Apna naam aur apne baare me hoti baat ko sunne ke liye Meera Unn dono ke aur bhi kareeb pahunch gayi … uske kaano se Monti ki chidchidati huyi awaaj takraayi …
Monti — Sahil mujhe achhi tarah pata hai tujhe uss machis ki teeli ne giraya hai …
Sahil — to ?
Monti — sharm kar yaar ye doolle – sholle banane ka kya fayeda jab koi machis ki teeli tujhe aundhe muh chitt kar de … sharm se doob marr bhai
Monti ne gusse me kaha …
Sahil — are pagal usne mujhe chitt nahi kiya balki mai khud gira hoon …
Monti — kyu tujhe daure padd rahe the …
Sahil — yaar agar mai nahi girta to wo gir jati aur use chot lag jati … usko kuchh ho ye mai bardaasht nahi kar sakta hoon yaar … mujhe lage ya use dard to mujhe hi hona tha …
Sahil ne ye baat apne ghutne ki chot ko ghoorte huye kaha tha … Meera awaak Sahil ko dekh rahi thi tabhi Monti ki awaaj Meera ke kaano se takraiyi …
Monti — abe yaar tujhe nahi lagta hai ki tera chutiyapa abb kuchh jyada hi badh gaya hai … tu din raat uss machis ki teeli ka naam japta hai aur wo chhipkali chandika ka roop lekar tere sanhaar par tuli rahti hai … maan jaa Sahil kisi apne jaisi se pyaar kar le bhai warna iss ladaku Vimaan ke chakkar me teri jaan par ban jayegi…
Monti ne ye baat thoda sanjeeda way me kahi thi par Sahil abb bhi muskura raha tha …
Sahil — Monti yaar kyu kos raha hai use … abb pyaar to ho gaya hai mere bhai aur dekhna jald hi mere pyaar ki garmi me meri pagli bhi pighal jayehi abhi sata lene de jitna satana chahti hai aakhir use bhi to ” jeena sirf mere liye ” hai .…
Sahil ki baat ka Monti ke paas to koi jawaab nahi tha par Meera ki jhuki palkein aur muskurate hoonth alag hi daastaan bayaan kar rahe the … Meera jaise dabe paaw aayi thi waise hi wapas laut gayi par shayad iss mulakat ke baad wo thoda sa to badal gayi thi … ye pahla asar tha Pahli muhobbat ka Meera ki life me … mausam thoda jyada khoobsurat ho gaya tha …
Doosri taraf Monti Sahil ko lekar ghar pahuncha to Sahil ki ye haalat dekh sab ghabra gaye … Dr tak ko bula liya gaya anan fanan me … chot Sahil ko utna nahi akhri jitni Dr ki hidayat akhar gayi jab usne kaha ki 5 days aap pairon par jor naa daiyega … abb kya tha Sahil ko 5 din ke liye najar band kar diya gaya … Monti ko bhi bol diya gaya ki 5 din Sahil room me hi rahega …
Udhar clg me Meera roj Sahil ko khojti basket ball court me par wo nahi dikhta … Meera ka bhi mann nahi lagta tha kisi kaam me … wo wapas laut jati thi … use apni udasi ka karan khud samjh nahi aa raha tha … ek din achanak hi Monti mil gaya Meera ko … jab Meera ne awaaj di to pahle to Monti ne najar andaaj kiya lekin khud Meera hi jab paas aa gayi to rukna pada Monti ko par uska vyohaar Meera ke liye bahut rookha tha …
Monti — haan bolo kyu rok rahi ho …
Monti ne jhallate huye kaha …
Meera — M… Monti sir … wo apke sath jo sir hote hain wo k… kyu nahi aa rahe hain ? t…theek to hain naa ?
Meera ne aatmglani se bhare swar me kaha …
Monti — Tumne taang adai thi to tumhe to andaja hoga naa ki abhi kaisa hoga wo ?
Monti ke do took jawaab se Meera sakpka gayi …
Meera — s…sorry sir …abb kaise hain wo ?
Meera ki aankh bhar aayi …
Monti — dekh yaar Meera wo bahut seedha banda hai … use bakhsh de … use to duniya dari bhi nahi ati hai … tere wajah se kitna chot lag gayi usko phir bhi wo tera koi dosh nahi manta hai … kya abb bhi tera usse badla poora nahi hua … maaf kar de usko meri maa aur jeene de please … door rah usse …
Monti ki baat sun Meera ek bhi second ke liye nahi ruki clg aur seedhe ghar pahunch kar apne kamre me ghus gayi … aisa pahli baar hua tha Meera ke sath jab kisi ki kahi baatein uske kaan me baar baar goonj rahi thi … jab Meera se cntrl nahi hua to wo apna chehra haathon me chhipa kar rone lagi … par Meera ke iss tarah rone se Meera se bhi jyada koi aur pareshan tha …
Leave a Reply
You must be logged in to post a comment.