Meera naa sirf Sahil ko kheenchti huyi table ke neeche baithi balki apne dono haathon ko jod kar mantra jaisa kuchh padhti jaa rahi thi …
Meera — ” aaltu jalaaltu aai bala ko taal tu
aaltu jalaaltu aai bala ko taal tu ”
hey baba ye kaise ho gaya , abb kya jawaab doongi … iss baar bachalo prabhu aage se yahan nahi milne aaungi …
Meera ka bhunbhuna sahil ko sunai to de raha tha par samjh nahi aa raha tha … wo pareshan hokar bola …
Sahil — kya ho gaya hai tumko yaar aise kyu bartaaw kar rahi ho jaise tumne bhoot dekh liya ho ?
Meera– are pagal tauba tauba bhoot nahi bhagwan ji ko dekh liya hai
Sahil — Monty was right tum wakai ajeeb ho … bhagwan ko dekh kar bhagwan se hi prarthna kar rahi ho ki bhagwan se bachale ?
Meera — Pahli baat ye ki thodi der apni chonch band kar lo aur doosri baat ye ki sari takleefe to baba ji chutkiyon me door kar dete hain
Sahil — sari takleefein ??
Meera — haan sari takleefein … kabhi maang kar to dekho …
Sahil — thanks … tumko nahi pata ki tumne mera kitna bada kaam asaan kar diya hai …
Meera — really … wow tumhare liye kuchh bhi …
Meera ne bhale hi ye baat sharma kar kahi thi par agle hi pal jo bhi hua uske baare me to usne socha hi nahi tha … Sahil ne use apne gale se laga liya aur uske kandhe par yun apni aankhein chhip a li jaise inke sahare wo apne gamm se chhipna chhah raha ho … Meera to awaak rah gayi … usne socha hi nahi tha ki ye bhi hone wala hai… Sahil ke andar mache huye tufaan se anhan Meera ne pal bhar me hi khud ko Sahil se alag bhi karna chaha par Sahil ki taakat ke aage wo ashaay si hokar dari huyi awaaj me boli…
Meera — Sahi chhodo naa please koi dekh lega … mujhe dar lag raha hai…
Sahil — tumko nahi pata yaar tumne meri kitni badi mushkil asaan kar di … mujhe pata chal gaya ki mujhe kahan raahat milegi…
Sahil ne Meera ko chhodte huye kaha to Meera ke chhehre par lali fail gayi … usne apne honth aage badha kar haule se Sahil ke gaalon ko choom liya aur use baahar aane ka bol wahan se bhhag khadi huyi … Meera ke aisa kaine se pareshan Sahil ke chehre par pal bhar ke liye ek bahut hi pyari si muskan aa gayi… wo bhi uth kar Meera ke peechhe chala gaya … par Sahil aur Meera ne apni 5 min ki iss under table mulaqaat me ek naya tufaan kada kar liya tha kyu ki uss kamre me inn dono ke alaawa bhi kisi ki maujoodgi thi …
Nikhil abb khud se uthne ki laga tha par kamjori ki wajah se uska sir chakra uthta tha … Aisi hi ek koshish Nikhil ne aaj ki jab Meera aankhein meeche chair par baithi thi to Nikhil ko pyaas lagi … usne Meera ko disturb karne ki jagah khud hi uth kar paani lena chaha … par side table se jug nadarad thi … shayad Meera ne hi hata di thi … jug thodi door par thi … Nikhil bed se utar to gaya par kadam badhate huye atyadhik kamjori ne use ashaay kar diya aur uski aankhon ke aage pal bhar me andhera chha gaya … Nikhil apne ko samhal nahi paya aur ladkhda kar girne laga par ain wakt par hi Meeru ne use thaam liya aur use sahara dekar wapas lita diya …
Meeru — Nihil kya hua ? Kahan jaa rahe the aap ? Mujhe utha diya hota ?
Nikhil — Pyaas lagi thi aur tum so rahi thi to maine socha ki…
Meeru — kya socha Nikhil ? so hi to rahi thi marr to nahi gayi thi naa … tumne kabhi socha ki agar gir jate to kya hota …
Nikhil — please Meera aise mat bolo yaar please… meri khushiyan lekar jio tum…mai to kabhi kuchh bhi nahi de saka hoon tumko par khud ko mujhse chhenne ki baat mat karo nahi ji paunga yaar…
Nikhil ne Meera ki hatheliyon ko apni aankhon se lagate huye baat kahi to uski baat ko sun Meera sakpaka uthi to wahi door par khada Viraat apne muskaan aur aansuon ko samete wahan se nikal gaya … shayad ye pal uske liye vedna bhare sukoon ke pal the jinhe wo sirf khud tak rakhna chahta tha…
Viraat hospital me ek pal bhi ruka nahi seedhe apni car ki ore badh gaya tha … waise bhi uska kaam ho gaya tha … uske rukne ka koi matlb bhi nahi tha … Viraat jab apni bheegi akhon ko chhipane me asmarth ho gaya to unn par kala chashma chadha liya …
doosri taraf Sahil aur Meera ( j) chhipte chhipate bahar pahunche … Sahil ke upar to halaaton ne pahaad toda hua tha par haan Meera ki masoomiyat use rahat de rahi thi… Dekha jaye to shayad kisi bhi jakhm par pyaar se jyada asardaar koi bhi marham nahi hota hai … Meera ka to ye pahla anubhaw tha jab wo yun kisi ka haath thame yun khilkhilati chhipti phir rahi thi … hair do aankhein abb bhi tak taki baandhe inn dono ki ath kheliyon ki gawaah banne par utarun thi … par inn ghoorti aankhon ke bhaaw bade hi sajeeda the…
Khair kise parwaah thi… wakt ne karwat li aur uski panaah me masoom muhobbat ne jhoom kar angdayi li aur khumaar itna gahra ki kayi log chapet me ane wale the khair shayad jyada ho gaya…
Meera ko lekar Sahil ussi tappre par pahuncha jahan baith kar usne 15 cup chai gatki thi…Sahil ne tappar se thodi si doori par bane patthar ke chabootre ko foonk kar saaf kiya to Meera ne palke jhuka li … dosto yehi chhoti moti care hi iss aatmik rishte ki sanjeewani hoti hai Khar meera chup chap baith gayi… Sahil ne haule se poonchha …
Sahil — chai piyogi ?
Meera — hmm
Sahil — waise ye batao tum chhip kyu rahi thi ?
Meera — mere papa aa gaye the to darr gayi ki kahi dekh naa le mujhe …bina bataye aayi thi naa
Sahil — achha ji kafi darti ho uncle se hmm…
Meera — hmmm par usse bhi kayi guna jyada unki parwaah karti hoon …
Meera aur Sahil ki meeti baaton ke dauran hi achanak wahan Monty pakat ho gaya wo bhi poori takat se chillate huye…
Monty — kyu bey mujhe wahan fasa kar tun dono yahan chai ki chuskiyan lene aaye ho ??
Sahil — sorry Monty yaar wo itna jaldi me bhage ki …
Monty– ki mujhe hi bhool gaye … abe iss noodle hair ka samjh me aata hai par tu bhi … sach hi kaha hai kisi me ” ishq nikamma kar deta hai “… tum dono bhi nipat gaye …
Monty badbadata hua chai lene badh gaya par jaate jaate Sahil aur Meera ke beech ishq ko chipka gaya … abb Meera khamosh sir jhukaye baithi thi to Sahil ka muh aise bana tha jaise kisi ne chori pakad li ho… isi nainaa fighting me chai bhi khatm ho gayi aur Monty Meera ko lekar wapas aa gaya …
Meera jab ghar pahunchi to ghar par Viraat majood tha … Meera ka dil kiya ki poonchhe ki aap hospital kyu gaye the par pareshani yah thi ki same sawaal Viraat bhi karta … khair Meera ne chup rahna hi theek samjha…
Dinner ke dauraan bhi dono khamosh rahe … dono ek dosre ki haalat se poori tarah anjaan the … ek taraf jahan Viraat ko khoyi huyi muhobbat ki yaad saal rahi thi to wahi uski masoom si beti ki aankhon me Sahil ka pyaar timtima raha tha… Viraat bojhil man se sone chala gaya jabki Meera ( j ) apna mobile haath me lekar isi udhed bun me lagi thi ki Sahil ko goodnight call karu ya nahi tabhi uske mobile par ek pyaari si ring tone bajne lagi…
” dheere dheere se meri jindgi me ana ” … screen par Sahil ka no dekh Meera ne jhaatt se call le li …
Sahil — phone me hi gus kar baithi thi kya hehehe …
Sahil ki inn lines ke sath Meera ko apni galti ka ahsaas hua to wo baat ko samhante huye boli…
Meera — jee nahi mai to game khel rahi thi aur call uth gayi
Sahil — how sadd yaar mai faltu hi khush ho raha tha ki mera bhi koi intjaar karne laga hai …
Meera — m… mai kyu karungi tumhara intjaar ?
Sahil — nahi pata hai ?
Meera — tumne kabhi kaha hi nahi… to kaise pata hoga …
Sahil — haaahhh kashhh koi mujhe bhi bina kahe sun pata …
Meera — kuchh baaton ko kahna padta hai
Sahil — ohkaa baba tum jeeti mai hara … kah deta hoon… ” good night “… hehehe
Meera — hain…
Meera ko badi gussa aayi Sahil par aur hasi bhi khoob aayi… Yahan se dono ke beech ek rishte ki shuruat ho gayi jiski neew me already ek tufaan pal raha tha … wakt teji se gujarne laga aur 7 days aur beet gaye …
Leave a Reply
You must be logged in to post a comment.