Update 79
Contd :-
Ruby ka likha PM padh ke bharat ke hath per thande ho gaye the.. Uski cabin mein AC 20 ke temperature pe thi, par fir bhi uske chehre pe behta paseena saaf bata raha tha ke ruby ke PM mein zarur kuch khatarnaak cheesein likhi thi..
“Shalini.. you have ruby’s number” bharat ne shalini ko pucha
“Ruby.. kyun achanak, pehle batao..” Shalini ne has ke kaha
“Shalini, mazaak nai kar raha , hai uska number.. ghar aake sab batata hun tumhe” bharat ne thodi unchi awaaz mein kaha
“Chill baba.. haan, i have it.. abhi bhejti hun ok..” kehke shalini ne phone cut kiya aur bharat ko shalini ka number text kiya.. SMS receive karte hi, bharat ne apne number se ruby ko call kiya… Pehle toh call ka koi response nahin aaya, par dusri baar jab bharat ne call kiya, toh saamnse se uska call cut hua..
“thank god.. she is safe i guess.. shayad kisi meeting mein ho…” kehke bharat ne chain ki saans li aur fir apni chair pe beth ke uske PM ke baare mein sochne laga.. Bharat ne woh paper nikala aur 5 naam likh diye paper pe
1). **********
2). *************
3). Vikram Kohli
4). Mehul
5). Siddhartha
“Vikram Kohli ki lanka lagayi maine yahan tak pahunchne ke liye… understood… Mehul ko andar karwaya tha nidhi ki madat se.. understood… Siddhartha ki bahut gaand mari hai maine college mein, uski bahut beizzati bhi ki hai.. understood… Lekin yeh pehle do naam.. In logon ka aapas mein kya connection hai.. ” bharat khud se kehne laga aur fir ceiling ki or dekhne laga.. pura din exhaust hoke bharat ghar jaane ke liye nikla, par jaate jaate usne apne territory managers se us din ki sales report maangi thi taaki woh ghar pe review kar sake.. Ghar jaate jaate bhi bharat ka dimaag kaam nahin kar raha tha.. Aksar jaldi gaadi chalane wala banda, aaj 40 se upar ki speed pe bhi jaa nahin raha tha.. Sochte sochte uski 30 min ki drive 60 min mein tabdeel ho gayi thi…
“Hi baby…” Shalini ne bharat se kaha jab bharat ghar ke andar aaya
“hello swty…” bharat ne apna blazer sofa pe rakh ke kaha
“cigarrete kam karo pls.. kitni baar smoke kiya aaj, aur kitni coffee pee” shalini ne pani ki bottle pakda ke kaha
“dunno.. shayad 6 ya 7 cigarrets aur equal coffee…” bharat ne jawaab diya aur wahin zameen pe aise beth gaya jaise kaafi janmon ka thaka hua ho
“all ok honey.. i mean, stressed out lag rahe ho..” shalini ne bharat ke paas beth ke kaha
“Nothing.. just hungry..” Bharat ne juth kaha, kyun ki aaj ki sab baatein woh agar shalini ko batata toh shayad woh bhi tensione mein aa jaati
“Ok dear.. Chalo u freshen up, aaj tumhara fav khana hai.. Butter Nan with tadka dal and tossed russian salad..” kehke shalini ne uska blazer aur laptop leke room mein jaane lagi… Bharat bhi 5 min baad fresh hone jaa hi raha tha ke tabhi shalini ne kaha
“Acha suno, tumne aaj kitne calls miss kiye zara batao” Shalini ne uska phone dikhate hue kaha
“Oops.. Sorry yaar, phone silent pe tha.. ” kehke bharat ne shalini se fone liya aur calls dekhne laga
“Dont worry 15 calls hain mom dad ke number se.. Finally maine baat ki , they r coming back tomorrow” Shalini ne bharat se smile karke kaha
“What… Woh toh 5 din baad aane wale the, aaj subah hi baat ki maine..” bharat ne pareshaan hoke kaha
“ok na baba, itne pareshaan kyun ho rahe ho. maine bhi pucha, toh mom said ke dad kuch zaruri baat karna chahte hain tum se.. so jaldi aa rahe hain, and ok na, baaki do din the unki tour mein.. Europe aur Southern hemisphere over yaar.. Asia ki ek country baaki rahi bas, woh kabhi sath jayenge.. And singapore se niklenge aaj… Infact abhi 15 min pehle unki flight ne take off bhi kar liya hoga shayad..” Kehke shalini fir apne kaam mein lag gayi. Khade khade bharat bhi achanak iske bare mein sochne laga , par fir sab chod ke fresh hone gaya…. Fresh hoke shalini aur bharat sath hi khane bethe aur aapsa mein baatein karne lage…
“Sona toh hai nahin… Abhi 9 baje hain, shayad dad raat ko 2 baje land karein… So tum so jao, u need some rest ok.. Main jaag hi raha hun” bharat ne shalini ko apne hath se ek bite khila ke kaha
“Ummm.. aise kaise, aaj walk pe chalte hain… Marine Lines… Fir wahan se aake main so jaungi” Shalini ne bharat se kaha..
“Ok chalo.. Kaafi din se kulfi bhi nahin khayi na. Lets go…” Kehke bharat aur shalini ghar ko lock karke gaadi mein marine lines ke paas gaye aur wahin bane patharon pe bethe bethe paani mein apne per bhigone lage.. Raat ke 10 baje ki thandi hawa, kaafi kam bheed aur samundar ki lehrein peron ke sath khelti hui… Shalini ko yeh sab ek sukoon sa lag raha tha.. Shalini wahan apna sar bharat ke kandhe pe rakh ke bas hawa ka mazaa le rahi thi…
“u know bharat… sharab, cigarretes, parties.. in sab se zyada sukoon hai is cheez mein.. Yahan se guzarte har aadmi ko dekho, har aadmi ke chehre pe ek sukoon dikhta hai.. chaahe uske paas paisa bilkul na ho, par uske paas sukoon bahut hai.. jaante ho kyun” Shalini ne bharat se pucha
“Kyun..” bharat ne raat mein chamakti shalini ki aankhon ko dekh ke kaha
“kyun ki woh log zindagi jeete hain… woh log paison ke peeche nahin bhaagte.. woh log jaante hain kafan mein jeb nahin hoti… kabhi kabhi aisa lagta hai hum future ke baare mein itna sochte hain, ke present ko bhul hi jaate hain… Duniya ka ek sach hai, jo hai woh aaj mein hi hai… Aaj tum JPM India ke sales head, dad ki property itna paisa.. yeh sab kisi kaam ka nahin hai, agar tumhare sath jude hue log, aur tum khud khulke jee nahin paa rahe.. College se main tumhe dekh rahi hun. Tum roz apne dimaag ko kisi na kisi cheez ke liye chala rahe ho.. uska fayda kya hai, kabhi apne dimaag ko aaram do, aur dil se socho… Dimaag kaam karna bandh kar deta hai toh bhi insaan jeeta hai, lekin agar dil kaam karna bandh kar dega.. toh yeh paisa, yeh taakat.. kisi kaam ke nahin rahenge…. ” Shalini ne nam aankhon se bharat ko dekhte hue kaha
“Shalini…” bharat ne bas itna hi kaha ke shalini ne fir use tok diya
“Chalo kulfi khate hain.. Emotional banoge toh tum mujhe ache nahin lagoge fir…” Kehke shalini ne bharat ko apne hath se uthaya aur dono kulfi leke samandar ke paas walk karne lage…. Raat ke kareeb 11 baje shalini aur bharat ghar laute. Bharat ko airport jana tha, isliye shalini akeli hi jaake so gayi room mein.. Bharat living room mein beth ke hi sab kuch sochne laga… Pehli baar bharat living room mein andhere mein betha hua tha. Itna practical aadmi, jo sab kuch plan karke karta tha, jise kisi ka darr nahin tha… use andhere se bahut darr lagta tha, par woh aaj akela living room mein ek dum andhere mein betha hua tha.. bethe bethe bharat shalini ki baaton ke baare mein sochne laga.. Aakhir shalini sahi bol rahi thi, shayad bharat itni bhaag daud karke bhi zindagi mein aagey toh nikal gaya tha, lekin tha woh akela. Shalini uske sath thi kyun ki woh uski biwi thi.. Uska koi dost, koi rishtedaar usse baat tak nahin karta tha.. Sab ke baare mein bharat sochne laga aur kaise usne sab ke sath practical behave karke unko khud se door kar diya tha.. Sochte sochte bharat ek baar fir Ruby ke PM ke baare mein sochne laga… Corner light on karke usne fir woh list nikali jisme usne 5 naam likhe the.. Pehle do naam uske dil ko bahut khatak rahe the… Usne kaafi zor lagaya, lekin unke beech kya rishta ho sakta hai. yeh soch soch ke bharat paagal hue jaa raha tha… Dekhte dekhte kareeb dedh baj gaya tha raat ka.. Ghadi dekh ke bharat ne ek baar shalini ko check kiya aur fir ghar ko lock kar ke khud airport ki taraf nikal gaya.. Kareeb 15 min mein airport pahuncha, aur wahan aadha ghanta aur wait karke use door se rakesh aur simi aate hue dikhe..
“hello oldies…” bharat ne rakesh aur simi ke paas jaake kaha
” fine son… tum theek nahin lag rahe.. shalini ne bataya, tum caffeine pe hi guzara kar rahe ho…” Simi ne bharat se gale lag ke kaha
“Of course not mom.. And dad, how are you..” Bharat ne rakesh se kaha
” bharat…. Simi ko gaadi do… We need to talk.. Lets go somewhere..” Rakesh ne bharat se kaha aur khud aagey badh gaya
“Mom.. What is it.. Anything serious..” bharat ne chaabi dete hue kaha
“Yes son… Aaj no mazaak… Aaj kaafi cheezon se parda uthne wala hai… And lemme tell you.. Tum jitna dikhate ho, utne strong nahin ho dil se… Dad ki baatein sun ke please control your emotions.. Promise me..” Simi ne hath aagey karke bharat se waada maanga
