After 30 days
Viraat — Viraat abb thoda jyada khush rahne laga tha … apni diary ke saath rojana raat me kuchh wakt bitana uski aadat ban chuka tha … Diary me uske jazbaat motiyon ki mala ki tarah gunthe hote the … Chhoti Meera ne hall me Meeru ki muskurati huyi tasveerein bhi laga di thi … abb Viraat ko Meeru ki gusse bhari calls bhi ati thi jisme wo poonchhti thi ” Tumne dawa kyu nahi khayi “, … kabhi kabhi to wo Diya ke sath ati bhi thi aur Viraat ka sara fvrt khana bana kar sabhi ke saath lunch kar ke jati thi … dono ke beech ye wo ” pavitra rishta ” tha jise dono ne apne dil ke khoon se seencha tha …
Meeru — Meeru ne Nikhil ko ek mauka de diya apni galti sudharne ka kyu ki Meeru ki tarah kuchh hadd tak Nikhil bhi apno ke liye apno se door hua tha … wakt ne dono ke beech jo khayi banai thi use bharne ki Nikhil purjor koshish kar raha tha … Meeru ne bahut sochne samjhne ke baad apne maa baap ko maaf kar diya … Sahil ne jab gussa dikhaya to Meeru ne use samjha diya ki ” inn dono logo ke budhape ki eklauti poonji mai hoon … agar maine inn dono ko thukraya to ishwar bhi inko maaf nahi karenge … aur waise bhi inn logo ne jo paap kiya hai wo mai nahi kar sakti hoon … mujhme abb bhi jindgi ki samjh baaki hai beta “… kya kahta iske aage Sahil par Sahil ne saaf mana kar diya nani aur nana se koi bhi rishta rakhne se …
Nikhil — ” jab jago tabhi savera ” ye lines Nikhil par fit baithti hain … Atul aur Viraat ne Nikhil ka sara loss cover karwa diya … abb Nikhil jutt gaya tha Meeru aur Sahil ka loss cover karwane me … wo sab kuchh karne ko taiyaar tha wo jise karne se chook gaya tha … yahan tak ki Meeru ko Goa le jaa raha tha kyu ki kabhi use wakt hi nahi de paya tha aur abb apna sara wakt use dena chahta tha …
Diya — Diya ne apne dosti wale dino ki doosri pari apne pyaare doston ke sath khelni shuru kar di … isme abb do khiladi aur bhi shamil ho gaye the Nikhil aur Rudra … Diya sahi mayne dosti ki kadar karne wali insaan thi shayad isi liye sabhi ki pyaari thi aur chhoti Meera ki jaan agar uske papa me thi to dosti uski maa me … chhoti Meera ki maa hi uski sabse khaas dost thi …
Dr Rudra — Rudra ne abb faisla kar liya tha logon ki nishulk sewa karne ka aur iss kaam me uske 4 partners bhi the … Meeru , Diya , Nikhil aur Viraat … Rudra abb ” Being friends ” naam ki sanstha ke dwara sabhi jarurat mando ki help ke liye vachan badhh tha …
Sahil & Meera j — inn dono ne apni purani life jeena shuru kar di … Dil , Dosti aur Masti wali… clg me lib se lekar garden tak aur basket ball court se lekar canteen tak inn dono ke muhobbat ke kisse mashoor ho chale the aur koi rokne ki himmat bhi kaise karta ek to trusty ki beti doosre khoonkhar noodle hair girl … Sahil aur Monty bhi Meera se darte rahte …
Being friends
Yahi sanstha ashakt logo ki help ke liye Rudra ne shuru ki thi jiske shuruaat ke din ek dhansu party ki gayi thi … shahar ki kai nami hastiyan iss party me shamil huyi thi … Meera aur Sahil ko poori chhot mili huyi thi … dono baahon me baahein dale dance floor par apne pasandida music par jhoom rahe the … achank Meera aur Sahil ke kaano me udti udti khabar pahunchi ki ghar waale unki sagayi ki baatein kar rahe hain … abb kya tha … Sahil ki khushi ka thikana nahi jabki Meera sharm se dohri ho rahi thi… Sahil ke liye ye aur bhi bada surprise tha kyu ki Meera ka ye roop blkul naya tha uske liye par aaj Sahil ko Meera ki jhuki palke aur gaalon ki lali dekh aur bhi jyada pyaar ho chala tha usse … Viraat ne jab apni bitiya aur Sahil ko yun khushi me sarabor dekha to gadgad ho gaya … 30 saal puraane jakhm par malham ke jaisa tha Meera aur Sahil ka milan … Viraat ki iss khushi me sahbhagi Meeru ki bhi nam aankhein thi …
Kaisi Bhi Ho Raahein
Saath Saath Chalna
Chaahe Badle Mausam
Tum Nahin Badalna
Tera Mera Naata
Ab Kabhi Na Tute*
Saason Ka Yeh Bandhan
Ab Kabhi Na Chhute
Mile Hum Ko Gham Ya Khushi*
Chaahe Kuch Bhi Ho Apna Haal
Magar Itna rkhna khayaal
Jeena Sirf Merre Liye
THE END
Leave a Reply
You must be logged in to post a comment.