Update 58
Dhyan ke sath-2 ab mene kuchh yoga aur pranayaam exercise bhi shuru kardi thi jinka instant asar padana shuru ho gaya.
Yoga pranayama karne ke baad dhyan gehra hone laga, jisase meri decision power, physical power aur bhi badh rahi thi.
Ek din Subah ke sade teen – char ka waqt tha, me dhyan mein baitha tha ki achanak meri aankhon ke saamane ek chhanaka sa hua,
mere ass-pass ka vatavaran ek dum halki neelima liye huye safed roshni se jagmaga utha,
wo roshni charo ore bikharti jaa rahi thi, uska dayara badhta chala jaa raha tha, ab jahaan tak meri kalpna Shakti phunch rahi thi waha tak wo roshni mujhe dikhayi de rahi thi.
Me us roshni mein nahaya hua tha, meri aankhon ke theek saamne ek jagah wo roshni ek samuh mein ikattha hone lagi, maano baadal ek jagah jyda gahen ho gaye hon, aur uske ass-pass dhuye jaisa bikhra hua ho.
Dheere – 2 wo roshni ka samuh ek aakruti mein parivartit hone laga.
Dhhere-2 ab wo aakruti ek manav sharir akhtiyar karti jaa rahi thi, lekin purntah samanya manav jaisi nahi..!
pratit horaha tha mano koi parchhayi si hawa mein tair rahi ho.
Anayas hi vatavaran mein kuchh garjana jaisi hui, aur us aakriti se ek awaj utpann hui mano wo mujhe sambodhit kar rahi ho.. !
me us aakriti ko vishmay se dekh raha tha.
Apne aap ko pehchanane ki koshish karo hey manav- jaise ye shabd us aakriti ne mujhse kahe hon.
Wo awaj mere charon ore vyapt vatavaran mein goonj rahi thi. Me sirf aplak uski ore dekhe jaa raha tha, aur un shabdon ko sun raha tha.
Tum aseemit kshamtaon se yukt ho, apni is kshamta ko theek se pehchano aur use manav jaati ke kalyan mein lagao isi mein tumhra kalyan hai aur yahi tumhari niyati bhi…!
Me – lekin me to samajik seemao mein bandha hoon, fir me in bandhaon ke rahte kaise jan kalyan ke karya kar sakta hoon, aur usase mujhe kaya laabh..?
satkarma karne ke liye koi seema ya bandhan tumhein rok nahi paayega.. bas ek baar nishchay kar lo..us parchhayi ne jabab diya !
rahi baat laabh ki to wo apne karmon par chhod do.
Yaad karo bhagawan srikrishana ka Geeta mein diya hua wo updesh….!
कर्मण्येवाधिकारस्ते मा फलेषु कदाचन। मा कर्मफलहेतुर्भूर्मा ते सङ्गोऽस्त्वकर्मणि ||
Tum sirf karm karo, phal usi anupat mein niyati nirdharit karti hai.
Swatah hi mere hoth hile rahe they, mene fir us parchhayi se swaal kiya- hey dev ! aap kon hai..?
Wo – tumhare andar sthit alaukik Shakti ka hi ek swroop hoon me..! jab tum apne aapko purntah pahchan loge to paaoge ki me tum hi hoon.
Sirf apne teesare netra ko kholne ki jarurat hai, jo har prani-matra mein vidyamaan hota hai…!
Jo use khol pata hai, wo swatah ko pehchan leta hai, aur labh-haani ke chakkaron se mukt hokar niswarth karm karta rahta hai…
itna kah kar wo aakriti lupt ho gayi aur dheere-2 wo roshni ka samuh mere apne sharir mein hi vilupt hogayi.
Mene hadbadakar aankhein kholi aur apne charon ore ka nirikshan kiya, sab kuchh purvavat samanya hi tha.
Me thodi der shavasan ki mudra mein let gaya aur achetan mein dub gaya.
Subah jab mein utha, to sab kuch pahle jaisa hi tha par andar kuchh-2 badal raha tha maano, ab me ek niranay ki sthiti me aa chukka tha.
Mene soch liya ki ab mujhe ati sheeghra yahaan se nikal jana chahiye. Niyati ne mere liye jo rasta nirdharit kiya hai, uspar chalne ka samay aa chukka hai.
.
Me ghar aaya, nasta vagairah kiya, aur bike leke town mein pahuncha wahaan ek STD booth se NSA Amit Chaudhary ko phone lagaya..
Kuchh der ring jaane ke baad phone pick hua- hello kon..? udhar se NSA ki awaaj ubhari
Me – may I talk to NSA of India Mr. Amit Choudhary..??
Yes ! Amit Choudhary speeking..! who are you..? udhar se bola gaya.
Me – Sir ! good morning !! Mai Arun Sharma bol raha hu ..!
AC – koun Arun Sharma..? oh ! tum ho ! Ha kaho Arun.. phir kya socha tumne ..??
Me – sir agar sambhav ho to mai aap se milna chahta hu ..!
AC – Yes ! of cource ! Kyo nahi…bolo kab aa sakte ho mere office..?
Me – jitne jaldi sambhav ho sake.. sir !!
AC – OK aisa karo tum kal 11 AM. Mere office aa jao ..mai wahi milunga tumhe
Me – ji Sir … aap apne office ka addres bata de muje ..mai samay par aa jaunga ..
AC – sure ! Meri secretory ko phone deta hu wo tume addres samja degi .. OK
Fir kuchh der shanti rahi uske baad ek surili si awaj mere kaanon mein padi-
hi mai Shyamal Malhotra bol rahi hu…, secretory of NSA India. plz note kijiye office ka address…!
Fir usne mujhe apna address likhvaya aur phone cut kar diya.
Dusari subah early morning mene train pakdi aur 10:45 AM ko mein secetrate area mein tha.
office dhudate-2 …11 baj hi gaye. Security mein entry karai aur jaake unke office mein enter hua.
Saamne ek bahut badi si table ke peechhe ek badi si revolving chair par Mr. Chaudhary baithe huye they unke bagal ki ek seat par ek satan ki sadi mein unki secretory Shyamal Malhotra baithi thi,
wo ek lagbhag 30 saal ki nihayat hi khubsurat mahila thi.
May I come in sir..! unhone apna sar darwaje ki ore uthaya, aur mujhe dekhte hi ek smile deke bole – oh Arun ! please come..!
Me andar gaya to unhone mujhe baithane ka ishara kiya. jab me baith gaya to unhone apni secretory ko koi kaam diya aur use bahar bhej diya.
AC – meri ore dekhte huye.. you are so punchual.. apne ghar se yahaan tak right time par pahunch gaye. I like it..!
Me – sorry sir office dhudane ke chakkar mein do minute late ho gaya.
AC – its OK. Arun ye batao kya socha tumne ?
Me – Sir aap boliye ! mere liye kya aadesh hai ? mujhe to bas desh aur deshvasiyon ki hifajat karne ka shauk hai. isase jyada me aur kuchh nahi kahna chahta.
AC – mene tumhare baare mein home minister se baat kar li hai, unke sujhav par PM se bhi mila,
PM ne saaf-saf kaha hai, ki hamein desh hit mein kaam karne wale har nagrik ki bhavnaon ka samman karna chahiye, aur jo jis kabil hai use uss hisab se jimmedari de sakte ho.
Hamri ek sanstha hai jo desh ki internal aur external suraksha sunishchit karti hai, jiski jaankari sirf PM, HM, DM ko hi hai,
Baaki sarkaar ke numaindon ko sirf itna pata hai ki koi National Secrete Service of India (NSSI) naam ki bharat sarkaar ki koi agency hai,
likin ismein kon log hain, kitane agent kaam karte aur kisko report karte hain, kisi ko nahi malum.
Bharat sarkaar ne ye jimmedari mujhe saunpi hai, aur isake tamam agent ya to PM, varna mujhe report karte hain,
agar hum dono mein se koi available nahi hai, aur koi urgency hoti hai tabhi HM aur DM koi decision le sakte hain un agents ke baare main.
Ab mene PM ko isi sanstha ke liye tumhara naam propose kiya tha, jo unhone approved kar diya hai,
ab tumhein is agency ke tahat ek under cover agent ke taur par kaam karna hai, jo desh ke andar ya bahar paristhiti ke hisab se tumhein decide karna hoga.
Hamari ore se keval ek assignment ke taur par ek order issue hoga, baaki ka kaam tuhmara khud ka hoga.
Ek baat note karke rakhna, tumhari identity NSSI ke agent ke taur par kisi bhi surat mein sarvjanik nahi honi chahiye,
agar galti se bhi aisa hua, to tumhein turant wahaan se hata kar under ground kar diya jaayega,
ye bhi ho sakta hai ki tumhein apni jindagi se bhi hath dhona pade. Ek baar firse soch lo, kya ye ho payega tumse..?
Mene kaha – sir ! ab jab okhali mein sar daal hi diya hai, to musal se kya darna…
Meri baat par wo thahaka laga kar has pade, me bhi unka sath dene laga…
fir wo bole – Shabash bete ! mujhe tumse aisi hi dileri ki asha thi…
Leave a Reply
You must be logged in to post a comment.