My Life @Jindgi Ek Safar Begana – Update 56

Update 56

Ander aate hi, SSP ne seedhe meri ore rukh kiya aur mere kandhe par hath rakh kar mujhse bole –

apna muh band karlo barkhurdaar.. ! varna koi macchhar ya makkhi ander gus jayegi..

mene jhenpate huye apna muh band kar liya… lekin meri prashnavachak nazarein abhi bhi unko hi dekhe jaa rahi thi.

Me- SP saab aap aur yahaan…?

Wo- my dear youngman ab me SP nahi SSP hoon..!

Me- ha..haan.. wahi to me dekh raha hoon, ki aapka promotion kab ho gaya ? aur usase bhi jyada hairani mujhe aapko yahaan dekh kar ho rahi hai…

Wo – chalo ander chal kar baithte hai, tab tumhari saari shankaon ko door kar denge.. OK.. come.

Fir hum paanchon log ek officers cabin cum police conference room mein aakar baith gaye.

SSP ne khas kar mujhe apne bagal wali chair par baithne ka ishara kiya, unke dusari ore SP they.

Prem bhaiya to aankhein faade ye sab dekh rahe they, unke palle abhi tak kuchh bhi nahi pada tha.

aisa nahi tha ki wo akele hi asamanjas mein they, us inspector ka bhi kuchh aisa hi haal tha.

Usko to shayad SSP ke aane ka bhi anumaan nahi tha, use sirf SP ka hi pata tha isaliye wo bhi hairan tha.

Jab sab log baith gaye to SSP ne bolna shuru kiya.

SSP – sabse pahale Arun me tumhari shanka ka samadhan karna chaunga.

Ye jo mere sharir par tamage aur SSP ki vardi dekh rahe ho na ! wo tumhari vajah se hi hai.

Hum sabhi ke muh se ek sath nikla- kaya..?

SSP – muskarate huye- yes..! ye jab NEC mein padhta tha tab isne apne doston ko lekar ek aisa kaam kiya jo ek sabhya samaj ke liye bahut hi eham aur sakaratmak hota hai,

fir unhone wo drugs mafiya ke safaye wali ghatna detail mein sabko batayi.

SSP ne aage bolna shuru kiya – Us ghatna ka sherya police ko bhi mila, chunki me aur us samay ke hamaare commissioner Mr. Rathi in logo ke sath persionally involve they aur hamane inki har sambhav madad ki to sarkaar ne hum dono ka hi promotion kar diya, sath hi transfer bhi de diya.

Me- to kya commissioner saab bhi promot ho gaye..?

SSP- yes ! and now he is DGP .

Me- kya..? to ab wo kahaan hain..?

SSP – yahin..! hamare hi shahar mein..!!

Me – kya kah rahey hain aap..? kya sach mein Rathi saab hamare shahar ke DGP hain aajkal..?

SSP – ek dum sach.. ! aur ab aate hain mudde par jiske liye hum yahaan aaye hain.

Tumane kuchh mahine pahale apne ghar par chadh kar aaye ek dakaiton ke giroh ka safya kiya tha..,

police report ke hisaab se usmein sabhi gaon waalon ne milkar is ghatna ko anjaam diya.. jo us samay tumhare bhai ne bayan diya tha.

Me – ji sir, wo yahi hain mere bhai, Prem chand ji, teacher hain yahaan school mein.

SSP ne unse hath milya aur bole – master saab aap ne apne ghar mein ek anmol heera chhupa rakha hai, ab to use bahar nikaliye..? itna bol kar wo muskra diye.

Prem bhai ashcharya mishrit hasi haste huye bole – Johari to aap hi hain na SSP saab jo heere ko parakh paaye.

SSP – haan to me kah raha tha ! ki inke bayan ke mutabik ye sab goan walon ke sahyog se sambhav hua tha,

lekin kuchh din pahle aapke hi kisi dushman ne yahaan aakar hamare inspector ko khabar di ki ye kaam akele Arun ne kiya hai.

Ab chunki case shuru ho chukka tha, so inspector apne end se kuchh nahi kar sakta the, to inhone ek likhit report SP ko bheji, aur inhone mujhe.

Me arun ka naam padhte hi samajh gaya tha ki ye report sach hi hogi, isaliye us report ko lekar me DIG office pahuncha, aur jab hamne ye case discuss kiya to unhone bas ek hi baat kahi.

Is ladke ko mere pass lekar aao, ab iski ye khubiyan desh ke kaam aani chaiye, desh ko aisi bilakshan sakti ki jarurat hai.

aur dekhlo me tumhare saamne baitha hoon.

Me – thoda garv mehsoos karke bola- sorry sir ! lekin aapka tariqa mujhe achha nahi laga.

Sab meri ore hairat se dekhne lage ki me ek SSP se is tarah se bhi baat kar sakta hoon.

SSP muskaraye aur bole – me samajh gaya ki tum kya kahane wale ho..?

par ek to hum Policewale aisa hi kuchh tariqa samajhate hain, dusara hamein tumhare gaon ke baare mein koi idea nahi tha.. but don’t worry hum abhi challenge tumhare ghar..

kyon master saab le challenge na hamein apne ghar aur ye kah kar wo thahaka maar kar hasane lage..

Meri baat ka ashay samjh kar baaki sab bhi hasane lage.

Prem – ye to hamara saubhaya hoga SSP saab ki aap hamare ghar aayenge.

SSP – to fir der kis baat ki, chaliye aur vaise bhi hamein lautna hai aaj hi Arun ko sath lekar.. DIG saab se vada jo kiya hai hamne…

Hum sab apne ghar pahunche – SSP aur SP ki gadiyon ko dekh kar Gaon, mohalle ke logon mein khusar-phusar hone lagi..

jo aadmi thane mein sacchayi bata kar aaya tha, wo ati prashann tha, shayad usko laga hoga ki ab ye sab gaye lambe samay ke liye jail mein.

SSP aur SP ghar ke baaki logon se bhi mile, meri maa ke pair bhi chhuye unhone aur aashirwad lekar bole-

Mataji aap dhanya hain jo aapne aise heere ko janm diya hai..

Meri maa ki budhi aankhon mein paani aa gaya, usane mere mathey ko chum liya.

Hamne unhein chay nasta karaya, kuchh der baith kar baatein ki, aur fir mujhe sath liye hum sab nikal liye,

Virodhi ab aur jyada khush lag rahey they ki finally ek to lamba gaya.

Mene prem bhai ko samjha diya tha, ki thane mein huyi baato ka abhi kisi se koi jikar na karein.

Me SSP ke sath shahar phuncha, wahaan jaakar pata chala ki DIG saab kisi dusare shahar ke duare par nikal gaye they,

So SSP ne mujhe apne bangle par chhoda aur apne ardaliyon ko mera khayal rakhne ko bol kar wo apne office nikal gaye.

Der sham koi 8 baje unka phone unke bangle par tainat logon ke paas aaya aur unhone unhein hidayat di ki unmein se koi driver mujhe leaker 1 ghante mein DIG ke bangle par pahunche.

Me jab DIG ke saamne pahuncha to unhone saare protocol todkar apni seat se uthakar mujhe gale se laga liya.. aur mere sar par hath rakh kar bole..!

well done my boy.. you simpally a great guy..! I am really proud of you.

Baitho.. aur meri baat dhyan se suno-

tumhare dwara anjam di huyi do aisi ghatanayen hain hamare saamne jo cheekh-2 kar ye kahti hain, ki is ladke ki jarurat aise kuchh chhote-mote kaamon ke liye kafi nahi hai, ise to desh ke liye kisi bade kaam ke liye hona chahiye..!

Me – sir do ghatanyen nahi char, fir jab mene Rishabh Shukla ke gaon mein huye mele ke dauran Gondiya daku wali ghatana, aur *****/ rampur mein atankwadiyon dwara bomb blast ki yojna ko fail karne wali ghatana batayi..

wo muh baaye mujhe dekhte hi rah gaye.. aur fir anayas hi unke muh se niakal pada – you are a one man army..!

Oh come on young man ! why you are waisting your incredible inergy in such a small things ?

is gum-nami se tumhein bahar nikalna ab jaruri ho gaya hai.

SSP kal hi ek file taiyar karo aur central home ministry ko bhejo.. fir aage dekhte hain kya faisla lete hain wo log iske liye.

Me – kya karwane wale hain sir mujhse..?

DIG – abhi kuchh bhi kahana sambhav nahi hai mere liye, lekin itna kah sakta hoon, kucchh to bada socha hai upar wale ne tumhare liye, ab uske agale aadesh ka intezar karte hain.

Isi tarah ki fir kuchh personal baatein ki, kucch der baad hum teenon ek five star hotel mein baith kar dinner le rahe they.

11 baje hum hotel se bahar nikale, mene ab unko nikalne ke liye bola to wo rukane ke liye kahne lage.

Ab police walon ke mahaul mein raat katna is samay mujhe sahi nahi laga,

Aur vaise bhi ghar par sabhi chintit they, ki pata nahi kya hua hoga mere sath…

so mene unko fir se request ki, to unhone apni special gaadi ko mere sath bhej diya.

12 baje mein apne ghar par tha, us driver ko chai paani pilaya aur vida kiya.

Prem bhai ye janane ke liye utsuk they ki kya baatein huyi mere aur DIG ke beech,

lekin baaki logon ko is Vishay mein koi jaankari nahi thi to unke cheharon par chinta ki lakirein thin.

Shyam bhai to bhadak hi gaye – aur dikhale hero giri, ab ho gaye na police ke chakkar lagna shuru..

mene kuchh nahi kaha aur garden neechi karke mann hi mann hansane laga.

Prem bhai – ye tu kya baat kar raha shyam..? kin chakkaron ki baat kar raha hai..?

unhone shyam ke sar ko apni ungali se thokte huye kaha- usko daantne ki bajay, iska istemaal kar,

ye koi sadharan baat nahi hai, ki ek SSP hamare ghar aaya, itne bade adhikaari ne tai ke pair chhuye…

ise persionally apne sath bithakar DIG se milwane le gaya, aur tu ise khali hero giri maan raha hai.

To sun ye koi aisa vaisa filmon wala hero nahi hai…,

jahaan hum sab dum daba kar bahar khade un badmashon ke jaane ka intezaar hi kar rahe they, wahin is akele ne un sabko mara hi nahi, apne ghar ki izzat bhi bachai.

Puchh apni Bhabhi se kya kiya tha un logon ne in sabke sath, bolte-2 unki aankhon se pani barsane laga.

Ye sach mein ek dewta paida ho gya hai hamare ghar mein, ho sakta hai hamare purkhon ne koi punya karam kiye honge pahle.

Kash ye mera saga bhai hota..? lekin tum logon ne kabhi isake ehsano ko nahi mana jo isane is ghar par kiye hain, ulta usko ek majdur ki tarah rakhte ho.

Me – ab shant ho jaiye bhaiya, mere liye aap kisi se kuchh mat kahiye please..!

me nahi chahta ki is ghar mein me apne bache khuche din hum apas mein kaha-suni mein bitayein.

Shyam – kyon kahin jaane wala hai ? kahaan tere liye mill chal rahi hain jahaan tujhe MD rakhne wala hai koi..?

Me- mujhe kisi mill mein MD banane ki koi jarurat nahi hai, mere liye eshwar ne jo bhi socha hoga wo me kar hi lunga,

par ab jyada din aap logon par bojh nahi banunga, itna vada karta hoon, ab aap sab log jaaiye aur so jaaiye please……..

Dusari subah Prem bhai ne mujhe puchha ki kya baat hui wahaan..?
to mene unhein bataya ki abhi kuchh decide nahi hua hai, file jayegi, ab dekhte hain kya hota hai..

Prem – arey dekhna bahut achha hi hoga tere liye, aur in na-sukaron se jaldi hi chhutkara milega tuje.

Me – bhaiya me aapke hath jodta hoon, aap meri vajah se aainda kisi ko kuchh nahi kaheinge jab tak me yahaan hoon. Vada karye..!

Prem – theek hai tu jo kahega vaisa hi hoga, vaise is gadhey ko akl hai ya nahi, bas jo muh mein aata hai bol deta hai.

arey andhey ko bhi dikh raha hai ki itane bade-2 adhikaari IAS, PCS rank ke jis ladke se mil rahey hain apne sath bitha rahey, uski kuchh to value hogi, hum kabhi soch bhi nahi sakte apne liye ye sab.

Me – jaane dijiye.. ho sakta hai unka sochne ka najariya kuchh alag ho, kuchh darr ho unke mann mein.

Me chai nasta karke tube well par jaane ke liye nikal hi raha tha ki shyam bhai bole – chal me bhi tere sath chalta hoon, fasal dekh kar aata hoon.

Me – theek hai, chalo… aur hum dono kheton ki ore chal diye apni alag-alag sochon ko apne mann mein liye…