Update 91
Sab log Saily ko dekhne nikle… Saily dusre kamre me baithi mili. Sab ko nain ki baten samjh me aa gayi ki wo kya kahna chah raha tha. Saily apna bal noch rahi thi … Kisi pagal ki tarah idhar udhar kar rahi thi… Uski talab itni badhi hui thi, ki uski bechani dekh kar sab ke hosh urr gaye.
Dr ko turant bulaya gaya… Saily ko nind ka injection dekar sula diya gaya… Aur dr ne bhi wahi salah di… Jalad se jald nashe se izad pane ki treatment karwane… Aur Saily ko moral support dene….
Saily ki bigri aisi haalat sab apni aankhon se dekh kar sakte me the…. Uski bechani ne to sabke dilon me ghabrahat he paida kar di thi.
Idhar Indu apne karname anjaam dene ke baad aisi behosh hui ki usse hosh sidha agle din aaya. Jab uthi to khud ko ussi ghar me payi jahan se wo taiyar ho kar nikli thi…..
Kishor…. Jaag gayi tum, kamini tumhare karan hum phaste-phaste bache hain.
Indu…. Phase to nahi na, mere chehre par khun laga aur mans ke chithre bhi, mera sir ghum gaya main kya karti…
Kishor….. Hmmm ! Samjh gaya… Par pahli baar aisa karne ja rahi ho ye bata to deti. Bach gayi warna uske sath-sath tumhara bhi aakhri din hota.
Indu….. Main kitni der se yahan hun…
Kishor…… Kaphi der se ho ek pura din he bit gaya… Ab tumhari tabiyat to thik hai na…
Indu….. Haan tabiyat to thik hai, par mujhe jald se jald ab wapas bootiqe jana hoga.. Wahan main Saily ko chhor aayi hun.
Kishor….. Kaun wo hot item jiska deewana Amol ho gaya hai. Wo ladki kal saam ko he wahan se kahin chali gayi. Amol bata raha tha… “Aaj tak uss jaisi ladki nahi dekha… Jo maza usne diye waisa maza dobara lene ke liye to main marna bhi pasand karunga”.
Indu…. Kya, kal saam ko kahin chali gayi….. Kishor usse drug nahi mila hoga aur wo ussi ki talaash me nikal gayi hogi. Mujhe abhi jana hoga usse dhundne…
Kishor bhi Indu ke sath dhundne nikla. Pahle bootiqe center phir apne flat baad me dosco me bhi pata karwayi lekin wo kahin nahi thi. Indu ko thodi padesani satane lagi aakhir Saily ja kahan sakti hai.
Indu, Kishor ke sath pura din Saily ko dhund li lekin uski koi khabar nahi mili. Idhar Saily ki haalat dekh sabko rona aa gaya. Nashe ne kaise pagal kiya tha… Agli subah bhi jab jagi tab bhi yahi haal tha, ro rahi thi chikh rahi thi… Sabke paun par rahi thi, koi usse drugs la kar de de.
Kaphi tanwmay samay tha ye, sab aise jure the ki bas Saily ki tarap ko dekh kar sabki aankhe bahar aa rahi thi. Saily ki haalat dekh kar koi khush nahi tha, kya se kya bana kar rakh diya uss indu ne.
Kahte hain kuch bhi asthayi nahi hota, aur yadi aap ke pass aap ke chahne wale hain to har muskil aasan ho jati hai. Riti, Vasu, Anu, Gaurav, Nain…. Sab ne Saily ke iss bure waqt me uska kaphi sath diya.
Har bit’te din ke sath Saily ke sawbhaw me pariwartan aata gaya. Din-din kar ke sabne 6 mahine gujar diye Saily ke dard aur tarap ke sath. In 6 mahino me to jaise koi khul kar hasa bhi nahi ho. Sab bas Saily ke pichhe he lage rahte the…..
Ab wo sab ke sath hasna bhi sikh gayi thi, samny awastha me dhire-dhire aa rahi thi. Sudhar ka asar ek lambe arse baad dikhna shuru hua. Haan 6 mahine tak to aisa lag raha tha jaise ye nasha la-ilaz hai, aur iska bas ek he ilaz hai nasha karte raho.
Kuch ka dhairya toota… Kuch hauslon ke sath rahe, lekin mil-jul kar sabne ubar diya Saily ko. Har bit’te dino me jahan sare doston ka pyar gahra ho raha tha, wahin har din Indu ke liye naya ho raha tha.
Usse bhi pata chal gaya tha, ki Saily ab apne doston ke sath hai, lekin kisi ne bhi Indu se iss baare me kuch kaha nahi. Nain ki sakt hidayat thi “chahe kuch bhi ho jaye, Indu se kisi baat ki charcha nahi karega koi, aur jab bhi milo, doston ki tarah milo”
Indu ekadh do baar mili bhi sab ko, par sabne anjaan bante Saily ko he dosh diya. Indu bhi befikr apne badhte kaam ko anjaam deti rahi aur khub tarakki karti gayi.
Lagbhag 7/8 mahine bitne ke baad Saily lagbhag normal aur pahle se behtar thi. Mahol change karne ke hisab se sabne bahar ghumne jane ki ek meeting rakhi….
Saily…. Sayad mere jine ki wajah na hoti yadi aap sab nahi hote, main dil se manphi chahti hun, apne kiye har uss vywhar ke liye jo bhi maine aap sab ke sath kiya…
Nainu….. Saily, hum yahan iske liye ikattha nahi huye hain, jo ho gaya usse jane do. Ab biti baton par koi charcha nahi… Abhi aage ki baten hogi.
Gaurav… Sahi kaha Nainu, aur main kya kahta hun, yahan delhi se bore ho gaya hun, chalte hain shimla, wahan ki hasin wadiyon me kaphi maza aayega…. Kya kahte ho tum sab
Vasu…. Hume kahin bhi le chalo hum kahin bhi jane ko taiyar hain, kyon Anu..
Anu…. Yes love, hum kahin bhi jane ko taiyar hain, bas Riti aur Nain ka rah gaya…
Nain….. Nahi mera aana sambhaw nahi. Mujh par yahan ke administration ki jimmedari hai, isse chhor kar main yun he ghumne nahi ja sakta. Tum sab Riti ko le jao.
Riti…. Thik hai to tay raha, hum sab Shimla chalenge…. Nainu yadi aana ho to aap bata dena.
Nainu kaphi mayusi se Riti ko dekhne laga. Wo to bas aise he kah diya tha Riti bhi unke sath chali jaye. Nain ko laga “main nahi jaunga to Riti bhi mana kar degi jane se”, par ye to ja rahi hai.
Subah 9am baje ki flight thi. Nain sabko khud chhorne aaya tha, latka sa muh lekar bilkul mayus…. Aakhir Riti jo ja rahi thi.
Par ye kya, dono couple the par Riti nahi thi. Nain, Saily aur Vasu se puchhne laga…. “Riti kahan hai”
Saily…. Usse kuch shopping karni thi isliye wo sam ke flight se aayegi.
Saily jaise he itna boli, sabhi wahan par hasne lage. Nain samjh gaya, uske sath mazak kiya ja raha tha, wo sabko wahin se bye bola aur sidha pahuncha hostel, lekin hostel ke gate par he darwan ne nain rok liya….. “Sir, hostel me Riti madam nahi milegi”
Nain ke teji se badhte kadam khud-w-khud ruk gaye…. “Kya kaha tumne”
Nain ki bhasha sun kar he wo dar gaya…… “Sir maine kaha Riti madam apne ghar chali gayi hain, aur aap ke liye ek letter chhor gayi”…
Nain ne darwan se letter liya. Letter me nain ke liye bas itna likha tha… “Mamma-papa ki yaad aa rahi thi, ghar ja rahi hun, ek-do din me laut aaungi”
Nain ko kuch bhi samjh me nahi aaya… Shimla jane ka plan tha wo cancel ho gaya. Riti ko to mere sath hona chahiye tha, phir ye ghar kyon chali gayi. “Huhhh ! Isko to sabhi pyare hain siway mere”… Riti par gussa hote nain ne usse 10 baar kosa….. “Jhalli, ulluu, pagal… Isse to jarra bhi khyal nahi mera”
Kitne sapne sajaye the nain ne par yahan aakar to sab chur ho gaye. Mayus hostel se wapas apne ghar wapas aa gaya. Ghar me jaise he ghusa to dekha, Riti wahin thi aur ghar ko vywasthit kar rahi thi.
Ahhh khushi ki jo lahar dauri nain ke ander, bhagta hua gaya aur usse kamar se pakar kar utha liya aur nachne laga…… “Ohhhh ! Cutee tumne to dara he diya tha mujh se aise serious mazak kyon karti ho”
Nain ka matha chumti hui Riti kahne lagi…. “Sooo solly jaan, ye sab Gaurav ka plan tha, main to kab se bata deti par un logon ne mana kiya tha”
Nain…. Kitni baar kaha hai Love, tumhara jane ke bare me sun kar he meri haalat marne jaisi ho jati hai. Kaleje par patthar rakh kar kaha tha akeli Shimla chali jao. Mujhe laga mana karogi par tumne bhi haan kah di.
Riti…. Bukul buddhu ho aap. Jarra bhi dimag nahi lagate. Bhala main un couples ke sath ja kar kya karti.
Nain…. Dil lagaya hai na Riti isliye dimag istmaal nahi karta….
Nain apni baat kah kar Riti ki aankhon me dekhne laga…. Aur dhire se hoth aage karte usse kiss karne ki kosis karne laga… Riti, nain ko dhakka deti khud se dur ki, aur kahne lagi….. “Kyon SP saab bare romantic ho rahe hain… Kaam par nahi jana kya”
