Update – 47
Yaha didi apne bungalow ke bahar garden me akeli baithi thi.. achanak se uska mobile Baja ..Usne dekha boss ka call tha..
Didi – hello, good evening boss
Boss – good evening , sun.. kuch din nepal chali ja.. yaha pe tera rehna thik nahi . Us alok bhi sath le ja ..
Didi – yes boss .
Boss – jaise hi koi naya target yaha mil jayega , vapas aa jana ..
Didi – ok boss
Boss – aur ha route change karte karte jana , direct nahi samjhi.. tera paisa tere account me transfer ho jayega.
Didi – ha boss .. thank you ..
Didi ne phone rakha aur wo uthkar bungalow ke ander chali gayi…
Dusri jagah priya ab neeraj ke room me aa gayi thi .. lekin usne dekha neeraj vaha nahi tha .. usne dekha koi tasvir niche jamin par giri thi jo ki table par rakhe ek cover me se giri thi.. vaha aise 2 cover pade the.. usne tasvir ko utha liya aur uske chehare pe ek smile aa gayi..Kyuki wo tasvir neha ki thi
Priya – o ho.. bhabhi ki tasvir..
Priya ne ek bar us cover ko uthaya aur us cover me rakhe sare photos ko usne bahar nikale..sari tasvire neha ki hi thi.. wo ek ek tasvir dekhne lagi
Priya – hmm bhabhi kafi beautiful hai….
Ithe me room me ander aaye neeraj ne priya ke haat se wo cover khinch liya ..
Neeraj – ye kya? Aise hi kisi ke personal cheej ko haat lagana thik nahi hai..
Priya – isme kya personal hai.. pata hai mujhe neha bhabhi ki tasvire hai..
Neeraj – ha fir bhi… Tum yaha kyu aai thi?
Priya – mummy ne aapko dinner ke liye niche bulaya hai..
Neeraj – ha main aa jaaunga.. tum jao..
Neeraj ka chehare pe thoda gussa aur narajagi dekh priya ko thoda ajib laga lekin wo vaha se chali gayi…. Priya ke jaate hi neeraj ne ek lambi saans li aur usne apna darvaja ander se lock kar diya .. usne priya ke photo ki cover achhi tarike se band kar di aur fir dusre cover me se ek photo ko bahar nikala jo ki priya ka tha… Usne us photo par ek baar apna haat fera aur fir use us cover me dal diya… Cover ko achi tarike se pack kar usne wo able ke drawer me rakh diye…Bag me rakhi key se usne us drawer ko lock kar diya ..Wo thodi der vahi ruka aur fir dinner ke liye niche chala aaya …
Yaha shivam ke ghar me aaj sab happy the… Ashwini ke chehare par bhi apni halkisi pehle jaisi chamak dikhane lagi thi jiskaran shivam aur vishakha dono ko acha lag raha tha… Neha ko to kisi baat ki kuch khabar nahi thi lekin sab log itne happy the to wo bhi bas aise hi happy thi… Dinner karke sab ab apne apne room me aa chuke the .. shivam bas apne bed par leta hi tha ki achanak se uske mobile ka notification tone baj gaya… Usne mobile uthakar dekha kisika fb pe msg aaya tha.. shivam ne fb open kiya aur uske chehare par ek broad smile aa gayi… Usne us msg ko respond karte hue likha
Shivam – (text) oh.. aaj ye chamatkar kaise ho gaya … Tumhara msg mujhe aa gaya?
Priya -(text) koi chamatkar nahi hai.. bas aise hi..
Shivam -(text) hmm acha hai.. chalo tumhe bhi mujhse baat karne me interest hai ye samjh aya ..
Priya – (text) aisa nahi hai..Bore ho rahi thi.. aur tumhare alawa koi online nahi dikh raha tha ..To socha tumhe hi msg kar lu…
(Priya aise hi akadte hue boli)
Shivam – (text) acha.. to koi aur nahi tha isliye tum mujhse bat kar rahi ho.. aur tum bore ho rahi thi right.
Priya – (text) ha aisa hi hai.. aur tum kya kar rahe ho?
Shivam – (text) me ek bahot hi beautiful ladki se chatting kar raha hu..
Priya – (text) oh.. thank you..
(Priya Blush karne lagi)
Shivam – (text) lekin wo mujhe reply nahi de rahi so maine socha tumse chatting kar lu.
Priya – (text) acha.. aisa hai kya …Thik hai to me nahi karti msgs .. kar lo bat usise hi
(priya gusse me aakar boli)
Shivam smile kar raha tha.. priya se bat karna use achha lagta tha..
Shivam – (text) are …I am just kidding ..
Priya ko pata tha shivam to bas aise hi majak kar raha hai jistarah wo bhi uske sath bat kar rahi thi.. kuch der tak chatting aise hi chalti rahi kariban aadha ghanta wo fb chatting pe bat karte rahe aur fir achanak se shivam ne kaha ..
Shivam – (text) can I get your number ?
Priya -(text) No…. (Priya ne instant reply diya)
Priya ke NO se shivam thoda mayus ho gaya .. lekin fir priya ka agala msg aaya ..
Priya – (text) but you can give me your number…
Shivam – (text) kya fayada ? Tum mujhe msg ya call karne wali to ho nahi… (Shivam naraj hote hue bola)
Priya – (text) maine aisa kab kaha?
Shivam – (text) acha?
(Shivam ke chehare par fir ek bar smile aa gayi..Usne fatafat apna number type karke priya ko bhej diya… Aur fir thode hi der me uska whatsapp notification Baja)
Shivam ne whatsapp open kiya aur usne dekha ek number se usse #Hi msg aaya tha.. usne us msg ko respond karte hue #Hi likh diya… Ek bar usne priya ki dp open kar ke dekhi.. jisme wo black color ki top me bahot hi khubsurat lag rahi thi.. usne ekbar photo par hi priya ko kiss kiya.. tab tak priya ke 2 – 3 msg aa chuke the… shivam ke chehare par se khushi aur bhi jhalakne lagi thi.
Shivam – (wp text) thanks yar…Tumhe nahi pata kitna khush hu me abhi…
Priya – (wp text) thanks to mujhe bolna chahiye shivam … Aaj tumne mujhe bachaya..
Shivam -(wp text) isme thanks ki koi jarurat nahi hai.. ye sab maine isliye kiya kyuki me tumse….
Shivam bolate bolate ruk gaya…
Priya – (wp text) mujhse kya? Bolo…?
Shivam – (wp text) kuch nahi… Acha hum call pe bat kar sakte hai na?
Priya -(wp text) thik hai…
Shivam aur bhi khush ho gaya….Usne fatafat priya ke mobile pe call kiya.. aur fir call bhi samne se received ho gayi…Ab dono call pe baat karne lage.. dono ke chehare par khushi thi hotopar hasi thi… Unhe pehli bar ekdsure se itna baat karna achha lag raha tha .. aur lagta bhi kyu nahi? Dono bhi ek dusre ko pasand karne jo lage the… Kuch der aur bat karne ke baad priya ne uske window ke paas ek saye ko notice kiya…
Priya – ek minit shivam …(wo uthkar window ke paas aa gayi…) Kon hai waha ? Jaise hi usne aisa kaha wo saya vaha se hat gaya …
Priya ne light on ki aur wo room ke bahar aagayi… Usne baju me kitchen me aakar dekha koi nahi tha..lata ka room ander se lock tha .. uski najar upar ki neeraj ke room ki taraf gayi.. jiska door just band ho raha tha .. aur fir room ki light bhi off ho gayi…
Priya – bhaiya?
(Use thoda ajib laga .. wo kuch der vahi khadi rahi ..lekin wo fir apne room me aa gayi.. usne dekha shivam ka phone abhi bhi chalu hi tha)
Priya – ha shivam …Bolo
Shivam – kya hua? All ok na?
Priya – ha sab thik hai… Acha suno kal bat karte hai…
Shivam – kaha ?
Priya – kaha matlab?
Shivam -matlab … Phone pe? Garden me baithkar? Coffee shop me baithkar? Tumhare ghar? Mere ghar? Kaha ?
(Shivam ke aisa kehte hi priya ke chehare par fir se smile aa gayi…)
Priya – acha? Itne sare options hai to give me a time..
Shivam – common yar.. abhi bata do… Acha me batau?
Priya – ha bata do..
Shivam – coffee pe milogi… Yahi paas me ek best coffee shop hai vahi…
Priya ne ha kiya …Aur fir call cut ho gayi… Call cut hone ke baad bhi dono ke chehare par abhi bhi khushi jhalak rahi thi.. lekin fir achanak se priya ko us saya ka khayal aaya jise usne thodi der pehle dekha tha..
Priya – bhaiya? Mere room ek yaha aaye the? Lekin kyu? ..
Wo soch me pad gayi.. use laga kuch kam raha hoga…Lekin agar kam hota to wo neeraj bolta aise bhag nahi jata… Use samjh nahi aa raha tha… Ki kya wo neeraj hi tha ya koi aur.. wo confuse ho gayi…. Aur yahi sochte hue uski ankh lag gayi….
To be contine…
