Jis wakt Nani ki gadi Meera ( j ) ke ghar ke samne pahunchi uss wakt Meera hall me hi baithi huyi thi … wo haath me news peper ko yun tod marod rahi thi jaise uske kisi jaani dushman ki gardan ho … shayad ye uske bechaini ki imteha thi …
Main gate khulne ki awaaj ne uska dhyaan baahar ki ore kheencha … usne dekha ki gate khol kar sakuchayi , dheere dheere kadam rakhte huye Sahil ki nani andar aa rahi thi… nani ko dekh Meera ke chehre par kutil muskaan tair uthi … usne daant peeste huye khud se hi kaha ” badi der kar di mehrbaan aate aate ” … Meera ke khatarnaak iraadon se anjaan nani chhote chhote kadam rakhte andar tak aa gayi … samne khadi Meera ko unhone dekhte hi pahchan liya par wo iss baat se poori tarah anjaan thi ki Meera bhi unko pahchanti hai …
Nani — beta mai Sahil ki nani hoon ?
Meera — aaiye aaiye … pata hai mujhe aapka parichay … aapke karnaamo se poori tarah wakif hoon mai …
Nani — Kaarname ?? ye kaisi baatein kar rahi ho beta ?
Meera — mai aapki koi beta veta nahi hoon … idhar kaise aana hua wo bataiye ?
Meera ne muhh ferte huye kaha …
Nani — beta tum Sahil se kuchh naraaj chal rahi ho ?
Meera — haan thodi problem hai hamare beech to ? …
Nani — par problem hai kya beta … mujhe batao beta mai sab theek kar doongi … tumko koi baat pasand nahi aayi kya ?
Sahil ki nani abb tak Meera ki harkaton ko uska nakchadha pann samjh rahi thi …
Meera — mujhe uska family status nahi pasand kyu ki wo log mere papa ke samne kuchh bhi nahi hain … samajh rahi hain naa aap … mai unn logo ki haisiyat ki baat kar rahi hoon … aakhir log kya bolenge jab hamara rishta hoga … mere papa ki bahut ijjat hai samaaj me …
Meera ki aankhon me nafart kuchh yun umdi ki nani ko aaj se tees saal pahle ka vakya yaad aa gaya phir bhi nani khud ko saymit karte huyi boli……
Nani — ye kaisi baat kar rahi ho tum … awwal to wo log kisi se bhi kam nahi hain aur doosri baat ki pyaar me haisiyat kaun dekhta hai beta … pyaar to kar liya tumne par kya pyaar ka matlab bhi samjh payi … pyaar to aatma ko shudhh kar deta hai aur tum ye haisiyat aur daulat me atki huyi ho …
Nani ne ye lines bol to di par unko apni hi baat se apne shareen me kampkampi si mahsoos hone lagi thi …
Meera — ye sab bolne wali baatein hain … mere papa ne mujhe duniya ki har khushi mujhe bina mange di hai to wo mera rishta bhi aise hi ghar me karna chahenge … mujhe nahi lagta ki Sahil aur mere rishte par wo agree karenge … mai mere papa se bahut pyaar karti hoon … ek kya 100 Sahil kurbaan unn par …
Meera ki aankhein bhar asyi thi ye lines bolte huye kyu ki usne dekh liya tha ki Monti aur Sahil bhi aa chuke hain aur Meera ki baatein Sahil ke paron tale ki jameen kheench le rahi hain …
Nani — par mere Sahil ki kya galti hai isme ? Kyu use is tarah dhoka de rahi ho tum … uska kya kasoor hai isme ?
Meera — Sahil ka koi kasoor nahi hai par mere papa dil ke kamjor hain aunty… ye sadma sahan nahi kar paayenge wo ?
tees saal pahle ka sara najara ek baar phir live ho utha tha nani ki aankhon me … abb nani apna aapa khone lagi …
Nani — Ajib ladki ho tum … kaisi parwarish di hai tumhare maa baap ne … bolo kya chahiye tumko ? Mai dene ko taiyaar hoon par mere Sahil ko yun daga na do uski aankhon me sachi muhobbat dekhi hai maine …
Meera — mere maa baap ki parwarish ko to aap bhool hi jaiye waise mujhe Meeru ke Viraat ki life ke pichhle 30 saal chahiye … dengi ??
Meera ki inn lines ke saath hi Sahil aur nani dono ke ki seene par kayi vajrapaat ek saath ho gaye …
Nani — k…kaun Viraat ? Kaun ho tum ?
Meera — wahi Viraat jiske pyaar ka gala ghontne ke baad aap aapne usko jaan se marwaane ke liye gundo par ek moti rakam kharchi thi … wahi Viraat jiski maa ke samne aapke gunde nakli police ban kar maarne ke liye ghaseet kar le kaye the … wahi Viraat jiski muhobbat ko aapne haisiyat ke taraaju me taula tha … wahi Viraat jiski roti huyi maa ki yaachnayein bhi aapke dambh ko nahi pighla pasyi thi … kuchh yaad aaya ya aur yaad dilaau madam ji abhi aapke kroor kaarnaamo ki list hai mere paas …
Nani — T … tun uss V… Viraat ki beti ho ?
Meera – Jee haan mai Meera Viraat singh hoon … aur haan mere papa ka naam jara adab se lijiye madam kyu ki mere papa ko koi kuchh bhi bole to shayad mai ye bhi bhool jati hoon ki samne kaun khada hai…
Nani — t… tumhare papa kahan hain ?
Meera — mere papa se kya kaam hai aapko ? Aap ko koi haq nahi hai unka naam apni ghatiya , giri huyi aur sadi huyi jabaan se lene ka ?
Meera itna hi bol pasyi thi ki Sahil cheekh pada …
Sahil — Meeeraaaaaaa … tum pagal ho gayi ho kya ? tum meri nani se itni badtameeji se baat kar bhi kaise sakti ho?
Sahil chillate huye Meera ka haath pakdne hi jaa raha tha ki kisi ne Sahil ke haath ko pakad kar jhatak diya … uss sakhs ko dekh kar nani ko ek aur tagda jhatka laga aur iss baar jhatka itna tej tha ki nani ladkhada kar sofe par baith gayi …
