Anjaan Rahen ~ A Passionate Love – Update 68

Update 68

Dono ne finally than liya, ki Saily ko high-way ki sadak par chhor kar aana hai. Jaldi se dono ne kapdey pahne aur Saily ko bhi kapdey pahna kar le jane ke liye taiyar kar diya….
Dono bahar nikalne he wale the ki flat ki ghanti baji… Ting-tong… Ting-tong
“Ye 2am baje kaun aa gaya, ab kya nayi musibat hai, Rohan dekh kaun aaya hai”
Rohan key hole se jhankta hua….. Yaar Bhawesh koi anjaan aadmi hai. Chhor deta hun soya samjh kar chala jayega…
Do baar phir ghanti baji …. Tng-tong… Ting-tong. Jab darwaja kisi ne nahi khola to ander ek letter darwaje ke niche se aaya… Letter me likha tha….
“Main janta hun, dono jage ho, phir bhi darwaja nahi khola, to 2 min baad main police ko call kar dunga, aage tumhari marji. Tumhara subh-chintak”
Rohan dhime se Bhawesh ko kahta hua… Yaar ab ye kya nayi musibat hai, mera to dimag kharab ho gaya, ek to ye ladki, aur dusra ye aadmi.
Saily ab bhi nashe me jor-jor se apna badan uchhal rahi thi, muh, hath, paun to pahle se he bandh diya tha inl ogon ne, phir bhi nashe me chur Saily kisi machhli ki tarah chatpata rahi thi.
Dono ke pass koi chara nahi tha, jaldi se gate kholte huye usne uss aadmi ko ander liya aur darwaja lock kar diya.
Rohan… Kaun ho tum…
Aadmi… Naam me kya rakha hai, kaam nahi puchhoge kya hai.
Bhawesh… Kya kaam hai ?
Iss se pahle ki dono ko wo aadmi kuchh batata… Usne apni jeb me hath dali, aur apne pocket se injection ko badi furti se nikala, aur dono ke gale me inject kar diya. Dekhte-dekhte dono behosh ho gaye.
Uss aadmi ne apne jeb se do coccin ke powder nikal kar unki mej par rakh diya, khali serinch ko wahin niche jamin par pade Bhawesh aur Rohan ke hath me rakh diya. Ab usne Saily ko bhi ek injection diya jis se Saily behosh ho gayi, aur usse utha kar niche apne gari me le aaya.
Apartment se nikalne se pahle, uss aadmi ne police ko call kar diya, aur usse suchna di ki .. Roopahla aparment ke falt no. 405 me drugs ka abaidh karobaar ho raha hai.
Police ko phone karne ke baad, uss aadmi ne Saily ko ek jhalak dekha… Aur mann me sochne laga…. “Tum to aisi na thi, fir kaise inke changul me phasi”
Mann me sochte huye uss aadmi ne gari aage badha di aur city hospital le kar pahunch gaya Saily ko. City hospital me jab drs ne Saily ka check up kiya to drug over does aur physical relation samne aaye.
Wo aadmi drs se kahta huye… Meri aap se vinti hai madam, drugs over does ke karan accident hua aisa lagna chahiye, kyonki bechari ke sath nashe ka koi fayda utha liya hai, warna ye aisi nahi thi.
Dr…. Main samjh sakti hun, par jab ye subah hosh me aayegi, to iske sath kya hua hai ye samjh jayegi.
Aadmi… To isse kal subah nahi, teen din baad hosh aaye, kuchh aisa kijiye. Kyonki main nahi chahta ki hosh me aane ke baad ye khud se nafrat karne lage, aur ek galat kadam to utha he chuki hai, aur koi dusra galat faisla na kar le.
Dr… Lekin sir, aap ek anjaan ladki ke liye itna sab kyon kar rahe hain.
Aadmi… Madam crime against the women mujhe pasand nahi, aur kisi ki haalat ka najayaj fayda utya jana, aap bataeye kis had tak sahi hai. Mera aap se ek sawal hai… Puchh sakta hun kya?
Dr… Haan haan kyon nahi, puchhiye…
Aadmi…. Aap bhi ek aurat hain, jarra sochiye ki kaisa lagta hai, uss kiye ke liye afsos karna jo aap ne galti me bhi na ki ho, balki aap ki haalat ka najayaj fayada utha kar kiya gaya ho. Karta koi aur hai, aur galat khud ko man’na .. Kahan tak jayaj hai.
Dr… Hmmmm, respect your concern, and must appriciate … Kaash sab aap jaisa sochte. Thik hai, aap befikr rahiye, isse kya, kisi ko pata nahi chalega ki iske sath kya hua tha. Ye mahaj bas ek accidient lagega.
Wo aadmi dr ke shamti milte he wahan se chala gaya, jate jate usne Saily ka mobile usse de diya, aur dr se kahne laga .. “Jo bhi Delhi ke number ho kewal un-par call kijiyega, disre numbers par nahi”
Itna kah kar wo nikal gaya. Idhar Indu ko Saily na mil pane ki wajah se wo padesan hokar, hostel wapas chali aayi. Thodi si naraj aur dari bhi lag rahi thi. Naraj isliye ki Saily bata kar bhi ja sakti thi, aur dari iss wajah se, ki Delhi me kahin koi hadsaa na ho gaya ho…….
Agle din subah-subah, Riti, Gaurav, aur Indu ke moble par dr ka phone aaya. Dr ne unhe Saily ki tatkaal haalat ke bare me bataya aur, unhe hospital aane ke liye kaha.
Sare dost bhagte huye pahunche hospital. Gaurav, rota hua dr ke kadmon me gir gaya aur Saily kaisi hai puchhne laga.
Dr ne sabhi ko bharosa dilaya ki Saily ko mamooli accident hui thi, jis karan se wo shock me chali gayi hai. Majbooran usse 48 ghante tak behosh rakhna hoga, fir wo yahan se ja sakti hai.
Dr ke bharose ne sabki dhadkano ki gati to normal kar di, par Gaurav ko ab bhi chinta sataye ja rahi thi Saily ki, aur wo Saily ki iss haalat ka karan jan’ne ke liye dr ke pass pahunch gaya….
Gaurav… Dr, waise ye sab hua kaise..
Dr…. Sayad koi accident tha, jab aayi to behosh thi, jab usse hosh aa jaye to khud puchh lena.
Gaurav…. Hmmm ! Par dr usse le kar kaun aaya tha ?
Dr…. Ji main nahi janti uske bare me.
Gaurav, thoda aschrya se dekhta hua…. Kaise nahi janti aap, itna bada hospital hai, aur aap admit karwane wale ka naam pata bhi nahi puchhti, yahan ho kya raha hai ye sab. Aap kya chhipane ki kosis kar rahi hain ?
Gaurav ko sanka hua, ki jo aadmi admit karwane laya tha, usne jaroor kuch aisa kiya hai jo drs in logon se chhipana chahte hai, nahi to itne bade hospital me bina naam pate ke kaise admit kar lete.
Phir Gaurav ke dinmag me ye baat bhi ghumne lagi, ki yadi chot mamuli thi to kyon agle 48 ghante tak usse aur behosah kiya gaya hai, jaroor in drs ko baat dabane ke paise mile hain, aur ye log mujh se kuch chhipa rahe hain.
Saily ki chintaon ne aisa Gaurav ka dimag kharab kiya, ki phir wo bhul he gaya, ki kya dr, aur kya hospital … Phir jo hua wo koi hungame se kam nahi tha… Par wo aadmi Gaurav ke sare kosison ke baad bhi ek rahasya he bana hua tha…..