Update 75
Dono, nok jhok ke sath badh chali, apni-apni baat kahte huye. Bahas chalta he ja raha tha.. Aur dono jaise he ander huyi … Riti chaukti huyi Vasu ke pichhe aa gayi… Jaise koi bhoot dekh liya ho ……..
Riti, Vasu ke kandhe se chhip’ti hui, uchak kar dekhi, aankhen miji, aur phir ek baar dekhi. Vasu apni aankhen badi karti hui…. “Nikalo yahan se Abhiiiiii…. Akal nahi hai kya tum me, itni raat ko humare kamre me kya kar rahe ho”.?
Abhi, Vasu ki baat ka koi jabaw nahi diya, Vasu bhi Riti ko khud se alag kar ke, ja kar kursi par baith gayi. Iss mahol ko kya kahen, Riti kuchh ghante pahle apne atit ko Abhi se jor kar hatash thi, gussa itna ki wo Abhi ka shakal tak dekhna nahi pasand karti thi.
Jab Abhi mila to uski nafrat thodi kam to hui, par gussa apni jagah kayam raha. Aur jab Abhi ye wada kar ke nikal raha tha, phir kabhi apni shakal nahi dikhayega, to Riti mayus thi.
Riti ab bhi apni jagah khadi, bas ye widmbna me khadi thi, ki wo kya kare. Dil kah raha tha abhi jakar lipat jaye Abhi se. Mann ki vichardhara ye thi, ki wo dhokebaaj hai.. Sona ne jhoot bola ya mazak kiya uska kya, lekin uss Mahajan ki baat, wo to sach thi.
Abhi bistar par tika, baith kar aaram se Riti ko dekhte huye muskura raha tha….. Riti phir apne dil ko shant karti, apne mann ki awaz suni, aur Abhi ki ore ghurti hui puchhne lagi…. “Abhi to aap kah rahe the, ki kabhi apni shakal nahi dikhayenge, phir iss tarah se yahan aane ka matlab, aur girks hostel me aap ko aane kisne diya”.
Abhi ek lamba sa nishan apne paun par dikhate huye, jisme se khun ab bhi nikal raha tha, usse dikhate huye….
“Itti mehnat kar ke aaya upar, chhipte-chhipate, phir bhi meri haalat par taras khane ke badle, tum gussa dikha dikha rahi ho. Tum kahi ki “jaroori nahi ki jis se baat karun uss se pyar he ho”, to maine socha, chalo pyar nahi na sahi, par hum baat to kar he sakte hain, tum nahi janti tumhare sath hona he aur baat karna he mere liye kitna sukoon deta hai. Please iss se mana mat karo. Please….
Riti… Please mujhe emotional blackmail karne ki kosis nahi kijiye, aur jaise aaye the waise he chalte baniye…
Abhi phir se apna chehra mayusi se lakate huye… “Par meri baat to suno”…
Riti…. Nahi sun’ni mujhe koi bhi baat….
Abhi…. Ye tumhara aakhri faisla hai, to main yahin iss chhat se kud kar apni jaan de dunga…
Riti….. Mujhe agar force kiye na, to main khud apni jaan le lungi, isliye behtar issi me hoga ki aap mujh se dur rahiye.
Abhi…. Thik hai main jata hun, ab na milunga dobara….. Tum khush raho
Abhi, phir se wahi mayusi ke sath bola, par iss baar wakai he kaphi mayus tha. Riti apna muh dusri ore fer li, taki jate huye Abhi ko nahi dekh sake. Abhi toota hua sa nikla wahan se.
Riti jatane ki kosis to kar rahi thi, ki wo kaphi strong hai, par ander he ander ghut rahi thi. Kaphi sannata sa chhaya hua tha, aur inhi sannato me wo ghut kar rah gayi Riti.
Idhar, Indu ne apna khel jari rakhte huye, aaj bhi Saily ko nasha de diya, aur dhire-dhire usse nashe ka gulaam bana rahi thi. Indu ek tarah se Saily ko apne vash me kar rahi thi, hospital se lautne ke baad jo Gaurav se mulakaat hui, uske baad se Saily ne kisi se bhi koi sampark nahi kiya tha.
Indu apni mansa ko aage badhati apne kaam ko anjaam dene me lagi thi. Raat ke takriban 12:30 baje honge… Vikki ka call Indu ke mobile par aaya…..
Indu… Hello Vikki….
Vikki…. Indu, surprise for you baby
Indu… Kaisa surprise Vikki, jaldi batao na…
Vikki….. Abhi nahi, bas itna jaan lo, ki apne sapne ko sach karne ka ye tumhara pahla kadam hoga.
Indu…. Par kya hoga wo to bata do, nahi to main puri raat so nahi paungi.
Vikki…. Kuchh baten batani thi, pahle us par dhyan do.
Indu… Haan kaho..
Vikki… Ek kand ho gaya hai aaj se 5 din pahle.
Indu…. Kaun sa kand ho gaya hai…..
Vikki…. Do ladkey apne club aate the, dono central minister ke bete the, aur wo drug dealing me phas gaye ?
Indu…. To isme hum kyon padesan ho.
Vikki…. Tum iss kaam ke layak nahi jahil ladki, tum do kauri ki agent he achhi ho, jo drug ko yahan se wahan pahunchao, aur cutomer ke sath sex kar ke relation banao, iss se jyada tumhara koi future nahi.
Ahhhh ! Kya aag lagi dil me, bechari Indu chah kar bhi nahi kuchh bol payi. Waise kichad me jab phase ho, to saaf suthre rahne ki to koi ummid he nahi karni chahiye. Jahan gaye, jin logon ke bich rahe, usnki bhasha aur tarike ko apna lena chahiye. Thoda muskil hota hai, par kya karen in khwaeshon ka, jo har kaam karwa deti hai.
Indu, thoda bhadkti hui…. Kahne ka kya matlab hai Vikki…
Vikki…. Gussa aata hai Indu tumhari baton par, kabhi-kabhi lagta hai ki tumhe jitna bol diya jay, tum utna he karogi, apna bhi to dimag lagao.
Indu, kuchh socti hui…. Thik hai laga lungi, ab baat kya hai wo bhi to bata do….
Vikki…. Suno, dono ladke jail nahi jate, par koi pagal ne itna strong evidence diya hai, aur itna strong case bana hai, ki narcotics wale isse chah kar bhi nahi chhor sakte.
Indu… Hmmm !
Vikki… Wo minister to pagal bana hua hai, char din se usne meri watt laga rakhi hai. Ab mujhe kya maloom wo kaise phasa, kahan phasa, par uske baap ne mere pichhdwade me danda dal rakha hai.
Indu… Samjh gayi, yadi uska beta nahi chhuta to hum gaye kaam se.
Vikki…. Haan Indu, aisa he kuchh hai, par chhute ya na chhute uss se matlab nahi hai, unhe to bas jan’na hai ki uss raat hua kya tha, aur kisne aur kaise phasa diya.
Indu…. Matlab yadi hum karan ka pata laga le, to humari jaan chhut jayegi. Par Vikki ek baat samjh me nahi aayi, ki pata he lagana tha to, wo apne bete se jail me mil lete.
Vikki…. Indu, haalat bahut kharab hai, yahan dhandhe ki maa-bahan ho gayi hai. Roj koi na koi drug supplier ander ho raha hai, jaise kisi ne than li ho hum sab ko khatam karne ki. Unke bete ko arrest karte he 15 din ki remand mil gayi narcotics walon ko, koi nahi mil sakta filhaal to un dono ladkon se.
Indu…. Kya, police bhi humare pichhe pari hai.
Vikki… Haan, sahi suni… Disco bhi aayi thi police, do din pahle, wo to achha hua ki pata chal gaya mujhe pahle aur yahan ka mamla saaf kar diya.
Indu… Mujhe bahut dar lag raha hai Vikki, police ke bare me sunkar. Kya hoga ab, kahin main bhi to nahi pakri jaungi.
Vikki…. Tumhari wo dost hai na, tumhe bachane ke liye, phir tum kyon darti ho. Chhoro ye sab, dhandhe me to ye police ka chakkar laga he rahta hai. Filhaal hum unki najron me hain, isliye abhi pura kaam band hai. Tum in sab baton par dhyan mat do, bas yadi koi case in dono ladkon se related ho, to jaroor batana.
Indu… Hmmm ! Thik hai, yadi kuchh sunti hun inke bare me, yo jaroor bata dungi, par ye to batao ki surprise kya tha.
Vikki…. Wo tum jaan jaogi, pahle kal tum achhe se taiyar hokar aa jana. Kal tumhare liye ek naya din hoga…. Aur tumhari duniya badal jayegi….
Vikki ne apni baat kah kar call dis-connect kar diya, Indu to police ka naam se bas upri dar dikharahi thi, par uske mann ke ander jo chal raha tha, wo bas Vikki ke wo katakchh bhade sabd the, jo kisi tir ki tarah dil me chubh rahe the.. Aur anter aatma se bas yahi awaz aa rahi thi… Baat kuchh bhi ho Vikki, par tumhe aisa nahi kahna chahiye tha.
Udhar Vikki phone rakh kar .. “Yesss, yessss” .. Karne laga, kyonki usse Indu me kahin na kahin apni jeet najar aa rahi thi, aur wo uss jeet ko har keemat me pa kar rahna chahta tha.
