My Life @Jindgi Ek Safar Begana – Update 65

Update 65

Me hotel room mein fresh hokar free hua aur fir NSA Amit Chaudhary ko call kiya.

abhi sham ke 7 baje they, possibly wo apne office mein hi hone chahiye. Kuchh der bell bajati rahi lekin call pick nahi huyi,

socha busy honge ya meeting vagairah mein honge ye soch ke mene fir dobara call nahi kiya.

Mene apni aankhein band kar li aur kuchh purani ghatanon ko yaad karne laga,

mood thoda romantic jaisa ho raha tha Trisha ke intezar me.. so Goa ki masti yaad aa gayi aur mera mann bear peene ka hone laga.

Mene room service ko phone karke ek bear order kar di.

Koi 10 minute mein hi wo ek bear aur kuchh snecks lekar aa gaya, glass lekar usmein daalne laga to mene mana kar diya.

Jab wo chala gaya to mene botal muh se lagayi aur dheere-2 ship karne laga.

Abhi bear puri khatam nahi huyi thi ki door bell baji, mene uthke door khola to saamne Trisha ek gulabi rang ki saari mein darwaje par khadi thi,

me usko is roop mein dekhta hi rah gaya.. lamba kad saari mein kuchh jayada hi lamba dikh raha tha,

vaise bhi physical training se wo ekdum fit ho gayi thi, kahin bhi extra fat nahi tha.

Jab der tak meri nazarein usase nahi hati to wo boli- gate se hi tarkaane ka irada tha to bulaya kyon..?

Me hadabada kar gate se hat gaya aur bola- s..sorry ! please come.

Wo mare aage-2 andar aayi, tight kaske saari lapet kar pahni hone ki wajah se uske kulhe thode se bahar ko dikh rahe they lekin kasarat aur exercise ki vajah se thirkan nam matra ko bhi nahi thi.

Wo aakar sofe par baith gayi aur saamne padi table par bear ki botal dekh kar chutaki lete huye boli—aaa hahaha.. to aap ye shauk kabse farmaane lage..?

Mene kaha- arey bas aise hi shaukiya.. time pass karne ko manga li bas..

aur ye yahaan aane se pahle jab goa gaye they tab pahli baar taste ki thi, uske baad aaj hi li hai. tum logi..?

Wo – tauba-tauba, mere baap ki tauba.. aise shauk na hi lage to achha hai, aur itna bolkar wo chup ho gayi, nazarein neechi karke pair ke anguthey se fars ko kuredanae lagi.

Me usi sofe par uski bagal mein thoda duri banake baitha tha. meri nazar uske chehare par hi tiki thi, aur uske bolne ka intezar kar raha tha.

Mene baaki bachi bear bhi khatam kardi, tab tak bhi wo kuchh nahi boli…

tab mene uska ek hath apne hath mein lekar uski ungaliyon ko apne anguthe se sahalate huye bola- tumne mujhse apne liye waqt maanga tha..!!

Uski larjati huyi nigahein upar ko uthi, honth kaanpkapaye, aur fir jhuk gayin.

Mene uski chin ko apni ungaliyon ka ishara dekar upar ko kiya, to uski aankhein band ho gayi aur honth laraj uthey.

Me – Trisha…! Kuchh to bolo..? kya bas aise maun rah kar hi samay bitana chahti ho mere saath..?

Ek pal usane meri ankhon mein dekha aur kanpte hothon se boli – himmat nahi juta paa rahi bolne ki..!

Me – to kya aisi hi darpok type ki IPS banogi..?

Wo tapak se boli – aapse kisne kaha ki me darpok hoon..?

Me – saamne dikh raha hai.. ! jab tum mere saamne apne mann ki baat nahi bol paa rahi to duty kaise karogi..?

Wo – mujhe sharm aa rahi hai, jab aapse milne aane wali thi to bahut saari baate thi dimag mein bolne ko, lekin jaise hi aapko dekha to sab bhool gayi, samajh mein nahi aaraha kahaan se shuru karun..?

Me – chalo chhodo baton ko khana mangate hain, khana khake aaram se baatein karenge theek hai, waise bhi mujhe to bhookh si lag rahi hai.

Wo – jaisa aap theek samjho..!

Mene phone karke do dinner lane ke liye bol diya.. aur fir trisha se bola- waise aaj raat ki to permission leke aayi hogi na,,!

Ye sunte hi sharm se uska chehra laal pad gaya aur garden jhuka ke bas..hummm.. hi nikla uske muh se.

mene uske dono hath apne hathon mein lekar kaha – kuchh to bolo trisha..! kuchh bhi bolne layak nahi tumhare pass..?

wo – bolna to bahut kuchh hai, lekin aap naraz na ho jao isliye darr lag raha hai..!

me -mene tumse wada kiya hai, aaj ke din sirf tumhari marji chalegi fir ye darr kyon..?

wo meri aankhon mein jhankne lagi, aur fir na jaane kyon uski aankhein dab-daba gayi, unmein paani tairne laga..!

me – hey ! meri bahadur IPS officer aise aansu nahi baha sakti..? please cheer-up..

fir mene uske forhead ko chum liya..! wo apni bhavano ko rok nahi paayi aur mere chaude seene mein sama gayi.. aur subakne lagi..

me uski peeth sahla raha tha, subakte huye wo boli- mujhe apna lo arun, me aapki bahon mein jeena chahti hoon..! please mujhe mat thukaro..!

mene uske chehre ko upar uthaya aur uske larjte hontho ko chum liya, aur bola –

me tumhein kaise thukara sakta hoon trisha, tum to mere dil mein ho..lekin…!

karahate se swar mein boli wo – lekin kya..?.. aisi kya kami hai mujh mein jo aap mujhe apna nahi sakte..? baton na.. jaan !!

me – kami mujhein hain trish..! tum mein to koi kami nikaal hi nahi sakta..? tum to sakshat devi ka roop ho, jo bhi tumhein apnayega, wo dhanya ho jayega..!

wo – aisi baatein mat karo mere humdum !, me kisi aur ke baare mein soch bhi nahi sakti..?

me – itna pyaar na karo priye… ki me toot kar bikhar hi jaun.! Aur fir mene uske hothon ko fir se apne labon mein qaid kar liya…abhi mene kiss shuru hi kiya tha ki door bell baji.

Mene uthke darwaja khola aur waiter ko andar liya, wo khana leke aaya tha, hum dono ne khana khaya.. lekin dukhi mann se, ab jeene ke liye khana to padega hi…!

Khana khake thodi der balconey mein aakar khade ho gaye aur roshni se jagmate shahar ko khade khade dekhte rahey.., dono ke hi mann mein kasmakas chal rahi thi apni-2 majburiyon ko lekar…

.
Balconey se aakar hum palang par baith gaye, mene palag ke back se apni peeth tika rakhi thi aur Trisha mere kandhe par apna sar rakhakar baith gayi..

Jab wo bahut der tak chup baithi rahi to mene chuppi todate huye kaha-

achha trisha tumne mujhse waqt manga tha, mene apna wada pura kar diya ab aaj ki raat tumhari hai, jaise chaho ise enjoy kar sakti ho, aur chaho to aise hi khamoshi se barbaad kar do,

ab ye tumhare upar hai ki tum kaya karna chahti ho, me to aaj ki raat tumhara gulam hoon, jo hukm dogi baja laaunga.

Mere muh se ye shabd sunte hi wo fafak padi aur mere gale mein bahein daalkar mujhse lipat gayi,

Usne bethasha mere hothon, mathe aur gaalon ko chummanon se bhar diya. Mene bhi use apne alingan mein kas liya.

Wo mere sath ekakaar ho jana chahti thi.

Abhi me uska koi jawab de pata, ki mera cell phone ghanghanane laga..

mene Trisha ko pyaar se apne se alag kiya aur hath lamba karke phone uthaya,
Chaudhary saab ki call thi jise me miss nahi kar sakta tha, Trisha ko rukne ka ishara karke, mene balconey mein jaakar phone pick kiya.

Me – hello good evening sir..!!

Ch – Yes !! good evening Arun .. how are you..? tumne call kiya tha..?

Me – I am very much fine sir !.. yes sir ! mene ye batane ke liye phone kiya tha ki aaj sham ko hi meri academy se chhutti ho gayi hai,

abhi mein isi shahar mein hi hoon filhal.. to next.. kya karna hai bas yahi janana tha.

Ch – very good..! academy ka certificate lekar do din mein mere office pahucho kuchh aur jaruri chhezein tumhein hand over karni hai,

Uske baad ho jayegi tumhari duty shuru. OK.

Me – sir ! sir ! sir ! if you don’t mind, may I talk to some personal manner…?

Ch – yes of course bolo ! tumhare liye to time hi time hai..

Me – sir ek pagal ladki hai, kuchh saal pahle mujhe mili, darasal mere friend ki sister hai, she actually fall in love with me..

but mene usko refuse kar diya tha, aur uske baad me usase fir kabhi nahi mila.

Ch – to ab kya hua..?

Me – sir hamare camp ke baju mein jo police academy hai usase wo IPS ki training kar rahi hai, aur yahaan mujhe mil gayi,

wo pagal abhi tak mera intezar kar rahi hai, jab mene use samjhaya to bas ek hi rat lagaye hai, saadi karegi to mujhse varna ajivan avivahit rahegi.

Ch – tum bhi use pyaar karte ho..?

Me – karta to tha sir..! par ab is assignement ke baad kaise usko haann karun…?

Ch – dekho bete ye tumhari personal life hai, ismein tumhara hi decision hona chahiye aur rahi baat tumhare assignment ki to wo ek alag Vishay hai,

Aisa koi jaruri nahi ki sadi-suda ye kaam nahi kar sakte, haan ho sake to kaam share nahi hona chahiye,

aur fir wo bhi koi chhoti-moti post nahi hai, a IPS officer also a well responsible post for the country.

Upar se itna pyaar karne wali ladkiyan aaj-kal milti kahaan hain. you are so lucky my boy.

Agar usko tumhari asaliyat pata lag bhi jaati hai to doesn’t matter.. wo usko leak thodi na karegi, aur ulta usko gerv hoga tum par.

So be enjoy with your love. OK don’t worry !!

Me – thank you very much sir, aapne meri bahut badi problem solve kar di. One more request sir..!

Ch – yes.. tell me..!

Me – kya ye possible hoga sir ki usko bhi Gujarat mein hi posted karwa diya jaye..!!

Ch – wo kahaan se selected hai..?

Me – shayad delhi se..!

Ch – tab to dekhna padega, agar koi Gujarat ka cadre change over karna chahe to possible ho sakta hai, but you don’t worry, I will do some thing.

Tum yahaan aao fir detail mein baat kreange OK. Take care and all the best for your love.. bye.

Me – bye sir thanks lot.. aur iske sath hi phone cut ho gaya.

Mein firse Trisha ke pass aagaya.. aur usko bahon mein bharke bola- to meri thanedarni tu saadi nahi karegi kisi se bhi..?

Meri ye baat sunkar wo thoda tense hote huye boli- is Vishay par ab aur bahas karna jaruri hai ? jiska koi hal na ho.

Aur ye kya kaha aapne mujhe thanedarni..? me thanedarni hoon..?

Me – oh no baby ! I am sorry ! tum to ab collector banane wali ho to ab koi collector hi to hona chahiye na tumhare liye..!

Wo gussa hokar palang se uth khadi huyi.. aur boli- ab aap mujhe yahaan se tarkana chahte hain,

koi baat nahi, mein chalti hoon.. bye..!

ye kahkar wo vastav mein hi jaane lagi.

Mene fauran uska hath pakad liya aur firse apne upar kheench liya.

Aur swatah hi gaane ki ye pankitayaan mere muh se nikal padi…

Ruk ja ho jaane wali ruk jaa…!
Me to rahi teri manzil ka.. !
Nazaron mein teri me bura sahi..!
Aadmi buran nahi me dilka…! ruk jaa…!!!

Wo abhi bhi meri ore gusse se hi dekh rahi thi.. to mene socha ki ab is natak ko jaldi hi khatam karna padega, warna kahin baat bigad na jaaye so bola-

Tumne apne mummy papa se baat ki hai mere baare mein kabhi..?

Wo meri ore vishmay se dekhne lagi..aur boli- nahi ! aapne kabhi mujhe haan hi nahi kaha to me kaise unse bol sakti thi..

lekin ye baat aap ekdum se kaise bol rahey hain..?

Me – iska matlab tum mere sath jivan bhar rahne ka khali natak kar rahi thi..hai na..!

Wo bina kuchh kahe fafak-fafak kar ro padi..

Mene fauran apne kaan pakde aur sorry bola- Trisha please ro mat, me to Mazak kar raha tha, ab seriously bolo- will you merry me..?

Wo bina koi jawab diye mere seene se lag kar rone lagi, me use chup karata raha..!

fir jab wo thoda sanyat huyi to mene kaha- ab Dhyan se meri baat suno Trisha ! ab ismein koi Mazak nahi hai…

Sorry for late update friends
Kuchh kam se achhank mujhe khi jana pda , abhj ghr aaya hu or sbse phle update diya h !