Update-57
Jey jangalo me kahi bahut door nikal gaya tha
Kuch doond raha tha jo usse mil nahi raha tha
Kafi der ho gaye thi usse drive karte hue lekin abhi tak kamyaab nahi ho paya tha
Ab to aisa lagne laga tha ki vo baar baar ek hi jagah par aa ja raha hai esliye jab vo vapas vaha aaya to car rok kar niche utar gaya aur edhar udar dekhne laga
Usse pakka yakin tha ki yaha kuch na kuch to hai lekin uska pata kaise lagaye ye bada kaam tha
Ek baar laptop khol kar dobara check kiya to jagah to sahi thi par jangal ke alava aur kuch nahi dikh raha tha usse
Vaha bade bade ped the aur bas kuch nahi
Jey edhar udhar gumne laga ki sayad kuch uski najaro se bacha hua hoga
Abhi vo chal hi raha tha ki ek aawaz aae jaise usne kisi chhij par pair rakh diya ho
Jey ek statue ki tarah vaha khada hogya kyuki etni common sense to sabme hoti hai ki ye bomb vagira kuch ho sakta hai
Jey ke chehre par pasine ki boonde saaf dikhne lag gaye thi ki
Samne ke bade ped se ek machine gun nikal kar aagaye aur usne Jey ko aim laga liya
Ab to uski aur faat gaye ki Bhai ye to akhiri waqt aagya lekin gun ki dusri taraf se ek camera bhi nikal ke aaya jo Jey ko scan karne laga
Jey ko to ganta kuch samjh me nahi aa raha tha ki sala ho kya raha hai
Man to kar raha tha ki vaha se bhag khada ho lekin samne machine gun aur pair ke niche pata nahi kya tha ki himmat hi nahi hue
Tabhi ek aawaz aae
Scan completed
Welcome back sir
Aur samne ke ped pode aage piche hatne lage aur jo unke piche pahad tha uske niche se ek gate nikal kar aaya
Machine gun vapas apni jagah par chhup gaye aur sath me camera bhi
Jab jake Jey ko saas aae
Usne jaldi se car ko us gate ke undar gussa diya aur gate apne aap band hogya
Jaise hi gate band hua
Jey apne man me
Ab ye sala khulega kaise
Fir aage bhad gaya
Ye kisi guma type ki thi jisme kafi undera tha to Jey ko kafi mahnat karni pad rahi thi aage jane me
Tabhi usse kahi par electricity switch dikha
Purane jamane ke bade wale switch
Usse on karte hi vaha dheere dheere karke light jalne lagi
Aur jo vaha chhije thi vo jey jo dikhane lagi
Chalo aaram se batata hu ki vaha tha kya kya
Pehle to hathiyaro ka bhandar tha
Dusre etne sare systems the ki pure sehar ko vaha se dekh sakte ho
Tisra kafi achi achi gadiya thi
Fourth kuch photos lagi hue thi jinko sayad jey abhi pahchan nahi pa raha tha
Etni sari chhijo ko dekh kar jey ko ye to lag gaya tha ki vo koe don hai aur esliye hi uspar hamla bhi hua hai
Lekin baar baar uski najar un photos par ja rahi thi jinhe dekh kar usse kuch apni feelings aa rahi thi jaise ye sab to mere apne hai
Par sirf feelings aa rahi thi kyuki yaad to ganta kuch nahi tha
Photos se aage bhada to hathiyaar dikhe par unhe to ignore kar diya aur systems me dekhne laga
Jaha alag alag jagah ki live videos aa rahi thi ab ye jagah kaha thi aur kyu yaha camera LaHaye gaye the ye usko bhi yaad nahi tha
Jo jey ko memory card mila tha ab uska kaam bhi khatam ho gaya tha kyuki usme ye do chhij hi thi
Ek number aur dusri es jagah ke coordinate
Help to dono jagah se mili par apni hakikat ko samjh paye aisa kuch nahi hua
To frustrate hokar side me rakhi daru utha kar aaram aaram se peene laga
Tabhi ek scene flashback ki tarah uski aankhon ke samne se gujra
“Ek din nashe karte karte hi mar jaoge tum”
Usse sirf aawaz aae kyuki chehra nahi dikhata tha kisi ka
par usne ignore karte hue peene jari rakha aur peete peete ye decide kar liya ki vo jaha se aaj hi nikal jaega kyuki yaha bathe bathe kuch nahi hone wala
Vo firse usi direction me jaega jaha usse jana chahiye tha aur har jagah bahut ache se dekhega sayad kuch pata chal jaye
Usne vaha se photos lagi hue thi vo nikal li ki unhe dikha kar puch sakta hai
Agar vo log mil gaye to sayad uske bare me kuch bata sake
Bahut der peene ke baad usne kuch bottles apne beg me daali aur sath me vo photos bhi aur vaha se nikalne laga
Tabhi ek under se aawaz aae
Guns ki jarurat padegi
Jey ko vo aawaz etni tej sunae di ki ek baar to ye hi lag gaya tha ki sach me kisi aur ne boli vo
Par usne nahi suni aur sayad ye uski galati bhi sabit ho
Aur vo vaha se ek car leke chala gaya
Jaise hi janglo se nikala car ki speed bahut fast kardi kyuki ab uske upar frustration havi hone laga tha
Baar Baar apni pahchan ke bare me sochne ke karan vo apne upar se control khone laga tha
Esliye usse jaldi se jaldi sara area cover karna tha
Un jangalo se nikalne ke baad sabse pehle vapas ussi jagah pahucha jaha usse memory card mila tha kyuki usse pehle to vo har jagah check karte hue hi aaya tha
Ab usse uske aage jana tha aur car aur paise hone ki vajah se ye bhi soch liya tha ki jo jo jagah raste me aaegi usse bahut ache tarike se pura dekhega
Sayad kuch pata chal jaye
Lekin usse ye nahi pata tha ki vo narak ki taraf bhad raha hai
Jaha sare havaan uske khoon ke pyaase bathe hai
Aur yaadast na hone ke karan vo aur bhi jada kamjor hai
Par jana to tha hi aur koe rasta bhi to nahi bacha tha
Jey- **** kitni door padega kaka
Jey kisi bhudhe aadmi se pucha
Kaka- 100km
Gumne aaye ho?
Jey- aisa hi kuch samjh lo
Kaka- vo jagah achi nahi hai beta
Jey- matlab?
Kaka- vaha sare badmaash log rahte hai
Jey- unka baap hu main
Jey ke muh se apne aap nikal gaya ye aur usse aisa laga jaise ye sab vo pehle bol chuka ho
Kaka- nashe kiye ho kya beta
Tum to bache lagte ho
Us bhudhe uncle ko pata nahi kis angle se Jey bacha lag raha tha kyuki ab to beared aur hair dono hi bahut bade ho chuke the aur chehre par ek alag hi udasi thi jo usse thoda aged dikhane me help kar rahi thi
Kaka- kaha kho gaye
Jey- nashe to sirf khoon ka karta hu main
Baki Kal ke newspaper me padh lena
Jey ke muh se aaj kuch bhi nikal raha tha par yaha ek baat to sayad kisi ne notice nahi ki hogi ki ye sab bolte hue Jey ke chehre ko dekh kar purane Jey ki jhalak dikhane lag gaye thi
Sayad vo jada din tak nind me nahi rah sakta tha
Par ek baat ye bhi hai ki jab usse pata hi nahi hoga ki vo kya kya kar sakta hai aur usne sab kaise Kiya to vo kitni tabhae macha sakta hai
Ha manta hu ki khatra bhi pehle se kahi jada hoga lekin ek baar soch ke dekho
Mujhe to galat hi najara dikh raha hai
Jey vaha se nikal gaya us admi ke bataye hue jagah par
100km pahuchne me jada waqt nahi laga aur jaisa us admi ne kaha tha vaha ka najara bilkul vaisa hi tha
Har jagah aam logo ko pareshan kiya ja raha tha aur ajib language ka use ho raha tha
Jey ne side me car park ki aur utar kar vo photo dikha kar logo se puchne laga
Lekin kisi ko kuch pata nahi tha
Sayad aisa ho sakta hai ki vo kisi ke bachpan ki photo ho aur ab vo bade ho chuke ho jiske karan koe pahchan nahi pa raha ho
Ya fir koe sach me janta hi na ho
Kuch bhi ho sakta hai
Yaha ye bhi ho sakta hai ki koe batana hi nahi chahta ho
Tabhi ek ladka Jey ke pass aaya
Ladka- esko doond rahe ho
Photo ki taraf ishara karke bola
Jey- ha aap jante ho isse
Ladka- kon nahi janta isse
Sab jante hai
Chalo mere sath batata hu
Jey uske sath sath chalne lag gaya
Jey- mere paas car hai
Ladka- koe baat nahi
Edar hi rahne do
Paas me hi jana hai
To Jey paidal hi uske sath chalne lag gaya
Usse negative vibes to aa gaye thi par ek ummid thi ki sayad enhe pata ho kuch
Ek percent bhi chance ho to kuch baat ban jaye
Bas yehi soch kar vo uske sath chal diya aur vo bhi bina kuch soche samjhe
Ab aage Jey ke sath kya hoga ye to waqt hi batega to tab tak ke liye sath bane raho……
