Sabse pahle Viraat ne apni beti ko Pick kiya … wo pagli bhi window par sir tikaye jane kabse apne papa ka wait kar rahi thi … Viraat ki car rukte hi uski beti haathon me bada sa tiffin ka dibba thame pragat ho gayi … uske ghunghrale baal poori tarah bikhre huye the aur thand me kamkapati wo behad masoom lag rahi thi … Pal bhar ke liye to Viraat hospital ko bhool hi gaya …
Viraat — are Beta ye dabba bhi bhar layi tu ?
Meera — janti hoon aap ne nahi khaya hoga to maine bhi nahi khaya … ham apne ghar me araam se khayenge …
Meera ki har ek baat me Viraat ko vatsalya ki jhalakmil rahi thi … shayad isi liye kaha jata hai ki ” insan aulaad roopi daulat se hi dhani hota hai “…
Viraat — Are pagli ek din apni maa ke bhi sath kha leti …
Meera — unke saath khane ke liye unke apne bahut log hain par apne papa ki mai eklauti hoon …
Viraat — theek hai meri maa chal ghar chalte hain…
andhera kafi tha isliye Meera ( j ) ko Viraat ka udaas pareshan chehra theek se nahi dikha … par ghar pahunchte hi wo Viraat ki shirt par lage khoon ke dhabbo ko dekh cheekh padi …
Meera — papa aap theek to ho naa … ye itta blood kaise laga hai apki shirt me … papa aap ko kya hua hai…
Meera ghanrayi huyi thi …
Viraat — mai bilkul theek hoon meri bitto … sun aaj ghar aate huye ek hadsa ho gaya …
Viraat ne sadak se lekar hospital tak ka vakya kah sunaya Meera ko…
Meera ne Viraat ki coat jab haath me li to use Nikhil ka mobile mil gaya…
Meera– Are papa ye kiska iphone hai apki coat me …
Viraat — Are beta ye cell phone to usi sakhs ka hai jise mai hospitlized karke aaya hoon…
Meera — koi naa kal jab unn uncle ko dekhne jaiyega to de dijiyega…
Viraat — h… haan beta …
dobara hospital jane ka matlan Meeru ko face karna tha …Viraat ko achankak ghabrahat si lagne lagi …
Meera– kya hua papa aap itne pareshan kyu hain ?? Aap mujhse kuchh chhipa rahe hain naa ?
Meera ne muhh sikod kar Viraat se poonchha to Viraat ghabra gaya …
Viraat— N… nahi beta bilkul nahi …
abb tak dono baap beti apna dinner finsh kar chuke the … Meera ne bartan samet te huye kaha …
Meera– ok aap aaram kar lijiye mai bartan rakh kar so jaungi … good night …
Neend kahan thi aaj Viraat ki aankhon me … wahan to sirf aur sirf Meeru thi … Kabhi khushi se khilkhilati cheekhti Meeru to kabhi sabhi se Viraat ki bheekh maangti Meeru … aur last me aaj ki Meeru jo aanchal se aansu poonchhti paglon ki tarah kadam badhati hospital aayi thi Nikhil ke liye … aaj ki ghatna aankhon me kaundhte hi Viraat uth khada hua … khud ko dhikkarte huye wo budbudate huye bola …
” mai kab se itna swarthi ho gaya … wo ro raho thi … pareshan thi … aur mai apna muhh chhipa kar yahan chala aaya … kyu kiya aine aisa … mai to uska achha dost bhi hua karta tha naa… mujhe uske paas jana chahiye … Usko ek dost ke support ki jarurat hai iss wakt … mujhe abhi jana chahiye … ”
Khud se budbudata Viraat Nikhil ka cell phone lekar hosptal chal diya … Thodi hi der me Viraat hospital me tha … par waha jo hua usne Viraat ko hila kar rakh diya …
Leave a Reply
You must be logged in to post a comment.