Anjaan Rahen ~ A Passionate Love – Update 89

Update 89

Riti ko aschrya hua Gaurav ko wahan na dekh kar… Wo sochi “jarror Gaurav aur Saily ke bich kuchh hua hoga, aur Saily ne aatmhatya ki kosis kari hogi… Aur sayad Gaurav ko ab tak pata bhi na ho ki Saily aisa kuchh kar chuki hai”… Riti ne Gaurav ko phone kar ke Saily ke bare me suchna di … Aur intzar karne lagi Saily ke hosh me aane ka….
Gaurav ko jaise he Saily ke haalat ka pata chala wo bhagta hua aaya… Riti aur Vasu ne jab Gaurav ko dekhi, to usse dekh kar kaphi hairat me par gayi. Gaurav ki haalat to Saily se jyada kharab lag rahi thi.
Bal ajib tarah se bikhre huye the, ek inch ki dadhi badhi hui…. Vasu to Gaurav ko dekhte he dr-dr chillane lagi….
Riti…. Dr-dr kyon chilla rahi ho Vasu
Vasu…. Kyonki isse bhi ilaz ki jaroorat hai. Ye kya haal bana rakha hai Gaurav…
Gaurav….. Main thik hun, kuch nahi hua mujhe… Saily kahan hai..
Vasu…. Saily ko abhi ward me le jaya gaya hai, thodi der me hosh me aate he mil sakte hain…
Idhar Nain ne jab Riti ko Gaurav se baat karte suna tabhi wapas aa gaya… Aur sidha apne office pahuncha….
Sp office … Nain aur Amit…
Nain…. Amit kal ki tumhari report ne iss case me naye raste khol diye. Aur thanks uss ladki ko bachane ke liye.
Amit…. Sir, logon ki jaan bachana humara pahla kaam hai isme thanks kaisa. Waise pahle mujhe laga ki ye bhi unke sath mili hogi, aur mere khabri iska pichha karne lage, par ye achanak se kud jayegi, kisi ne socha bhi nahi tha. Waise sir abhi hum chahe to uss ladki Indu ko interrogation ke liye bula sakte hain.
Nain…. Nahi, abhi urrne do, aapas me he to lar rahe hain, larne do. Koi achhe admi ka murder thode na hua tha, kamina tha sala mar gaya…. Abhi shant rahte hain aur apne target par dhyan dete hain. Yadi iss ladki ko interrogerption ke liye bulaya to sab chaukanne ho jayenge.
Dono ki charchayen ho he rahi thi, tabhi Amit ke pass hospital se phone aa gaya…. “Saily ko hosh aa gaya hai”
Amit ke sath Nain bhi nikal gaya…. Aaj kai salon baad pay back time tha…. Un lgon se milne ka jin logon ne kabhi nain ke dil par war kiya tha. Police ki tukri ke sath nain jaise he ward ke pass pahuncha, Gaurav usse dekh kar hairan rah gaya.
Gaurav kisi bhi tarah se bas Saily se milna chahta tha, lekin hospital prabandhan ko sakt hidayat thi bina police ke bayan liye kisi ko nahi milne dene ka…
Yun to Gaurav kabhi sapne me bhi Nain se baat karne ki kosis nahi karta, lekin baat abhi uski nahi Saily ki thi, isliye Gaurav minnat karte huye nain se kaha…. “Kya main bhi sath ander chal sakta hun”
Nain ne apne sath Amit ko aur baki sab ko ander aane ke liye kaha…. Saily aankhen khole bas chup-chap wahan ke mahol ko dekh rahi thi, aur soch rahi thi usse bachaya kisne…
Jaise he Saily ki najar uske doston par gayi, wo phut-phut jar rone lagi… Gaurav bhagta hua Saily ke pass gaya aur uss se uski haalat ka karan puchhne laga…. Par Saily siway rone ke aur kuchh nahi kar rahi thi…
Kisi tarah shant hoti hui Saily, Nain ko apne pass bulayi aur uss ke samne hath jor li…. Saily ke aisa karte he Gaurav hairani se bas Saily ko dekh raha tha, uske to palle kuchh par he nahi raha tha.
Saily….. Crazy boy mujhe manph kar do, uss din nain sahi bol raha tha, main he apne badle me andhi ho gayi thi aur tum dono ke dosti ke bich darar le aayi …. Mujhe malum hai Gaurav, ye jan ne ke baad tum mujh se nafrat he karoge, par mujhe sab manjoor hai, kyonki ab khone ke liye mere pass kuch nahi bacha.
Ek arsa bit gaya tha iss baat ko, aur jab sach samne aaya to Gaurav ke paun tale se jamin khisak gayi… Gusse se pagal hota Gaurav usse khinch kar do tamacha lagaya…. Amit aur nain ne aankhen dikhate huye usse side kiya….
Riti…. Gaurav mana ki Saily ne galti ki thi, uski galti ka hum sab ko pahle se pata tha, to hum kya karen… Koi galat raah par chala gaya hai to usse waise he chalne diya jaye. Ya wo wapas aane ka mauka dhund raha hai to usse wapas aane diya jaye”.
“Ek baat aur … Koi tabtak hume nahi bhatka sakta jabtak humare mann ke ander kisi ke liye galat vichar na aaye… Jaraa iss par bhi socho”….
Gaurav, Riti ki baat sun kar bas mayus ek kone me khara ho gaya…. Chup-chap. Nain se manphi mangne ke baad Saily ne Riti aur Vasu ke samne bhi hath jor liye… Aur hath jorti kahne lagi…..
“Riti, Vasu … Apne ahankar me maine tum dono se bhi bahut bura bartaw kiya… Mujhe pata nahi kya ho gaya, main bas gusse wali thi par buri nahi. Lekin apne he kaam ko sahi mante-mante main kab buri ho gayi mujhe pata he nahi chala”….
Aur sabse aakhri me Gaurav ke samne hath jorti fut-fut kar roti hui kahne lage…. Mera crazy boy, main to bas badla lena chahti thi apman ka aur ussi chakkar me tumse pyar ka natak ki, par sath rahte-rahte kab mujhe tum se pyar ho gaya mujhe pata he nahi chala… Lekin ab sab khatam ho gaya… Ho sake to mujhe manph kar dena….
Sab bas chup-chap Saily ki baat sun rahe the. Anu to iss kahani me dur-dur tak kahin tha bhi nahi, lekin phir bhi jab Vasu aur Riti se Saily manphi mang rahi thi, tab uske mann se yahi awaz aayi….. “Kamini kisi ko nahi bakshi, sab ke sath kuch na kuch bura ki hai”.
Idhar Saily ki aakhri line sun’ne ke baad Gaurav phir usse khinch kar ek tamacha mara…. Aur Saily ko aankhen dikhate huye puchhne laga……
“Tum buri he bani rahti par aatmhtya karne ki kya jaroorat thi, itni kamjor to nahi thi kabhi tum Saily. Badla lene ke liye hum doston ke bich sazis rach di. Top na kar payi to na jane kya-kya ilzam laga di Riti par… Ab aisa kya kar di thi jo achanak se tumhare himmat ne jabaw de diya”.
Gaurav ki baat sunkar Saily bilkul maun ho gayi. Uske pass ye sabd nahi the kahne ke liye ki nashe me kisi ne uske sath sambandh banaye, aur wo bhi uski rajamandi se. Wo ye kah nahi pa rahi thi ki usne itne logon ka dil dukha diya tha, ki jaroorat jab pari to khud ko akeli payi… Uska pura hausla toot gaya tha.
Saily ke mann ke ander chal rahe kas-m-kas ko nain sayad bhanp gaya, usse lag gaya ho na ho nashe me jaroor kuchh galat hua hai…
Nain… Main batata hun tum sab ko…. “Saily ko drugs ki aadat lag gayi hai, jise wo chah kar bhi chhor nahi pa rahi thi, isliye usne aatmhatya karne ki kosis ki. Ab jarra tum sab bahar jaoge to main officially kaam pura kar dun…. Amit in sab ko bahar lekar jao”.
Amit samjh gaya ki nain sir usse bhi bahar bhej rahe hain, aur inko akele me baat karni hai kuch Saily se…. Isliye sab ke sath wo khud bhi bahar chala aaya.
Nain…. Saily sach sach batao kya hua tha kal… Dekho mujh se chhipana bekar hai, kyonki main janta hun kal nashe ki haalat me jaroor kuch aisa hua tha, jo tumhe ander se tor diya.
Saily roti hui haan me sir hilayi aur takiye ke niche apna sir chhipa kar roti hui kahne lagi….. “Main kis muh se Gaurav ke pass jaungi…. Maine unhi ko dhokha diya jo mere apne the”.
Nain…. Kya tum janti ho, disco wali raat ko kya hua tha aur tum hospital kaise pahunchi thi…
Nain ki baat sun kar Saily ne apna sir upar utha liya…. Usse ab phir se ussi baat ki sanka hone lagi, aur uske aanshu the ki wo thamne ka naam nahi le rahe the… Saily siskiyan leti puchhne lagi …. “Kya hua tha uss raat”
Nain ne usse disco ki raat wali kahani bhi bata di. Saily khud me kaphi giri hui aur sharmindgi mehsus kar rahi thi… Usne roti bas itna puchhi…. “Maine tumhare sath itna kuchh kiya phir bhi tumne baar-baar meri madad kyon kiye”
Nain…. Saily tumne mere sath galat ki, par main Gaurav ke liye khush tha. Gaurav ke liye tumhari aankhon me sacha pyar maine uss raat he dekha tha jis raat maine apni jhlak tumhe hotel taj me dikhayi thi. Mujhe dekh kar tumhare chehre ke dar ne bata diya tha, ki tum Gaurav ko kisi bhi haal me khona nahi chahti.
“Khair ab to tum ne uss baat ki bhi galti maan li, jis baat se hum dono dost alag huye….. Par tumhe abhi bhi ek baat samjh me nahi aa rahi … Jo main baar baar kahna chah raha hun”.
Saily…. Kya ?
Nain…. Uss ghatiya disco me tum kaise pahunchi. Ek din ka nasha mila tha, thode der ki talab rahti ek do din tumhe, phir bhi kisne tumhe nashe ka saman muhaiyya karaya… Aur kal jiske sath thi wo kiske jagah par aaya tha aur kaun usse janta hai…. Tum ab bhi gaur nahi karna chahti in sab baton par….
Nain ki baten sun kar Saily ka chehra bilkul laal ho gaya. Usse samjh me aane laga uske sharmindgi ka karan kaun hai, kaun aastin ka sanp hai jo uske sath khel-khel raha hai…. Saily bilkul gusse me…….. Jitni jillat uske dil me mehsus ho rahi thi, ab sab wo Indu ke liye gussa ban kar phut raha tha……