Update 30
Contd :-
Party agle din subah 5 baje tak chali… Raat ko police kuch baar wahan se guzri toh zarur, par unhone kisi ko roka nai.. Udhar Sharon ke kamre mein Bharat aur Sharon ne raat ek sath guzaari.. Puri raat dono ek sath bethe rahe aur baatein kar rahe the…
“Bharat.. What you are saying is extremely difficult… I have lot things to take care of. I just cant leave US and come here.. Whatever you are trying to do is illegal anywhere in world.. I am not trying to stop you and that’s what I can do for you.” Sharon ne apni seedhi awaaz mein kaha.. Bharat ne kuch jawaab nai diya. Woh bas cigarette ke dhuan hawa mein udaaye jaa raha tha… Kareeb 10 min mein Sharon wahan se uthke fresh hone chali gayi, jaate jaate usne Bharat se kaha
“I have a flight to catch in late evening. If u execute your crime successfully without getting caught, you can always see me in NY.. Take care”
Sharon ke jaate hi Bharat ke phone pe msg aaya
“Need to meet in 5 mins”
Msg padhte hi Bharat wahan se utha aur nikal gaya apni report dene.. 10 min mein Bharat ek building ke neeche pahuncha.. Building thodi purani thi lekin kaafi badi thi.. Lift men 5th floor ka button dabate hi Bharat ka dil tezi se dhadakne laga.. 5th floor pe pahunchte hi Bharat dheere dheere saamne wale flat ki or badhne laga.. Darwaza khula tha , andar kaafi andhera tha.. Aisa lag hi nahin raha tha ke wahan koi rehta bhi hoga
“Andhere mein kyun bethe ho.. Light ka bill nahin bhara kya..” Bharat ne mazakiya andaaz mein kaha
“Kya karun.. Tumse toh ek kaam ho nahin raha.. Agar yeh kaam nahin hua toh light kya, andhere mein bhi nahin reh paunga main” saamne wohi awaaz aayi.
“Koi baat nai hai.. Mujhe andhere ki aadat nahin hai.. ” kehke Bharat ne lights on kar di aur kamre ke beecho beech betha tha woh shaqs jo Bharat se apna kuch kaam karwa raha tha..
“Mr Mehul.. Mera kaam chalu hai.. Yeh kaam itni aasani se nahin hote.. In sab mein waqt aur dimaag lagta hai, so just chill ok…. And waise bhi, aapse zyada mujhe jaldi hai is kaam ko niptane ki” Bharat uske saamne chair leke betha. Mehul aur koi nahin, par woh aadmi tha jisne Bharat ko kuch saal pehle sales ki job di thi.. Aur woh Nidhi ka uncle tha
“Bharat.. Tum ab mujhe niraash kar rahe ho, 2 saal ho gaye par tum kuch aise bande nahi dhundh paye jo yeh kaam kar sake.. ” Mehul ne gusse mein kaha
“Chill.. Sabse zyada mujhe jiski zarurat hai woh toh aapne mujhse door hi rakhi hai” Bharat ne Nidhi ki taraf ishara karke kaha
“Nidhi ko main iska hissa nahi bana sakta samjhe tum. Aur agar yeh kaam nai hua toh Nidhi ko bhul jao tum..” Mehul ne apni jagah se uth ke kaha. Mehul ka gussa, aur Nidhi ko bhulne ki baat se Bharat thoda kamzor pad gaya. Usne palat ke koi jawaab nai diya..
“Desh ka sabse bada ATM kaand karna hai.. Aur ab tak mujhe kya mila hai.. Kuch bhi nahin.. Kaise hoga mujhe tum samjhao ab.. Mujhse aur zyada intezaar nahin ho raha Bharat.. Main tumhe kaafi waqt de chuka hun.. Kya tum mujhe samjhaoge ke yeh sab kaise hoga” Mehul ne Bharat ke ird gird rehte hue kaha
“Yeh hai aapka jawaab..” Bharat ne Mehul k saamne ek machine rakh ke kaha
“Yeh kya hai… Aur mujhe samjhao ATM kaand kyun rakha iska naam.. Paisa chahiye, toh ATM kaand. Kya mazaak hai” Mehul ne woh machine ko haath mein lete hue kaha..
“Iss machine se aap jitna paisa chaahein utna paisa bana sakte hain.. Yeh magnetic strip skimmer hai. Debit card ke peeche lagey magnetic strip mein ek unique code hota hai jisse sirf yeh machine hi read kar sakti hai. Woh digital code main kisi bhi magnetic strip pe copy kar sakta hun aur usse paise withdraw kar sakta hun. Dekhiye” kehke Bharat ne apne wallet se ek shopping card nikala
“Aap jaante hain yeh kya hai” Bharat nebwoh card dikhate hue kaha
“Shopping karke yeh card milta hai aur usse kuch discount milega” Mehul ne usse woh card lete hue kaha aur table pe fenk ke kaha
“Yeh mera debit card hai mr Mehul.. Isme 6 laakh balance pada hai” Bharat ne woh card lete hue kaha. Mehul ki shakal dekh Bharat ne usse kaha
“Mera pin hai 432526.. Aap jaiye aur neeche wale atm se withdraw karke dekhiye paise..” Bharat ne gambhirta se kaha. Bharat ki is gambhirta ko dekh Mehul ne woh card uthaya aur neeche wale atm mein badh gaya. 5 min mein Mehul wapas us kamre mein aaya aur uske hath mein 1 lakh rupye the…
“Yeh kamaal hai. Isse toh hum jo chaahein woh kar sakte hain..” Mehul ne khush hoke kaha
“Kamaal yeh nahin.. Kamaal yeh hoga jab mujhe ek bank ke credit department se sath milega aur main apna kaam karunga.. Aur time isliye lag raha hai kyun ki pehle yeh kaam aap US mein karna chahte the.. Fir India mein, yeh deri aapki wajah se hi hui hai” Bharat ne pehli baar apni awaaz unchi ki
“Ab mujhe naukri dhundhni hai.. Aur aapki wajah se maine Shalini ke sath bhi dhokha kiya hai” Bharat ne jhalla ke kaha
“Meri wajah se nahi.. Nidhi ki wajah se.. Tum bhul rahe ho.. Yeh kaam hone par Nidhi ka hath tumhe milega.. ” Mehul ne palat ke jawaab diya
“Khair.. Ab aagey kya karoge.. Kisi bank mein baat chal rahi hai tumhari.. Aur is kaam ke liye tumhe kitne logon ki zarurat hogi” Mehul ne mudde ki baat pe aake kaha
“Kam se kam 7 log… Usme se ek software engineer.. 5 woh log jo ATM se paise nikalenge.. Aur ek woh jo bank mein rehke humein kuch details dega.. Aur hamare kehne pe hamare churaye hue debit cards ki withdrawal limit badha dega sirf ek ghante ke liye” Bharat ne saaf bataya apna plan Mehul ko
“Toh ab tak kyun ruke hue ho.. Tum Shalini ki bank mein kyun try nai karte.. Aur Shalini ko hi istemaal karo.. Waise bhi tumhare liye Nidhi se zyada koi ladki mahatva ki nahin honi chahiye” Mehul ne apni cigarette jalate hue kaha
“Dosti nahin tod sakta main kisi ke sath.. Aur rahi Nidhi ki baat, woh Nidhi aur mera private matter hai.. Usme aap ko koi dikkat nahin honi chahiye” Bharat ne palat vaar kiya
“Theek hai.. Mujhe bas nateeja chahiye.. Marzi tumhari, aadmi tumhare.. Lekin yaad rahe, isme agar tum pakde gaye.. Toh hum ek dusre ko nahin jaante.. Aur agar kamyaab hue.. ” .Mehul ko Bharat ne tok diya
“Kamyaab ya na kamyaab.. Yeh kaam khatam, Nidhi meri hogi.. Uske baad aap apne raaste aur Nidhi aur main, mere raaste..” Kehke Bharat wahan se nikal gaya. Wahan se nikal ke Bharat ne Shalini se phone pe baat ki aur usse milne ka time liya Shalini ke Delhi se lautne ke baad hi. Bharat fir Sharon ke hotel mein pahuncha jahan Sharon breakfast le rahi thi.
“Good you are here.. Join me for breakfast..” Sharon ne Bharat ko dekh ke kaha
“Sharon.. I need the recommendation letter which you received from my college.. And originals please.. Copy wont help me” Bharat ne khade khade hi jawab diya. Usse kahin pahunchne ki jaldi thi..
“Ideally I should not handover the same, but since you have been very special as a person for me.. Here it is.. You can use this letter to get some new job” Sharon ne Bharat ko letter pakdate hue kaha. Letter leke Bharat wahan se campus hostel ki taraf nikla .. Hostel mein pahunch ke Bharat naha ke fresh hua aur Bhargav se milne pahuncha.. Bharat apne sath laptop aur tablet leke Bhargav ke paas pahuncha.. Bhargav se milke Bharat ne use uski clipping dikhai aur delete karne ka waada kiya lekin is shart pe ke Bhargav uski madat karega ICICI bank naukri dilwane mein. Yeh karne mein Bhargav ko der na lagi kyun ki shrivastava usi ka banda tha aur Bhargav ne use fone karke sab fix kar liya. Shalini ke sath rehkar Bharat apne plan ko anjaam dene ka soch raha tha. Ab Bharat ko bas yeh karna tha ke kisi bhi tarah shrivastava ko pata ke impress karna tha taaki higher scale ki position mile aur Preeti ko woh IT department mein laa sake. Bharat ne Bhargav aur Shalini ka mms delete karke apne room mein jaake apne samaan ko pack kiya aur mumbai ke liye ravana ho gaya. Shaam ko ICICI ka interview tha aur aaj usko mom dad se milna bhi tha.. Raaste mein Bharat ne apne dad ko fone kiya shaam ka program set karne ke liye..
“Hi Dad. Aap kab pahunchenge..” Bharat ne gaadi chalate hue kaha
“Son.. Woh sab chodo lo mom se baat karo.. She has some news for u..” Kehke Rakesh ne simi ko fone pakdaya. Simi me fone pe Bharat ko jo baat kahi usse Bharat ko zindagi ka sabse bada jhatka laga..
“Mom.. U must be kidding.. How can u do this to me han” Bharat ne zindagi mein pehli baar simi se chillake baat ki thi
