Dead Never Lie ~ A Love Story – Update 31

Update 31

“oye dekho oye.. mere yaar ke chehra kitne dino baad fir se khila hai… ab toh Neeru bhabhi ko yahan se lekar hi jayenge.. teele par..” Rohan ke chehre par khushi dekhkar Nashe ne Ravi ka suroor aur badha diya…

“par yaar, Salma ne toh saaf mana kar diya.. hum uss tak pahunchenge kaise? I mean.. baat kaise karenge.. waise bhi Salma bata rahi thi ki wo toh nihayat hi shareef ladki hai.. koyi na koyi toh link dhoondhna hi padega…!” Aman ne apne dimag par jor dete huye kaha…,” Chalo chhodo.. ab aaram se so jao.. kal subah dekhenge..!”

“Aman bhai.. ek baar uska ghar poochh lete toh.. abhi jakar dekh aate…!” Rohan utawala sa ho gaya…

“kamal karta hai yaar.. raat ke 9:00 baje.. aur wo bhi aisi ladki jo bewajah bahar nikalti hi nahi.. tujhe ghar ke bahar milegi.. tujhe shakal dikhane ke liye..?” Aman ne apni baat jor dekar kahi….

“nahi wo… bus aise hi.. bahar se yunhi dekh aate…” Rohan ne apna sir khujate huye Shekhar aur Aman ko dekha….

“chalo bhai.. gadi bahar nikalo.. bhabhi ji ka ghar dekh kar aayenge… abhi ke abhi..” Nashe mein jhoomte huye Ravi khada ho gaya…

Shekhar ne bhi kandhe uchka diye toh Aman khada ho gaya,” chalo fir.. bahar ki hawa khakar aate hain…

Gadi mein chalte huye Aman ne Salma ko fone kiya…,” Salma!”

“ab kaise aa gayi meri yaad janu? Dost gaye kya?” Salma ne angdayi lete huye seedhe late kar kitab apni chhati par rakhi aur masti si karne lagi.. Sana paas hi baithi thi…

“mujhe thodi jaldi hai.. wo Neeru ke ghar ki location batana..?” Aman seedhe matlab ki baat par aa gaya…

“yahan aa rahe ho kya?” Salma khushi se uchhal padi…

“humm.. batao bhi..”

“hamara ghar yaad hai na?”

“haan…!”

“usi gali mein jab tum hamare ghar ki taraf aaoge toh jo chounk dusre no. par hai.. uss chounk ke upar hi unka ghar hai.. bada sa.. dark grey colour ka paint hai.. par abhi wahan jakar karoge kya?” Salma ne ghar batane ke baad sawaal kiya…

“ok, Bye thanx” Aman ne kaha aur fone kaat diya….

Chounk par jate hi Aman ko Salma ke bataye anusar ghar mil gaya.. do galiyon se lagte huye khoobsoorat 2 manjila ghar ke dono aur gate the..,” Le bhai Rohan.. mil gaya Neeru ka ghar.. ab bol kya karna hai?” Aman ne gadi chounk se pahle hi rok di…

Neeru ka ghar milne ki baat sunte hi Rohan sihar sa gaya.. uski dhadkane badhne lagi.. usko man hi man aabhas hua jaise wo purane teele par khada hai aur Neeru door se usko pukar rahi hai.. Rohan ne ghar dekhte hi aankhein band kar li.. par Neeru ki uske dimag mein jo tasvir ubhari, wah shruti ki thi..,” Wapas chalo..!” Rohan ke mathe par pasina chhalak aaya…

“ab kya hua?” Shekhar ne poochha…

“kuchh nahi.. bus ghar dekhna tha.. dekh liya.. chalo ab!” Rohan ne kaha aur Aman ne chounk se gadi ghuma di….