Maya – Paison ki, Taakat ki, Jism ki – Update 28

Update 28
Contd :-
“Dean… Please call the contestants here… Need to discuss with them the few things…” Sharon ne saamne khade dean ko kaha.. Aaj announce hone wala tha US kaun jayega.. US ka big ticket Siddhartha ko milega ya Bharat ko… Dean ne zara bhi der na karte hue msg bhinwaya aur 5 min mein Sharon aur Mike ke saamne the do bande jinka career aaj udaan bharne wala tha
“Mr Kumar… Hope you doing well.. I guess you know the reason why are you here.. U all prepared for it ?” Sharon ne Siddhartha se kaha
“Yes mam.. All prepared..” Siddhartha ne sirf itna hi kaha
“And Mr…” Sharon ne sirf itna hi kaha ke ke Bharat ne use beech mein tok diya…
“Sharon.. Please keep it Bharat.. Just Bharat… I don’t prefer people calling me by my last name..” Bharat ne yeh kehke dean aur Sharon ko chaunka diya.. Haala ki Sharon ne chutki mein uda di yeh baat
“Ok Bharat.. As u wish… And I suppose you are prepared for the results…” Sharon ne Bharat ki aankhon mein aankhen daal ke pucha
“please go ahead Sharon.. ” Bharat ne bade hi relax tone mein kaha… Bharat aur Siddhartha mein farak yahin dikh gaya tha.. Jahan Siddhartha job ke liye ek dum formal tha, wahin Bharat casual toh nai tha but woh bahut free tha, Sharon ko uske naam se bulana, uski body language, Bharat ki yehi toh khasiyat sabko bhaati thi…
“Gentlemen.. Goldman Sachs Investment Banker profile with pay of USD 150,000 and other privilages is not less than a dream job.. Before I move on, one last question for u Bharat.. What if you don’t get this job.. What will you do first..” Sharon ne Bharat ke paas khade rehke pucha. Bharat aur Sharon mein kaafi zyada doori nai thi.. Bharat 6 foot ka banda, uske saamne 5.3 ki Sharon kisi gudiya ki tarah lag rahi thi..
“That will not be the end of world for me Sharon.. If I don’t make it to Goldman, I will surely make it to another bank.. I m very competent.. And before that a trip to Florida or some exotic location.. U know m very tired these days , want to relax” Bharat ne jawaab diya.. Is jawaab se Siddhartha chaunka kyun ki usne kabhi umeed nai ki thi ke Bharat aise jawaab dega..
“In that case.. Bharat, please go ahead and book your trip.. This job is been offered to Mr Kumar… ” kehke Sharon ne Siddhartha ko badhai di aur dean ke sath baaton mein lag gayi.. Kuch seconds mein Bharat wahan se nikla aur use dekh mike bhi use dekh uske peeche gaya.. Kuch doori pe jaake mike ne use roka..
“Son.. I don’t understand.. Why did you called us to give this job to Siddhartha.. Your college had recommended your name as well.. ” Mike ne hairaani se pucha Bharat ke paas jaake
“Well you see mike.. I have some big plans which cant be executed in NY.. Anyways.. It was a pleasure meeting u and Sharon” Bharat ne hath aagey badha ke kaha
“Pleasure is all mine son.. Here’s my card, give me a call tonight for some drinks.. Rarely get to see man like you.. Take care son..” Kehke mike wahan se nikla
Jaise hi Bharat peeche muda, uske peeche ruby khadi thi jisne inki baatein sun li thi..
“Do sawaal hain.. Sabse pehle yeh bata ke Shalini ko tune aisa kya kaha, sorry Shalini ke papa ko tune kya kaha jo uski job tak chudva di unhone.. Aaj sach bol, aur kuch nai”
Flashback… Shalini ke baap ke kamre mein
“Uncle.. Main aapse kuch baat karna chahta hun Shalini ke baare mein…if u don’t mind pls” Bharat ne saamne Bethe Shalini ke pita se kaha
“haan bete pls bolo” Shalini ke baap ne haami bhari
“Uncle.. Shalini din prati din family se door hoti jaa rahi hai.. Woh naa toh aapse kuch share karti hai naa hi aapki koi baat.. Mujhe samaj nai aa raha ke aisa kya kiya hai aapne jo woh aapse itna door hoti jaa rahi hai.. And aap ki baat chodo, aaj ghar pe bhi Ritu aunty se achi tarah pesh nai aayi.. ” Bharat ne chinta jatate hue kaha
“Nahin bete aisa kuch na hai.. Kaam ke silsile mein kabhi time nai de paya main Shalini ko. Doston mein hi woh apna parivar bana bethi hai.. Lekin aaj uske naam pe 3 farm houses, 10 crore ki jewellery.. Aur capetown mein 2 raunch house hain.. Agar main kaam nai karta toh yeh sab kaise deta inko.. Inhe kaun samjhaye beta paise ki ehmiyat.. Rishton ke naam pe bas dard pasand hai inhe, practical nai hai yeh log” Shalini ke baap ne chidte hue kaha
“Uncle.. Shalini ki job US mein lagi hai.. Agar woh US gayi, toh aapse door ho jayegi aur kabhi laut ke nai aayegi.. Main nai chahta ke Shalini aapse kabhi door ho.. I care for her uncle..please bring her back, use wapas apne kareeb laiye…”
Present :-
“Tu bol… Isme kya galat kiya.. Shalini ko uske dad ke kareeb hi le gaya na, isme kuch burai hai kya..” Bharat ne saamne khadi ruby ko jawab diya
Ruby kuch sochne lagi.. Use Bharat pe vishwas toh tha nai, uska track record hi kuch aisa tha, par uske paas koi dusra rasta bhi nai tha Bharat ki baat ko maanne ke alawa.. Isliye usne kuch nai kaha
“Aur ab yeh.. Tujhe job mili toh tune kyun mana kiya lene ko.. College ne recommendation toh tera bheja tha na.. Fir” Ruby ko is baat ka dukh tha ke woh Bharat ke paas nai reh sakegi
“Ruby.. Darling, tu chinta mat kar uski… Rahi baat US ki toh main US kabhi bhi aa sakta hun, kabhi bhi jaa sakta hun.. Koi bhi naukri le sakta hun koi bhi company mein.. Chillex baabu.. Aaj raat teri party hai ok..” Kehke Bharat ne ruby ko hug kiya.. Hug karke jaise hi dono alag hue, dono ki nazar Siddhartha pe padi…
“Toh yeh naukri meri kabiliyat ki wajah se nai.. Tere rehem ki wajah se mili hai mujhe” Siddhartha ne aagey badhte hue kaha
“Practical ban bhai.. Aaj bhi tu wohi hai jo do saal pehle yahan aaya tha.. Tere yeh jo usool aur adarsh hain na , isse tujhe zindagi mein ghanta bhi kuch haath nai aayega.. Rona chod, aur jaake US ke bag pack kar chal.. ” kehke Bharat wahan se nikal gaya ruby ko call karne ka ishara karke.. Ruby aur Siddhartha ab tak shock mein the ke koi aisa chance khud kaise chod sakta hai… Khair, wahan se nikal ke Bharat ne ek call kiya
“Itni achi naukri ko laat marwayi aapne.. Upar se ruby ke sath live in relationship bhi gaya aur Shalini ko bhi cheat kiya.. Yeh sab kya hai” Bharat ne fone pe jhalla ke kaha
“Ladkiyon ko chodo.. Tum kaam pe focus karo.. Computer engineer dhundha tumne?” Saamne shaks ne use jawaab diya
“Nahin.. Ab tak Preeti ne kuch kaha nai hai, uske alawa koi nai hai filhaal” Bharat ne apne room mein ghuste hue kaha
“Dhundh lo jaldi se.. Aur haan, ab naukri kahan dhundhoge tum” saamne shaks ne chintit swar mein kaha
“Pata nai.. Ab lagta hai wapas sales mein jaana padega mujhe aapki wajah se” Bharat ne cigarette jalate hue kaha
“Sales mein bilkul nai.. Main nai chahta tum fir ek baar pyaar mein pado aur dhokha khao.. Aaj tak uski wajah se tumne sabko apni surname tak lene se mana kiya hua hai”
Is baat se Bharat ko Nidhi ki yaad aane lagi aur woh fir apni yaadon mein khone laga.. Uski aankhein dheere dheere nam hone lagi.. Kuch der ke liye Bharat khamosh raha aur uski khamoshi ko saamne wale shaqs ne bhaanp liya
“I am sorry… Mera yeh matlab nai tha.. Par sales mein rehke hamara maksad pura nai hoga.. Tum credit mein try karo ya toh aur koi team… Par dhyan rahe credit hi hamara main target hai… Samaj gaye” saamne wale shaks ne apni kadak awaaz mein kaha
“You got me… Bye” kehke Bharat ne fone cut kiya aur kuch waqt wahin betha raha…. Uski aankhon ke saamne aa gaye woh din jab woh pyar mein tha.. Uski aankhon ke aagey aa gaya woh waqt..uski zindagi ka shayad sabse haseen waqt.. Uski zindagi ke kuch pal jo usne Nidhi ke sath bitaye the.. In sab ko yaad karte karte kab uski aankh lag gayi use pata hi nai chala.. Usk aankh khuli preeti ke call se..
“Hmmm.. Bolo, kya hua” Bharat ne apni aankh malte hue kaha
“Nai hua kuch bhi… Maine salary zyada maang li shayad
“Theek hai chal.. Toh Pune mein hi kahin search kar le.. Any local company will do.. Mera offer ab tak same hai… ” Bharat ne apne usual andaaz mein kaha
“Ok.. Main dhundh ke batati hun..” Kehke Preeti ne fone rakh diya.. Preeti ke fone rakhte hi Bharat ne apne mobile mein scheduler check kiya…
“4 din mein hostel khali… Naukri jaldi dhundhni padegi…” Par usse pehle Bharat ne kuch socha aur sab doston ko sms kiya..
” Meet in 10 mins in canteen.. Lets rock tonight”