Anjaan Rahen ~ A Passionate Love – Update 99

update 99

Vasu muh banate kahne lagi…. Ghum rahe the Shimla, hume to wahin se uthwa liya kamino ne….
Saily…. Ye jaroor uss kamini Indu ka kaam hoga, nainu kahan hai wo main uska khun pi jaungi…
Nain… Calm dawn girls, har kaam ka apna ek waqt hota hai…. Chalo tum sab kahin bahar ke khane ka programme banaye ho ya hum yahin ghar par khaye…
Saily…. Koi bahar nahi jayega, bahut dino baad hum sab sath me hain, yahin ghar par baith kar gappe larayenge aur yahin tum sab humare liye khana khayenge…..
Saily ki baat par Riti aur Vasu ki sahmati ban gayi … Bechare sare ladkey bawarchi bane the…. Halanki Riti bich-bich me kabhi-kabhi kitchen chali jati …. Lekin Vasu aur Saily usse aankhen dikhati wapas le aati.
Uss saam se lekar raat tak sare doston ki jo mehfil sazi kaphi late night tak thi. Agli subah sab ke soye me he nain nikal gaya.
Sari team taiyar thi… Control room me baith kar nain har namo aur addon ki jankari deta raha… Desh bhar se drug ki deal karne wale kul 78 logon ki giraftari hui… Lekin ek naam jo tha Abodh Puri wo ab tak chhipa hua tha, lakh kosison ke baad bhi uski girftari nahi ho payi.
Amol aur Indu ka kahna sahi tha, waise bhi Amol ne madad karne ka wada kiya tha badle me police usse aur Indu ko clean cheet deti. Tay ye hua Amol un 78 girftaar log aur Abodh puri ke khilaf aur pukhte saboot dega upar se unki sinakht kar ke sab ke khilaf gawahi bhi…..
Girftari ke baad mahol pura shant ho gaya tha…… Amol apne kahe anusar sare saboot de chuka tha, un 78 logon ke khilaf aur Abodh Puri ke khilaf bhi, bas ek uski griftari baki rah gayi thi.
Teesre din wade anusar Amol ka call aaya nain ke pass…. Abodh puri ke thikane ko lekar… Police ki ek tukri ko lead karte huye nain Amol ke sath uske bataye thikane par chal diya…..
Mumbai-Nashik express highway ke 30km dur chalne ke baad uttar ki disha me jungle ke ander puri team pahunchi. Jaise he aadha km ander chale honge police ki team ko gundon ne gher liya, aur sabko aur ander le kar gaye…. Un sab ek godown me le kar pahunhe..
Nain…. To kamine jaal bichhaya tha tu humare liye aur main tujh par bharosa kar gaye….
Amol…. Nahi, main to itni dur ki socha bhi nahi tha, ye to Indu ka dimag tha, jisne sare dost aur dushman ko saaf kar diya….
Nain…. Hramjade ab bhi wo Abodh Puri bacha hai, ye kyon bhul gaya..
Amol…. Ha ha ha ha…. Kaun Abodh puri, kaha tha na tumhare samne hoga to bhi pahchan nahi paoge… Main he hun Abodh puri, aur ab mera koi dushman nahi bacha…. Jald he hum yahan se nikal jayenge… Aur haan chinta mat karo… Tumhari ginti sirf sahidon me ki jayegi… Kyonki mujhe jan’ne wale mere dushman jyada der tak jinda rahe wo main bardast nahi kar sakta….
Amol ne godown ka safe khola… Aur wahan se apney sare jaroori kagjaat aur contact nikal liye…. Bahar aate he phone karne laga…. “Kishor sab ready hai na”….
Kishore….. Haan sab ready hai Amol… Chalo nikla jaye ye desh chhor kar…
Amol… Thik hai hum abhi aaye….. Boys kill them… Aur aaj se tum sab Kishore ke sath kaam karna…
Par ye kya kahani ulti ho gayi… Takriban 20 log the wahan Amol ke, lekin sabhi ne ulta gun ussi par taan diya… Tabhi godwon ke ander Kishor aakar nain ke pass khara ho gaya….
Nain…. Kyon puri sahab pasine kyon chhutne lage, ye dau ulta kaise par gaya wahi soch rahe ho na….
Indu…. Nain sir, main to kab se aap ko iske bare me batana chah rahi thi, lekin jaan jane ke dar se chup rahi… Ye dekho letter (Indu ek letter apne purse se nikal kar nain ki ore badhati hui) jo main kab se aap ko dena chah rahi thi, par ye sath chhor he nahi raha tha…. Kishor se puchh lijiye, main to apne jaan ke dar se iske sath kaam kar rahi thi…
Kishor…. Haan sir ye sach kah rahi hai… Aa jaa janeman tu humari party me aa ja…
Amol…. Kutiya kahin ki, tu bhi iske sath mili hai….
Indu teji se unke pass pahunch gayi… Tabhi Kishor ne tali bajayi aur kahne laga…. “Girls madam ka swagat jara joron se karna”
Indu samne dekh kar chauk gayi…. Vasu, Riti aur unke pichhe Saily khari thi…. Saily kaphi gusse me aage aayi aur ek tamacha uske gaal par jor se mari….. Chatakkkk ki aaaz pure mahol me gunj gayi…. Saily ko pichhe karte Vasu aage aayi wo bhi khinch kar ek tamacha dusre gal par di…
Ab bari thi Riti ki… Riti bhi aage aayi aur dono galon par tamacha jama di…
Saily…. Ye cheating hai Riti, maine to ek gal par he mara tha… Main bhi dono gal par marungi..
Apni baat kahti hui Saily phir aage aayi, aur wo bhi Indu ke dono galon par kas kar tamacha mar di.. Indu ke to sir ke upar jaise pura brahmand nach raha ho… Vasu bhi pichhe kyon rahti.. Wo bhi apna turn sambhalti Indu ke dono gal par tamacha rasid kar di…
Riti… Ye cheating hai tum dono do baar mari isse aur main bas ek baar .. Mujhe b dobara marna hai…
Ladkiyon ki harkat dekh kar sab hans rahe the …. Nain kahne laga… “Bas karo aur band karo turn by turn marna… Amit in sab ko yahan se le kar jao”…
Amol….. To ye sara khel tumhara tha…
Nain… Tumhe kya laga hum ghas chhil kar IPS bane hain kya reee… Sahq to mujhe ussi din ho gaya tha jab tu Rashid gange join kiya tha… Abodh puri gange ka member Rashid ko join kare aur wo jinda bhi bacha hai, aur Abodh puri ke gange me bhi sath-sath kaam kar raha hai….
“Khel achha tha apne rival ko saaf karne ka, phir kya tha mar to gangster he rahe the isliye humne bhi Kishor ko chipka diya tum logon ke sath. Yakin to mujhe parwanoo me hua jab ek factory ka chalan Amol ke naam se tha aur deal Abodh puri ki thi, chuk kar gaye tum yahan Amol waise khel achha tha”…
Amol…. Khel to tumhara bhi achha tha SP par tum chahte to mujhe kab ka arrest kar chuke hote, mujh par ab tak ye meharbani kyon….
Nain… Bas tumhare factory ki list nahi thi Amol jo mujhe ab mil jayega… Aur kuch..
Amol…. Sidhi baat kahta hun nain, mujhe jane do muh mangi kimat dunga…
Nain…. Ab aaye na sahi track par amol… 20 log pahle se hai yahan aur 5 hum abhi aaye to offer kya hai hum 25 logon ke liye….
Amol… Tum me se har ek ko 2-2 carore abhi aur 2-2 carore mere desh chhorte he…
Nain…. Kyon team kya kahte ho….
Kishor…. Sir one time offer ki tarah hai, baad me mukar bhi sakta hai, waise bhi humari baat man’ne ke siwa iske pass koi chara nahi … 5 carore par deal done karwao…
Nain…. Amol 5-5 carore mere sare team mate ko aur 10 carore mujhe .. Manjoor hai to bolo warna hum incounter ki prakirya shuru kare….
Incounter ka naam sunte he sab ne apni gun Amol par tan diya…. Amol hath upar karta …. “Thik hai thik hai… Lekin pahle mujhe yahan se nikalo”
Nain…. Sare officer side ho jao…. Kal office me hisab karenge…. Chalen Amol sir …
Sare officer wahan se Indu ko lekar wapas Police station aa gaye….. Ek police jeep me Kishor, nain aur Amol baitha…. Amol ko wahan se airport laya gaya… Amol airport pahunchte he nain ke kahe anusar uske ek benami acc me sara paisa transfer kar diya aur muskurata hua apni plane pakrne chala gaya…..
Nain airport se bahar nikalte kahne kaga….. “Bhagwan uski aatma ko shanti de… Kishore action time.”..
Kishore ne airport par tainat ek officer ko phone kiya aur ander ek firing ki awaz aayi … Nain aur kishor bare aaram se dobara airport pahunche aur uski lash ko van me dalwakar press ko jabaw dene lage… “Mashur drug dealer aur syndicate ka sargana Abodh puri bhagte huye incounter me mara gaya”
Police ki saflta par usse sab badhai dene lage…. Idhar police ne paisa bhi ander kar liya aur jaan bhi bahar nikal di. Jo jiski manzil thi sab apni jagah par pahunch he gaye…. Ab bas Saily, Riti aur Vasu ko Indu se ek aakhri baar milna tha….
Nain ne remand room me sabko bulaya… Wahan Indu kursi par baithi ro rahi thi, aur apni galtiyon ko kos rahi thi….
Riti….. Indu tum ne apne chahat ke chalte kayi jindgiyan bigar di, ab uske parinaam par ro rahi ho.. Tumhare sath to yahi hona tha….
Vasu….. Khud to anjaan rahon me apne sapne le kar gayi he aur sath me hume bhi wahan ghasita… Tum to yahin nark dekhogi Indu … Yahin par…
Saily….. “Indu thanks a lot, tum ne meri aankhe khol di. Aaj mere pass mere sare dost hain, par tumhari saza yahi hai ki tum jindgi bhar akeli rahogi…. Tumhari kahani main sab ko bataungi, taki jab bhi log tumhe dekhe to tumhare khubsoorat se chehre me dagabaaji ka nisan najar aaye”….
“Thanks a lot Indu…. Tum to chahton me itna gir gayi ki tumhe jarra bhi apna, apne pariwar ka aur apne doston ka khyal na raha…. Nainu.. Isse saza itna kam dilwana taki ye jald se jald bahar aa jaye. Aur jab sarak par chalte huye log isse dhutkarenge tab ja kar mere dil ko sukoon milega…. Dost bankar dhoka diya isne”….
Sab apni bharas nikal kar pahunche Nain ke flat. Flat me sab sukoon se apne Delhi aane se safar ko lekar Indu ke kiye karname ko kos rahe the… Aaj sabko apni rahon se pahchan ho gayi thi … Aur pichhli hui galtiyon se sikhte huye …. Apni kisi bhi raah par doston ke pyar aur bharose ke sath chalne ka tay kiya.