Update 70
Saily chaukti huyi …. Kya teen din…….
Dr…. Haan teen din, waise hua kya tha tumhe, kuchh yaad hai ?
Saily… Nahi madam, bas ye dhyan hai ki ek ladka badtamiji kar raha tha, phir usne mere naak ke pass powder jaisa kuchh udaya, aur phir uske baad ka yaad nahi. Dr main yahan kaise pahunchi, aur kya hua tha mere sath ?
Dr…. Pata nahi, par tumhe koi bahar ka aadmi le kar aaya tha, drug overdose ke karan tumhe teen din tak behosh rakhna para, maine tumhare doston ko tumhare drug overdoes ka abhi tak nahi batayi, sirf accident ka kahi thi, behtar jaisa tum samjho bata dena.
Saily…. Dr, filhaal to bahut kamjori feel ho rahi hai, abhi to iss se jyada baat karne ki haalat me nahi hun.
Dr…. Thik hai tum aaram karo, main tumhare doston ko phone kar deta hun, wo aakar tumhe le jayenge.
Dr ne pahle local police ko phone lagaya, phir uske baad Saily ke doston ko phone kar ke Saily ke hosh me aane ki suchna de di.
Sare dost hospital pahunche, police wahan pahle se pahunch chuki thi, aur wo Saily ka bayan darj kar rahi thi.
Gaurav…. Kya hua Saily, ye sab kaise hua.
Saily…. Sooo sorry mere crazyboy, main uss din kuchh jyada he upset thi. Main janti hun tum kaphi chinta me rahe hoge, dekho main guilty feel kar rahi hun ab manph bhi kar do.
Gaurav…. Pagal ho kya, jo ho gaya usse hatao, abhi to humara happy moment hai. Biti baton par se dhyan hatao, haan par ye sab hua kaise, mujhe bas naam bata do yadi ye kisi ki harkat hai, main uska jina haram kar dunga.
Saily… Kuchh nahi hua, ye ek matr accident tha, achanak hua mujhe kuchh bhi yaad nahi.
Indu… Par tum uss din achanak disco se gayab kahan ho gayi thi, aur kahan gayi thi.
Saily…. Kahi na, mujhe kuchh yaad nahi, to tumlog mera viswas kyon nahi karte.
Indu… Hmmm, theek hai Saily….
Indu apne mann me vichar karti hui…. “Ye Saily kuchh to mujh se chhipa rahi, khair disco ki baat hai, mujhe aaj na kal to pata chal he jayegi”.
Vasvi…. Dr kya ab ye humare sath ja sakti hai.
Dr…. Haan, mere taraph se to ok hai, inspector saab se puchh lo unki karwahi puri ho gayi ho to, le ja sakti ho.
Inspector… Nahi maine bhi bayan darj kar liya hai, aap sab inhe le ja sakte hain.
Saily, apne doston ke sath wapas hostel aa gayi. Kaphi kamjor feel kar rahi thi, isliye wo aate he dr ki di hui kuchh goliyan li, aur so gayi. Idhar baki sab apne kamo me lage rahe.
Saam ko jab Indu, wapas apne kamre me aayi to Saily bistar par baithi, tej-tej sasen le rahi thi, aur uska pura badan pasine-pasine tha…
Indu…. Teri tabiyat to thik hai na Saily, tu baithe-baithe itna hanf kyon rahi hai.
Saily apne badhwas awaz me boli…. Induuuu, mujhe kuchh talab si lagi hai, sir bhadi ho raha hai, ander se aisa lag raha hai kuchh noch raha hai.
Indu, Saily ki haalat dekh kar, aur uski baten sun kar thode sakte me aa gayi….. “Saily main janti hun uss din disco me kuchh hua tha, kya tum mujhe bataogi. Ho sakta hai tumhari ye haalat ussi wajah se ho rahi ho.
Saily…. Indu, mujhe ander se ajeeb feel ho raha hai, mujhe kuchh do nahi to main mar jaungi.
Indu…. Saily, par kya dun. Tumhe kya chahiye. Uss din aisa kya hua tha, kuchh to batao, sayad main tumhari madad kar sakun.
Saily, thodi asahjta ke sath, uss din uss ladkey ke sath huye wakya ko Indu ke pass bayan kar di. Saily ki baat sun’ne ke baad Indu samjh gayi ki iske sath kya hua tha. Indu ke khyalon ne ye bhi tar jodna shuru kar diye the, ki ho na ho koi jismani rista jaroor kayam hua tha uss raat.
Indu ke dimag ne ek chaal chal di, aur apne pass se rakhe affim ke powder ka packet khol kar Saily ke samne kar di…
Saily….. Yeeee kyaa hai Indu
Indu…. Tumhari bimari ka ilaz, bas isse sungh le, aur apni bechani ko rahat de…
Saily ne dobara koi sawal nahi kiya, aur affim ke powder ko kisi pagal ki tarak sunghne lagi. Nashe se uski aankhen laal ho gayi, sason ne rahat mehsus ki, aur wo kho gayi, kahin nashe me.
Idhar Vasu aur Riti jab se wapas aayi, bas Saily ke bade me he soch rahi thi, ki aakhir usse ho kya gaya tha…. Khair kuchh der ki chinta ke baad dono ne aakhir kar Saily se milne ka mann bana he liya.. Aur jaise he dono Saily ke kamre me dakhil hui, kya khub wiyuh rach dala Indu ne…..
Indu…. Tum dono iss kamre me, ab kya karne aayi ho.
Vasu…. Main tere kamre me nahi aayi, Saily se milne aayi hun, jyada badh-chadh kar baten na kar.
Indu…. Tum bhi jyada apnapan dikhane ka natak mat karo, ye sab jo Saily ke sath hua hai wo tumhari wajah se hua hai…
Vasu… Tu kya nashe me bol rahi hai Indu, jyada bakwas ki to muh tod dungi tera.
Indu…. Kis-kis ka mush todegi, Saily ne apne project ke liye itni mehnat ki, par iss Riti ne uss professior ko apni zism ka offer de kar ye assinment me first prize jit li. Tum logon ki makkari ka natija hai, jo Saily uss din gusse me nikli aur ye sab ho gaya. Arre ander se to chah rahi hogi, ki ye mar kyon nahi gayi ?
Riti, Indu ki baat sunkar bikul ro pari, aise ilzam lagayi thi Indu ne, usse apne aatma par daag lag rahe the. Aakhir koi kaise itni ghatiya soch sakti hai…. Riti roti hui wapas apne kamre me aa gayi, aur takiye se sir chhipa kar phut-phut kar rone lagi….
Vasu bhi Riti ke pichhe-pichhe pahunchi, aur uske sir par hath ferti usse shant karne ki kosis karne lagi. Lekin ye kisi chot ya maar ka dard nahi tha, jo thik ho jata. Indu ki baton ne Riti ke dil par aaghat kiya tha, aur aise jab bewajah ghinaune ilzam lagte hain, to bas dil ko wo baten chir jati hai.
