Anjaan Rahen ~ A Passionate Love – Update 98

update 98

Nain thodi der tak sochta raha… Phir Aapne junior Amit ko bula kar sari baten discuss kiya… Anth me sab sari baton par sahmati hui…. Amol aur Indu sarkari gawah honge aur wo pure gange ke khilaf saboot denge….
Nain wahan se raste bhar issi case par sochte huye nikla….. Ghar jab pahuncha to wahan ka alag he manjar tha… Pura ghar kabar bana tha aur Riti kahin bhi najar nahi aa rahai thi….
Samne tv par ek note chipka tha…. “If u want this girl call me”
Nain pahle sakte me aa gaya… Usse samjh me nahi aaya ki ye aakhir kisne kiya, chunki jis case ko wo handle kar raha tha uss case se jura koi bhi aadmi yahan to nahi aa sakta, phir ye kaun hai…
Nain ne chup-chap call lagaya aur uss aadmi ke bataye pate par pahuncha…. Pata ek flat ka tha, bahar khare logon ne nain ki service gun nikal kar apne pass rakha aur ander jane ke liye kaha. Nain jab ander gaya to wahan Riti ke sath-sath Vasu, Anu, Gaurav, Saily aur sath me Toshib bhi tha…
Mamla samjh me ab pura aa gaya tha… Uss din airport ka hamla aur ye kidnapping sab uss central minister ke kahne par ho raha tha….
Nain ko dekh kar sab apne bandhe muh se unnn-unnn karne lage… Bandhkon me katuhal dekh kar ander se wo central minister bhi bahar aaya….
Centeral minister….. To wo tu hai jiski wajah se mera beta phansa hai…
Nain…. Sir, in logon ko jane do, aap law ke against kaam kar rahe ho.
Centeral minister…. Hum he law hain yahan ke… Jitna main paresan hua hun, uss se jyada khun ke aanshu rulaunga…
Nain…. Sir ji sadak ka tapori samjha hai kya…. Aukaad par aa gaya to pichhware me danda ghuser mar thanda kar dunga……
Tabhi pichhe se ek awaz aayi …. Sp.. Teri itni… Auuuuuu…… Aaaooooooo aaaaaaaaaaa
Ek aadmi pichhe se chillata hua… Aukaat ka “Auuuu” he bola tha ki nain ne apne sath laye dusre gun nikala aur ek goli uske paun me marte huye minister ke kanpatti par gun rakh kar kahne laga…..
“Koi film star hun ki uchhal-uchhal kar hath paun chalaun, ek kaam me trainng ke dauran gold medel mila tha shooting me…. Bas mujhe sahi nisane par fire karne aata hai… Aur wo main bakhubi kar dunga”….
Centeral minister…. Sp tu yahan se kisi ko bhi jinda nahi le ja sakta…
Nain… Par tujhe maar kar apne sath upar jaroor le ja sakta hun… Aur suno oye chamchon … Bhale yahan main mar jaun par iss minister ko bhi sath leta jaunga… Aur yadi tere sir se tere baap ka hath hata to soch police kya karegi tumhare sath, daura-daura kar maregi, aur gasitegi wo alag.
Nain ki baat sun kar wahan maujood jitne bhi hatiyar dhari the sab apne hathiyar niche karta do kadam pichhe ho gaya….
Nain…. Chinta mat karo sir ji main yahan kuch karne nahi aaya tha, lekin aap ne baat badha diya to karna para… Ab mere doston ko jane do jarra hum baith kar kuch baten kar le.
Central minister ke ishare par sab ko chhor diya gaya. Nain ne Anu aur Gaurav ko sab ko lekar uske flat par pahunch kar intzar karne ke liye kaha.
Nain…. Toshib tum kaise kidnap ho gaye…
Toshib…. Yaar isne itne logon ko gun point par rakha tha ki main bebas ho gaya, par mujhe kya pata tha in sab ko tum jante ho.
Central minister….. Band karo apni kahani, aur kya baat karni thi wo batao.
Nain…. Aap ko sobha nahi deta sir yun kisi ki family ko uthwa lena. Hum apne kaam ko aur family ko dur rakhte hain kisi ne bataya nahi. Aur uthaya bhi to kise ek police wale ki family ko, pura department daura-daura kar marta.
Central minister….. Pahle tum logon ne jaal bichha kar mere bete ko galat case me phasaya…. Case jhoota tha tumhara SP. Yadi tum sahi tarike se aate to main sahi tarike se aata, ab batao mere bete par lagaye charges hata rahe ho ya nahi.
Nain…. Dekho sir galti to usne ki hai, main chahta to rape case uss par lagata, iss se to aap ki kursi bhi chali jati.
Central minister…. Tab kanooni dau-pench hota SP, main aaram se proof kar deta mera beta uss raat iss sahar me to kya, iss desh me bhi nahi tha. Lekin tum ne jhoote case me usse ander kiya, wo bhi itne strong evidence ke sath ki main chatpata kar rah gaya…. Tum sahi tarike se aate to main bhi sahi tarike se aata.
Nain….. Aap ne mujhe airport par marne ki kosis bhi kiye the..
Central minister…. Haan wo humla maine he karwaya tha, par wo tumhare liye nahi, uss ladki ke liye tha jise tumhare ghar uthaya tha….
Nain….. Par usse kyon target kiya… Investigation aur evidence to mere the…
Central minister…. Par uss raat wo ladki aur uske sath uski wo saheli bhi thi jo yahan uss kursi par baithi thi, (Vasu jahan bandhi thi, uss kursi ko ishara karte kaha) jinki wajah se mera beta phasa unko kya main yun he jinda chhor deta….
“Par uss raat to Saily thi iske bete ke sath phir ye Riti aur Vasu par kyon humla karwa raha tha”……… Sir kuch to confusion hai, aap ko galat information hai, wo dono ladkiyan to aaj tak wo disco gayi he nahi jahan se aap ka beta kisi ladki ko le gaya tha.
Central minister….. Kya ? Uss harami Amol ne mujhe galat information diya. SP baat kuch bhi ho, par tumhare jhoote case me meri family fasi, ab to meri bhi najar rahegi tumhari family par…
Nain….. Thik hai sir, aap kya chahte ho wo batao…
Central minister…. Mere bete par lagaye chargeg se wo bari hona chahiye bas.
Nain….. Ho jayega, par uski bhi ek kimat hai, jise aap ko pura karna hoga…
Toshib…. Nain, tune bhi kali kamayi shuru kar di, ghatiya kahin ka….
Central minister….. Kya kimat hai…
Nain…. Abodh Puri ke case me aap side rahoge, badle me main aap ke bete par lagaye chargeg ko hata dunga….
Central minister….. Tum jante bhi ho kiska naam le rahe ho, main nahi support karunga to koi aur kar dega…. Tum galat jagah hath dal rahe ho SP.
Nain….. Aap kab kaam aaoge, kewal home minster sahab ko aap sambhal lo, iss case ke pura hone tak mera aur meri team ka na to transfer ho aur na he ye case kisi aur ko mile.
Central minister….. SP main apne bete ko kisi tarah to bacha he lunga, par Puri ko pata chala ki maine tumhara sath diya hai to mera beta bachega he nahi. Arre tumhare pass bas uska naam aur pata ho sakta hai, par uss shaks ki sinakht tum kabhi nahi kar sakte. Wo kabhi arrest nahi hoga isliye main ye risk nahi le sakta….
Nain…. Phir mera wada hai ki aap ke bete ko main agli sunwayi me saza dilwa kar rahunga, aur sath me aap bhi phasoge kyonki bhale aap ka beta aap ke khilaf gawahi na de lekin uska dost yahi kahega… “Wo ye drugs ka kaam aap ke kahne par karta tha”….
Central minister…. Mujhe dhamkane ka anjaam jante ho…
Toshib…. Police walon se bhirne ka anjaam jante ho, thok denge kahin bhi aur uske liye hume koi charge bhu nahi lagana parega…
Nain…. Minister saab mere purposal par aap politics khel jao …. Dhyan se suno aap ko karna kya hai…..
Nain ne sari planning Central minister ko bata diya…. Central minister anth me raji ho gaya nain ki baat man’ne ke liye. Wahan se Toshib aur nain sath me nikle…
Toshib….. Nain bari muskil se to uss harami minister ka beta phasa tha, madarchod ke khilaf bahut complain the, usse aise yun he nahi jane de sakte….
Nain…. Calm down Toshib, uski kamjori pata hai, usse kabhi bhi lapet sakte hain, par Abodh Puri nahi bachna chahiye. Pichhle 5 salon se sabko ghuma kar rakha hai….
Toshib, nain ki baton ka samrthan karta apne-apne raah ko chal diya. Nain wapas flat me aaye sare log thoda dare huye the. Nain ke aate he Riti uss se lipat kar gale lag gayi aur gale lag kar rone lagi….
Nain….. Ae mazi bholi, roti kyon ho, mere rahte kisi ko kuch nahi ho sakta…. Haan ek khush-khabri aur …. Bas kuch din aur phir tum logon ke dil ki hasrat bhi jaldi he puri ho jayegi….. Tab tak tum sab Delhi ghumo-phiro, apna khyal rakho…. Waise tum sab Shimla se yahan kab aaye aur inke hath kaise lag gaye….
Vasu muh banate kahne lagi…. Ghum rahe the Shimla, hume to wahin se uthwa liya kamino ne….
_____________________