My Life @Jindgi Ek Safar Begana – Update 12

MEGAUPDATE
(Jimipal Muder..)
Adha ghar isliye unhen mil gaya kyoni chhote bhai jo apni sasural mein ghar jamai ban gaye they, unhone apne hisse ka ghar bhi un nalayak bhatijon ke naam kar diya..

Santoshi sada sukhi, iss baat pe kayam janki lal ne apne chhote bhai ko samjha bujha ke shant rahne ke liye mana liya.

Dono bhatijon ne apni man marji se sadiyan bhi kar li, ismein thoda samay aur aage badh gaya. Samay ka pahiya kabhi rukta nahi, wo sadaiv chalta hi rahta hai..

Lekin kahte hain na ki, aag ek bar bhadak jaye, to kuchh der ke liye shant jarur ho jaati hai, lekin bujhati tabhi hai, jab sab kuchh swaaha kar deti hai
Aur aag to kabhi bujhi hi nahi thi…sulag rahi thi lagataar…..

Bhoore lal 6′ feet lamba, majbut kad kanthi ka gora citta jawan tha, wahin Jimipal sharir mein usse bhi tagda lekin thoda sawle rang ka tha, bhaise ki barabar takat thi jimipal mein, apni takat ka bada ghamand bhi tha dono bhaiyon mein.

Lekin pata nahi unki taqat chacha ramsingh aur unke dono bade beton ke samne feeki pad jaati thi, lakh koshison ke bawjud we unka kuchh nahi bigad pate they, jhagde hote rahe, in sabke beech Janki lal ki bhumika ek beech-vachav ke madhaysth ki hi rahti.

Wo thoda shant swbhav ke vyakti they, lekin paksh wo chacha aur unke beton ka hi lete they, kyonki apne bade bhai ke beton ki aadaten unhen bhi pasand nahi thi.

Janki lal ke chhote bete Brij Bihari aur chacha ke chote bete Yashpal dono hi dusre shahar mein rah kar padhai kar rahe they,

Chacha ke bhi dono bade beton ki sadiyan ho chuki thin.

Jimipal ki patni us samay sadi ke baad apne mayke mein gayi hui thi, dono bhaiyon chacha ki bhasha mein duryodhan aur dusashan ka shadyantra rang lane wala tha.

September ka mahina tha, barish band ho chuki thi, lekin bahar ke vatavarn mein raat ke waqt thodi thandak aa chuki thi.

Jaisa ki pahle likha ja chukka hai, inka ghar bahut bada tha, char hisson mein banta hua, beech mein ek bahut hi bada aangan, ghar ke bahar puri lambai ki baradari aur uske aage bhut bada sa chabutra.

Saare ghar ke purush ya to uss baradari mein sote they ya chabutare ke upar chapai bichha kar sote they.

Shadyantra ki rat, badi der tak wo teenon bhai, kuchh mashvara karte rahe, chautha chunki chhota tha, 18 saal ki age thi, usko shamil nahi karte they.

Jis samay ka ye wakya hai, uss samay Arun koi 4 ya 5 saal ka tha.

Inn teenon ko chhod kar baaki sabhi log alag-alag chabutre pe soye hue they, chacha ramsingh baradari mein ek kinare charpai dalkar sote they.

Der raat jimipal aur dono bhai sone ke liye apne hisse ke ghar se bahar aaye, kon janta tha ki honi kya rang dikhane wali hai.

Jimipal ke bistar ke andar ek talwar chhupi hui thi, uska plan tha, ki aaj raat subah ke prahr chacha ka katl karke bhag jayega, thodi der mein 2 km pe railway station tha, jahaan se subah 4 baje ek train uski sasural ki taraf jaati thi, usse nikal bhagega, sab janenge ki wo to sasural gaya hai.

Plan ke mutabik, jimipal ke 4 saathi, gaon ke bahar chhupe baithe honge, agar koi aisi paristhiti utpann ho bhi jati hai, ki wo fans jaye to wo log use bacha ke nikal le jayenge, ye back-up plan bhi bana ke rakha tha.

Thodi thandi ki vajah se chacha ramsingh ne ek rajai apne sir tak odh rakhi thi,

Dhai baje raat ka waqt tha, ghanghor Andheri kali raat, jimipal apne bistar se utha, bistar gol kiya aur ghar ke andar rkha, ek bag latkaya kandhe par jismein uske kapde bagairah they.

Sabhi jante hain, 2- dhai ka waqt aisa hota hai jismein har aadmi gahri neend mein hota hai.

Hath mein nangi talwar liye, chupke se wo baradari jo chabutare ke level ki thi, aur jameen se koi 2-21/2 feet unchi thi. chacha ki charpai baradari mein kinare par hi thi, so unki charpai ke bagal mein pahuncha.
Usne dekha ki chacha to rajai odh ke so rahe hai, agar rajai hatata hoon to jag sakte hain, taqat ka ghamand tha hi, socha puri taqat se talwar ka baar karoon to gale tak baar kar sakti hai.

Ye soch kar usne talawar uthai aur bharpur taqat se rajai ke upar se hi baar kiya,

pahle baar mein rajai thoda sharir se uthi hui thi so uska baar sharir mein chot nahi pahuncha paya,

Lekin chacha ki neend toot gayi, fir bhi unhone apna pura muh nahi khola sirf aankhon tak rajai neeche ki aur dusre baar ka intejar kiya,

jab usne dekha ki pahle waar ka koi jyada asar nahi hua hai, to fir se apni puri Shakti laga kar waar kiya,

Lekin tab tak chacha chonknne they, aur jab tak talwar unhen koi hani pahuchati, unhone dono hathon se rajai samet talwar ko jakad liya, fir bhi iss bar talwar ka waar apna kuchh to kaam kar gaya,

Talwar rajai ko cheerti hui, unki garden ki bajay , unki thhodi (chin) mein ghus gayi, unke muh se ek dardnak cheekh nikal gayi.

Bhale hi jimipal kitna hi taqatwar sahi lekin wo chacha ke dwara jakdi hui talwar ko chhuda nahi paya, aur cheekh sun kar aur log bhi jag gaye.

Hadbada kar wo talwar wahin chhod kar bhag liya.

Aaanan faanan mein sabhi log uthkar unke paas aagaye, dekha to ek talwar neeche padi hai aur unke chin se khoon nikal raha hai,

Vaise to unhone jimipal ko pehchan hi liya tha, dusre uss talwar pe Bhoore lal ka naam khuda hua tha, baat wahin saaf ho gayi, ki jimipal katl karne ke irade se aaya tha aur nakam ho kar bhag gaya hai.

Idhar bhoore lal baat khulti dekh, pentra badal kar chacha ke pairon mein gir pada, aur bolne laga…

Chacha kasam khata hoon, mujhe iss bare mein kuchh pata nahi hai, aaj se wo mere liye mar gaya, mein use ab se iss ghar mein ghusne bhi nahi doonga vagairah-2.

Fir bhi report to karani hi thi, so thoda desi ilaaj se khoon ko roka aur kuchh malahm patti karke sabhi log kasbe ke thane pahunche, wahaan police ne doctor bula ke medical karaya, aur report likhne ka silsila shuru hua,

In sab baton mein lagbhag subah ke 6 baj gaye, chacha ramsingh, unke dono bete aur unke bade bhai janki lal thane mein ye sab karywahi kara rahe they,

Itne mein railway police ka ek aadmi thane mein aaya aur usne khabar di ki ek aadmi station se paschim ki ore track par mara pada hai, aur uske sharir par anginat ghav hain.

Turant thane ki ek jeep daudi, aur maukaye wardat se laash lekar aaye, aur lakar use thane mein rakha,

Jaise hi sabki najar us laash par padi, sabki aankhen fati ki fati rah gayi….

Bhoore lal samet wahan maujud sabhi logon ki cheekh nikal padi us laash ko dekhkar,

Ye jimipal tha, jiske sharir par anginat ghav the, aisa lagta tha mano kisi bhagte huye jangali suar ko pechha karte hue talwaron se mara ho.

Ye body kahan mili tumhen, thanedar ne ek sipahi se puchha jo use lene gaya tha,

Ye cable se 1km dur railway track par padi thi saab, shayad isse maarkar track par dala ho, socha hoga, koi train aake kaat jayegi, log sochenge accident ho gaya hoga,

Lekin train ke aane se pahle isse RPF walon ne dekh liya, aur yahan khabar kardi,

Hmmm….. kisne kiya hoga ye katl…thanedar budbudaya…..

Saab inhone… bhoorelal ramsingh chacha ki or ishara karke rote hue chillakar bola….

Kya bakwas kar rahe ho, ye to ulta tumhare khilaf report likhane aaye hain, inke thodi (chin) mein tuhari talwar ka ghav hai,

Nahi saab ye sab inka drama hai, apne hath se apne upar ghav lagake ye sabit karna chahte hain, ki ye talwar ka ghav hai jo jimipal ne maari, to fir ye yahan mara kaise pada hai, sochiye…..

Thanedar soch mein pad gaya, use bhi lagne laga ki ho na ho ye ramsingh vagairah ki hi sajish ho,

Ab mamla ulta pad gaya, kahaan to wo log apne upar hue attack ki report likhane gaye they, aur yahan jimipal ki maut ka unhen hi jimmedar thahraya jaa raha hai,

Chacha ke alawa aur kisi ne use dekha bhi nahi tha attack karte hue, to unhen hi mujrim thahrakar, case bana diya unke khilaf,

jismein chacha, unke dono bete aur sath mein Janki lal ko bhi sath dene ke jurm mein arrest karke hawalat mein band kar diya,..

Wo lakh chillate rahe ki hamne ye katl nahi kiya, hum nirdos hain, lekin police ko to baithe bithaye hi mujarim mil gaye, to kon chhan been kare.

Pure ghar mein matam chha gaya, jimipal ki sasural se bhi log aagaye uski patni ko leke, wo bhi unhen hi dosi manane lage.

Jimipal ki patni dahaden mar-marke ro rahi thi, uski to abhi jindagi shuru bhi nahi hui thi ki khatam bhi ho gayi,

ghar mein keval ek jethani thi, waki ko to wo gunehgar man rahe they..

Matam dono hi taraf tha, idhar bhi ghar ke sabhi purushon ko to hawalat mein band kar rakha tha, baaki teen bahar they, aur unhen khabar bhi karwa di, ki wo yahan aayen bhi na,

Kya pata bhure unhen bhi arrest karwa de, ab to aisa lagta tha jaise police usi ka kaam kar rahi ho.
Idhar to kisi ki bhi baat bhi sun-ne ko tayar nahi tha wo daroga.

Iss taraf baaki bache sadsyon mein ghar ki 4 aurten, 3 bachche, jinmein chacha ramsingh ki sabse chhoti beti neenu 9-10 saal ki, Janki lal ka tisra beta shyam Bihari 8-9 saal ka aur Arun 5 saal ka.

4-5 din hawalat mein rakhne ke baad un sabhi ko jail bhej diya gaya, jo ki bade shahar mein tha,

Usi shahar mein Brij Bihari padhai karte they, iss samay BSc Ag kar rahe they,

wahin unhone apne pita, chacha aur chachere bhaiyon se jail mein mulakat ki, aur unke direction mein vakil bagairah karke bail karane ki koshish ki,

chunki mamla apne sage pariwar ke sadasya ke katl ka tha, use sangin dikhakar, bail bhi cancel karwa di,

Sab jagah se ummid ke darwaje band they, udhar fasal pak chuki thi, lakin bhure ke dar se koi majdur aane ko taiyar nahi they, wo unko darata dhamkata tha,

Janbujh kar raton ko fasal ka nukshan karata, janwaron ko chhod kar, kahte hai, jab bura waqt aata hai to dost bhi dushman ban jaate hain,

Kal tak jo naate ristedar jinka gungan karte nahi thakte they, aaj wahi unhen galiyan dete they, ye kaisa samay ka chakra tha, jismein se nikalne ka koi marg nahi sujh raha tha,

badi bua ke damad netaji, unhone unhen kuchh galat laga ..,aur madad ki, unke kahne par police ki dekh-rekh mein majduron ko bahar se bulwakar fasal ke kaam niptaye.

Brij Bihari aur yashpal raton mein aa-aa kar fasal ka kam dekhte…

Ishwar ki aseem kripa hui, fasal ki paidawar, gaye salon se bhi achhi hui, bawjud iske ki unhen nuksan pahuchane mein bhure & co. ne koi Kasar nahi chhodi thi.

Samay beetata gaya, 6 mahine jail mein kaatne ke baad case adalat mein shuru hua.

Ek do sunwai mein netaji ki kripa se vakil achha mil gaya, usne sachchai ko samjha, aur apni kabiliyat se unhen bail dilwai…

Case chalta raha, tarikhen padti rhin, isi tarah do saal aur beet gaye, arun ab 7 saal ka ho gaya tha.

Ek din sabhi log adalat gaye hue they, teenon bachche khaiton mein dekhbhal ke liye gaye hue they,

Ek khali jute hue khait mein ye teeno khel rahey they chhua-chhuyi, baju mein hi baajre ka khait tha,

Bajre mein baali aa chuki thi, bahut bade area mein tha ye bajra, us jute huye khali khet ke do taraf.

Ek bar Arun (mein) ka number aaya unhen chhuke out karne ka, mein us bajre ke khait ke paas khade aam ke ped ko chhune gaya tha,

Ped ko chhuke mein un dono mein se kisi ek ko pakdata, jisase meri turn khatam hoti aur chhuye hue ki shuru hoti.

Mein us ped ko chhuke jaise hi muda aur un dono ko chhune aage badha, wo dono mere peechhe dekhkar chillaye…

Bhago… arun… bhag… wo dono chillate hue gaon ki taraf bhagne lage..

Meri samajh mein kuchh nahi aaya, ki aakhir baat kya hai, janane ke liye mei jaise hi peeche muda,

Mare darr ke mere rongte khade ho gaye, aur taangen kaanpne lagi..

Bajare ke khait se nikal kar ek lakadbhagga (hyena), ek bulldog se bhi tagda, kaanon tak uska muh fata hua …meri taraf aaraha tha.

Meri to gaand fat gayi, cheekhte hue peeche ki taraf ulta hi hatne laga, aur wo lakadbhagga meri taraf badhta raha,

Nirantar hum dono ke beech ki duri kam se kam hoti jaa rahi thi,

mene socha agar palat kar bhagta hoon, to ye peechhe se japat kar kha jayega mujhe, isliye mein rota hua, uspar najar gadaye peeche ki taraf hatata raha.

Ek samay par hum dono ke beech ki duri matra 6-8 feet hi rah gayi, achanak wo lakadbhagga mere upar gurrrraatee hue jhapta…..,

Hamla usne apni puri Shakti se kiya tha, mene fauran ek taraf ko chhalang laga di,

wo janwar jhonk mein aage gira, uska muh jameen mein gili juti hui mitti mein ghus gaya,

Wo utha aur apne muh aur aankhon mein ghusi hui mitti ko fadfada ke jhatka.

Bhagyavash mene jidhar chhalang lagai thi udhar ped se kati hui kuchh lakadiyan padi thi,

mere nanhe dimag ne kaam karna shuru kiya, mene man hi man faisla kar liya ki marna to hai hi kyon na koshish ki jaaye.

School mein masterji ne padhaya tha, ki admi ko marte dum tak prayas karte rahna chahiye.

mere haath sabse najdik padi ek lakdi par jam gaye, ye lakdi ek lathi ke barar moti aur takrivan 5 ya 6 feet lambi thi, aur uska ek sira Y ki shape mein tha,

mein apne pairon ke panjon par lakdi ko kas ke pakad ke baith gaya, lekin lakdi ko uthaya nahi.

Lakadbhagga apna muh jhad ke dubara palta, is baar usne aur gusse mein mujh par hamla kiya,

Jaise hi wo muh faadkar mere upar jhapta, jhatke se mein lakdi leke utha, aur uska Y shape wala sira uske muh mein ghused diya apni puri Shakti aur saahas ke saath.

Y wala sira, us lakadbhagge ke muh ko aur jyada kholta chala gaya, uski Shakti kamjor ho gayi, upar se mene aur taqat laga use peechhe dhakela.

Lakadbhagga gaand ke bal peechhe gira, fauran mene lakadi ghumake uske jabade par kaske rasid kar di.

Lakadi ke bharpoor vaar se Lakadbhagga jamin par do-teen palti kha gaya,

uska hausla jabab de gaya, kuchh der ke liye wo aise hi pada raha, mauka derkh kar mene do-teen vaar aur kaske kar diye uske sar par.

Wo bhayanak kale muh wala jeev, nirjeev sa pada rah gaya,

jab mujhe laga ki ab ye uthke peechhe se baar karne ki sthiti mein nahi hai, tab mein wahan se sar pe pair rakhke bhaga.

mein betahasa ghar ki ore bhage jaa raha tha, ki thodi dur par hi gaon ki taraf se bahut saare log lathi, danda leke bhagte hue udhar ko hi aate huye dikhe.

mein samajh gaya ki ye log muje hi bachane ke liye aarahe hain, mein wahin ruk gaya aur un logon ka intezar karne laga.

Sabhi gharwale, sath mein kuchh aur mohalle wale bhi they, paas aaye, aur mujhe sahi salamat dekhkar tasalli hui.

unhone Puchha ki kya-kya hua, mene sab baat batai,

us jagah gaye to dekha ki wo lakadbhagga abhi bhi wahi par muh se halki-2 garrrr, gaarrrrr ki awajen nikalte huye pada tha.

Sabhi logon ne mujhe shabasi di, aur mere bhai-bahan ko bahut danta, mene kaha ki isme inki koi galti nahi, wo to achanak se aagaya,

Maa ne mujhe apni chhati se chipka liya aur balayen lene lagi.

usi din adalat se lautate samay jail ke 6 mahinon mein chacha ke dusare bete Megh singh ki dosti ek gunde se ho gayi thi wo mil gaya.

Usne katl ki sari sachchai batai, ki jimipal ka murder kyon aur kisne kiya.

Agli sunwai mein use court mein gawah ke taur par pesh kiya gaya, aur wahan usne jo sachchai bayan ki wo kuchh iss prakar thi ……