Hey Avi…Aaj yaha aise sad sad kyu baitha hai?
Riya ki aawaj kaano me padte hi Avinash Richa ki taraf palta.
Ek baar dekha to dekhta hi reh gaya Avinash…Bahut khoobsurat lag rahi thi Riya…Itni khoobsurat ki Avi aaj Riya me hi kho gaya.
Riya ko bhi Avi me bahut badlaaw dikh raha tha…Shaayad wohi badlaaw jo wo dekhna chaahti thi.
Riya:- Abb kaha kho gaya?
Richa dhire se Avi ke paas gayi aur jor se chilla kar boli…Itna tej ki Avi ke kaan fatte fatte bacha.
Avi jab sambhal kar Richa ki taraf muda to kuch bol hi nahi paaya…Riya ki iss harkat par bhi usse pyar aane laga.
Avi:- Tu bhi na.
Riya:- Ha mai aisi hi hu…Par tu kuch badla hua lag raha hai.
Avi:- Nahi…Koi baat nahi…Bas aise hi.
Riya:- To mujhe aisa kyu lag raha hai ki tu abhi dara hua hai.
Avi:- Nahi…Bilkul nahi…Mai kyu darunga.
Uski iss baat me bhi uska dar dikh raha tha. 
Riya:- 4 saalo se jaanti hu…Aur tu hai hi itna predictable ki tujhe acche se samajhti hu.
Avi:- Sach me itne acche se samajhti hu.
Avi ko Riya ki iss baat par bahut pyar aa raha tha.
Riya:- Ha bahut acche se…Abb tu bata…Kyu itna udaas hai.
Avi:- Nahi to.
Riya:- Let me guess.
Kuch der sochne ke baad.
Riya:- Hmm…Aaj bhi tera proposal kisine reject kar diya.
Riya ne hanste hue kaha.
Avi:- Kya tu bhi…Har vakt majaak udaati rehti hai.
Riya:- 4 saalo se har valentine day me kisi na kisi ladki ko propose karta rehta hai…Aur har baar aisa hi haal hota hai tera.
Riya ki hansi rukne ki naam hi nahi le rahi thi.
Avi:- Isme unn ladkiyo ka ghata…Mera kuch nahi jaata. 
Avi ne bhi chhidhne ki andaaj me kaha.
Riya:- Lekin ghata to tera hi ho raha hai…Abhi tak single hi hai…Bol na…Aaj kisse propose kiya.
Avi:- Kisi ko bhi nahi…Abb karne ka soch raha hu.
Riya:- Lekin iss baar kisi ke piche bhi nahi laga hai…Aise achanak se?
Avi:- Jaruri nahi sacche pyar me piche padne ki…Jaruri hai to apna saccha pyar ka ehsas dilaane ki.
Riya:- Yuck…Tera dialogue bhi tera sense of humour jaisa hi bakwas hai.
Avi:- Tera hi sangat ka asar hai.
Riya:- Fir bakwas…Chhod ye baatein.
Ye bata itna dar kyu raha hai…Jaa kar bata de apne copy paste proposal line hamesha ki tarah…Agar kisi ki kismat footi hai to apna legi tere pyar ko.
Riya ko ye sab bolna to accha nahi lag raha tha…Par Avi ke saath uska dosti aisa hi tha…Hansi majaak wala…Khud ko normal dikhaane ke liye keh diya usne.
Avi kuch nahi bola.
Riya:- Iss baar kyu dar raha hai? Picchli baar to kitna bindas rehta tha.
Avi:- Darna padta hai…Sawal sacche pyar ka jo hai…Pata nahi wo mere pyar ko samjhegi ya nahi…Agar nahi samjhi to?
Riya:- Saccha pyar…Wo bhi tera.
Itna keh kar Riya hasne lagi…Pehli baar Avi ko Riya ka iss tarah hasna pasand nahi aaya…Wo dusri taraf palat gaya.
Riya:- Sorry.
Avi ne kuch react nahi kiya.
Riya:- Mujhe kya pata tha ki tujhe bhi kisi se saccha pyar ho jaayega.
I am happy for you…Jaa jaa kar propose kar de…Dekhti hu kaise nahi maanegi.
Riya Avi ke liye khus bhi thi aur khud par bahut kuch toot ta hua bhi mehsus kar rahi thi…Avi ko kisi aur ka hota dekhna yahi to wo baat thi jisse Riya har pal darti thi…Aur wo bhi saccha pyar.
Khair, Riya Avi ke liye khus thi.
Avi bhi khushi se Riya ki taraf palat gaya.
Avi:- Sach…Please sach keh na…Maan jaayegi na wo…Baaki ladkiyo ki tarah reject to nahi karegi na.
Riya:- Jarur maanegi…Iss baar tera pyar saccha hai…Sacche dil se kiya hua har cheej puri hota hai.
Abb aur der mat kar…Jaa…Aur bata de usse apna dil ki haal…Bahut kam log hi hote hai jinhe unka saccha pyar milta hai.
Riya ki baat sunne ke baad Avi se aur raha nahi gaya…Wo teji se waha se nikal gaya.
Riya usse piche se bas dekhti rahi…Bahut rona aa raha tha usse lekin roo bhi nahi paa rahi thi.
Bas Avi ko jaate hue piche se dekhti rahi…Shaayad aakhiri baar…College khatm ho gaya tha…Abb milne ki koi ummeed bhi nahi tha…Bas yahi aakhiri baar usse jee bhar kar dekh lena chaahti thi.
Avi waha se teji se aage chala gaya…Kareeb 150 meter dur chal kar wo ruk gaya…Saamne ek baccha tha…Kuch chocolates uss bacche ko de kar apne pocket se ek paper bhi nikala…Uss paper ko bacche ki haath me de kar dhire se kuch kaha.
Baccha bhi daudte hue aa gaya Riya ke paas aur Avi ka diya hua paper Riya ko de diya.
Riya ne Avi ko dekha…Wo aasha bhari najro se Riya ko hi dekhe jaa raha tha.
Jaise hi Riya ne paper ko palat kar dekha uski khushi ki koi thikaana hi nahi raha.
Paper me likha tha “I love you my wild cat 
.”
Baccha:- Didi wo aapse bahut pyar karte hai.
Itna keh kar baccha ussi speed me daudte hue waha se nikal gaya.
Bas ek issi line se Riya ka dil ka saara dard gaayab ho gaya…Aur ek alag hi sukoon mila…Yahi to wo line tha jo wo Avi se sunna chaahti thi.
Wo Avi ko hi dekh rahi thi…Bechara abhi bhi dara hua tha…Dheere dheere wo Riya ki taraf badhne laga .
Riya Avi ko hi dekh rahi thi…Avi ki aankho me wo hi pyar tha jo wo dekhna chaahti thi, mehsus karna chaahti thi…4 saal baad aaj wo dikh hi gaya.
Riya:- Kya hai ye sab?
Riya apni aadat se majbur jhutha gussa dikhaati hui boli.
Avi:- Bacche man ke sacche hote hai.
Riya:- Wo to mujhe bhi pata hai…Lekin ye kya hai?
Avi:- Bacche kabhi jhuth nahi bolte…Issi liye maine apne dil ki baat uss bacche ki munh se bulwaya…Aur uski iss baat ko kabhi jhuth bhi nahi hone dunga.
Aur ye sach bhi hai…I love you very very much.
Riya bas Avi ko dekhti hi reh gayi…Abb usse bhi Avi ka har andaaz me pyar dikh raha tha…Kabhi usne socha bhi nahi tha Avi iss tarah apna dil ki baat usse batayega.
Avi:- Soch kha rahi ho…Maan jaao na.
Riya:- Nahi.
Avi:- Please.
Riya:- No.
Avi:- Tumne hi to kaha tha mai kisi ko bhi apne sacche dil se apne dil ki baat bataau to wo maan jaayegi.
Riya:- Maine apne liye to nahi kaha tha.
Avi:- Please.
Riya:- Bilkul nahi.
Avi:- To fir thik hai.
Riya:- Kya?
Avi:- Tum nahi to koi aur hi sahi…Rina, Meena, Teena aur pata nahi kya kya…Unhe jaa kar propose karunga…Maan jaayegi koi ek to.
Avi ne bhi naarajgi ki andaaj me acting karte hue kaha.
Riya ne Avi ke kandhe par jor se mukka maara aur fir usse apna gale laga liya.
Avi ke liye ye kisi sapna sach hone se kam nahi tha…Saccha pyar milne ki khushi ka koi thikaana nahi tha…Aisa lag raha tha jaise usse duniya ka har khushi mil gaya hai.
Der naa karte hue usne bhi Riya ko apne baaho me bhar liya.
Naa jaane kitni der prem ke jode issi tarah puri duniya se bekhabar ek dusre me khoye raye…Bas dono ko itna pata tha ki dono ek dusre ke saath hai aur saath hai dono ka pyar…Ek aisa aanand jisme dono sirf khona chaahte thhe baahar nikalna nahi.
Alag hone ke baad.
Avi:- Dar gayi na meri jungli billi.
Riya:- Mai kyu daru?
Avi:- Dusri ladkiyo ki naam sun kar.
Riya:- Accha wo…Wo to tujh par taras aa gaya iss liye.
Avi:- Sach mai?
Riya:- Koi shak?
Avi:- Accha chhod…Tujhse baato me nahi jeet sakta?
Riya:- Aur kabhi jeet bhi nahi paayega.
Avi bas Riya ki baatein hi sun raha tha…Aaj Riya ki ye baatein usse bahut pyari lag raha tha.
Avi:- Happy Valentine’s day my jungli billi.
Riya:- Thanks and Same to you mote bandar.
Avi:- Mote bandar?
Riya:- Mujhe jungli billi bol raha hai to tera bhi koi naam rakhna padega na.
Avi:- I love you…Jawaab nahi diya abhi tak.
Riya iss baat par kuch sochne ki acting karne lagi.
Avi:- Soch kya rahi hai…Jaldi se jawaab de.
Riya:- I love you too.
Abb khus.
Avi:- Bahut jyada khush.
Fir Avi ne Riya ko gale laga liya…Aur issi tarah pyar ke jode chal pade usai park ke bench me ek dusre ke kandhe me apna haath rakh kar.
Riya:- Kab se pyar karta hai mujhe?
Avi:- Abhi se.
Riya:- What?
Avi:- Pyar to kab se tujh se ho gaya pata hi nahi chala…Bas ho gaya.
Avi:- Jaanti hai mai bahut bewkuf tha.
Riya:- Ha wo to tu hai…Lekin kyu?
Avi:- Mere paas hi itni pyari nakhre wali ladki thi…Lekin uss taraf kabhi dhyan hi nahi gaya.
Riya:- Kya? Nakhre wali dikhti hu mai?
Avi:- Ha…Aur ussi vajah se tujh par pyar aa gaya.
Avi:- Hamesha khoobsurati ke piche bhaagta raha…Par kabhi ye nahi dekha ki dil ki khoobsurati kya hota hai? Tu kitni khoobsurat hai iss par dhyan hi gaya…Sach kahu to shayad dekhna hi nahi chaaha.
Par dheere dheere ehsas hua…Tu hi mera sabse acchi aur sacchi dost hai…Jab bhi niche girta uthaane ke liye tu hi pehle aati thi…Jab bhi haarta jeetne ki utshaah tu hi deti…Jab bhi dil toot ta tu hi sambhaalti mujhe…Khushiyon me to har koi saath tha lekin dard me sirf tu.
Jab ye ehsas hus to pata nahi kab tujh se pyar kar baitha…Sach kehta hu bahut pyar karta hu tujhse…Baaki ladkiyo ne mujhe nahi apnaya iss baat ka bilkul dukh nahi hai…Lekin tujhe khone ki himmat nahi hai.
Riya:- Paagal…Itna hi pyar karta hai to pehle bataya kyu nahi?
Avi:- Kaise bataata…Tera koi bharosha nahi…Agar naa keh deti to mera kya hota…Bas issi dar se bata nahi paaya…Aur true love me propose karna itna aashan bhi nahi.
Riya:- Aaj fir?
Avi:- Aaj Valentine Day hai na…Confidence aa gaya…Aur waise bhi aaj shaayad aakhiri din tha hamaara milne ka…Iske baad kabhi mauka bhi nahi milta.
Avi:- Tu bata…Kab se pyar karti hai mujhe?
Riya:- Abhi se…Jab se tujh par taras aa gaya.
Avi:- Sach bata na.
Riya:- What if I say, Love at first sight.
Avi:- I don’t believe.
Avi ko yakin hi nahi hua.
Riya:- You must.
Riya:- Pyar to tumse pehli najar me hi ho gaya tha…Tumhaara bewkoofi se…Tumhara simplicity se.
Jaise bhi thhe, bahut acche lagte the mujhe…Dhire dhire dosti bhi hua…Tumhe acche se jaane ke baad aur bhi pyar ho gaya.
Bahut baar socha bata du tumhe apne dil ki haal…Lekin tumne mere baare me aisa kabhi socha hi nahi…Ham sirf dost hi rahe.
Darti thi ki kahi tum kahi inkaar naa kar do…Tumhe jab khoobsurat ladkiyo ke picche bhaagte dekhti to himmat aur bhi toot jaata…Hamesha yahi sochti, “Kya mai acchi nahi dikhti?”
Ek baar ek dost ko apne dil ki baat kaha…Usne bhi mana kar diya mujhe ye tumhe bataane se…Usne kaha kaha meri haisiyat aur kaha tumhara…Agar mai tumhe apne dil ki haal bata du to tum yahi sochoge ki mai paise ke liye tumhare picche padi hu.
Iss liye socha ham shaayad dost tak hi thik hai…Isse aage mai badh nahi sakti…Lekin ek ummeed tha ki kabhi to tumhe mere pyar ka ehsas hoga.
Aur ussi kabhi ka intejaar aaj tak kar rahi thi.
Avi Riya ki ye baat sunta raha.
Avi:- Kaash tum ye baat bata deti pehle hi.
Riya:- To kya tum samajhte.
Avi iss baat par kuch nahi bola…Riya bhi sahi thi…Pehle Avi ne Riya ke baare me socha bhi nahi.
Riya:- Abb to pyar karte ho na.
Avi:- Ha…Bahut jyada.
Riya:- Kitna?
Avi:- Bata nahi sakta…Agar tum kaho to chhati chhir kar dikhaau…Mere dil ke kitne andar tak basi ho tum.
Riya:- Dikhaao.
Avi:- Nahi…Mujhe dard hoga.
Avi ki iss baat par dono hasne lage.
Riya:- Abhi bhi tumhara sense of humour ghatiya hai.
Avi:- Aur wo hamesha aisa hi rahega.
Riya:- Kyu?
Avi:- Issi sense of humour se hi to tumhe pyar hua hai mujhse.
….
Riya:- Ek baat notice kiya tumne?
Avi:- Hmm…Bahut kuch notice kiya…Abb tum mujhse sharmaane lagi ho…Bahut pyari pyari baatein karne lagi ho.
Riya:- Nahi…Ham log kab tu se tum tak aa gaye hai.
Avi:- Sach mai…Dhyan hi nahi diya…Koi baat nahi…Pyar me aisa hi hota hai.
Riya:- Aur kya kya hota hai pyar mai?
Avi:- Mujhe kya pata…Abhi abhi to pyar hua hai.
….
Riya:- Kya soch rahe ho?
Avi:- Yahi ki aaj bhi agar mai der kar deta to kya hota?
Riya:- Kuch nahi.
Avi:- ???
Avi sawaal bhari najro se Riya ko dekhne laga.
Riya:- Ham alag ho jaate…Tum apni jagah mai apni…Tum kisi aur ko propose karte rehte aur reject ho jaate…Aur mai tumhara intejaar karti rehti…Ek jhuthi ummeed ke saath.
Avi:- Kitna dardnaak pal hota na ye?
Riya:- Hmm…Abb to nahi hai.
Issi liye kabhi kabhi himmat karke apne dil ki baat batana chaahiye Mr. Fattu…Tumne mujhse har baat share kiya…Khushi aur Dard ki…Lekin ye baat?
Avi:- Tum to aise keh rahi ho jaise tumne bahut koshish ki hai.
Avi ki iss baat par Riya hasne lagi.
Riya:- Ham dono hi dar gaye thhe.
Avi:- Accha ye bataao jab maine propose kiya to itne nakhre kyu kar rahi thi?
Riya:- Tumhe daraane ke liye.
Avi:- Majaa aata hai na tumhe.
Riya:- Ha…Kabhi kabhi darna health ke liye accha hai.
Riya:- Accha ye bataao…Mujhe wild cat kyu likha…Wo bhi propose wale paper par?
Avi:- Kyu ki tum ho hi wild cat?
Riya:- Not funny.
Avi:- I know…But it’s reality…Jaha bhi jaata hu mere saamne aa jaati hai…Aur mujhe kaatne ke liye picche pad jaati hai.
Hamesha daraati rehti ho mujh bechaare ko.
Avi ki iss baat par Riya usse ghurne lagti hai.
Avi:- Abhi bhi aise hi dekh rahi hai jaise kaat hi legi.
Riya :- (Smiling) Abb kaatungi bhi aur pyar se dawa bhi lagaungi.
4 saal ho gaya…Aaj bhi tum nahi badli…Khud kaatti ho aur khud hi dawa bhi lagaati ho…Tum bilkul bhi nahi badli meri wild cat.
Riya:- Aur tum bhi nahi badle…Bhullakad thhe aur rahoge…Jaao jaldi se shopping karke aao jo list maine diya tha.
Avi:- Aaj rehne dete hai na…Aaj bahar jaane ka man nahi hai.
Riya:- Kyu? Aisa kya hai aaj?
Avi:- Wohi Valentines Day…Jab ham mile thhe.
Iss baat par Riya muskuraane lagte hai.
Avi:- Maine to soch liya hai…Aaj din bhar ham dono ek dusre ke saath…Aur saath me bahut saara pyar.
Riya:- No chance…Bilkul nahi.
Avi:- Lekin kyu?
Riya:- Tumhe to sharm naam ki cheej hai nahi…Bacche ghar me hi hai.
Avi:- To kya hua? Unhe baahar khelne bhej dunga.
Riya:- Tum nahi maanoge na?
Avi:- Bilkul nahi…Aur aaj to tumhe maana hi padega.
Avi:- Kya soch rahi ho?
Riya:- Kuch nahi.
Avi:- To jaldi se haa bolo.
Riya:- (Blushing) Ok thik hai.
…
After some hours.
Riya:- 5 saal ho gaye hamaare shaadi ko…Aaj bhi waisa hi pyar hai jaise pehle tha…Kabhi kabhi chhoti chhoti ladaai aur pareshaani ho jaata hai fir bhi jald hi sab thik ho haata hai.
Avi:- Wo iss liye kyu ki shaadi ke baad maine ladkiyo ko propose karna band kar diya.
Riya:- Avi…Be serious yaar.
Avi:- Accha thik hai.
I think iska sabse accha vajah ye hai ki…Rishte ki majbuti me jaruri ye hai ki ham ek dusre ko acche se samjhe, vishwas kare aur ham jaise hai waise hi ek dusre ko pyar kare…Naa hi khud ko puri tarah se badle aur naa hi badalne de.
Love is just about loving without any condition and compromise.
Ham dono ka choice bhi sahi tha aur jodi bhi.
Riya:- Ha aur jab hamaari galti na bhi ho to bhi ek dusre se maafi maang lena.
Mai hamesha aise hi tum se pyar karti rahungi…Kya tum bhi?
Avi:- Ha…Tumne dekha hi hai maine last ke 4 valentines me kisi ko propose bhi nahi kiya.
Riya:- Fir bakwas?
Avi:- Ye bhi puchne ki baat hai? Off course…Mai bhi hamesha hi pyar karta rahunga apni jungli billi ko.
Riya:- Ek baat bataau…Abb to tumhara bakwas aur bhi accha lagne laga hai…Hamesha aise hi bakwas karte rehna.
Avi:- Aur tum bhi mujhe kaatti rehna.
Aur fir dono ek dusre ke gale lag gaye…Aur ek baar fir kho gaye apne pyar ki duniya mai.
From My Side:- Pyar karo to sacche dil ke saath, viswas ke saath…Air itna karo ki uski koi seema (limit) na ho…Apne pyar me kami dekhne ki jagah uski acchaaiyon se pyar karo…Love should be true, full of trust and with dedication of being united forever…And don’t be late to propose. …Warna sabhi ki kismat Avi aur Riya jaisa nahi hota. …Hazaaron kahani aisi hogi hai jo pyar ka ijahar na karne se begining se pehle hi “The End”. 
