Sahil wakt se Kaafi pahle hi Venue par pahunch gaya tha kyu ki wo koi bhi chook nahi chahta tha jisse Meera ko koi takleef ho … Meera ko aaj usne after lunch long drive par le jaane ka plan kiya hua tha isi liye aaj car laya tha … apni pahli date ko wo nature ke paas enjoy karne ka irada rakhta tha isi liye ek khaas surprise Meera ke liye taiyaar kiya tha usne … Kul mila kar jaane kya kya soch rakha tha usne aaj ke liye …
Sahil ko Abb ek ek pal bahut bhari lag raha tha … bitaye nahi beet raha tha wakt … kabhi kalayi par bandhi ghadi ko niharta to kabhi gate ki ore bechaini se taakta … jehan me Meera ka aks baar baar kaundh jaa raha tha … par Meera ka koi ata pata nahi tha … halki ghabrahat ke sath Sahil ne Meera ko call lagayi to uska cell phone switch off tha … pahli baar me to Sahil ko yakeen hi nahi hua …
Sahil ko abb ghabrahat lagne lagi kyu ki itte din me pahli baar Meera ka cell phone band mila tha … poore teen ghane wo wahi baitha raha… abb to sabhi use ghhoorne bhi lage the … par Sahil ko inn sab baaton se koi matlb nahi tha usne to jane kitti baar call lagai Meera ko par udhar se respond same ” switch off “…
Jab dophar beet gayi aur shaam dhalne lagi to Sahil ki aankhon me darr saaf dikhne lagi… use laga ki kahi Meera kisi hadse ka shikaar to nahi ho gayi … usne ghabrakar Monty ko call lagayi … Sahil ka ye haal sun Monty bhaga bhaga aa pahuncha Sahil ke paas … Meera ke ghar ke paas me hi rahne wale ek class mate ko call lagayi Monty ne aur usse bhahut haath pair jode ki jakar bas itta pata kar aaye ki Meera khairiyat se to hai uske saath koi hadsa to nahi hua hai…
Uss ladke ne call back kiya aur bataya ki Meera to bilkul theek hai aur so rahi hai … uss ladke ne Meera ki kaam wali se cnfirm kiya tha matlb ki khabar sateek thi …
Sahil ke aansu nikal aaye … Monty bhi shocked tha … dono ko kuchh bhi samjh nahi aa raha tha ki hua kya … aakhir kal tak to Meera aisi nahi thi … Sahil se koi ladai bhi nahi huyi thi to aakhir kyu nahi aayi wo milne … nahi aayi wahan tak to theek koi kaaran bhi nahi batayi aur phone bhi band kar liye … Sahil apna sir thame wahi sadak par hi bath gaya jabki Monty ko Sahil ki haalat dekh Meera par hadd se jyada gussa aa rahi thi…
Monty — tujhe bola tha naa mat pad pyaar wyaar ke chakkar me … pata nahi kya ghat gaya use …sala kitta bhi karo kam pad hi jata hai…
Monty ne cheekhte huye kaha …
Sahil — nahi please use kuchh mat bol… wo aisi waisi ladki nahi hai … usne aisa kiya hai to iski jarur koi naa koi wajah hogi … kuchh naa kuchh hua hai … wo asyegi jarur aayegi …
Sahil ko sadma sa lag gaya tha …
Monty — to kya kaam wali jhooth bol rahi hai aur wajah thi bhi to kya wo bata nahi sakti thi… are nahi aa sakti thi ya apne no se call nahi kar sakti thi to kaamwali ke hi phone se call kar deti…
Sahil — jo bhi ho wo aisi nahi hai… wo kabhi mere sath galat nahi kar sakti hai mujhe pata hai…
Monty — abb chalega bhi ya abhi yahi dera dalne ka iraada hai tera …
Sahil — mai kahi nahi jane wala … wo aayegi jarur aayegi … mai itna bhi bura nahi hoon ki wo bina koi kaaran bataye mujhe chhod degi … use aana hoga …
Monty — Sahil tera Dimaag to nahi kharaab ho gaya hai … wo s**li apne ghar par baithi hai teri call tak nahi le rahi hai aur tu …
itna hi bol paya tha Monty ki Sahil ne uski coller pakad li …
Sahil — khabardaar se Monty use kuchh mat bhoolna warna mai bhool jaunga ki tujhse meri bachpan ki dosti hai …
Monty — sahi jaa rahe ho bhai … sab dekh kar bhi aankh band tum hi karo mai nahi kar sakta hoon … bahut dekhi hai iss type ki ladkiyan maine … jaa raha hoon mai … par yaad rakhna tu galti kar raha hai… bahut badi galti … aur dosti me beech me ladki aa hi gayi naa …
Monty Gusse me wahan se chala gaya par Sahil wahi baitha raha … sari raat beet gayi … thand se shareer akadne lagi thi tab bhi wo wahi sadak ke kinare neeche baitha raha … sari raat rota raha … use kaise bhi kar ke yakeen nahi ho raha tha ki uske sapne buri tarah toot chuke hai… wo abb bhi har ghadi Meera ko call lagate jaa raha tha aur saath saath bole jaa raha tha … ” please mera bharosa mat todo please … aa jao ek baar … please Baat hi kar lo mujhse “…
Doston jarra soch kar dekhiye kitna takleef deh pal hoga ye Sahil ke liye apko nahi lagta ki ek alag tarike se hi sahi par itihaas chal pada tha khud ko dohrane …
Leave a Reply
You must be logged in to post a comment.