Meera ki ye muskan kabhi sirf Viraat ke liye hua karti thi aur ittefaq se aaj bhi Viraat ke liye hi thi bhale hi Meera ki jindgi ka maajhi badal chuka tha par ek nanhe bache ki tarah dil bhoole huye pyaar ko pahchan kar khilkhila utha tha … Dono ke soye huye jazbaat kured uthe the … tadap seene me uth aur dab rahi thi… ye ajab se haalaat the … dono ko pata tha ” abb kuchh nahi darmiyaan ” par nainaa to kisi ke roke naa ruke hain baras pade sawan ki tarah …
Meera ne to apni sadi ke pallu se apne chehre ko dhak liya aur fafak padi par Viraat ka kaleja cheer hutha par kya karta bechara … bheegi palkon se ek bharpoor nigaah daali usne Meeru par aur aur khud ko khud hi samhalta hua aur khud se budbudata hua wo canteen ki ore badh gaya … Meeru ke liye coffee lene … sath hi bolta jaa raha tha ” pata tha teri aankhein marwayengi mujhe aur dekh kya bana diya inn aankhon ne mujhe … kyu kiya yaar mere saath aisa …”
Maine To Ki Mohabbat
Tune Ki Bewafai
Taqdeer Ye Hamaari Kis
Mod Pe Le Aayi
Toote Hain Iss Tarah Dil
Aawaz Tak Na Aaye
Hum Jaise Jee Rahe Hain
Koi Jee Ke To Bataye
Aankhon Mein Aansoo Leke
Hothon Se Muskuraayein
Hum Jaise Jee Rahe Hain
Koi Jee Ke To Bataye
Viraat jab canteen ke liye nikla to samne waiting room dekh kar usne apne aansuon se bheege chehre ko dhulna theek samjha par andar jate hi uska samna Meera ki maa se ho gaya … Viraat ne unko dekh kar nafrat se muh fer liya jabki Meeru ki Maa ke chehre par dar dikhne laga… Viraat unko najar andaaj karke seedhe wash room ki ore chal diya … par Meera ki maa ne use awaaj di aur Uljhan bhare swar me boli…
Meera ki mom — Viraat …
awaaj me haklahat thi…
Viraat — mujhse kuchh kaha ?
Viraat ne gusse se kaha jaise abhi unko aankhon se hi kha jayega…
Meera ki maa — Kal 30 saal ke baad Meera ne mujhse baat ki … mujhe gale lagaya…
Viraat — to ?
Meera ki maa — kal 30 saal baad ek tadpti maa ko uski beti wapas mili …
haath judd gaye iss baar aur boodhi aankhein chhal chhala uthi…
Viraat — to mai kya karu ? Mujhe kyu bata rahi hain aap ye sab ? Maine to roka nahi tha … naa hi apko naa hi apki beti ko …
Viraat nafarat se bhar kar bola …
Meera ki maa — please hamare rishte par taras khana … beech me na ana beta tumhare aage haath jod rahi hoon mai…
Viraat — aap haath kyu jod rahi hain … paisa fekiye aur mujhe marwa fiye …
Meera ki maa — ye kya kah rahe ho tum ?
Viraat — itna naatak kyu kar rahi hain ye to aap already kar chuki hain mere saath ek baar … Mere khayal se mere samne gildgidane ki jagah apko apni purani chal chal kar mujhe vapas marwane ki koshish karni chahiye … may be iss baar marr jaun ?
Meera ki maa — ye k …kya kah re ho t… tum ?
Viraat — waise kahi Nikhil ko bhi aap ne hi to nahi marne ki koshish ki kyu ki Vikas aap ke hi sath tha … omg
Viraat ne bura sa muhh bana kar kaha …
Meera ki maa — kya bak rahe hi tum ? Bhala mai kyu apni beti ki jindgi tabaah karungi ?
Viraat — mujhe marwane ke liye jab apne bakayda swang racha tha kya tab ek baar bhi ye nahi socha tha kya ki ” mai bhi kisi ka beta hoon ? ” sach bataiyega apki beti ki khushi kya mere marne se thi ya mere sath meri ban kar jeene se thi ? aur haan mai aapke jitna kamjarf aur gira hua nahi hoon ki meri Meeru ko takleef doon … to aap nishchint rahiye mai usse kabhi nahi kahoonga Ki ” uski maa mamta ki murti nahi balki khooni dayan hai jo saat ghar chhodne ki jagah apne hi beti ke ghar par daant laga kar baithi hai… ”
Viraat ne ek ek shabd chaba kar bola to Meeru ki maa ro padi lekin kuchh boli nahi Jabki Viraat ke aansuon ko dekh kar aur uski baatein sun kar kisi aur ke bhi pairon tale jameen nikal chuki thi…
Leave a Reply
You must be logged in to post a comment.