Ye aur koi nahi balki apna Viraat tha jo Meera ke peechhe peechhe uske room tak aa gaya tha aur abhi door par khada hokar udaas aankhon se Meera ko dekh raha tha … Udaas aankhon se isliye kyu ki uski ye chhoti si Aafat ki potli roti nahi balki sabko rulati thi …Jab Viraat se nahi raha gaya to jakar Meera ke bagal me baith gaya … Viraat ko dekh kar Meera chaunk kar boli …
Meera — are papa aapne kyu takleef ki … mujhe bula lete …
behad tahjeeb se Meera ne Viraat se poonchha …
Viraat — Meera kya baat hai beta tujhe kisi ne kuchh kaha kya ?
Meera — Nahi papa Mujhe koi kuchh nahi bola … mai to bas aise hi thodi pareshan hoon …
Viraat — Meera tumhari aankhon ko padh sakta hoon mai beta … Pita hoon tumhara … tumse jyada tumko samjhta hoon mai … Tumhari in aankhon me aansu naa aaye iske liye din raat jaga hoon mai … tumhare honthon ki pyaari si hasi ke liye khoon paseena ek kar diya hai maine … nahi dekh sakta hoon tumko udaas … jo bhi hai dil me mujhse kaho Meera … mai hoon naa tumhare liye beta … har pareshani ko jatt se khatm kar doonga meri bittu … ek baar bol kar to dekh …
Viraat ka har ek shabd uski ladli ke liye agaadh pyaar me dooba hua tha … iss pyaar aur ashwashan ke alaawaaa shayad ek beti ko kuchh nahi chahiye hota hai …
Meera — papa bas clg me thodi dikkat hai aur kuchh bhi nahi
Meera ne Viraat ko baat bata kar bhi chhipa li kyu ki apne papa se apni iss pyaar ki baat ko shayad hi koi ladki kah payegi chahe jitna hi ladli kyu naa ho …
Dosto baap beti ka rishta hi kuchh aisa hota hai … shayad iss rishte se jyada prem , pavitrata aur vishwaash kisi doosre rishte me nahi hota hai … shayad isi liye har ladki apne jeewan sathi me apne pita ki jhalak khojti hai kyu ki use jis pyaar aur dulaar ki aadat hoti hai samne wale me ek jhalak bhi mil jane par ek suraksha aur vishwash ki bhawna build up ho jati hai …
Meera ne Viraat ko to koi baat nahi batayi par jaane kyu Viraat Ko aaj chhoti si Meera me 30 saal pahle ki khamosh , udaas Meeru najar aa gayi … Viraat jhatke se khada ho gaya … dhadkane bethasha seene me bhagne si lagi jaise meelon door se daudte huye aa raha ho … Viraat ke pair behad bhari se hone lage … Aaj 30 saalon baad use fir se Meera ki chhekhein sunayi dene lagi jo usne antim baar uske ghar se aati suni thi jab Meera ki maa ne ne Meera par haath uthaya tha …
” chahe jahan bej deejiye maa par mai use nahi bhool sakti kabhi nahi bhool sakti … bas yahi chilla rahi thi Meeru ” … Viraat ke liye ek bhi sec ghar me rukna mushkil ho gaya …
Doosri taraf Sahil ka haal bhi kuchh kuchh apni machis ki teeli ki hi tarah tha … ghar me sabhi the Maa , nani yahan tak ki Sahil ke chot lagne par Nikhil ne bhi ghar par hi rah kar kaam karne ka faisla kiya tha aur to aur apne bete ki dekh bhal karne ka soch liya tha … par Sahil ko jane kyu sab kuchh adhoora sa lag raha tha … Jab sabhi sath hote to use bheed lagti kyu ki wo man me uski yaadon ka re cap nahi dekh pata tha aur jab sabhi use sone ka bol bahar jate uske room se to use lagta jaise agar wo turant apni Meera ke paas nahi pahuncha to marr hi jayega … aise me usne apni nani se poonchha …
Sahil — nani jab aap chhoti thi to aap bhi nakhre karti thi ?
Sahil ne badi seriously poonchha tha apni nani se
Nani — Are mujhe kahan fursat thi beta nakhre karne ki … early age me me hi mere baba ne shadi kar ke ghar pariwar ki jimmedariyan udha di gayi … nakhre karne ki umar me tere nana ke nakhre uthane padte the …
Sahil — aur meri mamma ? Wo karti thi nakhre ? kya mamma bhi aaj ki ladkiyon jaise sabse ladaiyan karti thi ? Bolo naa nani ?
Nani — nahi beta teri maa to best thi … uska har cheej perfect hota tha … mera sara kaam usne samhal liya tha … apne papa ki to ladli thi … har cheez soch samjh kar napa tula hota tha uska … Bas wo aur Viraat mil kar naak me damm kar dete the ?
Apni last line ke sath Meera ki maa ki jabaan ladkhada gayi… jane kaise unhone Viraat ka naam le liya tha Meera ke naam ke saath …
Sahil — kaun Viraat nani ?? Mamma ke dost the kya ?? Bolo na nani ?
Viraat poonchhta raha par nani ko to jaise saamp soongh gaya tha … par Sahil ko jawaab mila … nani se nahi balki kisi aur se …
Leave a Reply
You must be logged in to post a comment.