Meera ( j ) bechain rahi to Sahil bad hawaas raha … doosre din Sahil Monty ke hi ghar se clg chala gaya … Meera nahi aayi thi … ye bechaini Sahil ke liye asahniya thi … par usko koi rasta bhi nahi sojh raha tha … Monty ne pareshan dekha to bola …
Monty– ek idea hai Sahil …
Sahil — kya ?? Please bata de bas ek baar dekhna chahta hoon … tasalli karna chahta hoon theek to hai naa wo …
Monty — chal uske ghar ke chakkar lagate hain… kabhi to bahar aayegi naa …
Sahil — tu mera majjaq uda raha hai ??
Monty — mai bilkul seriously bol raha hoon…
Thodi der sochne ke baad chal diya Sahil … kayi chakkar lagaye unn logo ne par Meera naa dikhi… Sahil uss din bhi apne ghar nahi gaya … doosre din bhi naa Meera aayi naa uske phone on hua …
Sahil haar kar jab apne ghar pahuncha to uska samna seedhe uski nani se hi ho gaya … Sahil ko aaj nani ka saath jarra bhi achha nahi lag raha tha …
Nani — aa gaya tu beta … baith mai tere liye garma garm coffee bana deti hoon…
Sahil — Aap kyu banayengi … mom kaha hain…
Nani — wo aur Nikhil hospital gaye hai aur waha se police station jayenge … ins Atul ne bulaya hai kisi kaam se …
Sahil — ohh phir to mujhe bhi wahan jana chahiye … dekhta hoon kya baat hai …
Sahil utha hi tha ki nani ne rok diya …
Nani — nahi teri maa ne mana kiya hai tujhe police station aane ke liye…
Sahil — hadd hain mom bhi naa… mai abhi call karta hoon…
Sahil galti se apni maa ki jagah Meera( j ) ko call laga deta hai… no switch off ka reply aata hai … Sahil ki aankhon ke saamne Do din ka sara najaara ghoom jata hai … nani uske chehre ke badlte rang ko bade gaur se dekh rahi thi …
Nani — kya hua beta sab theek to hai…
Sahil — j… ji haan sab theek hai …
Nani — Mere paas tere liye surprise hai …
Sahil — kya
Nani — koi aaya hai tujhse milne …
Sahil — kaun ??
Nani — aafat …
aafat naam sunte hi Sahi uchhal pada …
Sahil — Ohh my godddd … Ishu aayi hai ?? Kahan hai wo ?? Kab aayi ? bua bhi aayi hain kya ?
Sahil ke sawaal khatm bhi nahi huye the ki uske kamre se ek ladki baahar aayi … age yahi koi 20 saal … Muh ko jaan boojh kar poori taakat se fula rakha tha usne apna gussa dikhane ke liye … baalon ko iss tarike se faila rakha tha jaise usne aaj tak kanghe ( comb ) ki shakl bhi naa dekhi ho … apni aankhon ko ghumaate huye boli …
Ishu — ji haan mai aai hoon wo bhi kal se … aur aapse bahut gussi hoon aur bilkul bhi baat nahi karungi …
Ishu bak bak karti huyi sofe par baith gayi aur wapas muhh fula liya … ye Sahil ke bua ki beti hai .…
Sahil — are batana tha naa tujhe … tujhe lene aata … meri ek hi to bahan hai … waise bua nahi aayi kya ?
Ishu — noopsy … mai akeli aayi hoon … meri exam hai … do din ke liye aayi hoon … mamma papa do din baad aayenge …
Sahil — sirf do din ke liye ??
Ishu — hmm do din baad chali jaungi aapko lekar … waise aap isne sad kyu lag rahe hain mujhe … All ok naa ? Lemme guess kahi kal aap meri hone wali bhabhi ke sath to ni the … bolo… bolo … tell… tell…
Sahil — ye kya bakwas lekar baith gayi tu … kuchh khaya tune ? Bata kya khayegi ?
Sahil ne idhar udhar dekha to nani najar nahi aayi … tab Sahil ne rahat ki saans li…
Ishu — maggi Khaungi wo bhi aapke haath ki…matar wali …
Sahil — tera maggi prem kabhi khatm hoga ??
Ishu — Naa … par aap ke chehre par khushi kyu nahi hai ?? Koi baat hai kya ?? kuchh chhipa rahe ho aap mujhse ?
Sahil — naa tu to meri besty hai … kuchh nahi chhipa raha hoon ?
Ishu — ye to hadd kai … kitna achha jhoonth bolna seekh gaye aap… pakka aapko pyaar hua hai … tabhi aapke lakshan kuchh theek nahi lag rahe rahain mujhe … waise bhi sab kahte hai ki pyaar me sab badal jate hai…
Sahil — sab bataunga baba saans to le… chal room me chal … bahut kuchh batana hai tujhse …
Ishu — abb aaye naa line par…
Sahil Ishu ko apne room me le jaakar shuru se last tak Meera ( j ) se mulakaat ki sari baat bata deta hai … Sahil Ye sari baatein bahut jyada dukhi ho jata hai … par Sahil ye nahi dekh pata hai ki nani ne sari baat sun li hai …
Ishu — bhai koi naa koi baat to jarur hai warna aise koi kar hi nahi sakta hai … aapki baaton se to aise lag raha hai jaise wo kisi pareshani me fas gayi hai… waise bhi bhi aap sirf ek din me to kisi ke bare me koi dharna nahi bana sakte hain naa ? Kya pata uske mammi papa ne kuchh kaha ho … aapko bina jaane yun udaas bhi nahi hona chahiye …
Sahil — par wo ek min ke liye call kar ke bhi to bata sakti thi… msg bhi kar sakti thi… are kuchh nahi to apni kaam wali ke phone se hi call kar deti …
Ishu — baat to aapki sahi hai … ek kaam karte hain chaliye mujhe uske ghar le chaliye mai sab pata lagati hoon …
Sahil — nahi … uski koi jarurat nahi hai… jane de … mai dekh loonga warna samjh loonga mera koi sapna tha jo toot gaya …
Ishu — aisi sadi hui shakal bana kar itni manhoos baatein karne se achha hai aar yaa paar kar dena samjhe …
dono apni dhun me magan bas baatein kiye jaa rahe the iss baat se poori tarah anjaan ki aaj hi likha hai isnki kismat ka faisla …
