My Life @Jindgi Ek Safar Begana – Update 66

Update 66

Agar tum sach mein mujhe apna jivan saathi banana chahti ho, to training khatam hote hi tumhare mummy-daddy se baat kar lena, aur haan agar wo nahi mane to ye shadi nahi hogi bolo manzoor hai…

Wo – mujhe pura Vishwas hai wo meri koi baat nahi talenge.

Me – to fir to koi samasya hi nahi hai, aur haa .. ab hamari suhagraat shadi ke baad hi hogi, bolo ye bhi manzoor hai..!

Wo – mujhe aapki har baat mazoor hai mere priyatam..mere humdum, mere Arun !..

ye daasi apka jivan bhar ka sath paane ke liye koi bhi sart manane ko taiyar hai,

aapne haan bolkar mere upar bahut bada upkaar kiya hai. aap nahi jaante me aaj kya soch kar aayi thi..?

Me – kya..?

Wo – me aaj ye nischay karke aayi thi ki aapke sath aaj ki raat bita kar unhi haseen lamhon ko sahej kar unke sahare apna jivan gujar lungi lekin kisi duasre mard ka mere jivan mein koi sthan kabhi nahi hoga..!

Me – ohhh… Trisha ! I love you ! tum sach mein itna prem karti ho mujh se..? ye kahkar mene use apni baahon mein kas liya..!

na jaane kaise do boond paani ki meri aankhon se bahar nikal padi

Wo – bahut se bhi jyada mere Arun.. ! I love you too much..!!

Aur isi sukhad ehsas mein dube hum dono ek dusare ki bahon mein raat bhar pade rahe, kab neend ke aagosh mein chale gaye pata hi nahi chala.

Subah jab aankh khuli to kaafi der ho chuki thi,

usko academy mein pahunchna tha, so wo aise hi ast-vyast kapdon ko thoda sa theek-thaak karke jaane ko taiyar huyi,

fir mene usko apne Gujarat ke job ke baare mein bataya ki mein wahaan jaldi hi join karne wala hoon, ye sunkar wo atayant hairan hokar boli-

Us job ke liye aapne ye commando ki training li hai..??

Me – haan..! aur kyon ki hai wo me tumhein samay aane par bataunga, lekin ek promise karo, ye baat kisi se bhi share nahi karogi ki mene yahaan commondo ki training li hai..

Wo promise karke khushi-2 vida huyi.. aur me apne gantavya ki ore nikalne ki taiyariyon mein jut gaya.…

NSA office mein mujhe jarurat ke saare rest documents aur ek fully configured laptop mila,

jismein sanstha ki web site jo lakh sar patakne par bhi hike nahi ho sakti thi, kuchh aur softwares with my email accounts mile.

Me Chaudhary saab ke sath PM office gaya, wahaan final certificates submit kiye, aur unse vida le, Gujarat ki train pakdi aur aa gaya apne naye thikane par.

Mene apna ek personal email account bhi khol liya aur uska details apne saare doston ko message kar diya including Trisha.

Gujarat ke **** shahar mein aakar pahle mene office join kiya, uske baad ek 3 BHK flat kiraye par liya, uska address immediate Trisha ko bhej diya.

Chunki office to mere liye matra dikhawa tha, so jana na jana, koi mayne nahi rakhtha tha, lekin jab tak koi assignment nahi milti, tab tak me punctual rahna chahta tha.

Aise hi 3 mahine nikal gaye, ek din Trisha ka phone aaya, aur usne bataya ki do din baad hum sab log rishabh bhaiya ke sath aapke pass aa rahe hain.

Teesare din wo log aa gaye, sab bade khush they khaskar Rishabh, jab mene usko chidane ke liye kaha- aur saale saab kaisa chal raha hai,

to wo mere bagal mein pyaar se mukka marte huye bola- kamine me tere liye kabhi saala nahi hoon, me to hamesha tera wohi dost rahunga.

Me – to fir tujhe meri hone wali bibi ko Bhabhi bolna padega.. bol manjoor hai, to wo thoda jhepte huye hi bola-

haan yaar ab to me tera saala ban hi gaya, lekin mujhe bahut khushi hai ki meri bahan ko tere jaisa jivan sathi mil raha hai jo apni jaan se jyada uski hifajat karega.

Fir Wo thoda serious hokar bola – thank you Arun, Trisha ne mujhe sab kuchh bata diya hai tum dono ke baare mein, finally tune use apna kar hum logon par bahut bada ehshan kiya hai.

Uske mummy-papa ne bhi mujhe thanks bola aur dher sare pyaar ke sath ashirwad diya.

Mene trisha se uske bacth ke details le liye aur duty ke baare mein puchha, to usne bataya ki filhaal use UP ke hi **** shahar mein SP ke taur par agle mahine join karne wali hai.

Fir mene uske papa ko mere gharwalon se milne ke liye kaha ki agar wo personally unse mil lein to unhein accha lagega, jisase wo bhi razi khushi hum dono ko ashirwad dene aa jayenge.

3 mahine baad ki date fix karke, wo log chale gaye. Trisha ne duty join kar li thi.
mene yahaan ek achhi si sudan model car kharid li, aur office bhi usi se aana jaana krata tha.
………………………………………………………………………..

Ek din aise hi office se laut raha tha, suryaast ho chukka tha, street lights jal chuki thi, me shahar ek paush ilake se gujar raha tha, ki achank saamne ek chaurahe par afra-tafari hote huye nazar aai.

me us jagah se abhi koi 300-400 meter hi dur tha ki cheekho-pukaar ki aawajon ke sath log idhar-udhar bhagte huye nazar aaye, mene apni gadi ki speed kam kar li, jaise hi aur najdik pahuncha ki mujhe goliyon ki awaj bhi sunayi dene lagi..

Road ekdum khali ho chuke they, abtak me us chaurahe se matra 100-150 meter ki duri par hi tha ki ek bullet sasanati huyi meri ore aayi aur tadak se mere side glass ko todti huyi nikal gayi.

Mene fauran apni car ko side mein khada kiya aur apna emergency saman bag se nikaal kar ek paan shop ki aad leke khada ho gaya.

Khanjar ko mene apni belt mein khonsa, aur revolver haath mein leke mene sthiti ka jayja liya.

Wo char atankwadi jinke pass AK-47 automatic rifles thi, chaurahe ke beecho-beech ek dusare ki taraf peeth karke khade danadan firing kar rahe they,

kuchh logon ko goliyan bhi lagi thi aur wo idhar-udhar road par pade tadap rahey they.

Me paan shop ke peeche se nikal kar agli shop ki aad mein pahuch gaya, aise hi dheere-2 aad lete huye ab mein un logon se matra kuchh hi meter ki duri par tha.

Mene apna chehra kapde se dhak liya, mere hath apni gun par kas chuke they,
aad se nikal kar mene hawa mein jump lagayi aur jab tak un charon ko kuchh pata chalta me un charon ke beech khada tha.

Mere pair abhi jamin ko touch bhi nahi huye they ki unmein se ek banda jamin par pada tadap raha tha, mera khajar uski peeth mein dhus chukka tha, uski rifle ek ore chhitak kar gir gayi.

Jab tak wo teenon shiti ko samajhte aur meri ore palate, do fire meri gun se nikale aur unmein se do ke bheje bahar nikal pade.

Chuathe atankwadi ko mere upar fire karne ka mauka mil gaya, aur uski automatic gun ne ek second mein darjanon fire kar diye.

Mera sharir jamin par ludhakta hua us aatakwadi ke ekdum najik pahunch gaya,
wo apni gun ki naal ko meri ore karta usase pahle mein uth khada hua.

mera ek hath uski gun par tha aur dusare hath mein dabi revolver uske mathe par sat chuki thi.

Bina kisi altimetum ke mene goli chala di aur wo aakhiri shikar bhi jahannum pahunch chukka tha, mene fauran us jakhmi bande ko uthaya, apne kandhe par dala aur apni gaadi ki taraf daud laga di.

Fauran gadi ki pichhali seat par daalke mene gadi dauda di aur palak jhapakte hi wahaan se ojhal ho gaya.

Ghatna kram itani teji se hua ki dare sahme log apni jagah se nikal kar aate tab tak to me wahaan se jaa chukka tha.

Aanan faanan mein charon ore police van bhagne daudane lagi.

Jaise hi logon ko pata chala ki wo aatakwadi maare jaa chuke hain tab kahi jaakar dare sahame se bahar aaye, tab tak police ki kai gadiyan bhi wahaan pahuch chuki thi,

Aanan-faanan mein ambulance bulayi, ghayalon ko hostital pahuchaya, shukra tha ki koi jaan nahi jaa payi thi.

kyonki goliyon ki awaaj sunte hi log idhar-udhar bhagne lage they jisase atankwadi jyadatar unke pairon ko hi nashana bana paye the, aur unke girte hi naye target ko dekhte. Fir bhi ek-do serious condition mein they.

Police ne lakh sar patka ki logon se pata kar sake ki unko maarne wala kon tha, lekin ek-do ko chhod kar kisi ka dhyan hi nahi tha udhar, wo to bechare apni -2 jaan ki hifajat mein lage they.

Kuchh log jo wahaan se kafi dur they, unmein se ek-do ne bataya ki ek shakhs jiske muh par kapda bandha tha na jaane kahaan se hawa mein udata hua aaya aur ek minute mein hi un sabka safaya karke ek ghayal aatankwadi ko uda le gaya.

Ab saare shahar ki police saare kaam dhandhe chhod kar mujhe khojane mein jut gayi.