Maya – Paison ki, Taakat ki, Jism ki – Update 83

Update 84
Contd :-
Rakesh apni gaadi mein Simi aur Shalini ko leke borivali ki or chal pada… Bharat peeche apni gaadi mein aa raha tha, rakesh kaafi dheere dheere badh raha tha, woh aagey ke baare mein sochne laga.. Agar sab kuch uske hath se chala jayega toh woh kya karega, kahan rahega… Aur apne gunahoon ki sazaa uske sath sath uski family ko mil rahi thi… Yeh sab soch soch ke woh kaafi pareshaan ho raha tha, gaadi ki powerful ac mein bhi uska chehra pura paseene se bheega hua tha.. Steering pe uske kaanpte hath dekh simi ne use kaha
“Rakesh, dont worry.. Jab tak hum sab sath hain, hamara future bhi safe hai… Mujhe pura vishwaas hai tum pe… Relax raho, aur jo ho raha hai.. hone do…”
Simi ki baat sun ke rakesh ko acha laga, lekin fir bhi usko chinta ghere hui thi.. Usne kuch jawaab nahin deke gaadi ki speed badhayi aur aagey badhta chala gaya.. Kuch door jaake, rakesh ne peeche dekha toh bharat nahin dikha use.. Rakesh ne bharat ko fone kiya par koi jawaab nahin aaya… Isse rakesh ki chinta aur badh gayi..
“Dad, relax.. bharat ne zarur kuch socha hoga.. Aap chinta naa krein pls…” is baar shalini ne kaha aur fir rakesh ghabrane laga… Kareeb aadhe ghante baad jab bheed bhaad wale ilaake se rakesh aagey badha, bataye hue address pe jaake usne car park ki… Jab usne dhyan se us ghar ko dekha, uski purani yaadein taaza ho gayi…
“Yeh wohi ghar hai jahan se maine us raat paise chori kiye the taaki main havaala mein ghus sakun…. Reality of life… What goes around.. comes around..” Rakesh ne simi aur shalini se kaha aur teeno andar ki taraf badhne lagey.. Udhar kareeb 20 min baad , bharat bhi borivali wale raaste pe aa gaya.. Raaste mein usne do teen fone kiye jisme se ek munna ko tha..
“haan munna, samaj gaya na.. agar tune mera yeh kaam kar diya, toh tujhe paise se tol dunga samjha.. Aur koi gadbad hui..”
“arey saab, aaj tak kya gadbad hui hai… aap fikr na karein, apun bhi aadhe ghante mein borivali pahunchta hai.. ” kehke munna ne fone cut kiya aur bharat gaadi aagey badhane laga.
Rakesh, Simi aur shalini teeno main gate pe pahunch ke darwaza khulne ka intezaar karne lagey… Kareeb 1 min mein, jab darwaza khula, toh unke saamne ek saaya tha.. Dheere se teeno andar ki taraf badhne lagey, lekin andhera hone ki wajah se teeno kuch zyada chal nahin paa rahe the aagey.. thoda aagey aake jab teeno ruke
“yahan itna andhera kyun hai…” Simi ne rakesh se kaha…
“yeh andhera bhi tumhari wajah se hi hua hai.. tumhare pati ki wajah se, uski laalach ki wajah se.. Aur aaj is andhere mein roshni bhi yehi felayega, yehi shaks…” Ek cheekh ne teeno logon ka dhyan kamre mein saamne ki taraf moda, aur dheere dheere kar ghar ki har ek light jalne lagi.. Jaise jaise light jalti, waise waise teen parchaiyaan unko dikhti… Jab sab batiyan jal chuki thi, rakesh ke saamne khada tha uska ateet, aur uska aane wala kal…
“Welcome dad.. how are you…… And meri sauteli mom… Kya haal hain aapke han…” Us ladki ne aagey badhke kaha
“bhabhi jee.. kaisi hain aap.. bhaiya kahin zyada pareshaan toh nahin kar rahe na aapko…” Us ladki ne shalini ko gale lagate hue kaha
“Dekho, jis kaam ke liye aaye hain, us kaam pe aao.. zyada bakwaas nahin sunni mujhe” Rakesh ne tang hoke kaha
“Sunna toh tumko padega rakesh… Sunna toh padega, kyun ki aaj mera waqt aaya hai… Tumhari wajah se mera baap mara, meri maa vidhva hui, bachpan se main apni behen se door rahi… Aur tum mujhe chup rehne ke liye keh rahe ho…. Nahin rakesh, aaj tak tum bol rahe the, ab se bas main bolungi….”
“Khair… Baatein toh main kaafi saari karungi, par usse pehle kyun na papers sign kar diye jaayein.. Behen, zara papers lana, aur sath mein pen bhi..” Do ladkiyan rakesh ke aagey kuch papers laayi… Rakesh ne papers dekhe toh woh bhi shock ho gaya….
“Hairaan mat ho rakesh.. Isme sirf yeh likha hai ke tum apni saari property, bank balances, cash, stocks, gaadiyan, tumhari US wali property aur business.. yeh sab cheesein mere naam kar rahe ho…. Chalo jaldi sign karo, mere paas baatein bahut hain.. Aur waqt kam…. Aur haan, mera bhai nahin dikh raha… Woh kahan hai aakhir….” Is aakhri vakya ke khatam hote hi ghar ki sab lights ek baar fir off ho gayi… Lights ke off hote hi rakesh aur simi ke sath shalini ghabrane lage.. Lekin woh log wahin khade rahe..
“Lights ko kya hua… Mehul , check karo jaldi se… Mujhe kuch hoshyari nahin chahiye.. Jaldi dekho..” Jo awaaz ab tak buland thi, woh ab achanak ghabrane lagi thi.. Mehul bhi jaldi se daudne laga hi tha, ke sab ke kaano mein padi kuch kadmon ki awaaz.. Dheere dheere rakesh ke saamne se ek shaks unki or chala hua aa raha tha…Jab sab shaant hua, toh ghar ki lights bhi jalne lagi.. Ek ek kar ghar ki sab batiyan roshan hui… Rakesh Simi aur Shalini ke sath khada tha bharat..
“hello didi.. kaisi ho , tumne pukara aur hum chale aaye..” Bharat ne ek shaitaani hasi mein kaha
“Oh toh tum ho.. Mujhe laga koi chor hai… Khair, ek hi baat hai.. Tum bhi chor ke bete hi ho…” Use jawaab mila….
“Ab zyada time nahin waste karo, jaldi se in papers pe sign karo aur chalte bano..” Mehul ne rakesh se kaha, jiske hath mein ek revolver thi…
Rakesh ne kuch der socha, aur ek nazar bharat ki taraf ki… Bharat ne sign karne ka ishaara kiya… Jaise hi rakesh ne pen ki nib papers pe rakhi, uske aagey uska beeta hua kal ek flashback ki tarah aa gaya…. Jahan rakesh abhi sign kar raha tha, yahan kaafi saal pehle rakesh ne apne dost ke sath khana khaya tha… Sab cheezein uske dimaag mein aane lagi.. Uske dost ka chehra, unke sath kiye hue kaam, rakesh ki woh ki hui beimaani, uske dost ki maut, uske dost ki vidhva.. Sab kuch…
“Dad, sign kijiye.. Fir lands end mein drinks ke liye bhi chalna hai…” Bharat ne rakesh ke kandhe pe hath rakh ke kaha jisse rakesh wapas present mein aa gaya…. Hosh sambhaal ke rakesh ne papers pe sign kiye aur papers aagey badhke thamaane laga… Jaise hi rakesh ne papers mehul ke haath mein thamaaye, theek usi waqt achanak mehul ke peeche se hi kuch daudte hue logon ki awaaz unke kaano pe padne lagi… Jab rakesh ne saamne aur mehul ne mud ke dekha, toh jis disha se bharat aaya tha, usi disha se kuch constables aur do senior inspectors aagey aa rahe the… Un sab ko dekh mehul aagey ke gate ki taraf badhne laga lekin naakaam raha..
“Toh didi… Aaj ka kya programme hai..” Bharat ne papers apni blazer mein daal ke kaha
“You are under arrest Ms…” Senior Inspectore ne itna hi kaha ke beech mein bharat fir bola
“Ms Rina Shah…. Meri pyari didi…. Aur meri mauseri behen… Preeti..” bharat ne kaha
“Tumhe kya laga, tum aasani se sab kuch kar logi.. Aur mujhe pata tak nahin chalega… Tumhare dimaag ki taareef karni padegi aakhir , apne do saathiyon ko aagey ke gate ki taraf rakha, taaki kuch bhi gadbad ho toh tumhe bata sakein… Jab maine unhe ghar se thoda door khade hue dekha, usi waqt main samaj gaya tumhare plan ke baare mein.. Tabhi peeche ka rasta apna ke main yahan aaya hun….. Acha kiya tumne ki preeti ko bhi in sab mein shaamil kar diya… Jis din dad ne tumhe tumhari marti hui maa ke saamne sab bataya, tum preeti ke paas, yaane natasha ke ghar pahunchi…. Natasha ne jab tumhe theek nai bataya, tab tumne use bhi jaan se maarne ki dhamki di… Natasha se jab tum jaan gayi ke preeti US mein hai, tum usse US milne chali gayi.. Preeti ko hamare khilaaf bhadka ke, tumne use apni side mein le liya… Preeti se milke jab tum wapas India aayi, tab tumne mere baare mein pata kiya.. Mere baare mein dhundhte dhundhte tumhe mehul ka pata mila… tabhi toh apne vakil se baat karke, mehul ki beemari ka naatak kar ke, tum logon ne use parole pe chudaya… Ab tumhare sath mehul bhi jud gaya.. Preeti US mein apna kaam nipta ke tumhare paas aane ki taiyari kar rahi thi.. Par afsos, maine preeti ko sharon se milaya tha.. New york mein jab sharon ne ek shaam ko preeti ke ghar visit lee, phone pe usne preeti aur tumhari baatein suni… Yahan pe Sharon ne yeh sab baatein mujhe batana chahi, lekin usne sid se discuss karna behtar samjha… Jab sid ko in sab ke baare mein pata chala, mujhse badla lene ki aad mein woh preeti ke through tumse mila… Kyun ki sharon ab tumhare khilaaf sab jaan chuki thi, isliye tumne siddhartha ko paison ka aur mujhse badla lene ke liye bhadkaya aur sharon ka khoon karwaya.. Udhar mehul ne bhi apne badle ki aag ko thanda karna chaha.. Bank ke kaand ke baad jab ise pata chala nidhi mere sath thi, isse raha nahin gaya aur yeh badle ki aad mein nidhi ki jaan lene ke sochne laga.. Isi beech jab preeti aur siddhartha dono US se aaye, tab tumne preeti ki test leni chaahi.. Preeti tumhare sath vakai mein hai ya nahin, yeh janne ke liye tumne use nidhi ka khoon karne ka kaam sounpa…. Preeti jaanti thi nidhi malaysia mein hai, isliye use kuch zyada mehnat nahin karni padi.. Lekin afsos.. Tumhara raaz isne khol diya…” bharat ne apne jeb se chain nikalte hue kaha… Chain dekh ke preeti aur rina dono hakke bakke reh gaye… Rina bas ek tak chain ko hi dekhti rahi, aur preeti bhi wahin bas zameen ko ghurne lagi..
“Dont worry… Mujhe preeti ne nahin bataya, jis din main tumhare ghar khane aaya tha, tumhari photo dekhi thi.. Kamaal lag rahi thi yeh chain tumhare gardan pe…. us din se main yeh soch raha tha, ke yeh chain malaysia mein kaise paayi gayi, kyun ki jis din nidhi ka khun hua, us din toh hum kolkata mein hi the… Aur meri kismat dekho.. Dad, jab world tour pe the, tumne tabhi unhe blackmail start kiya… Tumhe laga shayad apne ateet ke baare mein woh apne bete se chupayenge aur tum uska fayda logi.. Par Ms Rina Shah… tum yeh bhul gayi, ke tumhare saamne main hun….. Aur haan, in sab mein ek baat ka aur bhi pata lagaya hai maine… Jab siddhartha ne sharon ka khoon kiya aur company mein resign rakha, tab Runy uske ghar gayi thi.. Jab rosy siddhartha se milne pahunchi, tab usne siddhartha ko tumhare sath phone pe baat karte hue sun liya….Siddhartha ko jab pata laga, woh ruby ke peeche dauda… bhaagte bhaagte ruby ka hone bhi raaste mein gir pada… Apne ghar jaane ke badle, ruby local cyber cafe mein gayi aur yeh sab baatein mujhe PM karne ki sochi.. Ruby ne jab sara PM draft kar liya, tab achanak uske paas siddhartha aaya… Sid ne halke se ishare mein use bahar aane ko kaha, kyun ki woh public place mein uske sath kuch nahin kar sakta.. Ruby itna darr chuki thi, ke PM send ke badle, PM save as draft ka button click hua usse…. Ruby ka dimaag block ho chuka tha, use samaj nahin aa raha tha ke woh PM type kiya hua kahan gaya.. Kyun ki uske samne siddhartha tha jo bahar uska intezar kar raha tha, usne apna user name aur password mujhe PM kar diya is umeed mein ke shaayd main hi uska typed PM dhundh lun….”
“And didi.. guess what.. yahan fir main aapka bhai nikla…. Ruby ab bilkul safe hai.. US police ne use dhundh nikala hai, abhi meri baat hui usse” bharat ne rina ke ird gird ghumte hue kaha
“Aapko aap ke bachaav mein kuch kehna hai… “Senior inspector ne rina se pucha, jab bharat shant hua
“inspector.. yeh apni marzi se apni jaydaad mere naam kar rahe hain.. main inki najaayaz aulaad hun isliye..” Rina ne thande dimaag se jawaab diya
“yeh juth bol rahi hai inspector, yeh humein blackmail kar rahi thi .. kya saboot hai tumhare paas rina, ke main apni marzi se yahan aaya hun..”Rakesh ne gusse mein kaha
“Kya saboot hai tumhare paas rakesh ke main tumhe blackmail kar rahi thi..”Rina ne palat ke kaha
“hold on.. didi, kyun ki tum meri behen ho, isliye tumne dad ko pichle 10 din mein jo bhi call kiye sab alag alag prepaid numbers se.. isliye woh toh saboot nahin hai mere paas… lekin haan, kyun ki main tumhara bhai hun, tumhe niraash karna mujhe bilkul acha nahin lagega… ” Kehke bharat rakesh ke paas gaya aur uski shirt ka upar ka button jo pura metal ka tha woh nikalne laga.. Dheere se button ko shirt se alag kar ke, woh aagey gaya
“Didi, yeh camera hai.. Isme video recorded hai.. Aap bahut sundar lag rahi ho isme, kasam se..” Bharat ne woh button inspector ko dete hue kaha
“Ms Rina.. Aapko kuch kehna hai… ” inspector ne button lete hue kaha
“Lets go Inspector..” Rina ne bas itna hi kaha
“Lekin Mr Bharat aapne toh kaha tha ke yahan 5 log hain, yeh teen, matalb rina , preeti aur mehul.. yeh teeno yahan hai , baaki ke do kahan hain..” inspector ne bharat se pucha
“yahan hai saahab…” Saamne se munna ne jawaab diya jo apne dost ke sath tha aur dono ke haathon mein vikram aur siddhartha the….
“yeh lijiye… bahut mushkil se hath mein aaye hain.. ek toh asaani se aa gaya, lekin yeh dusra bhaagte bhaagte peeche ki taraf gaya.. yeh toh kismat achi hai ke woh thak gaya tha bhaag bhaag ke aur maine use daud ke pakad liya…” munna ne siddhartha ki taraf ishara karte hue kaha… Inspector ne dono ko pakda, aur sab ko leke bahar jaane laga. bahar jaate jaate bhi rina ke chehre pe ek hansi thi.. Bharat ne use ignore kiya aur kuch hi pal mein wahan bas woh 4 hi reh gaye..
“Munna, shukriya dost, yeh le tera paisa… ” bharat ne munaa ke hath mein ek brief case diya.. Jab munna ne khol ke dekha toh uski aankhon ki chamak sab kehne lagi
“Kitna hai saahab…” Munna ne apne daant nikalte hue kaha
“Bahut hai.. Jao, ash karo.. shukriya..” bharat ne munna ko bahar bhej diya…
Rakesh aur simi kaafi khush the, shalini ne bhi chain ki saans li, aur sab ek dusre se baatein karne lage..
“Thanks son… thanks a lot..” Rakesh ne bharat ko gale lagate hue kaha… Lekin bharat ke aas paas ho raha hai sab use kuch mehsus nahin ho raha tha… Uske kaano mein bas ghunj rahe the toh Munna ke shabd
“Saahab, yeh daud daud ke thak gaya tha, tabhi mere haathon mein aaya….”
Siddhartha, kabhi thakne walon mein se nahin tha.. Fir agar woh peche bhaaga tha, toh zarur usse meri gaadi dikhi hogi… Agar woh wahan ruka toh usne zarur kuch meri gaadi ko kiya hoga…
“Son.. kya soch rahe ho.. Chalein..” Rakesh ne bharat ko apni baahon mein lete hue kaha
“nothing dad.. shayad kuch zyada hi sochta hun.. lets go..” kehke woh log peeche ke raaste se gaye jahan bharat ki gaadi khadi thi…. Sab log gaadi mein beth gaye
“Chaliye dad, aapko apki pyari car tak chod deta hun.. Lands end tonight ok..” Bharat ne has ke kaha aur gaadi start karke aagey aake rakesh ki gaadi ke paas aaye…
“Chalo baby, u come with mom dad.. Main kuch kaam nipta ke aata hun police station se.. See u in eve..” bharat ne shalini se kaha aur ek good bye kiss di…. Rakesh , Simi aur shalini teeno road cross karke gaadi mein beth gaye.. Saamne bharat wahin khade khade unhe dekh raha tha, unke jaane ka wait kar raha tha.. Simi aagey rakesh ke sath aur shalini peeche bethi thi.. Gaadi mein bethte hi simi ne ek nazar bharat ko has ke dekha aur hath hila ke use kuch ishaara kiya… Rakesh ke chehre pe ek bahut lambi hansi thi khushi ki…. Jaise hi rakesh ne gaadi ke starter mein chaabi daal ke chaabi ghumaayi…
“BOOOMMMM……..” ke awaaz se unki gaadi blast hui
Aas paas afra tafri mach gayi.. bharat ki ankhon ke saamne rakesh aur simi ke sath shalini ki bodies padi thi, daud ke bharat wahan gaya, lekin uska koi faayda nahin… jab tak woh wahan pahunchta unki jaan ja chuki thi… jald se jald ambulance bhi aayi, lekin kuch kaam ki nahin.. Cheekh cheekh ke bharat ambulance mein rone laga, uski aankhon se aansuon ke badle jaise khoon beh raha tha…. Kaafi chilla raha tha, kaafi zor se ro raha tha, lekin bharat ki awaaz uske maa baap aur uski biwi tak nahin pahunch rahi thi…
Bharat ab akela pad chuka tha duniya mein, maa baap biwi. uske sath koi nahin tha…. Aaj smashaan ghar mein bhi woh akela tha, uske sath koi rishtedaar , koi dost, koi hamdard nahin tha… Aaj uske dil ke tukde ho chuke the.. Aaj use samaj aayi thi rishton ki ahemiyat, jab tak teeno ke shav jalte rahe tab tak bharat wahin betha ro raha tha… Koi paisa, koi power, koi taakat.. Uske kuch kaam nahin aaya aaj… Police station mein vikram ne kabula ke us gaadi mein bomb usne plant kiya tha , use laga tha shayad bharat jaate jaate gadiyan badal dega kyun ki pura plan khul chuka tha,.. lekin aisa kuch nahin hua.. Shayad jab bharat ne sochna chod diya, tab se hi woh akela ho gaya tha… Agar woh zyada sochta munna ke shabdon ke baare mein, toh us gaadi mein shayad woh hota.. Rina aur preeti pe international police ke cases bhi darj hue.. Siddhartha ko US police ke paas bheja gaya, aur vikram aur mehul Arthur road jail bheje gaye… Bharat ne rakesh ki 80% jaaydaad daan kar di.. 20% leke woh india se kaafi dur chala gaya…
Bharat ab akela rehta tha… Koi dost nahin, koi hamdard nahin.. Subah se leke shaam woh bas samundar ki lehron ke paas betha rehta aur raat hote hi lehron ke paas so jaata.. Shalini aur uske hone wale bache ki yaad aati, toh uski aankhen nam ho jaati.. Simi aur rakesh ke baare mein soch ke uska dil bhaari ho jaata… Aaj uske dimaag mein shalini ke bas woh shabd baar baar aa rahe the
“Hum marenge toh paisa aur power apne sath nahin le jayenge.. Sukoon hai, jo hamare sath rahega… Iske alawa kuch nahin….”