Update – 49
Shivam telephone booth se bahar aaya…
Shivam – ha to boliye madam , kaha jana hai…
Ashwini – movie chale?
Shivam – puch rahi ho ya bata rahi ho? …. Haha chalo..
Ashwini ne kuch nahi kaha aur wo shivam ke piche bike par baith gayi…. Dono ab theatre ke paas aagaye…
Ashwini – tum tickets Lao..Me yahi khadi hu…Aur ha side wali hi lena ha..
Shivam – ji madam…
Shivam ne bas itna hi kaha aur wo tickets ke que me khada ho gaya….Shivam ne ashwini ke kehanepar corner ki 2 seats book ki.. aur tickets lekar wo uske paas aaya…
Shivam – chale?
Ashwini – ha….
Ab dono theater me aa gaye the.. dopehar ka time aur upar se odd day tha to theater almost khali tha… Bas kahi kahi thodi jagah par log baithe the .. shivam aur ashwini ab apne seat pr akar baith gaye… Movie abhi shuru nahi hui thi.. lekin ashwini ke chehare par halkisi smile jhalak rahi thi shivam ne wo notice bhi kiya aur use bhi acha laga… Ab movie chalu ho gayi thi… Theater me AC ka cooling bahot jyada tha.. shayad isliye ashwini thodi sikudkar baithi thi.. shivam movie dekh raha tha…Aur ashwini ek pyar bhari smile ke sath shivam ki taraf dekh rahi thi.. shivam ko jab laga ashwini uske taraf hi dekh rahi hai to usne bhi ashwini ki taraf dekh liya…
Shivam – kya hua?
Ashwini ne smile karte hue “Naa” me sir hilaya aur wo uske kande par sir rakh ke samne dekhne lagi.. usne shivam ke haat ko tham liya.. jaise koi couple baithta ho wo dono aise hi baithe the.. shivam ne kuch nahi kaha .. shayad use bhi wo sab kuch achha lagane laga tha… Dono movie dekh rahe the… Koi kisise kuch keh nahi raha tha… Ab movie aage badhne lagi thi ek aur fir ek romantic scene aa gaya… Jaha kitchen me husband aur wife ka romance chal raha tha … Dono ek dusare ko kiss kar rahe the.. wo scene aur side me baithi ek sunder si apsara jisne apne komal najuk haat se shivam ka haat pakda hai aur kandhe par uska sir rakha hai upar se ashwini ke sharir ki wo khushbu in sab ke karan shivam ko ek alag si feeling aane lagi thi…Apne aap shivam ne apne haat se ashwini ke komal haato ko thoda daba diya..Aisa karte hi ashwini ne ek bar shivam ki taraf dekha .. shivam ne bas smile ki.. aur firse ashwini ne uske kande par apna sir rakh diya… Usne apni aankhe band kar li….Dono ko bhi ek dusare ka sparsh acha lag raha tha.. lekin fir bhi kuch maryada thi .. Puri film unhone aise hi baithe dekh li…. Aur fir wo bahar aa gaye ….
Ashwini – time kya ho raha hai?
Shivam – abhi 4.30 ho rahe hai…Ghar jana hai?
Ashwini – nahi… Man nahi ho raha
Shivam – oh , to ab kya man hai madam ka?
Ashwini – yaha paas me ek park hai.. vaha baith kuch der bate kare…?
Shivam janta tha ki paas me konasa park hai..Wo ek couple garden hai.. shivam ke ankho ke samne fir se wo din aane laga jab shivam vishakha ko usi garden me le gaya tha… Usase pehle dono ne movie bhi dekhi thi..Aaj bhi bilkul vaise hi ho raha tha jaise us din ho raha tha bas us wakt Vishakha thi aur aaj ashwini…Farak bas itna tha ki vishakha ke sath sab plan shivam ne banaya tha aur aaj sab kuch ashwini kar rahi thi… Shivam ne kuch kaha nahi.. wo bas Bike par baith gaya.. ashwini bhi uske piche baith gayi aur wo dono ab us park ke liye nikal gaye…
Park ke bahar shivam ne bike rok di.. dono bike se utare aur shivam ne kaha…
Shivam – ander chale?
Ashwini – ha chalo…..
Shivam ko us park me chalte chalte bar bar wo vishakha ke sath wale pal hi yad aa rahe the.. uske hotho par smile aa rahi thi… Sham ke 5 baj chuke the .. priya ke sath ki date usne cancel Ki thi aur is bat ko usne inform bhi kiya tha.. isliye wo nishchint tha.. wo ek jagah aakar ruk gaya… Vahi jaha shivam aur vishakha us din baithe the..
Ashwini – ha .. yaha thik hai… Hum yahi baith jate hai…
Shivam aur ashwini dono baith gaye… Koi kisise kuch bol nahi raha tha…Bahot time tak dono bhi shant the.. paas me baithe kuch couples ki taraf dono dekh rahe the..
Ashwini – achi jagah hai na?
Shivam – ha .. tum bhaiya ke sath ayi ho kya yaha?
Ashwini – hmm.. kai bar…
Shivam ne smile ki aur wo ab samne dekhne laga… Use fir se ehsas hua ki ashwini ka sir uske kande par hai… Aur fir isbar shivam ka haat apne aap ashwini ke kamar par chala gaya…Aur shivam ne aisa karte hi ashwini ke hotho par halkisi smile bhi aa gayi…..
Dusri taraf priya apne room me kuch serious baithi thi..Wo bahot udas thi…Wo soch rahi thi ki.. Koi shivam sath thi? Lekin kon thi? Use pata nahi tha yaa neeraj ko bhi koi idea nahi thi.. isliye wo gussa to nahi thi lekin wo khafa jarur thi…..
To be continued…..
