My Life @Jindgi Ek Safar Begana – Update 61

Update 61

jahan ek taraf ki baradari khatam hoti thi wahi se uske perpendicular kamre shuru ho jaate they, aur teen side se hote juye, duasri side ki baradari ke ant mein merge ho rahe they.

Me Kamron ko chhupte-chhupate check karta hua jaa raha tha, us line mein wo log mujhe nahi mile, to dusari taraf, mane main gate ke saamne wale portion ko dekhna shuru kar diya,

Ek ke baad ek kamre ko check karta hua me, main gate ke saamne tak aa pahuncha… lekin koi aahat mujhe abhi tak sunayi nahi di, jisase ye andaja laga sakun ki wo log kahaan hain.

Mene apna check karne ka kaam jaari rakha, aur ek aur kamra check karke aage badha hi tha, ki achanak mujhe un logon ki bat-cheet karne ki awaj sunai dene lagi, me dheere-2 us awaj ki disha mein badh gaya.

Wo ek hall jaise kamre mein kul 7 log they, jinmein ek takriban 38-40 saal ka aadmi, lamba chauda, lambi dadhi, cream colour ka pathani suit pahne huye un sabke beech khada tha, aur un logon ko kuchh samajha raha tha, me samajh gaya ki ye inka leader ho sakta hai.

Me us kamre se lage dusare kamre ki khidki se unhein bade ache se dekh aur sun sakta tha.

Leader un char ladkon ko, jo dilli se mere satha aaye they shabasi dete huye kah raha tha – tum charon ne bahut himmat ka kaam kiya hai,

jo bomb ka saaman aur barood hum itane dino se lane ki soch rahe they, wo tum logon ne laakar hamari musibat hal kar di hai,

me iske liye rehmaan saab se alag se tum logon ko inam dilwaunga.

Wo fir aage bola – dekho, hum wo bomb do din mein taiyar kar lenge, mene ek bomb expert ko bhi bulaya hai,

wo kal hi hamaare thikane par pahunch jayega, uske aate hi hum bomb assemble kar lenge, to parson ki raat tum sab log wahan theek raat 9 baje tak aa jana,

wo expert aur rehmaan saab bhi honge, tabhi aage ki planning set karke is kaam ko anjaam denge.

agar hamein is kaam mein fatah mil gayi, to hum is desh ki kafar sarkaar ko ek bahut bada jhatka dene mein kamyab honge.

Unmein se ek banda bola – hum jarur kamyab honege janab..! aap fikar na karein, hum apni jaan ki bazi lagakar is kaam ko anjaam denge, aur in kafiron se apna hisab chukta karenge..

Leader – shabas mujhe tum logon se yahi ummid thi, ab tum sab log jaao, aur parson milte hai,

Waki sab – ji behtar … janab..!!

Fir us leader ne kuch noton ki gaddiyan apni jeb se nikali aur un 6 longon mein baant di, aur wahan se chale gaye.

Ab mere hisaab se filhaal unlogo ka peechha karne ka koi matlab nahi tha..

so me wahaan se savdhani baratate huye naikal aaya aur us imarat, jismein unlogon ne wo explosive rakhe they, ke najdeek hi ek chhote se hotel mein room le liya.

Room mein pahunch kar sabse pahle mene Chaudhary saab ko message kiya ki abhi baat ho sakti hai ya nahi..

do minute baad hi unki call aagayi transmission line par.

Mene call pick ki evening wish ki aur fir ek hi saans mein puri ghatna unhein bata di ab tak ki.

Wo sabse pahle to thahaka lagakar haste rahe aur fir bole – kya Arun tumhare pairon mein koi chakkar lagta hai ?

ghar bhi nahi pahunche ki usase pahle kaam par bhi lag gaye…!

fir jaldi hi serious ho kar bole – mamla gambhir hai, sach mein ye ek bahut badi saazish ho sakti hai,

aur agar ye log safal ho gaye to bahut badi jaan maal ki hani hone ki sambhawna hai.

Me – ab mujhe kya karna chahihye sir..??

Wo kuchh der sochte rahey..! aur fir bole – me wahaan ke commissioner ko inform karta hoon,

wo log is saazish ko anjaam dein usase pahle hi hamein use nakamyab karna hoga.

Me kucch aur hi soch raha tha sir ! mene kaha, to wo bole- kya..?

Me – mujhe lagta hai, police karywahi itani secretly nahi ho payegi, wo log chonkanne ho sakte hain…

aur ye bhi sambhav hai, ki unka koi link police department mein bhi ho aur wo bach nikalein..!

Wo – to fir kya karna chahte ho tum..?

Me – jis tarah unki baton se pata chala hai, parso raat 9 baje wo sab ek jagah ikatthe honge sabhi ambution ke sath..

to me kisi tarah se waha pahunch kar saman ke sath-2 un sabko udda deta hoon jisase kisi ke bachane ki ummid hi na rahe,

isase kam-se-kam unka ek bada network tabah ho jaayega, aur kuchh dino tak unke dobara uth khade hone ki sambhavana khatam ho jaayegi.

Wo – ye bahut risk wala kaam hoga arun..! me is ke liye tumhein permission nahi de sakta..!

Me – jara sochiye sir ! agar maan lo police unhein gher kar surrender kara bhi deti hai, aur is yojana ko asafal kar bhi deti hai to kya guarantee hai, ki unmein se koi bachega nahi..

agar ek bhi bach gaya, to wo fir khada ho jaayega. Aur ye bhi sambhav hai ki inke log police mein bhi ho.

You can trust me sir ! me ye manage kar lunga.

Wo – mujhe tum par pura trust hai my dear boy, lekin…!!!

Me – don’t worry sir.. I will be come back soon with good news..

Unhone anmane swar mein mujhe permission dedi.. aur wish karke call cut ho gayi..

Mene unko bol to diya tha, lekin sach kahoon to abhi tak mere dimaag mein waha tak pahunchne ki koi yojana nahi thi.

do din they mere pass, to socha ki in do dinon mein koi na koi rasta nikal hi aayega.

Dusare din mene market jaakar kuchh jarurat ki cheezein kharidi, aur thoda bahut make-up ka saaman liya,

room mein aakar halka sa make-up karke apne ko thoda change kiya, chehre par dadhi laga kar kuchh kuchh un logo ke jaisa bhesh bana liya ..

room se bahar aaya aur imarat ke ass-pass mandarane laga, jisase koi aisa rasta nikal sake ki me uske ander tak pahunch sakun…

Mene us imaart ke ass-pass ki bhagaulik sthiti ko dimag mein bithaya, ek ghani lekin slum basti se ghiri wo imaart kaafi jagah mein faili huyi thi,

uska main gate basti ke road ki taraf tha, uske peechhe ki or ghani basti thi,

jahaan tamam lakdi ke khokhon me line se gandi aur badbudaar vatavaran mein meet ki dukane ek-do paan ki dukane,

chai ke tapre, aur ek badi si lakdi ki taal, jisase dhool si udati rahti thi din mein hamesha.

Imaart ke charon or ek 10 feet unchi chardiwari thi, uske top par kaanch ke tukade lage huye they, jisase usko kud kar andar jaana asaan nahi tha.

Me is samay ek paan ki dukaan par khada tha, mene usase ek sada paan banwaya, aur usase bat-cheet karne laga.

Mera intension tha, us imarat se jude logon ki jaankari nikaalna.

Paan wala khush mizaj aadmi tha, so batein karne mein usko bhi interest rahta tha, jaisa ki jyadatar paan wale hote hi hain.

jitani information chai aur paan ki dukanon se mil sakti hai utani kahin aur jagah se nahi milti

Baton-2 mein mene ye bhi jaan liya ki is imaart ke karta-dhartaon se local log khush nahi they,

kuchh-2 logon ko ye bhi abhas tha ki yahaan kuchh na kuchh desh virodhi gatividhiyan bhi panap rahi hain,

chunki rahmaan aur uske gurge bahut powerful they, is vajah se kisi ki himmat nahi hoti thi, unke khilaaf kuchh bhi bolne ki.

Yaha tak ki inki pahunch police ke aala officers tak thi aur wo log inko support karte they jaisa ki mujhe saq tha..

Do din mene inhi sab jaankariyo mein nikaal diye,

chunki raat ko pichale hisse mein street light vagairah ki bhi koi suvidha nahi thi wahaan par..

to mene udhar se hi ghusane ka plan banaya wo bhi ek lambe baans ke jariye jump laga kar.

Ye sab exercise mene bachapan mein hi bahut ki thi khel khel mein jo ab kaam aane wali thi.

Mera plan taiyar tha, ek risk ye tha ki mere andar kudate hi agar koi wahaan maujud hua to..? par itna risk to lena hi padega.

Action lene ka samay aa chukka tha aur koi raasta bhi to nahi tha, agar abhi nahi to ho sakta hai kabhi nahi,

pakka irada karke me apne hotel room se 8:15 PM par nikla, din wale hi make-up mein..

aur 15 minute mein hi us imaart ke gate ke pass ek safe jagah par baith kar aane jaane walon par nazar rakhane laga.

Karib 10 minute hi gujare honge ki un yuvakon ka aana shuru ho gaya, wo do-2 ke hisaab se bike par baith kar aaye aur us imaart mein enter ho gaye,

takriban 8:55 par ek kaale rang ki scorpio gate mein dakhil huyi, jismein shayad wo leader aur Rahman ke sath-2 wo bomb expert bhi tha.

Meri dhakande tej hone lagi, chahe kaisa hi mene past mein kuchh bhi kiya ho, lekin itna riski kabhi nahi tha, aur fir is samay me akela bhi tha,

jo bhi karna tha mujhe hi karna tha. mene 4-6 lambi-2 saans kheechi aur tahalte huye imaart ke peechhe ki side pahunch gaya..

Udhar ikka-dukka koyi bulb kisi-kisi khoke ke maathe par timtima raha tha, baaki jyadatr ilaka andhere mein hi duba tha,

us lakdi ki taal par bhi koi khaas ujaala nahi tha.

Ek lamba majbut bamboo, jo me aaj sham ko hi ek side mein rakh gaya tha apne kaam ke matlab ka, jo mera bhar sahan kar sake.

Us scorpio ko andar gaye 15 minute se upar ho gaye they, ab mujhe jaldi-se- jaldi andar jana hi tha,

so us bamboo ko hathon mein kas liya aur boundary wall se Karib 15-20 kadam peechhe gaya saans roki aur daudta hua diwaar ki taraf aaya,

diwaar se 3-4 foot dur bamboo ko tikaya aur uske force ke sath hi upar uthta chala gaya,

upar pahunchte hi bamboo ko peeche ki ore chhoda aur ander kood gaya.

Halki si dhapp ki awaaj mere juton se nikali, maano koi billi kudi ho..aur isi ke saath ab mein andar ki ghaas par baitha tha.

Charon ore ki sthiti ka jaayja leker me fauran utha aur building ki diwar se sat kar khada ho gaya aur kisi bhi prakar ki halchal ka intezar karne laga.

Jab 5 minute tak bhi koi halchal sunayi nahi di to mene apne paas ki ek khidki par kaan lagaye aur ander ka jaayja lene laga.