Aarav ye sab sunke or wo letter padh kar dang reh jata he.
Virat: uske baad hum Delhi chhod kar chale gaye or tabse hum Dehradhun me reh rahe he.
Kuch der waha shanti cha jati he. Fir wo dono nikal jate he.
Aarav bilkul sadme me jaa chuka tha.
Aarav(man me): Virat bhaiya ke saath ye bahot bura hua. Lekin ab ye sab se mujhe bahot ghabrahat ho rahi he, agar mene Arshu se bol diya to kahi wo….. Nahi…. Kya karu, kya me Arshu se baat karu ya nahi.
Fir wo car ko ek cafe par rok leta he, uska sar bhari ho chuka tha. Lekin jese hi wo andar jata he to uski to duniya hi ujad gayi. Uska dil to mano dhadakna hi bhul chuka tha. Uske akho se Asu behne lage.
_____________________________________________
Aarav jese hi andar gaya use samne ke Table par Arshu kisi ladke ke saath bethi hui dikhi. Aarav pehle ek sadme se nikla nahi tha ki uski Arshu kisi or ke saath dekh kar wo to apne aap ko sambhal nahi paa rah tha. Wo us cafe se bahar ata he wo to ek bejan sa sharir ban gaya tha. Wo car me beth ta he or waha se nikal jata he. Aarav bahot ro raha tha.
Aarav: Arshu tumne aisa kyu kiya? Mujhse jhut bola tumne. Mujhse? Mujhe pata he Arshu tumhe kisi se pyaar karne ka pura haqq he lekin me kya karu ab, mujhse jhut kyu kaha tumne sweetheart? Shayad me hi apni jhuti duniya saja raha tha. Meri duniya ujad gayi Arshu. Meri duniya ujad gayi….
Tabhi use Arshu ka call ata he, wo dekhta he or call cut kar deta he or mobile switch off kar deta he.
Kuch der baad wo ek bar me chala jata he. Aarav ne kabhi bhi sharab nahi pi thi, lekin aaj uski halat aisi thi ke use koi zeher ka pyala bhi de to wo usko bhi pi leta. Aarav waha bethe ek ke baad ek glass khali karne laga. Wo puri tarah se nashe me tha. Wo car lekar usi pahadi jagah chala jata he, wo bahot buri tarah se car chala raha tha. Is waqt barish bhi shuru ho gayi thi. Wo barish me bheeg raha tha.
Aarav: hahahah.. ye jagah, ye jagah meri zindagi ki sabse manhus jagah nikli, hey bhagwaan ye kya ho gaya. Agar mujhe mera pyaar nahi dena tha to kyu mere dil me Arshu ke liye beinteha pyaar bhara. Kyu? Kyu mujhe khule asmaan se sidha zameen par la patka tune bhagwaan. Jawaab do. Mene kabhi kisi ka bura nahi chaha. Lekin kya me apne khud ke liye kuch accha bhi nahi chah sakta? Bas itna hi manga tha na mene tujhse ke mujhe mera pyaar dila do. Itni si iccha nahi puri kar paye meri. Abhi to sapno ka ghar bandha hi tha ke use ek pal me tabah kardiya? Kya maza ata hoga bhagwaan tumhe, kisi ko do pal ki khushi de kar us se wo kushi hi nahi balki uski zindagi chin ne me? Ha.
Aarav behad tut chuka tha. Wo bas roye ja raha tha. Apne aap ko kose jaa raha tha.
______________________________________________
Hum dekh lete he ke Arshu waha kya kar rahi thi.
Jese hi Aarav cafe se car me nikla Arshu ki nazar waha padi.
Arshu(man me): kya wo bhai the? Wo yaha aye. To mujhe dikhe bhi nahi?
Wo use call karti he ek baar cut hone ke baad uska phone off tha. Tabhi waha washroom se Arshu ki friend Taniya ajati he.
Taniya: kya hua Arshu tum pareshan lag rahi ho?
Arshu: kuch nahi, Taniya me nikalti hu late ho gaya he already.
Taniya: okay hum tumhe ghar drop kar dete he…
(Darasal jo ladka wah tha wo Taniya ka boyfriend tha, jab Aarav cafe me aya tab Taniya washroom gayi thi.)
Fir wo log nikal jate he.
Arshu: bhai waha aye or mujhe mile bhi nahi, kahi mujhe waha dekh kar unhe galat fehmi to nahi hui ki me… Ahhh pagal, Buddhu, Phone bhi off he.
Fir Taniya or uska Boyfriend use ghar drop karne ke baad nikal jate he. Arshu tezi se andar ajati he,
Arshu: bhai…. Bhai kaha ho aap? Bhai…
Andar ate he Arshu use awaaz lagati he.
Suman: are beta wo to nahi aya abtak ghar, tum akeli Aarav kaha he?
Arshu: pata nahi mujhe call karke kaha ke unhe late hoga mujhe pick karne me, to me Taniya ke saath chali ayi.
Suman: accha! Koi baat nahi call kar ke puch leti hu kaha he
Arshu: mene try kiya phone off he unka.
Suman: koi baat nahi, ajayega wo. Chalo tum fresh ho jao.
Arshu apne room me ajati he.
Arshu: i think unhone mujhe waha dekh liya he. Sachme buddhu ho aap bhai.
Kuch der baad Sandeep bhi ghar agaya. Lekin Aarav ka koi ata pata nahi tha. Arshu ko uski chinta hone lagi thi. Wo bar bar darwaze par jakar dekh rahi thi.
Sandeep: kya hua Arshu beta, pareshan kyu ho?
Arshu: dekhiye na shaam hone ayi he or bhai abtak nahi aye, phone bhi off he unka.
Suman: beta kuch kaam hoga use, ajayega.
Raat ke kareeb 8 baj gaye the, abtak Aarav ka koi ata pata nahi tha, ab sabko chinta hone lagi thi. Tabhi Sandeep ko ek Police Inspector ka call ata he.
Sandeep: hello
Inspector: hello sandeep ji. Aap abhi Police station ajaye.
Sandeep: kyu, kya hua?
Inspector: dekhiye aapka beta yahi par he, usne kafi drink bhi kar rakhi he, aap ajaye.
Sandeep: thik he me abhi ata hu.
Or wo call cut kar deta he.
Suman: kya hua?
Sandeep: Aarav Police Station me he.
Arshu: kya? Lekin kyu?
Sandeep: me baadme bata dunga phle me waha ja kar ata hu.
Suman or Arshu bhi uske saath jati he. Jab wo Police station jate he to waha Aarav ek bench par tha, uske haato me hatkadi bandhi hui thi. Use koi sudh hi nahi thi. Sab uske paas jate he, lekin use kuch sudh nahi thi waha kon he kya keh raha he.
Sandeep: Aarav ko hatkadi kyu pehnayi he?
Inspector: dekhiye sandeep ji, Darasal me jab Round par tha tab dekha ki Aarav ki kuch ladko se maar pitai chal rahi thi, me jab gaya to wo log to bhaag gaye, mene dekhte hi Pehchan liya ye aapka beta he, lekin jab me Aarav se baat kar raha tha to wo Violent ho raha tha, to majburan hume hatkadi pehnani padi.
Sandeep: me maafi chahta hu iski taraf se.
Usne inspector ke samne haath jodte hue mafi mangi.
Inspector: aap mafi mat mangiye, hum apko acchese jante he, or aapke bete ko bhi. Me janta hu Aarav aisa ladka nahi he. Or ye lijiye uski car ki Keys.
Arshu to uski halat dekh sehem si gayi thi. Fir sab use le kar ghar nikal jate he, Sandeep Aarav ki car drive kar rah tha, or Suman dusri, Aarav or Arshu piche bethe the. Aarav bahot dhire dhire kuch badbada raha tha.
Aarav: kyu mujhse jhut kaha…
Wo yahi line baar baar dohra raha tha. Bahot hi dhyan se sun ne ke baad Arshu ne ye sun liya or use yakeen ho gaya ke Aarav ne use waha dekh liya tha.
Ghar ane ke baad Sandeep ne Aarav ko sahara dete hue, use uske room me legaya, Aarav bhi so gaya.
Niche sab bethe hue the.
Suman: ye kya halat bana li he mere bete ne? Or sharab pi rakhi he usne.
Sandeep: dekho Suman jab wo hosh me hoga to us se is bare me zyada kuch mat bolna, Wo ab bada ho gaya he, ho sakta he use koi problem ho, use zyada force mat karna. Me us se baat karunga.
Arshu upar uske room me ajati he. Aarav gehri neend me tha. Wo uske side me beth jati he.
Arshu: sachme ek no. Ke buddhu ho aap. Sahi kehti hu aapko, Buddhu. Me kyu jhut bolungi aapse? Ye kya halat bana li, pagal. Kal dekh lungi aapko.
Fir Arshu uske gal par kiss karke apne room me ajati he.
_____________________________________________
Aaj ke update me bas itna hu, ab dekhna he ki Aarav aage kya karta he, Stay Tuned ❤❤
