Update 50
Contd :-
“Sir.. Aap jo bol rahe hain sounds very good.. But i need to think on this, hamare paas itna experience nahin hai ke hum call center start kar sakein..” Sameer ne subah ke 7 baje saamne bethe bharat se kaha…
“Sameer.. ek cup chai ka pilayenge pls.. Oops sorry, mujhe yaad nahin raha ke itne jaldi koi staff nahin hai.. rehne dijiye ” Bharat ne anjaan bante hue kaha
“Arey nahin sir… Jaise hi aapka fone aaya, maine preeti ko bhi bula liya, in case if we need her any help in this.. Wait..” Kehke sameer bahar gaya aur kuch seconds mein apni cabin mein aa gaya..
“Haan sir, toh aap kuch keh rahe the…” Sameer ne bharat se kaha
Yahan se bharat ne sameer ko kaafi saare figures dikhaye jo sameer ki samaj ke bahar the, aur ek pal ke liye toh sameer khud soch mein pad gaya ke yeh sab figures hain kya aur bharat uske sath kyun share kar raha hai.. Jab tak bharat ne sameer ko busy rakha apni faltu ki presentation mein, tab tak preeti bhi us waqt cards skim karne mein lagi hui thi. Jaise bharat ne kaha, theek ek card skim karne mein 10 min lag rahe the… Beech mein preeti ne chai bhi bheji sameer ke pass, par usne yeh ensure kiya ke woh kya kar rahi hai kisi ko dikhe nahin, wahan bethe security guard ko bhi nahin.. Subah 6 baje shuru ki gayi baat, kareeb 10 bajen aaye the, tab tak chali.. Preeti ko kaafi waqt mila apne kaam ko niptane ke liye.. Dheere dheere staff badhe laga aur 15 min mein office bhar gaya employees se.. Preeti ne tab tak skimming machine chupa diya aur apne laptop pe naatak karne lagi.. Jaise hi sameer bahar nikla, uske employees usko dekh hairan ho gaye, kyun ki sameer bharat ke kehne pe subah 5.30 ko hi office ke liye nikla tha aur usne preeti ko bhi bula liya tha, bharat ko yeh dikhane ke liye ke uski behen yahan kitni important hai.
“Mr Sameer.. Think over my proposal.. hamari bank ka customer service calls manage karo, aap kaafi aagey jaoge.. And agar aapki permission ho toh kya main apni behen se kuch der chit chat kar sakta hun uski desk pe” bharat ne has ke kaha
“ofcourse sir.. tab tak main bhi fresh hoke aata hun, and preeti ko bhi chutti de deta hun.. bubye” Sameer yeh kehke nikla aur bharat preeti ke paas gaya apna laptop bag leke.. Sab ki nazron se chup ke preeti ne skimming machine bharat ke laptop bag mein dala aur 15 min baad dono bharat ki gaadi mein nikal gaye..
“Bahut haraami ho tum.. Ab agar yeh adi ke paas gaya toh..” Preeti ne bharat se pucha
“Nahin jaayega.. Isme itni himmat nahin, yeh un logon mein se hai jo apne se upar wali level ke paas jaane se darte hain , aur agar koi upar ki level ka ek inko mil jaye toh yeh usi se baat karte hain.. Yaani ki main.. Woh sab chodo, skimmed cards kahan hain” Bharat ne preeti se pucha, aur preeti ne use skimmed cards dikhaye.. Bharat ne yeh baat shalini se ki aur fir preeti ke sath nashta karne leopold cafe gaya.. Nashta karne ke turant baad bharat ne munna se baat ki aur use milne ke liye bulaya.. Kareeb ek ghante mein munna bharat se milne aaya aur sath mein laya woh 5 aadmi jo yeh kaam ko anjaam dene wale the.. Bharat ne munna ko uska paisa diya aur un aadmiyon ko samjhaya ke unhe kya karna hai.. Aadmiyon ko usne ek ek mobile diya aur kaha ke woh kaam niptane ke baad inhi numbers se bharat ko fone kare.. Jaise hi kaam niptega, ek gaadi unko lene aayegi, paisa andar chod dein aur apna hissa munna se unhe 10 din baad mil jayega.. Sab logon ne haami bhari aur wahan se nikal gaye..
“Saahab.. Iska kya karna hai” Munna ne bharat ke hath mein ek fone aur do camera dete hue kaha
“Yeh main le leta hun.. Tum nikal lo, tumhe sab paise ek sath de dunga, aur inka hissa inhe dena..” kehke bharat preeti ke sath ghar ki or nikal gaya
“Yeh sab kya hai” preeti ne mobile aur camera ki taraf ishara karke kaha
“yeh mere hain.. Chalo tum jao ghar, jab call karun, tabhi milenge ok” bharat ne preeti ko drop kiya aur ghar jaake fresh hua aur office ke liye nikla… Office mein jaake usne adi se apni trip ke baare mein discuss kiya.. Adi ne bhi party mein hue business ki baat ki.. Jab dono figures jude, toh adi dang reh gaya.. Bank mein yeh record tha ke ek mahine mein kisi ne itna business kiya ho.. Adi ne turant ek PM kiya aur kareeb 2 ghante mein iski charcha bank ki har branch mein hone lagi.. Bharat ek star ban gaya tha.. Aur adi ne sapne bhi dekhna chalu kar diya tha uske aur apne promotion ke baare mein.
“have it from me young man.. Agle ek mahine mein tumhara promotion letter tumhare hath mein hoga… Aur haan, itne business ke baad RM’s ko kya gift de rahe ho.. Kareeb 120 crore ka business hua hai, mujhe yakeen nahin ho raha itna kahan se aaya aur kaise aaya…” Adi hairaan bhi tha aur khush bhi tha
“Rehne dijiye sir, aap yeh sab na sochein.. Aur rahi RM’s ki baat, toh maine announce kiya tha ke ek RM ko thailand ki trip dunga, toh bas abhi wohi announce kar raha hun , aap aaiye mere sath toh RM’s zyada motivate honge..” Kehke bharat aur adi work floor pe gaye aur sab ko yeh khabar di.. Sab RM’s ne apni calculation ki thi, aur utsuk the janne ke liye kaun jayega thailand.. Issi beech adi ne bhi announce kiya ke uski taraf se bhi second highest RM ko same trip.. Yeh sun sab ke hosh hi udd gaye.. Khair adi aur bharat ne results announce kiye aur sabhi ko dhanyawad kiya…
“Kisi ko nirash hone ki zarurat nahin hai, baaki ke log thailand nahin gaye toh kya hua.. Aap sab ka incentive dekh aap itne khush honge, ke thailand ki khushi bhi uske saamne choti lagegi.. Aise hi kaam karte rahiye, kaamyabi aapke kadmon mein hogi… Cheers..” kehke bharat aur adi nikle aur seedha gaye corporate office jahan sab adi ki raah dekh rahe the… Adi wahan ka star tha , aur uska star tha bharat.. Bank ke top notch officers aur executives adi aur bharat se milne mein vyast ho gaye. Dekhte dekhte shaam ke 5 baj gaye aur bharat ek final bye kehke adi se alag hua aur ghar ki or nikla…
“Yeh sab kise chahiye… Mujhe toh intezaar hai aaj raat ke 2.30 bajne ka” bharat ne khud se kaha aur seedha ghar jaake shalini se baatcheet ki aur dono final list dekhne mein lag gaye..
“Bharat.. yeh log jo paisa withdraw karenge, woh paisa rakhenge kahan.. Aur sure ho na, jo ATM’s humne select kiye hain uske 5 km ke radius mein koi camera toh nahin hai na” Shalini ne bharat se kaha
“Haan baby, maine sab check kiya hai… That reminds me, wait” kehke bharat ne apna dusra fone nikala
“Hi…”
“Tumne abhi fone kyun kiya.. Aur kaam ka kya hai, kaafi time se kuch bataya nahin hai” Mehul ne bharat se kaha
“Wohi bata raha hun, do din ke baad aapko sab paisa mil jayega.. lekin tab tak jahan hum milte the, wahan mat jaana” bharat ne bahut kadak awaaz mein kaha
“Kyun.. usse kya tumhe” Mehul ne jhalla ke kaha
“Bas, meri shart hai.. Agar wahan gaye 2 din tak toh bhul jao paisa, ” Bharat ne apna pantta fenka
“Oh.. Toh fir tum bhi bhul jana nidhi ko” Mehul ne has ke kaha
“Mujhe woh sahi lagega, lekin aapka kya.. Market se itna karza jo uthaya hai, uska kya karoge…. Kitne time tak karzdaro se chupte firoge… Agar paisa chahiye toh meri shart maano, nahin toh sab yahin rok deta hun” Bharat ne bhi utni hi asaani se jawab diya
Yeh sun mehul ki haalat kharab hui.. Uske sar pe kuch karza toh tha, lekin woh is paise se nidhi ke sath apna jeevan basana chahta tha, aur agar yeh sab nahi hua toh uske armaano pe paani fir jayega…
“Haan theek hai, main nahin jaunga..” Mehul ne chidhte hue kaha aur phone cut kar diya
Mehul se baat karne ke baad bharat ne mobile stores walon se bhi baat ki usi number se aur sab sahi hai yeh check kar liya
“Yes sir.. aapke kehne pe 2 se leke 5 baje tak yeh services bandh hongi.. aapne humein paise advance de diye hain , hum thodi palat sakte hain ” ek store manager ne kaha
“Ab kya karna hai…” Shalini ne bharat se pucha,
“Intezaar… Tick Tock…. Tick Tock…”
