Update – 59
Vishakha aur ashwini ab ghar aa gayi…. Ghar aate hi vishakha ne shivam aur neha ko raj ke tabiyat ke bare me khush khabar de di.. wo dono bhi khush ho gaye… Neha ne ashwini ko gale bhi lagaya… Sabhi ke chehare par khushi jhalak rahi thi.. rajana aur shekhar ko bhi phone par bataya gaya to wo bhi khush ho gaye.. aur hum jald aa jayenge is baat ki khabar bhi unhone de di.. pura ghar aaj khush tha .. sabhi ke hoto par hasi thi.. specially vishakha ke .. aaj kuch der pehle jaha wo raaj ke bare me soch kar dukh se ro rahi thi vahi aaj raj ke liye khush thi ki wo jald hi laut aane wala tha..
Ab sham ka time tha… neeraj hall me baithe chai pi raha tha.. lata uske liye plate me nashta le aayi .. aur fir neeraj ki taraf dekh smile kar usne wo plate table par rakh di.. neeraj lata ki taraf hi dekh raha tha.. lata wo nashte ki plate table par rakhne jhuki to uski aankhe lata ke cleavages ko dhundne lagi lekin lata na apne saree ke pallu se sahi tarike se apne chaati ko cover kiya tha… Neeraj wo dekh nahi paya jo wo dekhna chahta tha lekin uski najar ko lata ne bhi notice kiya tha .. lekin wo isbar bas muskurai . Usne kuch nahi kaha.. wo ab neeraj ke side me sofe par baith gayi…. Kuch hi time hua hoga ki priya apne room se bahar aa gayi… Shayad wo so rahi thi . Is karan uske baal bikhare hue the.. Short jeans aur white t shirt me khadi priya ne jaise hi angadai dete hue apne haat upar uthaye to uski kamar aur navel khule pad gaye.. jise neeraj badi aankho se dekh raha tha. Aur is bar bhi lata ne use notice kiya…lekin Lata ne is par bhi koi react nahi kiya ..
Lata – kitni der so rahi thi… Ja jakar fresh ho ja… Chai thandi ho jayegi .
Priya – fir se garam kar lungi maa..
Priya ne bas itna kaha aur bathroom ki taraf chali gayi…Neeraj use jaate hue bhi dekh raha tha
Lata – ye ladki na bahot aalsi ho gayi hai .. acha neeraj beta kuch chahiye aur?
Lata ne neeraj ki taraf dekhte hue kaha … lekin uska shayad dhyan hi nahi tha…
Lata – neeraj?
Neeraj – aa… Kya .. kya bua?
Lata – maine pucha aur kuch chahiye to nahi?
Neeraj – nahi ..
Lata – acha… Me ek call karne ja rahi hu…Apne room me.. Tumhe kuch lagega to avaj de dena…
neeraj – Ji bua..
Lata apne room me aa gayi… Wo soch rahi thi… neeraj use pehle se bahot jyada change lagane laga tha… uske najar me priya aur lata ke liye aisi hawas usne kbhi dekhi nahi thi.. wo to bahot hi sidha tha fir ye achanak se changes kyu aa gaye…Lekin wo ye bhi soch rahi thi ki neeraj jaise behaviour kar raha hai hai wo galat jarur hai lekin uski age me ye chije ho sakti hai…Lekin fir bhi in sabko control to karna hoga.. neeraj ko in sab gandi soch se bahar Lana hoga….Lekin kaise ? ..Shayad neeraj se baat karni hogi.. lekin neeraj se aise hi bat kare to wo mana kar dega .. Ya wo kya react karega lata ko pata nahi tha …Lata ne room se bahar ki taraf dekha use priya dikhi… Jo haat me chay ka cup liye khadi thi aur neeraj se bat kar rahi thi..thodi der me Neeraj ab apne room me chala gaya.. lekin priya vahi khadi rahi..Lata ne jab priya ko akela dekha to usne priya ko aavaj di
Lata – priya jara yaha aana…
Lata ki aavaj sunkar ab priya lata ke room me aa gayi..
Priya – ha bolo maa..
Lata – yaha.. mere samane baith…
Priya lata ke samane aakar baith gayi…
Lata ne ekbar use upar se niche tak dekha aur fir kaha..
Lata – tujhe pehanane ke liye dusare kapade nahi milate?
Lata ne achanak se aisa sawal kiya to priya bhi thodi si chaunk gayi..
Priya – kyu?… Kya ho gaya?
Lata – ye sab kya hai? Dinbhar ghar me ye … Ye choti pants pehankar ghumati ho.. aur ye tshiart bhi itna short hai… Kya hai ye? … Jara bhi sharam nahi hai tujhe?
Priya – lekin ma….Ye pehli baar to nahi pehana maine..
Lata – ha .. vahi keh rahi hu… Aise kapde pehanati hi kyu hai tu? .. tum abhi choti bachi nahi ho .. ache dresses pehana karo jo tumhare sharir ko ache se dhak sake …ye aise shorts nahi…
Priya – are ma… lekin..
Lata – maine kya kaha suna nahi? … Mujhse behas mat kar… Jaa abhi… Jakar change karo ise… Aur fir mujhe ye sab nahi dikhana chahiye… Samjh gayi..
Lata gusse me baat kar rahi thi….Aur us gusse ko dekh priya shant rahi… Usne bas apni naraji dikhate hue wo apne room ki taraf chali gayi…
Priya apne room me aa gayi… Usne cupboard me se ek salwar aur chudidar nikala aur fir .. shorts aur T-shirt ko utarakar usne wo pehan liya.. uska chehara abhi bhi thoda naraj tha aur mood ukhada hua… Use samjh nahi aa raha tha ki achanak se lata ne aisa react kyu kiya..
Kapade change karte vakt.. uska mobile baj raha tha.. Usne dekha shivam ka hi phone tha.. usne mobile haat me liya aur fir kuch sochakar cut kar diya….
Phone cut to kiya lekin fir ekbar shivam ka call aa gaya… Usne fir se cut kar diya…. Wo ab mobile side me rakh hi rahi thi ki fir se uska mobile bajane laga .. isbar bhi shivam ka hi phone tha..lekin isbar ab priya ne phone uthaya..
Priya – kya hai…? (Gusse se boli)
Shivam – are are.. phone uthane par log hello bolate hai.. ye kya hai? Pehli baar sun raha hu….Kya ho gaya?
Priya – yaar baad me call karna.. mera mood ab thik nahi hai…
Priya ne shivam se kaha…
Shivam – kyu ? Kya. Ho gaya?
Priya – tumhe batane ki jarurat hai?
Shivam – off course hai..baby boyfriend hu tumahara…
Priya ne kuch nahi kaha.. wo thoda shant hui aur fir bolane lagi..
Priya – wo..Wo… maa ne dant diya isliye…
Shivam – acha? Wo kyu?
Priya – pata nahi kya hua achanak se? .. ye kapde mat pehano wo pehano… shorts mat pehano.. T-shirt mat pehano
Shivam – ha to .. sun lo na…Maa hi to hai?…. Aur vaise bhi wo sahi hi keh rahi thi?
Priya – acha? Ab tum bhi maa ke side ho gaye… Rakho phone…rakho
Shivam – are tum gussa bahot jaldi karti ho… Aur me bhi unse isliye agree tha ki tum short dress me hot bahot lagati ho…
Priya – To?
Shivam – To kya? Baki log bhi to dekhte hai tumhe? Aur tumhe koi aur dekhe to jalta hai dil…
Shivam ne song ki line gungunate hue kaha
Priya – ho gaya…Tumhara… Ab rakhti hu phone… Huh..
Shivam – are …? Suno to…
Shivam aage kuch kehata iske pehle hi Priya ne phone rakh diya….Uske phone cut karne ke baad shivam ne phone kiya jarur lekin fir usne nahi uthaya…. Wo bas naraji se apne room me baithi rahi…
Yaha ek taraf rahul apne room me cooking kar raha tha.. uske cooking ka dhua pure ghar me ho gaya tha … Achanak se door bell baj gayi… To usne gas ki flame kam kar di aur wo door ki taraf aa gaya… Usne door ko unlock kiya aur samne khade ladke ki taraf dekh smile kiya.. use rahul ne ander ane diya.. wo ladka khanste hue ander aa gaya… wo room owner ka beta tha
Ladka – are ye kya kar rakha hai…Ghar me?
Rahul – kuch nahi khana bana raha tha
Ladka – ye aise…? Acha hai kiraya lene me aa jata hu … Papa ya mummy nahi aate…
Rahul – are tu to bhai hai mera….
Ladka – chal chal ab maska mat laga. Kiraya de….
Rahul ne pant ke wallet se kuch paise nikal kar us ladke ko de diye…
Ladka – tune kaha tha teri koi family yahi kahi rehti hai..Ab 4 mahine ho gaye… Vaha kyu nahi rehane jata .. kam se kam dhang ka khana to khayega… (Paise ginate hue us ladke ne kaha)
Rahul – nahi yar… Me ghar se isliye dur hu taaki is shehar me aakar ek achi job kar lu…Ek bar job lag jaye to fir mil lenge…Usme kya hai
Ladka – tera interview tha na 2 din pehle? Kaisa raha?
Rahul – interview to acha tha bhai… Lekin confirmation kuch mila nahi ab tak
Ladka – thik hai.. chal chalta hu…Teri job lag jaye to party de dena bhulna mat…
Wo ladka vaha se nikal gaya… Rahul ne door lock kiya aur achanak se uske mobile ka notification baj gaya.. koi mail ka notification tha… Usne wo open kiya … Aur fir wo mail dekh uske chehare par badi wali smile aa gayi….
Rahul – yes…. I got the Job….
Rahul ne khushi se uchalate hue kaha …..
To be continue…
