Sahil — ” kya tum sari jindgi ke liye mujhe ye haq dogi ki sirf aur sirf mai tumhare sapno ko sajaun … kya mujhe ye haq dogi ki mai tumhari khoobsurti ko apni jindgi jeene ka maqsad bana loon… kya saari jindgi ke liye tum mujhe yun hi samhalogi jaise iss baar samhala tha … kya tum sirf mere liye jeene ki rasm e wafa nibhaogi … bolo naa kya tum meri banogi hamesha ke liye ”
Sahil ka yun punchhna hi uski muhobbat ke chehre par ek dilkash muskan le aya … Meera ne bola to kuchh bhi nahi bas wo bhi Sahil ke samne ghutno ke bal baith gayi aur uske hatheliyon ko apni palkon se choom liya … Meera ki iss ada ne Sahil ko aur bhi deewana bana diya uska …
Doston ye do pal ki khushiyan hamari jindgi me bahut mayne rakhti hain … kabhi kabhi ye yadein ban kar aankhon ko bhigo deti hain to kabhi rishte ko aur gahra karne wali raah ban jati haun… nayab sanjeevni hoti hain ye insaan ki jindgi ke liye …
Sahil se jaane kyu abb ek pal bhi nahi beet raha tha Meera ke bina … ghar pahunch kar bhi Sahil ka mann nahi lag raha tha … Uska to aaj raat haal bura tha … Uski aankhon se neend to udd gayi thi par khabon ka deraa jyon ka tyon laga hua tha palkon par … sari raat muskurata bas karwat badlta raha … kafi filmi type ho gayi thi uski raat … Kabhi use uski muhobbat athkheliyan karti dikhne lagti to kabhi uske seene par sir rakhe palke jhapkati dikh jati … par haath badhata to chhoo mantar ho jati bilkul hawa ke jhonke ki tarah …
doosri taraf Meera ( j ) jab apne kamre me gayi to sabse pahle khud ko seeshe me niharne lagi … aaj wo khud ko dekh kar muskura rahi thi … kyu naa ho pahle se jyada khoobsurat lag rahi thi … khud par hi pyaar aa raha tha kyu ki apne chehre par abb bhi use Sahil ki najar mahsoos ho rahi thi … apne baalon ko dekh kar hasne lagi kyu use noodle hair wali baat yaad aa gayi … khair usne ek pyari si red dress nikal kar rakh li subah ke liye … par main problem to papa ke samne kaise nilklegi ready hokar ye thi … papa ko kya bol kar jayegi Sahil ke paas … soch hi nahi paa rahi thi wo … isi udhed bun me jane kab uski aankh lag gayi aur jab uthi to subah ke 08:00 baj gaye the…
Meera hadbada kar uthi … hairaan pareshaan idhar udhar bhatak rahi thi apne ghar me kyu ki use koi idea hi nahi soojh raha tha … Doosri taraf Viraat itminaan se baith kar apna kaam kar raha tha … ek do baar usne Meera ki bechaini par gaur kiya par uske liye ye kuchh hadd tak aam baat bhi thi kyu ki Meera ki bachpan ki aadat thi ki jab Viraat ghar par hota tha to wo kisi na kisi bahane uske ird gird hi mandrati rahti thi …
Meera ko jyada wait nahi karna pada kyu ki kuchh der me Viraat Nashta kar ke kahi chala gaya .… Meera ne raahat ki saans li aur lag gayi khud ko sajane me …
Meera taiyaar hone ke baad pari to nahi lekin usse kam bhi nahi lag rahi thi … jaldi jaldi wo main door ki ore badhi hi thi ki tabhi kamre me rakha land line phone apne poori takat se chhekhne laga … ek baar ko to Meera ne socha ki naa uthaye lekin apni jimmedaariyon ka use poora ahsaas tha … call jab Meera liya to doosre side ins Atul the …
Meera — hello …
Atul — Hello beta papa se baat karao …
Meera — papa to nahi hain…aap kaun bol rahe hain…
Atul — mai Atul bol raha hoon… unka to mobile bhi not rchable jaa raha hai … koi aur no hai kya ?
Meera — nahi papa sirf wahi no use karte hain…
Atul — achha beta kya ghar ke kisi aur phone me Sahil ka no hai kya ?
Sahil ka naam sun Meera dar gayi aur haklate huye boli …
Meera — k…kaun Sahil ?
Atul — are Nikhil ji aur Meera ji ke bete ka … Nikhil ji ke accident ke regarding kuchh baat karni thi … Urgent tha
Meera — Sahil ki mom ka naam M…Meera hai ?
Meera ko apni reedh ki haddi me ek thandi lahar si daudti mahsoos huyi…
Atul — haan wo log tumhare papa ke purane parichit hain…
Atul ki iss line ne Meera ki aankhon ko paneela kar diya usne nafrat se muhh sikoda aur boli …
Meera — nahi yahan kisi Sahil – Vahil ka no nahi hai …
phone rakhne ke baad bhi pal bhar ko Meera aise hi khadi rahi … Pathar ki moorat jaisi aankhein bhi sthir si ho gayi thi… doosre hi pal achanak jaise kuchh yaad aaya ho Viraat ke room me bhagte huye gayi aur Viraat ke purane photos file me pade wedding card se Nikhil – Meera ka naam cnfrm kiya … samaan ko jas ka tas wapas rakh kar wo apne kamre me jaa pahunchi… room ka darwaja poori takat se band kar jor se roti huyi bed par dher ho gayi…
