My Life @Jindgi Ek Safar Begana – Update 62

Update 62

Meri khushkishmati samjho ya un logon ki badkismati, jis kamre ki khidaki peechhe ko khulti thi..wo log usi kamre mein maujud the

Unki halki halki awaaj us khidki ka seena cheer kar bahar aa rahi thi.

Mene khidki ko pakad kar halke se khinch kar kholne ka try kiya lekin shayad wo ander se band thi.

Window kaafi purani thi, to sambhavana ye bhi thi ki kuchh na kuchh to aisa rasta hoga jisase andar ko jhankne ka jariya mil sake..!

jaldi hi mujhe ek khidki ki lakdi ka tuta hua hissa jo bilkul uske neeche ki kinari par uski chaukhat par tika hua mil gaya,

mene halka sa apni ungli mein fansakar apni ore kheench to wo khichta chala aaya,

ab usmein achha khasa ek rectangular jharokha sa ban gaya tha.

Mene usmein se jhanka to andar ka nazara puri tarah saaf dikhyi dene laga.

Wo 9 log kamre ke center mein ek table ke charon ore khade they, jis par line se char time bomb rakhe they,

aur wo shayad expert hi hoga jo un sabko un time bomb ke baare mein kuchh samjha raha tha.

Mene faisala kar liya tha, mere pass ab bikul bhi samay nahi tha barbad karne ke liye,

in logon ka kaam kabhi bhi khatam ho sakta tha.

Isase pahle ki ye log yahaan se nikale mujhe action mein aana hi padega,

so back mein lagi belt se mene apni gun nikali aur unmein se beech wale bomb par nishana sadha aur trigger daba diya…..!

trigger dabate hi mene puri furti ke sath peechhe ko jump lagadi….!!!

Boooommmmm….bhadam…!!!!!!

Dhamake ke jhatke ne mere pair jamin par tikne se pahle hi firse uchhal diye,

mein pure veg ke sath peechhe ki boundary wall ki taraf uchhalta chala gaya, aur usase ja takraya,

meri aankhon ke saamne andhera chha gaya, lakh koshishon ke bawjud mein apne hosh hawas khota chala gaya..

Yahaan mera dhyan aur yog kriya ka parinaam saamne aaya, isase pahle ki afra-tafari jor pakadti koi 5-7 minute mein hi mera hosh laut aaya,

mene apne charon ore ka jayja liya, har taraf dundh hi dundh chhayi huyi thi, upar se raat ka andhera.

Dhamake ki intensity itani jyaada thi ki wo kamra malbe ke dher mein badal chukka tha, imarat ke baaki ke hisse bhi buri tarah chhat-vichhit ho chuke the.

peechhe wali basti ki light hi udd gayi aur wahaan gehan andhera chha gaya, andhere mein logon ki chheekho pukar machi huyi thi, bahar charon ore afra-tafari ka mahaul tha.

Mene apne pure sharir par hath firakar check kiya ki kahin kuchh damage to nahi hua na ! lekin eshwar ki kripa rahi…aur sab kuchh sahi salamat laga..!

jab sab kuchh apni jagah par sahi salamat paya, to mene hilne ki koshish ki, jhatke ki vajah se sharir mein thoda sa dard utha, lekin fir bhi mein dum laga kar uth khada hua, aur dheere-2 imaarat ke main gate ki taraf chal diya.

Logon mein bhay vyapt tha, isliye abhi tak kisi ki himmat nahi huyi wahaan ghusane ki, so bina kisi ki nazar mein aaye me chupke se wahaan se nikal gaya,

mere saare kapde dhool mein ate pade they, ekaant mein aakar dhool saaf ki, aur sab kuchh fir se check kiya ki kuchh chhoot to nahi gaya wahaan.

Me apne kamre mein aaya aur gungune paani se nahaya tab jaakar mujhe kuchh rahat mehsoos huyi.

Me khud ascharya chakit tha ki itna bada kaam mene akele kar diya tha. mann hi mann mene uparwale ko dhanyawad kiya.

Kuchh der baad mene waiter ko bulaya, to pahle to wo hadabadaya tha, aur mujhe wo ye batane ke liye mara jaa raha tha ki pass mein kya haadsa hua hai.

Mene bhi hairani jatate huye uski baat suni, fir khane ka order diya.

Khana khakar ab me apni jeet ko Chaudhary saab se share karna chahta tha, so call laga diya.

30 secs tak ring jaane ke baad hi bina pick kiye hi call cut ho gaya..! mene socha baat kya huyi..!! call kyo pick nahi ki..?

Me abhi isi udhed bun mein baitha tha ki mere special number par bell baji. Mene number check kiya jo ki mere liye unknown tha.

Mene call pick Karli, udhar se Chaudhary saab ki awaaj aayi- hello..! haan Arun kya khabar hai ..?

unki awaaj mein utsukta kam jashn ki khushi jyada jaan pad rahi thi.

Me- lagta hai sir..hamara media kuchh jyada hi active hota jaa raha hai aajkal..!

Wo thoda haste huye… hamari ashao se kaafi tej nikale tum..! well done arun, sach mein tumne saabit kar diya ki tumhein lekar hamane koi galti nahi ki, hamein fakhra hai tum par… we really proud of you.

Jaante ho iss samay me kahaan baitha hoon..? PM office mein unke saamne..

sath mein home minister bhi hain, lo PM saab se baat karo.. aur unhone phone PM ko de diya..!

PM- well done my child ! god bless you ! na jaane tumane kitne nirdos logon ki jaan bachayi hai. desh hamesha tumhara abhari rahega, aur haan ye batao ki tum theek to ho na !

Me- goo..good..ee.vening sir..! PM se baat karte huye meri awaaj mein kanpann jaisa tha.. ek anjani uttejana vas,

me apne aapko kitna gauranvit samajh raha tha, ye me bata nahi sakta.

Fir mene kaha – Me ab theek hoon sir..!

PM- matlab ! kucch hua tha tumhein..?

Me- wo sir bomb high intensity wala tha , to thoda body ko jerk laga tha, ab me bilkul theek hoon.

PM- take care my child… ! agar kuchh serious ho to medical care lena, traing ko extend kar sakte hain. OK.

Me- OK sir I will taken care my self, & will inform to office if any thing else, otherwise try karunga same date ko camp mein pahunchne ki.

PM- OK take care.. and good night ! aur fir unhone phone NSA ko de diya- unhone bhi care rakhne ka bola aur date extend karne ka insist karke Good night wish karke phone cut kar diya.

Saari raat, shahar ki sadkon par police syran ki awaaj sunai deti rahi, ab pata nahi konsa babri ke jinn ko bahar lane mein juti huyi thi ye police.

Pahle to thode se lalach mein aakar aisi wardato ko panapne ka mauka dete hain,

aur jab kuchh ghatna ho jaati hai to jut jaate hain desh ka paisa barbaad karne mein.

Ab pata nahi ye hamare desh ke kanoon mein kuchh kamiyan hain, ya khoon mein, ye gutthi kai baar mere saamne aayi lekin abhi tak sulajh nahi payi, aur shayad kabhi sulajh hi na paaye..?

Khair subah uthke me ready hua, pahli train pakadke apne ghar/ gaon aagaya.

Maa ke pair chhukar aashirwad liya apne naye jivan ki salamati ke liye, kyonki in sab mein kahin na kahin us punyatma ka bhi hath tha,

jisane apni aulad ki salamati ke liye na jaane kitne magh, na jaane kitne kartik maas nahaye the aur bhookhe rah kar upasana ki thi.

Aaj shayad usi ki koi dua kabool huyi ho uparwale ke darbaar mein.

Ab log chahe mujhe superstitious samjhein ya kuchh aur, lekin mein atma-parmatma, prarabdh mein Vishwas karta hoon, to apni maa dwara kiye gaye punya karmon ka pratap anpne jivan mein samjhata aaya hoon aur samajhta rahunga.

Mere paas abhi kuchh din they training join karne mein. Ghar par ab mera jyada mann nahi lagta tha, socha purne mitron se mil liya jaaye, fir na jaane kab mulakaat ho, ho bhi ya nahi jindagi mein.

To mene dhanajay ke gaon jaane ka nishchay kiya aur bhai ki bike li aur chal diya uske gaon ki ore.

Uske ghar jaakar pata chala ki wo gurgaon mein job karta hai, saadi abhi nahi huyi thi.

uske rahne na rahne se uske gharwalon ko koi fark nahi padata tha. unhone mujhe bade hi apnatva bhav se wel come kiya.

Rekha ki saadi ho chuki thi aur wo bhi kisi shahar mein apne pati ke sath rahati thi.

Ghar par uske parents aur bhaiya Bhabhi hi they. Sabse pahle uske ghar se uska contact number liya aur apne cell se usko call kiya,

jab usane call pick ki to mene usko 36 gaaliyan di.

Usne request ki, ki me aaj ki raat uske ghar rukun, wo kal dopahar se pahle kaise bhi karke pahunch jaayega.

Bhabi aur maa pass hi baithi thi, to mene taunt maarte huye kaha.

Maan na maan me tera mehmaan, kisi ke bhi ghar mein aise kaise koi ruk sakta hai, Bhabhi ne fatkaar laga kar bhaga diya to..?

wo phone par hi hasane laga, Bhabhi aur aunty bhi hasane lagi,

fir Bhabhi ne mere haath se phone le liya aur dhanajay se boli, dewar ji tum kal aram se aa jana, inke to hum hath pair bandh kar daal denge,

jaane ki baat to dur, yahaan se hilne bhi nahi denge aur khil-khila kar hasne lagi.

Wo itani khush dikhayi de rahi thi mere aane se ki mano koi unki koi bahut purani manokaamna puri ho gayi ho.

Kuchh der baad aunty bhi uthke apne kaam mein lag gayi, to mene unse puchha ki amar kahaan hai..? to unhone bataya ki wo school gaya hai..!

Me- wow ! school jaane laga ..??

to wo boli- kyon nahi, ab to wo IInd std. hai, badi-2 baatein karta hai bilkul tumhari tarah.

Kuchh der mein hi wo school se aagaya, me use dekhta hi rah gaya, kya sunderta payi thi usane, ekdum gora-chitta bilkul apni maa par gaya tha, haan aankhein mujhse milti thi.

dhoop mein chal kar aaya tha so uska chehra ekdum laal ho raha tha, mene use apni god mein bithake uske gaal par ek kiss kiya.

Amar- mummy ye kon hain..?

Wo kuchh der chup rahi.. to mene hi kaha, beta me tumhare dhannu uncle ka dost hoon.

To wo bola- fir to aap bhi mere uncle huye na ! mene kaha- bilkul beta ! hum bhi aapke uncle hai ye kahkar mene use apne seene se laga liya….!

Use gale lagate hi na jaane kyon meri aankhein nam ho gayi…