My Life @Jindgi Ek Safar Begana – Update 59

Update 59

NSA Ajit Chaudhary bole- Ab hum tumein ek job ke liye appointment letter denge jo tumhari degree ke mutabik bharat sarkaar dwara manyataprapt PSU mein ek enginner ke taur par rahega.

Dhyan rahe wo sirf dikhawe ke liye hoga, tumse us office mein kabhi bhi, koi bhi, kisi kaam ya upasthit rahane ke liye nahi kahega.

Tum wahaan ek bahut bade sifarisi karmchaari ke taur par dekhe jaaoge jaise kisi bade minister ya neta ke khas aadmi hote hain.

Wahaan join karne se Pahle 6 mahine tumhein ek commando traing camp bheja jaa raha hai, jahaan tumhari aisi training hogi ki tumhein nani yaad aa jayegi,

ye bolkar wo hasne lage. Fir thoda serious hokar bole-

Dhyan rahe arun, ab tum Bharat sarkaar ke ek aise numainde ho jiski jimmedariyan desh ke President aur prime minister se bhi badhkar hongi desh ki suraksha ko lekar,

ye log to badalte bhi rahenge, lekin tum sadaiv is desh ki hifazat karte rahoge.

So abse tum ek naye avatar mein badal chuke ho, is baat ko apne dil aur dimag mein abhi se baitha lo.

Mene seedhe akad kar baithte huye kaha- me aaj se balki abhi se ye sunishchit karunga sir, ki aapne jo kaha hai, un baton ka shat-partishat paalan hoga.

Me aapse ek vada karta hoon, ki mujhe saupi gayi koi bhi jimmedari, me apni jaan dekar bhi puri karne ki koshish karunga.

Mujhe lekar aapka sar kabhi nahi jhukega, ye mera vada hai aapse. Bas isase jyada aur me kuchh nahi kahna chahta.

AC- abhi kuchh hi ghanton mein tumhare paas saare necessary documents aur bank account no. usase releted saare documents mil jaayenge.

6 mahine commondo training camp mein tumhein training lena hai, uske baad tumhein jis PSU ka appointment letter milega usmein join karna hai.

Documents ke sath ek cell phone jo tumhare naam se register hoga NSSI office mein, jismein saare necessary contact numbers honge jo tumhare kaam ke dauran lagenge including Prsident of India, PM aur mera bhi.

Tamam rajyon ke IG, DIG, har bade shahar ke bade adhikiyon se tum kabhi bhi contact karke koi bhi madad maang sakte ho,

sirf tumhein apni identity puchhe jaane par NSSI agent ka number- 1,2,3 (jo tmhara agent no. hoga) hi batana hoga….

Kuchh der thahar kar Wo aage fir bole-

Jo bank account tumhein diya jaa raha hai, uski limit tum khud tay karoge, jitana chaho utna paisa nikal sakte ho, ye account aaj aur abhi se activate ho chukka hai…

lekin uska poora lekha jokha office ko dena hoga proper justification ke sath.
mahine ke 50000/- tak ki limit mein koi sawal jabab deya nahi hoga, matalav ye tumhari official monthly salary hogi.

Ab tum jaao, aur isi building ke block no 4, room number 12 mein jaake aaram karo ye saare documents with all neccessory information wahin pahunch jayege. 4 din baad tumhein traing camp mein pahunchna hai.

Me unko thanks bolkar unke bataye huye pate par pahuch gaya, room dekh kar meri aankhein khuli rah gayin,

Room kya, ye to 7star hotel ka koi suite jaisa lagta tha, jismein saari sukh suvidhayen maujud thin yahaan tak ki duniya ki tamam tarah ki mehagi se mehangi sharab bhi jo filhaal mere kisi kaam ki nahi thi.

Subah early morning ki train pakdane ke liye 3 baje uthna pada tha mujhe, aur vaise bhi neend nahi aayi thi raat bhar soch vichar mein,

So saamne Mulayam bisater dikh jaye ek dehati ko jo ek to raat bhar ka jaga hua, aur upar se tuti-futi khaat par mamuli se bistar par sone wala, soch sakte ho kya hua hoga.

Palang par Padte hi neend ne aisa jhapatta mara ki seedha kisi ke jhakjhorne par hi utha,
koi mujhe buri tarah se jhakjhore raha tha,

kuchh der to ye bhi mere sath sapne mein ho raha hai, aisa hi laga,

lekin jab kaafi der hilate-2 wo jagane wala banda bhi frustrate ho gaya aur usne mere hath ko pakad kar jorse kheencha, tab jaakar meri aankh khuli.

Me hadbadakar aanhkein malte huye utha, dekha to saamne ek adhed umra ka adha ganja aadmi, jo badan se bhi bedaul lag raha tha khada mujhe kha jaane wali najron se ghur raha tha aur sath hi sath kuchh badbadaye jaa raha tha.

Wo – kya ghode bech kar soye ho ? lagta hai kitne hi dino ke baad sone ko mila hai..?

lo ye apna bag sambhalo. NSA office se bheja hai tumhe dene ko.

Me- ismein kya hai..?

Wo – mujhe nahi pata, khud dekhlo..! mera kaam tha ye bag tum tak pahunchane ka so mene kar diya, ab tum jaano tumhara kaam..

kabse hilaye jaa raha hoon ? uthane ka naam hi nahi le raha tha, ye sab saale ministron ke pehchan wale aise hi aate hain kya..?

Aur na jaane kya-2 bad-badata hua wo wahaan se chala gaya.

Wall clock mein mene samay dekha..! O teri ka.. 6 baj gaye… !!

Fir mene bag kholkar check karna shuru kiya…dekhein to sahi kya hai is jaadu ke pitare mein..?

Usmein bank accounts se related documens, ek PSU ka aaponitment letter, jo Gujarat ke bade shahar mein hai, joining date aaj se 7 mahine baad ki thi.

Ek decoded letter jo mujhe training camp mein dena tha, kisko report karna tha kis date mein, ye saari baatein details mein thi, mere agent code ke sath.

Mera agent code tha 928. Iska matalav 927 agents are already working for NSSI, jinka har kisi ko pata nahi tha, sivay kuchh ginti ke logon ke.

Documents ke alawa ek packet nikla jismein ek dual sim cell phone tha jiski ek sim ordinaery thi, jo mere naam se hi registered thi, lekin dusari sim ko kholte hi meri aankhein khuli rah gayi..

Ye koi mamuli sim nahi thi, ise open karne ke liye pahle mujhe kuchh instruction follow karne pade, jo ki usi packet mein rakhe ek paper mein diye they.

Wo saare instructions padne ke baad mene us sim ko activate kiya to usmein saare secretes bhare pade they,

pure desh ke sabhi bade-2 adhikariyon ke contact numbers se leke unse sambandhit sari informations bhi thi.

Ye koi aam number nahi tha, matra 6 digit ka number international transmission capability wala tha,

matlab agar me duniya ke kisi bhi kone mein kyon na houn, kisi ko bhi contact kar sakta tha, aur mujhe koi trace bhi nahi kar sakta tha,

yani ye kisi bhi subscribed network ki range mein nahi aa sakta tha.

Kitani hi der me us special number wali sim ko samajhta raha, fir bhi abhi 1/4 system hi samajh paya tha.

Mera dhyan bhang hua kisi ke aane se, mene us vyakti ki ore dekha to wo bola – saab ye room meri service mein hai,

ab aapko jo bhi chahiye, raat ke khane mein wo aap is menu se select karke mujhe bata dijiye.

Mene menu usake hath se liya, aur kuchh man pasand khana lane ko bol diya. Jab wo chala gaya to firse me us bag ko khangalne laga.

Dekhein to sahi, aur kya-2 nikalta hai is jaduyi pitare mein se.

Cell ko ek kinare rakh mene dusra packet nikala jo kuchh vajandaar tha.

jab mene us packet ko khola to.. Wow ! usmein se ek fully automatic karib 8” lambi 11 round gun nikali, imported made in germany,

sath mein 5 ready megzines. Aur last mein ek shandaar kabuli khanjar…..ekdum chamchmata hua, jo mera khas weapon tha.

Bag ke andar ek aur pocket thi jiski jip band thi, utsukata vas mene wo jip kholkar us pocket ko bhi dekhne laga,

jaise hi usmein hath dala ki ek chhota sa packet mere hath mein aa gaya, mene use bhi khola to usmein se ek multi functional wrist watch nikali.

Battery se chalne wali ye wrist watch dekhne mei to aam watch jaisi hi thi, lekin mene jaise hi use on kiya aur one by one uske functions check karne laga,

ye koi aam watch nahi thi, ismein ek mini compass bhi tha,

aur sabse khas baat thi ki watch explosive ko 500 meter ki doori se hi sense kar sakti thi uska direction kidhar hai wo bhi bata sakti thi.

jaise-2 target ki ore jaya jaye to uski distance bhi indicate hoti thi, ye saare indications digital they.

Cell phone ko chhod kar baaki sabhi chhezon ko mene dubara se bag mein dala aur abhi us cell phone ke baaki ke system ko samajhne ke liye open kiya hi tha ki cell ki bell baji…!

Me ekdum uchhal pada mano kisi bichhu ne dank maar diya ho, karan tha wo bell jo special number par aayi thi.

Mene call pick ki to udhar se NSA Chaudhary ki awaj kaanon mein padi..

Mene evening wish karke unko thanks kaha- fir wo kuchh der aur jaruri instruction dete rahey aur kal nikalne se pahle ek baar milke jaane ko bol kar call cut kar di.

Uske kuchh der baad hi khana aagaya, mene khana khaya aur jaise hi room service barten samet kar gaya, mene bistaer par baith kar firse us cell ke special function samajhta raha.

Isi mein kab 12 baj gaye pata hi nahi chala, jab aankhein bojhil hone lagi to me use band karke so gaya,

AC room mein aisi neend aayi ki raat ka pata hi nahi chala.