UPDATE 95
Subah ke waqt Ashu jaldi hi uth gayi. Wo nahi chahti thi ki wo apni mummy ko apni taang kheenchne ka koi bhi mauka de.
Aryan: tu itni jaldi kyu uth gayi.
Aryan apni aankhe open karte hue bola, jab Ashu naha-dhokar apne baal sanwar rahi thi.
Ashu: subah ho gayi hai Aaru, tu bhi uth ja.
Aryan: pehle ek gm kiss to banti hai.
Aryan use apne upar girate hue bola aur use ek jordar smooch kar deta hai.
Ashu: ab ho gaya na, chal ab jakar fresh ho ja.
Ashu uske upar se uthte hue bole.
Aryan: ha, mujhe aaz gym bhi jaana hai.
Aryan uthta hua bola.
Ashu neeche aakar kitchen mai jaati hai.
Anjali: Aashuuu itni subah subah, wo bhi kitchen mai.
Anjali use herat se dekhte hue kehti hai.
Ashu: mummy, laao m nasta bana deti hu.
Anjali: are rehne de beta, tu baith m bana to rahi hu.
Ashu: aap hatiye m banati hu.
Ashu apni mummy ko hatakar khud nasta banane lagti hai. Anjali apni beti ko dekh bahut khush ho rahi thi. Anjali waha se apne room mai aa jati hai.
Rajesh: kya hua bhai, aaz naasta nahi banana hai kya.
Rajesh uthte hue bola.
Anjali: Aaz naasta apki beti bana rahi hai.
Anjali muskurate hue boli.
Rajesh: Ashu, sach mai.
Rajesh khush hote hue kehta hai.
Anjali: ha, shadi ke baad wo ab kafi samjhdar ho gayi hai.
Rajesh: matlb meri beti pehle smajhdar nahi thi.
Anjali: are nahi, mera matlb hai pehle usme thoda bachpana, thodi shaitaani,natkhatapan tha.
Rajesh: hamari beti bahut samjhdar hai Anjali.
Anjali: ji ha, bas bhagwan se dua hai ki wo dono hamesha khush rahe. Bhagwan un dono ko hamesha buri najar se bachaye.
phir wo dono kuch der baad bahar aa jate hai. Aryan bhi gym se wapas aakar dining table par baith jaata hai.
Aryan: mummy nasta kaha hai aaz.
Aryan apni mummy ko wahi par baithe hue dekhkar puchhta hai.
Nirmala: aaz nasta hamari nayi bahu bana rahi hai.
Nirmala haste hue kehti hai. Tab tak Ashu nasta serve karne lagti hai. Aur wo bhi bethkar nasta karne lagti hai. Sab chupchap nasta kar rahe the.
Rajesh: wah bhai, aaz to bahut achha nasta bana hai. Tumhari mummy ke haatho ka nasta kar karke to ham bore ho gaye the.
Rajesh hasta hua Ashu se kehta hai. Aur sabhi hasi khushi nasta karne lage.
Aryan apne room mai ready ho raha tha.
Ashu: tu kaha jaane ke liye tayyar ho raha hai.
Ashu apna kamra sanwaarte hue boli.
Aryan: office ja raha hu honey.
Ashu: kyu, abhi to hamari nayi nayi shadi hui hai.
Ashu muh fulakar kehti hai.
Aryan: theek hai to office jana cancel.
Aryan use baanho mai bharte hue bola.
Ashu: m to majak kar rahi thi, tu office hi ja, yaha rahega to tujhe masti ke siwa kuch aur nahi sujhega.
Ashu use hatakar kaam mai lagti hui boli.
Aryan: kamaal hai yar, ab m apni biwi ke saath masti nahi karunga to aur kiske saath karunga. Theek hai phir, ab office mai hi koi dhoondni padegi.
Aryan use chhedte hue bola.
Ashu: dhoondh ke dikha, agar tujhe apni jaan se pyaar nahi hai to.
Ashu apni kamar par dono haath rakhte hue raubdar andaz mai kehti hai.
Aryan: kesi biwi mili hai yar, apne pati ke upar har waqt haath chhodne ko ready rehti hai.
Kuch der baad dono neeche aa jaate hai. phir Aryan apne mummy-papa ke paas thodi der ke liye baith jaata hai.
Ashu: ye lo tumhara lunch.
Ashu use lunch box deti hui boli, jabki Aryan use aankhe faade dekh raha tha.
Aryan: kiska lunch hai ye.
Aryan muskurate hue puchhta hai.
Ashu: tumhara hai aur kiska hai.
Ashu chidte hue kehti hai,use pata tha ki wo uski taang kheench raha hai, saath hi Anjali bhi bethi has rahi thi. Phir Aryan apne office ke liye nikal jata hai.
Aryan apne office aa gaya, uske paas bahut sa pending kaam bacha hua tha. Wo aate hi apne kaam mai jut gaya.
Singh: m andar aa sakta hu kya.
Singh ne jab dekha ki wo apne kaam mai laga hua hai, to wo khud hi uske cabin mai aa gaya.
Aryan: are sir, plz aaiye na. Aap kab aaye, betho.
Aryan apni seat se uthta hua kehta hai.
Singh: M kuch der pehle hi aaya hu, socha ki tumhe shadi ke liye wish kar du. Congratulations.
Aryan: thank u sir.
Singh: Aryan mujhe bahut khushi hui hai ki tumhe apna pyaar mil gaya.
Aryan: thank u.
isi tarah unke beech kuch aur baate hui, phir Aryan jakar sabse milta hai, aur phirse apna kaam karne lagta hai. tabhi uska phone bajne lagta hai.
Aryan: hello meri jaan, kesi ho.
Aryan ne dekha ki Ashu ka call hai to wo uthakar kehta hai.
Ashu: tujhe pata to hai na ki teri nayi nayi shadi hui hai aur teri ek biwi bhi hai.
Ashu gusse se kehti hai.
Aryan: are hua kya hai, tu itna gusse mai kyu hai.
Ashu: gussa nahi to aur kya karu, 3 baj gaye hai aur tune ek baar bhi mujhse call karkar ye nahi puchha ki m tujhe kitna miss kar rahi hu.
Ashu udaasi se kehti hai.
Aryan: oh to ye baat hai, meri wife ko meri yaad aa rahi hai. Lekin tune hi to kaha tha ki m office jau.
Ashu: ha kaha tha, lekin mujhe tujhse ab ek pal bhi door hona bardast nahi hota hai. Mera tabse man bhi nahi lag raha hai ghar mai.
Aryan: ok honey, m jaldi aane ki kosis karunga.
Ashu: tune khaana khaya.
Aryan: nahi yr, bahut kaam tha, ab khaunga.
Ashu: kyaaa, tu time se khaana khaya kar, kaam to hota hi rahega. Chal ab khaana kha.
Aryan: kya yr subah to itni respect se bol rahi thi, aur ab phir se aese hi bolne lagi.
Ashu: ahhh mere babu ko respect chahiye, ghar aa tujhe deti hu respect.
Ashu use daant te hue bola. Phir wo call cut kar deta hai.
Aryan ka kaam kafi late tak nibta, usne time dekha.
Aryan: oh teri 8 baj gaye.
usne apna beg uthaya aur ghar ke liye jaane laga. wo jese hi apna phone dekhta hai to paata hai ki Ashu ki bahut si missed call aayi hui thi.
Aryan: abe yr Ashu ki itni missed call, lekin mujhe pata kyu nahi chala.
phir Aryan ko yaad aaya ki use wrong no. se call aayi thi, phir usne mobile silent mode par kar diya tha.
Aryan: oh! Yr ab Ashu mujhe nahi chhodegi.
Aryan khud se bolta hai aur apni car dauda leta hai. wo ghar pahunchta hai to sab launge mai bethe hue the.
Anjali: beta kaha reh gaya tha, Ashu tujhe kabse call kar rahi thi.
Anjali use fikrmandi se kehti hai.
Aryan ne Ashu ki aur dekha to wo muh chhadati hui kitchen mai chali gayi.
Aryan: wo mummy, aaz kaam bahut jyada tha, time ka pata hi nahi chala.
Nirmala: koi baat nahi beta, tu fresh hoke aaza, fir khaana khaate hai.
Aryan: ok dadi.
thodi der baad Aryan aata hai aur sab khaana khaane lagte hai, Ashu ka muh chada hua tha, ye Aryan bhaanp jaata hai. Phir sab baate karte hai aur sab sone chale jaate hai.
Aryan: meri jaan naaraz hai kya mujhse.
Aryan apne room mai aakar use baaho mai jakad laita hai.
Ashu: tujhe kya farq padta hai, shadi se pehle to itne waade karta tha, aur ab 2 din mai hi change ho gaya.
Ashu khud ko chhudate hue boli.
Aryan: are yr, mera mobile silent mode par tha, mujhe pata hi nahi chala ki tune call kiya hai.
Ashu: ha ab kya jarurat hai, ab to hamari shadi ho gayi hai, ab to tu dekh kar bhi andekha kar dega.
Ashu aaz pure mood mai thi.
Aryan: Ashu yr plz maaf karde, tu itna gussa mat kar.
Aryan kehta hai lekin Ashu chadar taan kar lait jaati hai.
Aryan: Ashu plz na yr, sorry bol to raha hu.
Aryan uske saamne bethta hua bola. Jabki Ashu muh chadar mai dekar hase ja rahi thi. Jab uski hasi control nahi hui to wo jor se hasne lagti hai, jabki Aryan ka mood ye dekh off ho jaata hai.
Ashu: sorry…sorry aaru, lekin tu apna muh dekh hahahahha.
Aryan: achha to tu drama kar raho thi, ruk abhi batata hu.
ye kehkar Aryan uske upar jhapat padta hai, wo uske kapde nikal phenkta hai aur phir shuru hota hai ek aur mahayudh.
