Jeena Sirf Mere Liye – Update 16 | Romance Story

jawaab dene wale the Viraat ke nana ji jo kafi der se nani – nati ke baaton ke majje le rahe the par nani ko Sahil ki baaton me ulajhta dekh wo bhi pragat ho gaye Nani ke bachaw me … yahi kaam unhone sari jindgi kiya tha …

Nana ji — haan beta ji Meeru ke dost the … do hi to dost the Meeru ke wo bhi bachapan se … Diya aur Viraat … par wakt ke thapedo ne sabhi ko titar bitar kar diya … hamare purane ghar ke padosi hi to the par abb sab alag alag jagah chale gaye hain … shayad Meera ki shadi ke baad se hi to mile nahi wo log …

Nana ji ne badi hi smartness ke saath poori baat ko ek line me khatm karne ki koshish kar apne dimaag par itrate huye nani ka deedar karne lage … par wo address bata kar bahut badi bhool kar gaye the aur ye baat bhi bhool gaye ki samne Sahil hai jo man hi man ek naye blast ki taiyari me jutt gaya hai … chahta to wo bichhde doston ko milana hai par kya pata ye milan kitna bada parmanu visfot kar sakta hai …

khair Sahil ke chup ho jane se baat jahan ki tahan khatam ho gayi … Thodi der me Nikhil bhi aa gaya Sahil ke room me hi subah ka nashta liya sabhi ne … tabhi Nikhil ko koi urgent call aa gayi aur wo hadbadata hua kahi chala gaya … jate wakt wo kafi ghabraya hua tha … waise ye Nikhil ke liye aam baat thi kyu ki wo aksar hi bhagta rahta tha …

Doosri taraf Viraat apni bitiya ki masoom si baatein jo use uske past se jod rahi thi se jaan pind chhuda kar jaa baitha buddha garden me … wahan baithte hi tees saal purane wakt me kho gaya … jaane kitte log aaye aur gaye uske baju se par wo to apne hosh me hi nahi tha … aankhon me aansu ke saath use khud ki hi cheekh sunayi de rahi thi … biyabaan jangal me purani kabaad ho chuki pulia ke neeche betahasha hoti apni pitayi dikhne lagi sur phir wo last chot sir par jine sab kuchh badal kar rakh diya uski jindgi me … kitna dard umad aaya tha uski aankhon me … chhale jane ka dard sabse jyada khal raha tha usko … jane kab tak Viraat aise hi baitha raha … takleef thi to iss baat ki uski Meeru ne use aaj tak palat kar nahi dekha … ” janne ki bhi koshish nahi ki Wo jinda hai yaa marr gaya … ”

Mein hara mein hara,
jaise toota hua ho sitara
Mere aansu bas yeh aahen,
mere hisse mein hay dard sara,
Sapne aansu banke,
sab mere beh gaye,
Saare armaan mere,
dil mein reh gaye ho,

Tune mere jaana,
kabhi nahi jaana
Ishq mera, dard mera,
haaye!

Aashiq tera,.A.A.A..
Bheed me khoya rehta hai,
Jaane jahaan,
poocho to itna kehta hai

That i feel so lonely yeah…
There’s a better place than this
Emptiness

Raat sir par sawaar huyi tab jakar apne Vicharon se baahar Nikala … mobile par 47 missed calls the … bhari kadmo se wo apni car me jaa baitha … usne apne ghar call laga liya … abhi wo kisi ke call pick karne ka wait kar hi raha tha ki uski najar sadak ke kinare jama huyi bheed par gayi… mood theek nahi tha phir bhi Viraat ne mamle ko janna theek samjha aur jab paas gaya to sari bheed khoon se lathpath ek aadmi ko gher kar khadi thi … Aadmi dard se tadap raha tha par koi uski madad ke liye aage nahi badh raha tha … Viraat ne kisi se kuchh kahne ki jagah ek rehdi wale ki help se uss bande ko car me dala aur chal diya haspital ki ore…