My Life @Jindgi Ek Safar Begana – Update 64

Update 64

Hum ye baatein kar hi rahey they ki mera naam announce hua, aur mein excuse me bol kar udhar chala gaya.

Mujhe man of the match ka award diya gaya, uske baad fir me aur Trisha kursiyon par aakar baith gaye aur baat cheet karne lage.

Uske yahan ab 6-7 mahine hi bache they uske baad uski posting ho jaani thi, isase jayada hum yahaan aur kuchh nahi kar sakte they so ek dusare ka cell number exchange karke apane-2 camp mein chale gaye.

Ab hum dono sone se pahle phone se baatein kar liya karte they.. aur iske alawa milne ka koi chance nahi dikhayi deta tha,

uske camp mein itani boundation nahi thi, lekin idhar saala sab kuchh secrete rakhna padta tha, so kisi bhi cadre ko frequently kahin bhi jaane ki permission nahi hoti thi.

Aise hi ek raat hum baat kar rahe they, to mene usko kureda aur puchha – to
Trisha ab training ke baad kahan posting lene wali ho..?

Wo- ab pata nahi kahaan milti hai, kuchh din jahaan milegi gujarne hi padenge, baad mein dekhte hain kya ho sakta hai…

Me – is line mein aane ka vichar kaise aaya..?

Wo – bas graduation karne ke baad kuchh nahi to baithe-2 UPSC ka form bhar diya, ek saal jamkar taiyari karke exam diya aur ho gaya selection.

Jana to chahti thi IAS ke liye, lekin thodi si kami rah gayi aur IPS rank mil gayi.

Me – to ab training ke baad shadi karke settle ho jaogi, life set ho gayi tumhari to…!!

Wo – aapne Karli shadi..?

Me – nahi..!

Wo – kyon..?

Me – bas nahi ki.. ! mene tumhein bataya to tha.. na reason..!!

Wo – to mene bhi to aapse kuchh kaha than na!!

Me – Oh Trish..! tum bilkul pagal ho, mere peechhe apni jindagi barbad kyon karna chahti ho..?

Wo – aapne bhi to kisi ke liye ki hi hai na..!!

aur ek baat kahoon aapse, mere IPS banane ke peechhe ek yahi karan tha,

Pitaji meri shadi kar dena chahte they, so mene ismein busy hone ka bahana bana kar jaise-taise taal diya baat ko.

Me – to ab kya bahana banaogi..? ab to training bhi puri hone wali hai..!

Wo – samay batayega.. kaaise kaya kar paaungi..?

lekin ab kam-se-kam mere saath koi jabdusti nahi kar payega meri marji ke khilaf.

Me – tum sach mein pagal ho Trisha, please meri wajah se apna jivan youn kharab mat karo..!

Wo – aap shadi nahi kar rahe, iska matlab aap apna jivan barbad kar rahe hain..?

Me – ufff… tumse nahi jeet sakta me.. ! theek hai tumhein jo sahi lage wo karo.. aur mene gusse mein aakar phone cut kar diya..!

Us raat mein so na saka, raat bhar sochta raha ki is ladki ko kaise samjhaun ki ab mera is mission se lautna kitna asambahv hai,

aur vidambana to ye thi ki me apne mission ke baare mein kisi ko bata bhi to nahi sakta tha.

Sochte-2 mera dimag fatane ki kagar tak pahunch gaya, lekin is samasya se nipatne ka koi marg nahi nikaal paya,

me ye bhi nahi chahta tha ki meri wajah se ye bevkoof ladki apna jivan youhi gujar de.

Bina soye hi raat youhi gujar gayi, 4 bajte hi fir wahi sab rozke ke kaam, aaj mera mann training mein bhi nahi lag raha tha,

aakhir caiptan batra ne mujhe line se bahar khada kar hi diya aur laga buri tarah jhhadne, mene kaha sir aaj meri tabiyat kucch theek nahi hai, to usne mujhe check-up karake rest karne ke liye bol diya.

Me apne Barack mein aake let gaya, aur so gaya…!

Usi raat Trisha ne phone kiya, pahle to me uthane wala nahi tha, lekin fir kuchh soch kar utha liya.. hello bolte hi wo kuchh serious lehje mein boli-

Sorry arun mene kal aapko naraz kar diya, please mujhe maaf kardo..!

Me – nahi-nahi !! ismein tumhri koi galti nahi thi, me hi thoda upset ho gaya tha,

lekin me bhi kya karta, tum aisi jidd pakad ke baith gayi jo kabhi puri nahi ho sakti thi.

Wo – To kya ab meri soch par bhi ankush lagaoge..? mene aapse ye to nahi kaha tha ki mujhse shadi hi karlo..!!

ab aapko meri dosti bhi manjoor nahi hai..?

Me- ohhh.. come on Trisha ! please don’t get me emotional..! tumhein pata hai, tumhare liye meri kya feelings hain,

me sach mein agar tumhein apna jivan sathi bana pata to me apne aapko dhanya samajhta,

lekin me sach mein majboor hoon, aur please meri majboori kya hai ? ye janane ki koshish bhi mat karna, kyonki me bata nahi paaunga aur tumhein is cheez ka dukh pahunchega.

Wo – subakte huye.. kabhi nahi puchhungi Arun..! wada karti hoon aapse !

lekin apne dil se to mat nikalo mujhe ! itani to vinti manlo meri..! uski awaaj kaanpne lagi thi.

Me – ohh.. Trisha ! please ro mat, dil se to chah kar bhi nahi nikal paaunga tumhein..! bas me itna chahta hoon, ki tum hamesha khush raho,

me bas itna janta hoon, ki jo tum soch rahi ho usmein tumhari khushi nahi hai.

Wo – acchha theek hai, jo aap kahoge me waisa hi karungi, par meri ek shart hai..!

Me – kya..? bolo me tumhari har shart puri karne ko taiyar hoon.

Wo – mujhe kuchh samay ke liye apka sath chahiye..! aur utane samay ke liye me jaise chahoon, aapko waisa hi karna hoga..! bolo manjoor hai..?

Me – mujhe manjoor hai, training ke baad jab tum kahogi, jahaan kahogi, jitna samay chahogi mein tumhein de dunga..! theek hai.

Wo – theek hai, bye good night.. Arun ..! I love you !!

Me – good night ..I love you too jaan! take care..!!

Ab mere sar se thoda tension kam ho gaya tha, kam-se-kam kuchh samay mere sath bitake ye pagal ladki apni hathdharmi to chhod degi.

Dusare din se fir wahi mushkil jindagi, ab matra do-dhayi mahine aur shesh they, jo kisi tarah nikalne they,

lekin is training ne mujhe aur jyada tough bana diya tha,

ab mein physically itna majbut ho chukka tha, ki camp mein jitane bhi log they, unmein se shayad hi koi aisa ho jo mere saamne tik paaye kisi bhi mamle mein.

Uska karan ye nahi tha ki me sabse jyada taqatwar tha, usmein to bahut se aise they jo mujhse jyada taqatwar they,

lekin mera presence of mind in sabmein jyada tha, jiski wajah se saamne wale ke pentare ko samay se pahle samajh hi nahi leta tha, apitu uski kaat bhi soch leta tha jisase saamne wale ka baar nishfal ho jata aur me apna pentra uspar chala deta.

Yahaan tak ki goliyon ki bauchhar mein nihattha bach nikalna, halnki training ke dauran wo goliyan dumy hoti thi, lekin mere sharir ko chhu bhi nahi paati.

Meri training ka ye aakhiri mahina chal raha tha, captain Batra meri performance dekh kar khush tha, aur uski report dekh kar ab jaldi hi final date aane ko thi jiska mujhe besabri se intezar tha.

Aur wo samay bhi aa hi gaya. Training cpmplete ho gayi, aur apna final certificate lekar camp se chhutti ho gayi,

apna saaman sameta aur bahar aakar ek hotel mein room book karya aur trisha ko call kar diya.

Wo aaj sham ko milne ke liye taiyar ho gayi.

Vaise to usko abhi do mahine aur yahaan rahna tha, lekin pura freedom tha kahin bhi aane jaane ke liye, so mere sath man chaha waqt gujar sakti thi wo….!!