Ishq Hai Tumse – A Story of Emotions | Update 41

Arshu or Aarav ke zindagi ki sabse Khubsurat raat guzar jane ke baad wo dono ek dusre ki baho me jakde hue sukoon se so rahe the.

der Subah 10 baje Arshu ki aakhe khulti he, jese hi wo Aarav ko dekhti he or apna haal dekhti he to use raat ka sara nazara ek pal me yaad ajata he or uska chehra sharm se laal ho jata he. Wo apna sar halka sa utha kar Aarav ko dekhti he or uske chehre par muskurahat ajati he. Wo aage badh kar Aarav ke Gaal par kiss kar deti he. Arshu ke chumne se Aarav bhi need se jaag jata he. Or Arshu ko kas kar apni baho me jakad leta he, Is se Arshu ekdum hadbada jati he.

Aarav: hmmmm… Meri jaan subah subah firse mood ban gaya kya?
Wo Arshu ko raat ki baat yaad dila kar teas kar raha tha, or uska plan bhi sahi raha, Arshu bahot hi zyada sharma gayi thi.

Arshu: aap kitne bure ho khudh change kar liya or me……
Wo sharma kar apni nazre ferte hue narazgi se kehti he. Kyu ke Aarav ne raat me hi shorts pehen li thi, lekin Arshu ka haal ab bhi waisa hi tha.
Aarav: ab me kya karu sweetheart, tum ek baar so gayi to wapis kaha uthti ho.
Wo Arshu ko apne sine se kas kar kehta he. Arshu yaha waha nazar dalti he to uske kapde waha nahi the.
Arshu: m….mere kapde kaha he.
Aarav: hmm, wo to mene raat me hi washroom me rakh diye.
Ispar Arshu gussa ho jati he.
Arshu: gande….. Janbujh kar kiya na? Hato ab….
Wo Aarav ko dhakka de kar kehti he or chadar ko apne upar thik se lapatne lagti he, lekin Aarav to use pareshan karne ke mood me tha. Wo Arshu ke upar akar chadar pakad leta he.
Aarav: tumhe thand lag rahi he Arshu jo tum chadar odh rahi ho?
Wo chadar ko thoda kinchte hue bade hi masumiyat se anjaan bankar puchta he, Lekin Arshu samajh gayi ke Aarav use pareshan kar raha he. Wo use bahot hi gusse se dekhti he.
Arshu: hato mere upar se warna dekhna me baat nahi karungi aapse…
Wo chadar ko apne badan par kas kar pakdte hue kehti he.
Aarav: yaar subah subah pyaar bhari baat karni chahiye or tum ho ke….. Huhhhhh….
Wo Arshu ke upar se hatkar side me beth kar kehta he.
Arshu: bade aye pyaar karne wale…..
Wo apna muh bana kar use chidhate hue kehti he.
Arshu: Ahhhhhhhh
jese hi wo bed se utarne ko hoti he ke use bahot tez dard hone lagta he or uske muh se dard bhari awaaz nikalti he, Aarav jaldi se use pakad kar thik se bithata he.
Aarav: Arshu… Ek minute ye chadar hatao….
Wo Arshu ne lipti chadar hatate hue kehta he lekin Arshu use pakd leti he.
Arshu: m…me thik hu, aap mujhe kapde la kar dijiye…
Aarav: Arshu yaar…
Aarav bhi ab kya karta wo jaldi se apne cupboard se t-shirt or track pants nikal kar deta he.
Arshu: aap… Bahar jao, mujhe change karna he.
Wo Aarav ke samne change krne me, thoda sharma rahi thi. raat ko to mahol alag tha lekin ab nahi
Aarav: Arshu aise kyu behave kar rahi ho?
Arshu: please…
Wo roni si shakal bana kar kehti he ab Aarav or kya kar sakta tha, wo room se bahar ajata he or niche chala jata he.

Wo jaldi se ice pack me kuch barf ke tukde daal kar upar chala jata he Arshu ne change kar liya tha use ab bhi dard ho raha tha, Aarav akar uske paas beth jata he.

Aarav: tum sidha let jao jaldi…
Arshu: kya kar rahe ho?
Wo herani se puchti he.
Aarav: sweetheart let jao na, ye icepack rakh lo is se pain kam ho jayega.
Fir Arshu sidha let jati he Aarav uske pant ke upar se hi icepack uske private part par rakh deta he.

Aarav: 20-25 minutes tak aisi hi rehna thik he?
Wo Arshu ke chehre ke paas akar kehta he.
Arshu haa me gardan hilati he.
Aarav uth kar Room se bahar jane lagta he.
Arshu: aap kaha ja rahe ho?
Wo Aarav ko bahar jata dekh puchti he.
Aarav: bas me abhi aya…
Itna kehkar wo niche chala jata he, Arshu chahti thi ke Aarav uske paas hi rahe.

Aarav niche akar Arshu ke liye fatafat breakfast banana shuru kar deta he. Wo breakfast le kar upar room me chala jata he Arshu aakhe band kar ke leti hui thi.

Aarav: Arshu ab kuch thik laga raha he?
Wo Arshu ke bagal me beth te hue puchta he.
Arshu: ha, ab thik lag raha he.
Aarav: chalo breakfast karlo jaldi.
Fir Arshu uthkar beth gayi, Aarav use apne hatho se khilane lagta he, Arshu ko Aarav par bahot pyaar araha tha, wo Aarav ko dekh kar muskuraye jaa rahi thi.

Ab Arshu ka dard thoda kam ho gaya tha, Breakfast ke baad wo fresh hone chali jati he or Aarav bhi fresh ho jata he.

Dusri taraf Harshad usi mantri ke saath betha hua tha jisne use riha karwaya tha. Pure Room me gun le kar kuch bodyguard tainat the.

Harshad: Mantri ji ab kya kahu, mera naam kafi kharab ho chuka he is kaand ke baad…
Mantri ji: Harshad me tujhe itne waqt se janta hu, tum kabhi aise bewakufi bhare kadam nahi uthate, to is baar kya ho gaya tujhe?
Harshad: ab kya batau, mere bete ko arrest kar liya tha or usme news par mera hi naam baar baar flash ho raha tha, to mene gusse me aage ki soche bina hi ye sab kardiya….
Mantri ji: waise jaha tak me jata hu tujhe, tu to chup nahi rahega hahaha
Wo ek kamini hasi ke saath Harshad se kehta he.
Harshad: aise kese chup beth jaunga mantri ji, mere naam ki dhajjiya uda di he….
Mantri ji: are mujhe bata diya hota, abtak pura khandan chod diya hota..
Mantri ji: oye ja re pure Parikh gharane ko tapka de…
Wo apne khaas admi ko kehta he.
Harshad: nahi…nahi mantri ji, aisa kuch mat kijiye, is waqt unme se kisi ko kharoch tak ayi to ilzam mujhpar hi ayega, mujhe pehle apni image ko thik karna hoga, or un logo ka kya karna he wo to mene soch liya he…
Mantri: accha? Kya socha he tune?
Fir Harshad use apna plan bata deta he jis sun kar Mantri ke chehre par kamini hasi ajati he.
Mantri ji: kehna padega, sahi aadmi ko paal rakha he mene….
Wo Harshad ki pith thap thapa kar kehta he.

Wahi ghar pe Aarav or Arshu apne ghar ke Rooftop par the, mosam aaj kafi accha tha. Arshu Aarav ke sine pe sar rakh kar ek taraf pair kar ke leti hui thi. Aarav ka ek haath Arshu ke baal sehla raha tha, or dusra haath Arshu ke pet par rakha hua tha.

Aarav: ab dard nahi ho raha na sweetheart?
Wo Arshu ke baalo me haath ferte hue puchta he.
Arshu: nahi, ab dard kafi kam ho gaya he.
Wo Aarav ke dusre haath jo Arshu ke pet par tha use thamte hue kehti he.
Aarav: waise Arshu tumne koi naam socha humare bacche ka?
Wo ab Arshu ko satane ke mood me tha.
Arshu: yahi baate karni he to me ja rahi hu, bethe raho akele hi yaha….
Wo uth te hue Aarav se kehti he…
Aarav: are yaar sorry Arshu….
Wo firse Arshu ko litate hue kehta he.
Arshu: aap….wo….. mujhe pills lakar do…
Wo thoda haklate hue kehti he.
Aarav: konsi pills Sweetheart?
Wo janbujh kar anjaan bante hue puchta he.
Arshu: aap janbujh kar mujhe pareshan karte ho…
Wo roni si shakal bana kar Aarav ko marte hue kehti he.
Aarav: ahhh….. Are samajh gaya, thodi der baad la dunga…
Wo Arshu ke marte hue haath pakadte hue kehta he.

Kuch der aise hi chedkani karte hue dono wahi lete rehte he ke tabhi baarish shuru ho jati he, wo dono shade me bethe hue the jaha wo barish se bache hue the. Barish ko dekh kar Arshu ke chehre par bahot hi pyaari hasi ajati he, or wo uth jati he.
Aarav: kya hua Arshu kaha ja rahi ho?
Wo Arshu ko uthkar aage badhta hua dekh puchta he.
Arshu: mujhe baarish me bhigna he…
Itna kehkar wo aage badh jati he, Aarav use rokta he lekin Arshu kisi ki sune tab na. Wo ja kar baarish me khadi ho jati he or apne haath fela kar apna chehra upar asman ki taraf karke apne chehre par baarish ki bundo ko samet ne lagti he. Baarish ki bunde Arshu ke chehre or honto bar bikhar kar uski Khubsurati ko or zyada nihaarne lagti he.

Aarav sofe par uthkar beth jata he or apne pyaar ko itna khush dekh kar uske chehre par bhi smile ajati he, Arshu bas kuch hi seconds me puri tarah bhig chuki thi. Baarish ki bundo ne Arshu ke badan ko gila kar ke ek sangemarmar ki tarah tarash diya tha, Aarav to bas use ektak dekhta jata he, Arshu uski taraf mudti he or use dekhte hue apni baho ko khol deti he. Aarav apni jaga se uthkar aage chala jata he or akar Arshu ko kamar se pakad kar apne paas khinch leta he. Arshu ke haath Aarav ke kandho par the. Dono ka chehra ek dusre se kafi kareeb tha. Kuch der aise hi ek dusre ki akho me khone ke baad unke honth apas me jud jate he.

Jab dono ki saas fulti he tab ja kar wo apni kiss tod dete he, Arshu uski baho me chip jati he Aarav bhi use kas leta he, kuch der bhigne ke baad dono apne apne room me ja kar kapde change karte he. Arshu change karne ke baad Aarav ke room me jati he to Aarav waha nahi tha, Arshu use washroom me awaaz lagati he lekin wo washroom me bhi nahi tha.

Arshu(man me): kaha chale gaye ye?
Ye kehte sochte hue wo niche ajati he, lekin Aarav to niche bhi nahi tha, wo Aarav ko call karti he to uska mobile uske Room me hi tha. Kuch hi der me Arshu ko Aarav ata hua dikhayi diya.

Arshu: kaha chale gaye the aap? Or bata nahi sakte jane se pehle
Wo Aarav ko ghar me andar ane se pehle hi darwaze par khadi ho kar narazgi se puchti he.
Aarav: me to Medical Store me gaya tha tumhare liye pills lane, lekin agar tumhe abhi se hi maa ban na he to koi baat nahi mat lo ye pills.
Wo Arshu ko aakh markar kehta he. Arshu use gusse se dekhti he or darwaza band kar deti he.
Aarav: Are Arshu, andar to ane do ghar ke…. Arshu…
Wo darwaza pit te hue kehta he.
Arshu: koi zarurat nahi he andar ane ki, besharam kahi bhi kuch bhi bolte rehte ho…
Wo andar se muh fulaye kehti he.
Aarav: accha maaf kardo sweetheart, ab se nahi bolunga…
Arshu: pakka?
Aarav: are ha baba…
Arshu: firse aisi baate ki to ghar se dhakke mar kar nikal dungi…
Aarav: yaar tum ghar se to nikal dogi lekin dil se kese nikalogi mujhe? Me janta hu tum bhi man hi man meri baat par khush hoti ho…
Uski baat par Arshu puri tarah se clean bold ho jati he. Kyu ke Arshu ko bhi Aarav ki aisi baato se bura nahi lagta tha. Wo darwaza open karti he fir Aarav andar ajata he. Arshu thoda langdate hue chal rahi thi.
Aarav: kya hua Arshu tumhe ab bhi dard ho raha he?
Wo Arshu ka chehra apne haath me thamkar chinta se kehta he.
Arshu: ha thoda sa…..
Aarav: pehle pehle hota he, ye lo pills abhi le lena warna…..
Wo shararati lehze me kehta he.
Arshu us se wo pills le leti he Aarav use pani ka glass la kar de deta he, kuch der dono niche living room me hi bethe rahe. Unhe Suman ka call aya to usne kaha ke wo kal raat tak ajayegi. Aaj uske behen ki delivery he. Kareeb 12:30 ko Arshu kitchen me khane ki tayari karne ke liye uth ti he.

Aarav: kya hua kaha ja rahi ho?
Arshu: lunch nahi karna? Time dekho…
Aarav: tum rehne do, me khana order kar deta hu.
Arshu: nahi, me bana lungi….
Aarav: Arshu….
Arshu: mene banaya khana pasand nahi he kya aapko?
Wo apna muh fulaye Aarav se puchti he.
Use dekh kar Aarav ki bhi hasi chut jati he.
Aarav: accha thik he, chalo me bhi help kar deta hu tumhari.
Fir dono hi kitchen me chale gaye or khana banane lage, pure waqt Aarav Arshu ko chedta raha. Kareeb 1:30 baje khana ban chuka tha, tabhi Sandeep ghar ajata he.

Sandeep: to kese he mere dono sher?
Wo Andar kitchen me dono ke paas akar puchta he.
Sandeep ko dekh kar dono uske gale lag jate he.
Arshu: hum to bilkul thik he…..
Sandeep: good, koi takleef to nahi hui dono ko?
Ispar dono ek dusre ko dekh kar muskurate he.
Aarav: nahi papa, hume kya takleef hogi.
Fir tino khane ke liye beth jate he, jab wo log living room me bethe hue the tabhi Virat Or Shreya waha ajate he, unhe dekh Aarav or Arshu heran ho jate he. Sandeep ko abtak kuch pata nahi tha.
Aarav: aap dono aise suddenly or mujhe bataya hota ms ajata lene aapko….
Shreya: koi baat nahi darasal hum to ek important kaam se yaha aye he.
Aarav: ha aye na….
Fir sab log living room me beth jate he.
Sandeep: waise Vidhisha tum Virat ko janti ho?
Ispar wo dono sharmate hue apna sar niche lar lete he.
Sandeep: are kya hua? Mene kuch galat puch liya kya?
Virat: uncle darasal wo….. Next Month humari engagement he or uske 2 week baad shaadi hone wali he, or usi ke liye aapko invite karne aye he
Uski baat sunkar sab log khush ho jate he.
Sandeep: ohh, Congratulations tum dono ko
Wahi Arshu Shreya ko dekh kar muskurate hue use tease karti he.
Sandeep: baccho tum log baate karo me bas 2 minute me aya.
Kuch der baate karne ke baad Sandeep unse kehta he, or apne room me change karne chala jata he.

Shreya: or batao kesi chal rahi he tum dono ki life?
Aarav: hum to bahot hi khush he….
Shreya: Arshu yaha ajao na….
Wo Arshu ko apne paas bulati he, Arshu uthkar uske paas beth jati he.
Shreya: kya hua Arshu tum aise kyu chal rahi ho?
Wo Arshu ko langdate hue chalta dekh puchti he.
Is sawal par Arshu ke tote ud jate he.
Arshu: wo……wo me…..ha mere per me moch ayi he.
Wo hadbadate hue kehti he, lekin ispar Aarav uske maze lenw ki sochta he.
Aarav: Kya? Kab moch ayi tumhare per me? Or mujhe bataya kyu nahi?
Ispar Arshu use kha jane wali nazro se dekhti he, fir Shreya ko samajh aya ke majra kya he wo Aarav ko aakhe badi karte hue chup kara deti he.
Shreya: accha Arshu mujhe tumse akele me kuch baat kari he…
Arshu: ha…. Chaliye…
Or wo Shreya ko apne Room me le kar chali jati he, jaha Shreya use as a Doctor, As a uski Badi behen kuch baate batati he. Niche Aarav or Virat bethe hue the.

Virat: Aarav, again Thank you so much agar…..
Wo is se aage kuch bolta Aarav bich me bol padta he
Aarav: bhaiya please….. Mene kaha na humari zindagi me jo kuch hua he wo sab uparwale ka khel tha. Aapka pyaar aapko milane ke liye bhagwaan ne shayad mujhe mohra banaya. Or me bhi bahot khush hu aapke or Shreya di ke liye…
Virat: Thank you Aarav….
Kuch der baad Shreya or Arshu bhi niche ajati he, or Sandeep bhi unke saath beth jata he. Kafi der tak bate karne ke baad Virat or Shreya jane ke liye nikalte he.
Virat: waise Aarav mujhe Rashid or Sonal ka address de do, use bhi invitation dena he.
Aarav: chaliye me chalta hu aapke saath…
Virat: tum pareshan mat ho, hum meri gadi par hi chale jayenge….
Fir Aarav use Rashid ka Address de deta, Shreya or Virat waha se Rashid ke ghar nikal jate he, or waha se Sonal ke ghar, fir wo Virat ke ghar ajate he, Shreya Mumbai kal jane wali thi aaj wo Virat ke saath hi rehne wali thi.

Dusri taraf Aarav or Arshu to ek dusre ke saath hi lage hue the, subah se dopehar or dopehar se raat kab ho gayi unhe pata hi nahi chala, raat ko dinner ke liye tino bahar chale gaye, Arshu ab kafi hadd tak thik feel kar rahi thi. Dinner karke jab tino ghar aye to Aarav or Arshu uske Room me ek dusre ki baho me jakad kar let gaye. Arshu aaj kafi thakan mehsus kar rahi thi to wo jaldi hi so gayi Aarav bhi kuch hi der me so gaya.

Or is tarah ye din bhi nikal gaya, jaha dono ka ek naya rishta jud chuka tha, ab is rishte se bahar ana dono ke liye namunkin tha. Isi tarah 1 month nikal gaya, dono ka pyaar ek dusre ke liye hadd se zyada badhta gaya, ab Arshu puri tarah se Aarav ke saath free ho chuki thi, wahi Virat or Shreya humesha milte rehte, Shreya Delhi ati or kuch din Virat ke saath rehti 1 mahine baad dono ki engagement bhi ho gayi, or 2 week bhi nikal gaye or do din baad unki shadi thi. Lekin is 1 mahine me kayi baar Suman ne dono ko kafi notice kiya or uske dil me kuch ajib se khayal ane lage, lekin Suman ne apni mamta ko apne shak par habi kar ke sab kuch nazar andaz kar diya. Wahi Harshad ke dimag me kya plan tha? Ye to sirf Harshad or mantri hi janta tha. Lekin uska jo bhi plan tha kya wo use pura kar payega? Or kabtak Aarav or Arshu unka rishta apne gharwalo se chipaye rakh payenge? Or unke parents ko kese pata chalega ke wo dono is rishte me he? Jo bhi hoga agle Update me pata chal hi jayega tabtak ke liye Stay Tuned ❤❤