hathon ne usko girne se rok liya.
Itane mein wahaan kuchh log aur aagaye aur usko sambhal liya,
kuchh logon ne usko hospital le jaane ke liye kaha to us khatun ne paristhiti ko samajhte huye use apne ghar le jana behtar samjha.
Kyonki hospital tak jaane mein kafi khoon bahne ke chance they so wo logon ke madad se apne bangale mein use le gayi.
Leave a Reply
You must be logged in to post a comment.