Ye Sahil tha jo waiting room ke door par khada tha aur sari baaton ko bakayda sun chuka tha … Sahil ka dimag saay saay karne laga tha sara manjra sun kar … usko samjhte jarra bhi der nahi lagi ki ye wahi Viraat hai jiske bare me do din pahle nani – nana ne baatya tha … matlab uski maa ka dost … Jaise hi Viraat ki baat khatm huyi Sahil ulte paaw whan se nikal liya …
Sahil ke dimaag me tufaan macha hua tha … Ek saath sau – sau baatein uske dimaag me aa jaa rahi thi … Doston ek bete ke liye shayad iss baat ko pacha pana asambhav hi hoga ki uske maa ka prem sambandh tha aur wo bhi banda samne hai ” Sahil ka bhi yahi haal tha … dimaag sirf ye baatein thi —
” Agar ye wahi Viraat hai aur iski sari baatein sach hain to meri mom aur Viraat me … shittt yaar to kya nani ne inko maewane ki koshish ki thi … aisa kar bhi kaise sakti hain wo… mom ko pata bhi nahi hai ye baat , kahi mom aur nani isi liye to kam baatein nahi karti hain … kya mujhe mom ko batana chahiye … no no mai mom ko kaise bolunga … mujhe Viraat ke baare me pata hai … nahi nahi meri mom ko sharm aayegi … mai kya karu … mai chup hi rahta hoon… haan chup ho jata hoon … ”
Sahil ye sari baatein sochte huye kab hospital ke main gate se baahar aa gaya use pata bhi nahi chala … uska sir buri tarah bhanna gaya tha … wahi kinare ek chai ki tappar me jakar baith gaya … Ghanto baitha isi bare me sochta raha … hosh tab aya jab kandhe par Viraat kaa haath pada … Sahil jaise sapne se jaga ho … din dhalne par aa gaya tha … time dekhne ke liye jab phone uthaya to screen par uski mom ke 30 miss call pade the …
Mom ka khayal aate hi Sahil hadbada kar hospital ke bheetar bhaga par Viraat ne awaaj dekar use rok liya …
Viraat — Sahil suno to sahi Ek min …
Sahil — j… ji uncle …
Viraat — tum theek to ho ?
Sahil — haan mai theek hoon…
Viraat — Tumhari maa kafi der se call kar rahi hain isliye mai tumko dhoondhne aaya tha …
Sahil — ji sir dukh raha tha isliye chai pine aa gaya…
Viraat — tumne 15 cup chai pi li hai … kuchh pareshan ho to tum mujhse share kar sakte ho… mere bete jaise ho kabhi galat advice nahi doonga …
Sahil– aisi koi baat nahi hai mai bilkul theek hoon …
Viraat — mujhe pata hai tumko shayad meri jarurat nahi padegi par mai sirf ye bata raha tha ki mai tumhare sath hoon… aur haan Sahil tumhari maa ko tumhari jarurat hai beta uske sath rahna … abb mai jaa raha hoon…
Viraat ne muskurate huye kaha …
Sahil — aap kahan jaa rahe hai ?
Viraat — mera kaam ho gaya hai … Nikhil ji ko hosh aayega to Atul unse sari baatein poonchh hi lega…
Sahil — apka no mil sakta hai ?
Viraat — mera card rakh diya hai maine tumhare saman me jarurat ho to bula lena…
Viraat chala gaya par abb Sahil ko pata tha ki use kisse poonchhna hai past me huyi ghatna ke bare me … Sahil apni mom ki taraf badh gaya…
