Sahil ko hairan dekh Atul bola …
Atul — rlx sab pata chal gaya hai ki kisne churaya phone aur kaun hain iss kand ke peechhe bas aap log thoda dhaurya rakhiye …
Atul ne sabhi ko bari bari se dekhte huye kaha par masla hi aisa tha ki ghar walon ke sawaal khatm hone se rahe …
Meera — kaun kiya hai Nikhil par hamla aur kyu ? Mujhe kyu dhamki de raha tha aur mera no kahan se aya ?
Meera ki awaaj se lag raha tha ki wo ghabrayi huyi thi … Viraat ka dil to kiya ki use apni baahon chhipa le par aaj wo majboor apni jindgi (meeru) ke samne Khamosh ajnabi bana khada tha … Bahut khal rahi thi use apni bebsi par Sach yahi tha ki dono ke beech ki khayi ko abb shayad koi nahi bhar sakta …
Atul — Mam situation under cntrl hai bas aap bas thoda dhairya rakhiye … aur haan Mata ji apki shikayat ka saboot kya hai waise ?
Atul ne Meera ki maa ki ore dejhte huye behad sanjeeda swar me kaha kyu ki ek police officer hone ke nate har mamle ki tah tak jana uski adat ban chuki thi …
Meera — kya shikayat ki maa ne ?
Meera awaak thi … jabki Meera ki maa ke chehre ka rang fakk padd gaya tha …
Atul — unko shaq hai ki sab kiya dhara…
Atul ne baat poori bhi nahi ki thi ki Viraat ne beech me thi tok diya …
Viraat — Atul unki shikayat apne jagah theek hi hogi Chhodo khair der nahi karo … niklo warna mamla haath se nikal jayega … yahan hoon mai…
Viraat ne Atul ko chup kara kar ek aur ahsaan kar diya Meera ki maa par …
Atul — theek hai aur wo sara kuchh aur khud ko bhi samhal kar rakhiyega…
Atul ne ishare se kuchh kaha to Viraat ne palke jhapka kar hami bhar di aur gambheerta se bola…
Viraat — Befikar raho abb meri marji ke bina mera kuchh bhi koi le nahi sakta hai…
Viraat ne ek baar phir dabe alfajo me gujre wakt ko kosa … Atul ke jate hi Sahil ne Viraat se bade adab se poonchha …
Sahil — uncle kaun hai wo jisne papa par goli chalai hai…
Abb sabhi ek kone me khade the … sahil ke sawal par Viraat ne charo ore dekhte huye jawaab diya …
Viraat — ye to nahi pata par inn sari baaton ka connection uss insan se jarur hai jo thodi der pahle tak tumhari nani ke sath khade the… waise kaun the wo ?
Viraat ne sahil se poonchha par jawaab Meera ne diya …
Meera — nahi nahi koi galat fahmi hai yahan … wo to Nikhil ka partner hai Vikas … wo aisa kar hi nahi sakta … wo kyu Nikhil ko marega… Vikas ne to Nikhil ki bahut madad ki hai …
Meera ne chaunk kar kaha…
Viraat — dhokha wahi se milta hai jahan se ummid nahi hoti hai khair thodi der me hi sab pata chal jayega … abb apke pati kaise hain…
Meera ko Viraat ne aap kah kar sambodhit kiya to Meera ne apne andar kuchh toot ta sa mahsoos kiya par yahi sach tha abb iss rishte ka …
Meera — Nikhil pahle se theek hain … blood loss bahut jyada hua tha to abhi …
Meera me apni baat poori nahi ki aur badh kar ICU ke darwaje se bane se andar dekhne lagi …
Viraat wahi icu ke bahar Sahil ke sath baith gaya … Meera ki maa ne Meera ko waiting room me le jane ki koshish ki par jab Meera tas se mas nahi huyi to akele hi chal di waiting room ki side …
Meera bhi aakar Virat ke bagal me baith gayi… Meera aur Viraat khamosh baithe rahe par sath baithe rahe … Meera najre jhukaye baithi thi jab ki Viraat ne shayad hi palke jhapkayi ho … wo bas aplak niharta raha Meera ko … Meera ko pata tha Viraat uska chehra dekh raha hai par wo jas ki tas baithi rahi khair Viraat ke liye yahi bahut tha … jabki Sahil wahi padi bench par leta hua tha …
Subah hone ke sath hi Viraat ke paas Atul ki call aa gayi aur Viraat ka shaq bilkul sahi tha …
bilkul sahi andaja tha Viraat ka … Vikas hi tha sari wardat ke peechhe … jab Viraat ne Meera ko bataya to Meera ki aankh bhar aayi … Bahut bada dhoka kiya tha Vikas ne Nikhil ke sath … karodo rupyo ka gaban kar ke Nikhil ko fansa diya tha … ye sara tamasha pichhle kuchh dino se Nikhil akele sah raha tha … jab shaq hua to Nikhil Vikas ki gair maujoodgi me uske ghar jakar sara bhed jaan gaya … Saboot iPhone me kaid kar liye par Vikas ke ghar ki cctv me sab record ho raha tha … Vikas ki maid ne bataya Vikas ko … phir kya tha Nikhil ghar bhi nahi pahunch paya Vikas ne raste me hi NH par use goli marwadi … kismat achhi thi Nikhil ki jo Viraat mil gaya warna koi bhi nahi tha jo madad ke liye age ata … Atul ne phone par itna hi bataya … Baki ki baat janne ke liye Nikhil ke uthne ka intjaar karna tha … Ye sab sun kar Sahil ne pareshab hokar kaha…
Sahil — par papa ka phone to chori ho gaya naa to saboot kaise milega ?
Viraat — phone ke milne naa milne se koi fayeda nahi kyu ki sara material to share it maine apne phone me share kar liya tha …
Viraat ki baat sun Sahil to flat ho gaya wahi Meera ki ek bahupratikshit khas muskan Viraat ko hasil ho gayi… jane kitne din baad Meera aise muskurayi thi…
