My Life @Jindgi Ek Safar Begana – Update 20

Update 20
[“SASS” on action✓ mode]

Ye baat raat ko hi aag ki tarah pure campus me fail chuki thi ki shrivastav & co. drug dealing karte pakde gaye hain, subah sabhi students hamein appreciate kar rahe they, jaise jiska milna ho paaraha tha.

Hamare dwara kiye gaye is saahsik karya ki sarahana college ke board of directors ne bhi ki, aur hum logon ko purskrit kiya gaya, sath hi nirdharit committee ko bhi board of directors ki taraf se swikriti mil gayi.

Dusri subah hi SASS committee ka draft taiyar kar liya gaya, aur usko principle ki seal sign karke circulate kardiya, jisase sabhi students ko bhi iske baare mein pata chal gaya.

Saare college mein hum charon ke hi charche they, jidhar dekho students group bana ke baatein kar rahe they ki kaise hum char logon ne un aath logon ko dhool chatadi aur unke kale karnamon ki pol khol ke rakh di.

Kuchh students ne individualy contact kiya aur apni ichha jatayi samiti mein participate karne ki, mene bhi unko ashwasan de diya is shart par ki tum un logon ka pata lagake do jo campus ke andar drugs lete hain.

Ek-do ne to turant kuchh ke naam bhi bata diye, mene aur do smart se students ko select kiya aur in charon ko kaam de diya ki tum log ek list tayar karo, apne sutron se, kon-kon drugs leta tha inse aur ab unki source kya hai.

Tum jitni jaldi ye kaam karoge, utni jaldi hamari samiti me shamil ho jaoge. Wo charon lag gaye kaam par.

Mera iraada tha drugs ki outsource ka pata lagana, aur apne college ke bhatke hue students ko seedhe raste par laana.

Mujhe aasha thi, ki hum is karya me jaldi safal ho jayenge….

Ek hafte baad hi un char ladkon ne jo list di, meri to khopdi hi ulat gayi…

Lagbhag 100 students they jo drugs ke aadi ho chuke they, jab current source ke baare mein pata kiya, to do char kuchh chote-2 adde they shahar mein jo students ko in logon ke dwara drugs supply karte they.

Mene principle ko jab wo list dikhayi to wo bhi sakte me aagaye, wo bole arun ye ho kya gaya hai, aaj ki generation ko..?

Me- sir ismen in students ka dosh nahi hai, inhen to jaise bahakaya jaye, ye bahak jaate hain, ye ek bahut bada racket hai jiski jadein bahut gehri hain.

Khair sir unhen chhodiye, ab hum ye chahte hain, ki in sabhi students ki ek secrat meeting bulai jaye, aur inka aap brain bash karne ki koshish karein, jisase ye apni padhai shanti purvak karke nikal jayen, ismein unki aur college dono ki bhalai hai.

Principle –humm… tum sahi kahte ho, me aaj hi ek secrat note in sabhi ko bhejta hoon, aur kal hi inki meeting lete hain, me chahunga ki tum bhi wahan maujud raho.

Me- sir me akela nahi hum charon member rahenge, jisase un logon ko bhi encouragement milega.

Principle- brilliant arun tum bahut door ki sochte ho..

hamein garv hai ki hamare college ko pahli baar ek achha student mila hai, jiski soch samaj ki bhalai ke liye hai. dhanya hain tumahare parents jinhone tum jaisi santaan paida ki.

Mere chehare par anayas hi ek rahasyamayi muskan aa gayi, jise dekh kar principle Rustam Singh uska karan puchhe vagair nahi rah sake…..

Meri baat par tum muskaraye kyon..? puchha principle ne.

Me- sir aapne baat hi aisi ki thi …

p- konsi baat..?

me- santan paida karne wali sir..

p- kyon mene kuchh galat kaha…?

Me- nahi sar aapne kuchh galat nahi kaha lekin ye galat hai ki mere mata pita ne mujhe aisa paida kiya..

p- kya matalav…?

Me- sir unke liye to me ek unchahi Santan tha, jise unhone puri koshish ki iss dharti par aane se rokne ki..

fir mene unhen apne janm se judi har baat batai, to wo ashcharya chakit rah gaye…

prof- to ye hai tumare is tarah ke nature ka raaj… god gifted ho..

me- ji sar, aur isliye mein maut se bhi khauf nahi khata kabhi. Kyonki usi maut ne mujhe punar-jivit kiya hai, to usase kya darna… aur fir wo to sabhi ko kabhi na kabhi to aani hi hai…

p- great ! arun.. you are simply great.… god bless you my child, aur itna kah kar bhawuktavas unhone mujhe gale se laga liya.

Principle ka note milte hi dusare din 10 baje wo sabhi students darte-2 ek meeting hall me ikattha hue, jo unhen note me hi bata diya gaya tha.

Hum charon Principle sir ke sath enter hue, sabne ek swar mein good morning kaha,

Principle sir ka ishara paa kar mene un logon ko sambodhit kiya…

Me- good morning friends… jaisa ki parson ki ghatna ne hum sabhi ko chahe wo teachers hon ya students, shock me daal diya hai, ki itna bada galat kaam hamare campus mein chalta raha aur kisi ko pata bhi na chala.

Iska jimmedar kon hai ?

hum sab itne to samajhdar hain ki apna khud bhala-bura soch sakein, aap sab mein se shayad hi koi aisa ho jinke maa baap is tarah ki aadton ko sahi thahrayein,

wo to hamein in sab cheejon se dur rakhne ki bharsak koshish karte rahe hain ab tak kyon?

Kya mein sahi kah raha hoon?? Mene sawal kiya, to sabne samvet swar mein haan kaha..

Iska matalv aap log galat hain… sabki mundi neeche ko jhuk gai..

Mene fir kaha… ismein aap logon ko guilty feel karne ki jarurat nahi hai.. hum teenage me hi college me aajate hain, uska galat fayda kuchh swarthi log utha jaate hain, aur hamein narak mein jhonk dete hain.

Mein chahta hoon, ki aap sabhi abtak jo hua use bhool kar, apni anjane me hui galtiyon se sabak lein aur vapas apne mata-pita ke ladle bete ban kar ek achha nagrik banane ki koshish karen.

Mein Principle sir se request karunga ki wo aap sabhi ko sudharne ka ek mauka aur dein jisase aap apne parents ke khwabon ko pura karke hi yahan se jaayen… dhanyabad.

Principle sir aur mere anya sathiyon ne tali baja kar meri baat ka anumodan kiya.. fir principal bole…

P- dear students.. ye campus aap logon ke aane wale bhavishya ke nirmaan ka ek aisa shrot hai, jiski hum jaisi kadra karenge, ye hamein vaisa hi marg darshan dega.

Agar hum ise buraion ka adda bana denge, to kal ko hamare sansthan se nikle hue student ki samajik pratistha bhi dhumil pad jayegi, log hamein izzat ki nazar se dekhna band kar denge.

Aap sabka naam dekh kar ek baar ko mere dimag me aaya tha ki agar mujhe apne college ko saf-suthra karna hai to aap sabhi ko yahan se nikal dena chahiye. Lekin…

mere kandhe par hath rakhte hue… hamein really proud feel karna chahiye.. ki hamare college mein arun jaisa student maujud hai.

Jante ho jab mene aap sabhi ko rustricate karne ka faisla kiya to isne kya kaha…?? Sabhi unke chehare ki taraf utsukta se dekhne lage..

Isne kaha- sir in sab students ki nadaniyon ka inke mata-pita ko dand dena theek nahi hai, ismein unki kya galti hai? bade arman sanjoke un becharon ne apne bachchon ko yahan bheja hai, jinmein se kuchh to aise bhi ho sakte hain ki do waqt ki roti ka sadhan jutane mein bhi asamarth hon, lekin mehant majduri karke inhein yahan padha rahe hain.

Aur fir isi ke sujhav ko madde nazar rakhte hue ye faisla liya ki aap sabhi ko ek mauka aur diya jaye to mein chahta hoon, ki aap sabhi ye vada karein ki aaj ke baad aisi koi bhi galat aadat mein nahi padoge, agar koi bhi student dubara aisa karte hue paya gaya, to fir college use kisi bhi keemat par aage nahi rakh payega.

Kya aap sabhi ek mauka aur chahte hain ? apne-2 haath khade karke sahmati dein.. sabne apne haath khade kar diye..

Prof- aasha karta hoon, aap sabhi mann laga kar apni padhai mein lagenge, aur aanewale exam mein achha kar ke dikhayenge, all the best boys…and take care…

Jaise hi principle meeting hall se gaye, hum bhi unke peechhe-2 nikalne lage, to sabhi students ne hamein awaj de kar rok liya..

Hum log mude aur un logon ki taraf dekha. Unmein jyadatar seniors hi they. Un sabhi ne mujhe thaks bola aur sachche dil se apni galti swikar karte hue, sudharne ka vada kiya.

Kuchh ek to mere pairon mein pad gaye, aur rote hue kahne lage…

Sach mein arun tune hamein bacha liya, varna hamare nikale jaane ke baad hamare maa-baap shayad jinda nahi bachte.. wo kaise-2 karke hamein yahan padha rahe hain, aur hum ye neech kaam mein lage hai… apne aap par hi ghin si aa rahi hai hamein.

Me- beeti baat bisar ke aage ki sudh lo… sahi raste ko follow karo aur apni galtiyon se sabak leke aage badhte raho, safalta tumhare Kadam chumegi, so please don’t be shy and move forward…