Doston jis prakar har rishte ki oxygen bharosa hota hai usi prakar dosti life line hoti hai kyu ki aap kitne bhi pareshan ho dost apne baaton ka glucose kuchh iss tarah chadhata hai ki ek baargi to marta hua insaan uth khada hota hai … kuchh aisa hi asar Ishu ki baaton ka Sahil par hua aur isiliye usne Monty ko call karne ke liye mobile uthaya lekin usme Monty ke 10 missed call display ho rahe the … Sahil chakra gaya … udhar Monty ne jab Sahil ka call liya to usne jo bataya usse Sahil ke kaan khade ho gaye …
Monty — bhai tujhe pata hai teri Nani aayi thi mere ghar ?
Monty ghabraya sa bola …
Sahil — Nani tere ghar kya karne gayi thi aur kab ? thodi der pahle to wo yahi thi …
Monty — tabhi to tujhe call laga raha tha mai yaar … unhone mujhe maa ke samne khoob sunaya yaar aur Meera ka address bhi le gayi hain …
Monty ne apni hataasha batayi …
Sahil — Pagal hai kya bey … uska address kyu diya tune yaar … tera dimaag kharaab hai kya aur ye nani abb kya naya drama karne wali hai … khakar hi chhodengi kya mujhe…
Sahil berukhi se chhekh pada …
Monty — unka drama wo jane mai khud jaa raha hoon Meera ke ghar tu bhi pahunch…
Monty ne Sahip ka reply sune bin call rakh di jabki Ishu Sahil ke chehre ko lagatar padh rahi thi …
Ishu — kya hua Sahil itta pareshan kyu hai ?
Sahil — kuchh nahi shayad ek aur sapna ujadne ka sukh bhi nani ke hi bhagya me hai …
Ishu — mai nahi samjhi …
Sahil — Meera se milegi ??
Ishu — haan …
Sahil — chal…
Doston abb halaat ye the ki Meera
( j ) ke ghar ki taraf Nani , Monty aur Sahil teeno chal pade the … we sabhi iss baat se poori tarah anjaan the ki koi hai jo besbri se pratiksha kar raha hai … khair Niyati ke khel bade anokhe hote hain … ham aur aap uska hissa naa chahte huye bhi ban jate hain…
Nani ne aaj man me thaan liya tha ki Sahil ko uska prem hasil karwa kar wo apni beti ke sath kiye huye apne anyaay ke bojh ko apne seene se kuchh kam kar legi … lekin unko nahi pata tha ki wo jiski maand me jaa rahi hain wo unki beti ke jaisi darpok billi nahi balki ek khoonkhar sherni hai jo khud unka shikaar karne ke liye ghaat laga kar baithi huyi hai …
Leave a Reply
You must be logged in to post a comment.